ఏపీకి భారీగా విదేశీ పెట్టుబడులను రాబట్టడమే ధ్యేయంగా నేడు సింగపూర్ కు సీఎం చంద్రబాబు

అరుణ మహరాజు జీ తెలుగు డిజిటల్ మీడియాలో సబ్ ఎడిటర్‌గా పనిచేస్తున్నారు. స్పోర్ట్స్, లైఫ్‌స్టైల్‌, హెల్త్‌, వినోదం, జాతీయ, అంతర్జాతీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు.

Ap Cm Chandrababu Singapore Visit: సీఎం చంద్రబాబు రెండు రోజుల పాటు సింగపూర్‌లో పర్యటించనున్నారు. ఈరోజు ఉదయం 11.35 గంటలకు బెంగళూరు నుంచి సీఎం సింగపూర్‌ బయల్దేరి వెళ్లనున్నారు. సింగపూర్‌ చేరుకున్న అనంతరం 15వ తేదీన అక్కడి కాలమానం ప్రకారం..

ఉదయం 10.30 గంటలకు ఆ దేశంలోని భారత హై కమిషనర్‌ శిల్పక్‌ అంబులేతో మొదటగా ముఖ్యమంత్రి సమావేశం అవుతారు. అనంతరం వరుసగా పలు అంతర్జాతీయ పారిశ్రామిక సంస్థల ప్రతినిధులు, పెట్టుబడిదారులతో సీఎం చంద్రబాబు రౌండ్ టేబుల్ సమావేశాల్లో పాల్గొంటారు.

ఆ తర్వాత రాజధాని అమరావతి రెండో దశ అభివృద్ధికి మాస్టర్‌ప్లాన్ రూపొందిస్తున్న 'సుర్బానా-జురాంగ్' ప్రతినిధులతో సీఎం చంద్రబాబు ప్రత్యేకంగా భేటీ కానున్నారు. అలాగే గూగుల్ క్లౌడ్ ఆసియా పసిఫిక్ అధ్యక్షుడు కరణ్ బజ్వా, యూఎన్ హాబిటాట్ ఎగ్జిక్యూటివ్ డైరెక్టర్ అనాక్లాడియా రాస్బాచ్, సింగపూర్ సీనియర్ మంత్రి లీ యెన్ లింగ్ సహా పలువురు గ్లోబల్ లీడర్లతో చంద్రబాబు సమావేశమై ఆంధ్రప్రదేశ్‌లో పెట్టుబడులకు ఉన్న అవకాశాలను వివరించనున్నారు.

అలాగే సింగపూర్ ప్రధాని లారెన్స్ వాంగ్‌తో కూడా సీఎం చంద్రబాబు భేటీ కానున్నారు. ఈ సమావేశంలో ఆంధ్రప్రదేశ్‌తో ఆర్థిక, సాంకేతిక భాగస్వామ్యాలపై చర్చించనున్నారు. మరోవైపు సింగపూర్ విదేశాంగ మంత్రి వివియన్ బాలకృష్ణన్, హోం మంత్రి కె.

షణ్ముగం, మానవ వనరుల శాఖ మంత్రి టాన్ సీ లెంగ్‌లతో కూడా ఏపీ ప్రతినిధి బృందం సమావేశం కానుంది. ఇక పర్యటనలో రెండో రోజైన జూన్ 16న ఉదయం కాకతీయ కల్చరల్ అసోసియేషన్ నిర్వహించే 'సీటీఎస్@361' కార్యక్రమాన్ని సీఎం చంద్రబాబు ప్రారంభించనున్నారు.