విల్లు వీరుడు సాధించాడు

మన విల్లు వీరుడు సాధించాడు.. తెలుగు కుర్రాడు ధీరజ్‌ బొమ్మదేవర ఆర్చరీ ప్రపంచకప్‌ రికర్వ్‌ వ్యక్తిగత విభాగంలో తొలి స్వర్ణాన్ని కైవసం చేసుకున్నాడు. తుదిపోరులో పారిస్‌ ఒలింపిక్స్‌ కాంస్య పతక విజేతను... తెలుగు ఆర్చర్‌ ధీరజ్‌కు వ్యక్తిగత విభాగంలో తొలి స్వర్ణం మిక్స్‌డ్‌లోనూ పసిడితో ‘గోల్డెన్‌ డబుల్‌’ కైవసం మన విల్లు వీరుడు సాధించాడు..

తెలుగు కుర్రాడు ధీరజ్‌ బొమ్మదేవర ఆర్చరీ ప్రపంచకప్‌ రికర్వ్‌ వ్యక్తిగత విభాగంలో తొలి స్వర్ణాన్ని కైవసం చేసుకున్నాడు. తుదిపోరులో పారిస్‌ ఒలింపిక్స్‌ కాంస్య పతక విజేతను చిత్తు చేసి చాంపియన్‌గా నిలిచాడు. అంతేకాదు.. భారత క్రీడాకారిణి కుంకుమ్‌తో కలిసి మిక్స్‌డ్‌ ఈవెంట్‌లోనూ టైటిల్‌ నెగ్గిన ధీరజ్‌..

ఒకే టోర్నీలో రెండు పసిడి పతకాలతో ‘గోల్డెన్‌ డబుల్‌’ అందుకున్నాడు. అంటాల్య (టర్కీ): ఎన్నాళ్లుగానో ఊరిస్తున్న ప్రపంచకప్‌ వ్యక్తిగత స్వర్ణాన్ని తెలుగు ఆర్చర్‌ ధీరజ్‌ బొమ్మదేవర ఎట్టకేలకు అందుకున్నాడు. ఆదివారం జరిగిన ఆర్చరీ ప్రపంచకప్‌ స్టేజ్‌-3 పోటీల్లో పురుషుల రికర్వ్‌ వ్యక్తిగత విభాగం ఫైనల్లో ధీరజ్‌ 7-3తో దక్షిణ కొరియా స్టార్‌, పారిస్‌ విశ్వక్రీడల కాంస్య పతక విజేత లీ వూ సియోక్‌కు షాకిచ్చాడు.

విజయవాడకు చెందిన 24 ఏళ్ల ధీరజ్‌కు ప్రపంచకప్‌ వ్యక్తిగత విభాగంలో ఇదే తొలి పసిడి పతకం. గతంలో ఈ విభాగం నుంచి అత్యుత్తమంగా మూడు కాంస్యాలు (2023, 24, 25) గెలిచాడు. ఇక, వ్యక్తిగత విభాగం ఫైనల్‌ చేరే క్రమంలో ధీరజ్‌ సెమీఫైనల్లో 6-4తో జర్మనీ ఆర్చర్‌ మోర్టిజ్‌ వీజర్‌ను ఓడించాడు.

అంతకుముందు జరిగిన రికర్వ్‌ మిక్స్‌డ్‌ ఈవెంట్‌లో మహారాష్ట్ర అమ్మాయి కుంకుమ్‌ మొహద్‌ జతగా ధీరజ్‌ స్వర్ణం నెగ్గాడు. టైటిల్‌ పోరులో ధీరజ్‌/కుంకుమ్‌ ద్వయం 5-1తో కొరియా జంట కిమ్‌ జే డియోక్‌/ఓ యే జిన్‌ను కంగుతినిపించింది. 17 ఏళ్ల కుంకుమ్‌కు ఇది రెండో వరల్డ్‌కప్‌ స్వర్ణం.