ఓటీటీలోకి సూపర్ హిట్ ఫ్యామిలీ థ్రిల్లర్ .. ఒక్క కేసు చుట్టూ మూడు సినిమాలు

మోహన్‌ లాల్‌ హీరోగా నటించిన సూపర్‌ హిట్‌ మూవీ `దృశ్యం 3`. జీతూ జోసెఫ్‌ దర్శకత్వంలో రూపొందిన చిత్రమిది. ఇందులో మీనా.. మోహన్‌లాల్‌కి జోడీగా నటించగా, అన్సిబా హసన్‌, ఎస్తర్‌ అనిల్‌, సిద్ధిఖీ, ఆశా శరత్‌ కీలక పాత్రలు పోషించారు.

ఈ మూవీ మలయాళంలో రూపొందింది. మే 21న విడుదలైంది. మలయాళంతోపాటు తెలుగులోనూ విడుదలైంది. కానీ మన ఆడియెన్స్ ని పెద్దగా ఆకట్టుకోలేకపోయింది. కానీ మలయాళంలో మాత్రం బాగానే ఆడింది. అక్కడ పెద్ద హిట్‌ అయ్యింది. మలయాళంలో భారీ వసూళ్లని రాబట్టింది.

ఈ చిత్రం అక్కడ ఏకంగా రూ.200కోట్లు వసూలు చేసింది. మిక్స్ డ్‌ టాక్‌తోనూ అక్కడ ఇంత పెద్ద హిట్‌ కావడం విశేషం. మోహన్‌లాల్‌ ఇమేజ్‌తో ఆడేసిందని చెప్పొచ్చు. మోహన్‌ నటించిన చిత్రాల్లో రెండు వందల కోట్లు సాధించిన సినిమాల జాబితాలో `దృశ్యం 3` కూడా చేరింది.

ఈ మూవీ ఇప్పుడు నెల రోజులకు ముందుగానే ఓటీటీలో రాబోతుంది. థియేట్రికల్‌గా రన్‌ ముగియడంతో ఓటీటీలో రిలీజ్‌ చేస్తున్నారు. వచ్చే వారం ఇది ఓటీటీ ఆడియెన్స్ ని అలరించబోతుంది. `దృశ్యం 3` ఓటీటీ రైట్స్ ని అమెజాన్‌ ప్రైమ్‌ సొంతం చేసుకుంది.

ఈ సినిమా ఈ నెల 18 నుంచి ప్రైమ్‌ వీడియోస్‌లో స్ట్రీమింగ్‌ కాబోతుంది. ఈ మూవీ కోసం ఆడియెన్స్ ఈగర్‌గా వెయిట్‌ చేస్తున్నారు. ఎందుకంటే థియేటర్లో తెలుగు ఆడియెన్స్ పెద్దగా పట్టించుకోలేదు. ఓటీటీ కోసం వెయిట్‌ చేస్తున్నారు. జూన్‌ 18 నుంచి ఇది తెలుగు, తమిళం, కన్నడ, మలయాళంలో స్ట్రీమింగ్ కానుంది.

ఇక `దృశ్యం 3` ఒక మర్డర్‌ కేసు చుట్టూ తిరుగుతుందనే విషయం తెలిసిందే. మొదటి భాగంలో ఒక పోలీస్‌ ఆఫీసర్‌ కొడుకు.. మోహన్‌ లాల్ కూతురితో అసభ్యంగా ప్రవర్తించడంతో అతనిపై దాడి చేస్తుంది. దీంతో అతను చనిపోతాడు. ఆ కేసు నుంచి తన ఫ్యామిలీని కాపాడుకోవడం కోసం హీరో చేసేని పోరాటం, ఎత్తులకు పై ఎత్తులే సినిమా.