టీ20 ముంబై లీగ్ ఫైనల్లో హైడ్రామా.. లైవ్ మ్యాచ్ లోనే తుక్కుతుక్కు కొట్టుకున్న ఆటగాళ్లు

Watch : ముంబైలోని ప్రసిద్ధ వాంఖెడే స్టేడియం వేదికగా జరిగిన టీ20 ముంబై లీగ్ 2026 ఫైనల్ మ్యాచ్‌లో ఊహించని హైడ్రామా చోటుచేసుకుంది. జూన్ 13న డిఫెండింగ్ ఛాంపియన్ మరాఠా రాయల్స్, ఏఆర్సీఎస్ అంధేరి జట్ల మధ్య జరిగిన ఈ టైటిల్ పోరులో కేవలం క్రికెట్ సమరమే కాకుండా, ఆటగాళ్ల మధ్య తీవ్రమైన ఆగ్రహావేశాలు కూడా బయటపడ్డాయి. ఫైనల్ మ్యాచ్ గెలవాలనే తీవ్రమైన ఒత్తిడి కారణంగా లైవ్ మ్యాచ్ జరుగుతుండగానే ఇరు జట్ల ఆటగాళ్లు మైదానంలోనే ఒకరినొకరు నెట్టుకుంటూ గొడవకు దిగడం సంచలనంగా మారింది. ఈ మ్యాచ్ చివరి ఓవర్లో ఏఆర్సీఎస్ అంధేరి జట్టు విజయానికి 14 పరుగులు అవసరమయ్యాయి. ఈ ఉత్కంఠ సమయాల్లో మరాఠా రాయల్స్ బౌలర్ రోహన్ రాజే అద్భుతమైన లైన్ అండ్ లెంగ్త్‌తో బౌలింగ్ చేసి కేవలం 5 పరుగులు మాత్రమే ఇచ్చాడు. దీనితో మరాఠా రాయల్స్ జట్టు 8 పరుగుల తేడాతో ఘన విజయం సాధించి, వరుసగా రెండోసారి టైటిల్‌ను కైవసం చేసుకుంది. విజయం ఖరారైన వెంటనే బౌలర్ రోహన్ రాజే భావోద్వేగాన్ని ఆపుకోలేక, లార్డ్స్ స్టేడియంలో సౌరవ్ గంగూలీ చేసినట్లుగా తన జెర్సీని విప్పేసి గాల్లోకి ఊపుకుంటూ మైదానమంతా పరుగెత్తాడు. అతనితో పాటు మిగిలిన టీమ్ సభ్యులు కూడా ఈ చారిత్రాత్మక విజయాన్ని ఘనంగా జరుపుకున్నారు. ఈ ఫైనల్ మ్యాచ్‌లో గాడ్ ఆఫ్ క్రికెట్ సచిన్ టెండూల్కర్ కుమారుడు అర్జున్ టెండూల్కర్ ఏఆర్సీఎస్ అంధేరి జట్టు తరఫున బరిలోకి దిగాడు. టాస్ గెలిచి మొదట బ్యాటింగ్ చేసిన మరాఠా రాయల్స్ జట్టును కట్టడి చేయడంలో అర్జున్ కీలక పాత్ర పోషించాడు. అతను తన 4 ఓవర్ల కోటాలో 36 రన్స్ ఇచ్చి 2 ముఖ్యమైన వికెట్లను పడగొట్టాడు. మరాఠా రాయల్స్ జట్టు నిర్ణీత 20 ఓవర్లలో 5 వికెట్ల నష్టానికి 154 పరుగులు చేసింది. ఆ జట్టులో చిన్మయ్ రాజేష్ సుతార్ 52 బంతుల్లో 61 రన్స్