ఈ గుడిలో పూలు కాదు.. గడియారం ఇస్తే మోక్షం! ఎందుకో తెలుసా

భారత దేశంలో చాలా శక్తివంతమైన దేవాలయాలు ఉన్నాయి. ఒక్కోదానికి ఒక్కో ప్రత్యేకత ఉంటుంది. అయితే మధ్యప్రదేశ్‌లోని ఉజ్జయిన్‌లోని ఘడి బాబా దేవాలయం ప్రత్యేకత గురించి చెప్పా్ల్సిన పని లేదు. ఇక్కడ కొబ్బరికాయ, పూలు కాకుండా,గడియారం సమర్పించడం వలన ఏది కోరినా ఆ కోర్కెలు నెరవేరుతాయంట. ఉజ్జయిని నుంచి 40 కిలోమీటర్ల దూరంలో ఉన్న ఈ ఆలయంలో సగ భైరవ మహారాజ్ కొలువై ఉన్నారని, ఈయన ప్రజల కోర్కెలు తీర్చుతారని, అందుకే ఆయనను భైరవ బాబా రూపంగా భావించి నిత్యం పూజుల చేస్తారంట. ఎవరు అయితే ఆయన్ను స్మరిస్తారో, వారి సమస్యలు తొలిగిపోయి, చాలా ఆనందంగా జీవిస్తారంట. అయితే ఇక్కడ ఉన్న విశేషం ఏమిటంటే? గడియారాలను సమర్పించడం. అసలు ఈ గుడిలో గడియాలను ఎందుకు సమర్పిస్తారంటే? ఎవరు అయితే ఏదైనా పని మొదలు పెడితే అది మధ్యలో ఆగిపోతుందో లేదా ఆర్థికపరమైన ఇబ్బందులు, వివాహం ఆలస్యం, సంతానంలో సమస్యలు ఉన్నవారు ఈ బాబాకు గడియారం సమర్పించడం వలన ఆ సమస్యలు అన్నీ తక్షణమే తొలిగిపోతాయని అక్కడి ప్రజల నమ్మకం. అందుకే ఇక్కడ గడియారం సమర్పిస్తారు. కొంత మంది కెరీర్ పరంగా కలిసి రావాలని కోరకుంటారు. అంతే కాకుండా ఇలా ఆలయంలోని చెట్టుకు గడియారం సమర్పించడం వలన తమ జీవితాల్లో చాలా మార్పులు చోటు చేసుకున్నాయని చెప్పుకొస్తుటారు కొందరు భక్తులు. అందువల్లనే చాలా మంది ఈ ఆలయంలోకి వచ్చి గడియారాలను సమర్పిస్తారంట. అంతే కాకుండా ఇక్కడ ఉన్న మరో స్పెషాలిటీ ఏమిటంటే? ఎక్కడైనా సరే ఆలయంలో పూజారి ఉంటారు. కానీ ఇక్కడ పూజారి ఉండరు. భక్తులు తమంతట తామే ఆలయంలోకి వచ్చి మొక్కలు చెల్లించుకొని, గడియారాలను సమర్పిస్తారంట. నోట్ : పై సమాచారం పండితులు, ఇంటర్నెట్ ఆధారంగా మాత్రమే ఇవ్వడం జరిగింది. టీవీ9 తెలుగు దీనిని ధృవీకరించలేదని పాఠకులు గమనించాలి