మోదీ క్యాబినెట్ లో భారీ ప్రక్షాళన ? వైఫల్యాలపై తీవ్ర వ్యతిరేకత..! ఇప్పుడు కాకపోతే

త్వరలో కేంద్ర కేబినెట్ ప్రక్షాళనకు (Union Cabinet reshuffle) ప్రధాని మోడీ (PM modi) సిద్దమవుతున్నారు. ఇందులో రాజకీయ ప్రయోజనాలను పక్కనబెట్టి, కీలక మార్పులు చేర్పులు చేయాలంటూ తాజాగా ఓ బీజేపీ అనుకూలంగా రచయిత చేసిన సూచనలు దేశవ్యాప్తంగా తీవ్ర చర్చకు దారితీశాయి. ప్రస్తుత కేంద్ర క్యాబినెట్ పూర్తిగా అలసిపోయిందని, పనితీరు సరిగ్గా లేని పనికిరాని శక్తులను తక్షణమే పక్కనబెట్టాలని ఆయన తేల్చిచెప్పేశారు. వారి స్థానంలో కొత్త ముఖాలు, కొత్త ఆలోచనలు ఉన్నవారికి అర్హత ప్రాతిపదికన అవకాశం కల్పించాలని గట్టిగా సూచించారు. అయితే, మోదీ-షా ద్వయం ప్రస్తుత మంత్రులను కదపడానికి లేదా మంత్రివర్గ పునర్వ్యవస్థీకరణ జోలికి వెళ్లడానికి సాహసించలేకపోయారు. ప్రభుత్వ నిర్ణయాల మైలేజ్ అంతా ప్రధాని మోదీకే వెళ్లే క్రమంలో, క్షేత్రస్థాయి వైఫల్యాలకు కేవలం మంత్రులను మాత్రమే ఎలా బాధ్యులను చేస్తారనే ప్రాథమిక ప్రశ్నే ఇందుకు కారణం. Raghav Chadha: కేబినెట్ విస్తరణ వేళ రాఘవ్ చద్దాపై మోడీ కీలక నిర్ణయం..!అధికార కేంద్రంగా పీఎంవో-మంత్రులు నామమాత్రందేశంలో జాతీయ పరీక్షల విధానాన్ని పదే పదే వివాదాల్లోకి నెట్టి లక్షలాది మంది విద్యార్థుల భవిష్యత్తును ప్రశ్నార్థకం చేసిన విద్యాశాఖ మంత్రి ధర్మేంద్ర ప్రధాన్‌ను గానీ, ఆర్థిక మందగమనానికి, పన్నుల భారానికి కారణమంటూ తీవ్ర విమర్శలు ఎదుర్కొంటున్న ఆర్థిక మంత్రి నిర్మలా సీతారామన్‌ను గానీ ప్రధాని మోదీ మంత్రివర్గం నుంచి తొలగించలేకపోతున్నారు. ఎందుకంటే ప్రతి ప్రభుత్వ పథకాన్ని మోదీ తన సొంత పేరుతోనే ప్రచారం చేసుకుంటారు. గతంలో బడ్జెట్ కేటాయింపులకు సంస్కృత పేర్లు పెట్టి, వాటిని మోదీ ప్రత్యేక ఫ్లాగ్‌షిప్ ఐడియాలుగా ప్రచారం చేసిన వ్యూహం ఇప్పుడు పనిచేయడం లేదు. ఈ అతి కేంద్రీకరణే ప్రస్తుతం ప్రభుత్వానికి ఒక పెద్ద సమస్యగా మారింది. నిర్ణయాధికారం అంతా పీఎంఓ చేతుల్లోనే ఉండటంతో మంత్రులు కేవలం నామమాత్రపు అధికారులుగా మిగిలిపోతున్నారు. మోడీ కేబినెట్ నుంచి ఇద్దరు అవుట్ ? విస్తరణకు ముందే షాక్..!కేంద్రం వైఫల్యాలు, పడిపోతున్న ఆర్థిక వ్యవస్థదేశ ఆర్థిక వ్యవస్థ ప్రస్తుతం తీవ్రమైన ఒడిదొడుకులను ఎదుర్కొంటోంది. రూపాయి విలువ అంతర్జాతీయ మార్కెట్లో డాలరుతో పోలిస్తే చారిత్రక కనిష్ట స్థాయికి పడిపోతూ 100 మార్కుకు చేరువవుతుండటంతో.. కేంద్ర ప్రభుత్వం కలలు గన్న 5 ట్రిలియన్ డాలర్ల ఆర్థిక వ్యవస్థ సాకారం కావడం క్లిష్టంగా మారింది. దీనికి తోడు కేంద్ర ప్రభుత్వ ప్రతిష్టాత్మక పథకమైన ప్రధానమంత్రి కౌశల్ వికాస్ యోజన’ కింద శిక్షణ పొందిన వారిలో కేవలం 41 శాతం మందికే ఉపాధి లభించిందని కంట్రోలర్ అండ్ ఆడిటర్ జనరల్ (కాగ్) నివేదిక సంచలన విషయాలను బయటపెట్టింది. దేశంలో నిరుద్యోగ సమస్య ఇలా ఉంటే, విదేశీ ప్రత్యక్ష పెట్టుబడులు పదేళ్ల కనిష్టానికి పడిపోవడంతో ఆర్బీఐ కూడా తీవ్ర ఆందోళన వ్యక్తం చేస్తోంది.రాష్ట్రాల్లో బలహీనమైన నాయకత్వం.. ఢిల్లీ వైపు సీఎంల చూపు కేంద్ర హోం మంత్రి అమిత్ షా కేవలం వ్యక్తిగత విధేయత, ఢిల్లీ ఆదేశాలకు తలొగ్గే నైజం ఆధారంగానే వివిధ రాష్ట్రాల్లో బలహీనమైన ముఖ్యమంత్రులను ఎంపిక చేశారనే బలమైన విమర్శలు ఉన్నాయి. ఈ గందరగోళ పరిస్థితుల మధ్య, ఢిల్లీకి చెందిన బీజేపీ నేత రేఖా గుప్తా గతంలో ఒక సందర్భంలో ఏక్యూఐ (ఎయిర్ క్వాలిటీ ఇండెక్స్) అనేది ఒక రకమైన ఉష్ణోగ్రత మాత్రమే, దీనిని ఏ సాధారణ పరికరంతోనైనా కొలవవచ్చు అని వ్యాఖ్యానించడం అందరినీ ఆశ్చర్యపరిచింది. ఇటువంటి నాయకత్వ లేమి, స్వతంత్రంగా నిర్ణయాలు తీసుకోలేక ప్రతి చిన్న విషయానికి ఢిల్లీ అధిష్టానంపైనే ఆధారపడే ప్రవృత్తి వల్ల రాష్ట్రాల్లో పరిపాలన కుంటుపడటమే కాకుండా దళారులు, సిండికేట్ లాబీయిస్టుల హవా విపరీతంగా పెరిగింది. కేంద్ర కేబినెట్లోకి నితిన్, నితీష్..! ఆ నలుగురూ అవుట్..!వీఐపీలకు ఒక న్యాయం, పేదలకు ఒక న్యాయమా?ఉత్తరప్రదేశ్ రాష్ట్రంలో ఒక సంపన్న వ్యాపారవేత్త లంబోర్గిని కారు ప్రమాదానికి గురైనప్పుడు, బాధితులకు న్యాయం చేయడంలో అధికార యంత్రాంగం వైఫల్యాన్ని సమాజ్‌వాది పార్టీ నేత అఖిలేష్ యాదవ్ తీవ్రంగా ఎండగట్టారు. ఆయన దీనిపై స్పందిస్తూ, ఈ వీఐపీ నిందితులను శిక్షించడానికి ముఖ్యమంత్రి బుల్డోజర్‌ను ఎందుకు పంపలేదు? కేవలం పేదల ఇళ్లపైనే బుల్డోజర్లు నడుస్తాయా? అని ప్రశ్నించారు. ఈ రకమైన పక్షపాత ప్రతిస్పందనలు, బలహీనమైన రాష్ట్ర నాయకత్వం, కేంద్ర నియంత్రణపై అతిగా ఆధారపడే బలహీన వ్యవస్థల కలయిక కారణంగా ప్రస్తుతం అధికార బీజేపీ ప్రతిష్ట క్షేత్రస్థాయిలో క్రమంగా మసకబారుతోంది. అందుకే ఈసారి కేబినెట్ ప్రక్షాళన ప్రధాని మోడీకి తప్పనిసరిగా మారిందని తెలుస్తోంది.