వన్డేల్లో అత్యంత పరుగులు చేసిన ఆటగాడిగా గిల్ రికార్డ్

Shubman Gill: భారత యువ కెప్టెన్ శుభ్‌మన్ గిల్ వన్డే క్రికెట్‌లో అరుదైన మైలురాయిని అందుకున్నాడు. ఆఫ్ఘనిస్థాన్‌తో జరిగిన మొదటి వన్డేలో అద్భుత ఇన్నింగ్స్‌తో టీమిండియాను గెలిపించడమే కాకుండా.. వన్డే హిస్టరీలోనే అత్యంత వేగంగా 3000 పరుగులు పూర్తి చేసిన తొలి భారతీయ బ్యాటర్‌గా సరికొత్త చరిత్ర సృష్టించాడు. గిల్ కేవలం 62 ఇన్నింగ్స్‌ల్లోనే ఈ ఘనత సాధించడం విశేషం. ఇంతకుముందు ఈ రికార్డు శిఖర్ ధావన్ (72 ఇన్నింగ్స్‌లు), విరాట్ కోహ్లీ (75 ఇన్నింగ్స్‌లు) పేరిట ఉండేది. ఇప్పుడు గిల్ వీరిద్దరినీ అధిగమించాడు. ఇక ప్రపంచవ్యాప్తంగా చూస్తే దక్షిణాఫ్రికా మాజీ ఆటగాడు హషీమ్ ఆమ్లా (57 ఇన్నింగ్స్‌లు) మాత్రమే గిల్ కంటే ముందున్నాడు.\ Read also: IND vs AFG: భారత్ -ఆఫ్ఘనిస్థాన్ తొలి వన్డే..టాస్ గెలిచి బౌలింగ్ ఎంచుకున్న భారత్ వర్షం కారణంగా సుదీర్ఘ సమయం ఆలస్యమవడంతో ఈ మ్యాచ్‌ను 25 ఓవర్లకు కుదించారు. మొదట బ్యాటింగ్ చేసిన ఆఫ్ఘనిస్థాన్ జట్టులో ఓపెనర్ గుర్బాజ్ విధ్వంసకర బ్యాటింగ్‌తో చెలరేగాడు. అతడు కేవలం 51 బంతుల్లోనే 102 పరుగులు చేసి సెంచరీ మార్క్‌ను అందుకున్నాడు. దీంతో ఆఫ్ఘనిస్థాన్ జట్టు నిర్ణీత ఓవర్లలో 194 పరుగులకు ఆలౌట్ అయింది. 195 పరుగుల భారీ లక్ష్యంతో బరిలోకి దిగిన భారత్‌కు కెప్టెన్ శుభ్‌మన్ గిల్ ముందుండి నడిపించాడు. కేవలం 66 బంతులు ఎదుర్కొన్న గిల్.. 11 ఫోర్లు, 2 సిక్సర్ల సహాయంతో 84 పరుగులు చేసి నాటౌట్‌గా నిలిచాడు. అతనికి తోడుగా లోకేశ్ రాహుల్ (19 బంతుల్లో 39 నాటౌట్) ధాటిగా ఆడటంతో, భారత్ మరో 2.3 ఓవర్లు మిగిలి ఉండగానే 7 వికెట్ల తేడాతో ఘన విజయం సాధించింది. ఈ గెలుపుతో మూడు మ్యాచ్‌ల వన్డే సిరీస్‌లో భారత్ 1-0 ఆధిక్యంలోకి వెళ్ళింది. రెండో వన్డే బుధవారం లక్నోలో, చివరి వన్డే జూన్ 20న చెన్నైలో జరగనున్నాయి. Vijay-Rashmika: మాట నిలబెట్టుకున్న విజయ్, రష్మిక..విద్యార్థులకు