పాపికొండల విహారయాత్ర నిలిపివేత.. ఎందుకంటే

ఆంధ్రప్రదేశ్‌లోని ప్రముఖ పర్యాటక ప్రాంతమైన పాపికొండల విహారయాత్రకు తాత్కాలికంగా బ్రేక్ పడింది. గోదావరి నదిలో ప్రయాణించే పర్యాటక బోట్ల భద్రతపై ఆందోళనలు వ్యక్తమవుతున్న నేపథ్యంలో, ముందుజాగ్రత్త చర్యగా ఈ సర్వీసులను నిలిపివేస్తున్నట్లు అధికారులు ప్రకటించారు. తదుపరి ఆదేశాలు వచ్చే వరకు పర్యాటకులు ఎవరూ పాపికొండల యాత్రకు ప్రణాళికలు వేసుకోవద్దని సూచించారు. ఇటీవల దేవీపట్నం మండలం పరిధిలోని గండిపోశమ్మ అమ్మవారి ఆలయ ఘాట్ నుండి సుమారు 89 మంది పర్యాటకులతో ఒక బోటు పాపికొండల వైపు బయలుదేరింది. అయితే, దేవీపట్నం పాత పోలీస్ స్టేషన్ ప్రాంతానికి చేరుకునే సరికి ఆ బోటులో అకస్మాత్తుగా సాంకేతిక లోపం తలెత్తింది. గమనించిన డ్రైవర్ (సరంగు) వెంటనే అప్రమత్తమై బోటును సురక్షిత ప్రాంతంలో నిలిపివేయడంతో పెద్ద ప్రమాదం తప్పింది. ఈ ఘటనపై పర్యాటకులు తీవ్ర ఆందోళన వ్యక్తం చేయగా, పలువురు ఉన్నతాధికారుల దృష్టికి తీసుకువెళ్లారు. దీనిపై జిల్లా కలెక్టర్ తీవ్రంగా స్పందించారు. నదిలో తిరిగే ప్రతి పర్యాటక బోటుకు సంబంధించిన రక్షణ ప్రమాణాలను, ఫిట్‌నెస్ సర్టిఫికెట్లను తక్షణమే పునఃపరిశీలించాలని ఆదేశాలు జారీ చేశారు. ఈ నేపథ్యంలో రంపచోడవరం ఆర్డీవో స్వాతి ఒక ప్రకటన విడుదల చేస్తూ, బోట్ల సాంకేతిక సామర్థ్యం మరియు ప్రయాణికుల రక్షణ ఏర్పాట్లపై పూర్తిస్థాయి తనిఖీలు చేపట్టనున్నట్లు పేర్కొన్నారు. ఈ తనిఖీలకు సంబంధించిన నివేదిక అందిన తర్వాతే, నిబంధనల ప్రకారం అర్హత ఉన్న బోట్లకు మాత్రమే తిరిగి అనుమతులు ఇస్తామని ఆమె స్పష్టం చేశారు. గతంలో గోదావరి నదిలో జరిగిన పలు ప్రమాదాలను దృష్టిలో ఉంచుకుని సాధారణ ప్రజలు, పర్యాటకులు కూడా అధికారుల నిర్ణయాన్ని స్వాగతిస్తున్నారు. అనుమతులు లేని బోట్లు, నిబంధనలు ఉల్లంఘించే నిర్వాహకులపై కఠినమైన క్రిమినల్ చర్యలు తీసుకోవాలని స్థానికులు డిమాండ్ చేస్తున్నారు. రానున్న రోజుల్లో పూర్తిస్థాయి నాణ్యతా ప్రమాణాల తనిఖీ ముగిసిన తర్వాతే అధికారులు బోట్లకు క్లియరెన్స్ ఇవ్వనున్నారు. భద్రతా ఏర్పాట్లు పక్కాగా ఉన్నాయని నిర్ధారించుకున్నాకే విహారయాత్రను పునఃప్రారంభించే అవకాశం ఉందని పర్యాటక శాఖ