ప్రపంచంలోనే అత్యంత ధనవంతుడు ఎలన్ మస్క్.. కానీ నివసించేది 400 చదరపు అడుగుల ఇంట్లో

ప్రపంచం మెచ్చిన వ్యాపారవేత్త ఎలాన్ మస్క్. అతడు ప్రపంచంలోనే అత్యంత ధనవంతుడు. ఇప్పుడు ఆయన ప్రపంచంలోనే మొట్టమొదటి ట్రిలియనీర్‌గా కూడా రికార్డు సృష్టించారు. స్పేస్‌ఎక్స్ ఐపీఓ ద్వారా మస్క్ సంపద బాగా పెరిగింది. ఇంత సంపద ఉన్నా ఆయన చాలా చిన్న ఇంట్లో నివసిస్తున్నాడు. కేవలం 400 చదరపు అడుగుల ఇంట్లో మాత్రమే ఉంటున్నాడు. ఎలాన్ మస్క్ ఈ స్థాయికి చేరడానికి టెక్సాస్‌లోని ఈ 400 చదరపు అడుగుల ఇల్లే కారణమని నమ్ముతారు. మస్క్ విజన్, పెట్టుబడులు, లెక్కలకు ఈ చిన్న ఇల్లే నిదర్శనం. ఎలాన్ మస్క్ వ్యాపారం కోసం లక్షల కోట్లు పెట్టుబడిగా పెడతారు. కానీ సొంత ఇంటి కోసం పెద్దగా ఖర్చు చేయరు. పెట్టుబడి పెడితే, దాని నుంచి అంతే స్థాయిలో రాబడి రావాలని భావించే తెలివైన వ్యాపారవేత్త మస్క్. అందుకే విలాసవంతమైన బంగళాలను ఆయన కొనలేదు. మస్క్ విజయం వెనుక ఆయన బిజినెస్ మైండ్ కీలక పాత్ర పోషిస్తుంది. ఎక్కడ పెట్టుబడి పెట్టాలి, ఏది అవసరం, ఏది అనవసరం అనేది ఆయనకు బాగా తెలుసు. విలాసవంతమైన బంగళాలు, వాటికి అయ్యే ఖర్చులకు మస్క్ ప్రాధాన్యత ఇవ్వరు. ఆయన ఆలోచన అంతా వ్యాపారం గురించే. 2020లో ఎలాన్ మస్క్ కాలిఫోర్నియా నుంచి టెక్సాస్‌కు వెళ్లిపోయారు. అప్పుడు కాలిఫోర్నియాలోని తన విలాసవంతమైన ఇంటిని అమ్మేశారు. ఆస్టిన్ సమీపంలో సుమారు 35 బిలియన్ డాలర్ల విలువైన ఆస్తిని కొనుగోలు చేశారు. 2021లో, స్పేస్‌ఎక్స్ యాజమాన్యంలోని భవనంలో ఉన్న ఇంటికి మస్క్ నెలకు 50,000 డాలర్ల అద్దె చెల్లిస్తున్నారు. లివింగ్ ఏరియా, బెడ్‌రూమ్, కిచెన్, టబ్ ఇంకా షవర్‌తో కూడిన బాత్రూమ్. ఇదే ఎలాన్ మస్క్ ఇల్లు. ప్రపంచంలోనే మొట్టమొదటి, ఒకే ఒక ట్రిలియనీర్ అయిన మస్క్ ఇంత చిన్న ఇంట్లో ఉంటున్నాడు. అక్కడినుంచే వ్యాపార ప్రపంచాన్ని శాసిస్తున్నాడు