ఎన్టీఆర్ లైనప్ లో ఊహించని ట్విస్ట్.. స్టార్ డైరెక్టర్ తో సినిమా రెండేళ్లు పోస్ట్ పోన్

అప్‌డేట్స్ సోషల్ మీడియాలో వైరల్ ఆవుతోంది. కోలీవుడ్ సెన్సేషనల్ డైరెక్టర్ నెల్సన్ దిలీప్ కుమార్ దర్శకత్వంలో ఎన్టీఆర్ ఒక భారీ సినిమా చేయబోతున్నారనే వార్త గత కొంతకాలంగా ఫిల్మ్ నగర్ వర్గాల్లో బలంగా వినిపిస్తోంది. అయితే ఈ ప్రాజెక్ట్ కాస్త డిలే అయ్యాలా ఉందని తెలుస్తుంది.

తాజా సమాచారం ప్రకారం ఎన్టీఆర్ – నెల్సన్ కాంబినేషన్ మూవీ పట్టాలెక్కడానికి చాలా ఎక్కువ సమయం పట్టేలా కనిపిస్తోంది. ఈ క్రేజీ ప్రాజెక్ట్ ఏకంగా 2028వ సంవత్సరానికి వాయిదా పడే అవకాశం ఉందని ఇండస్ట్రీ టాక్. ప్రస్తుతం ‘జైలర్ 2’ చిత్రంతో బిజీగా ఉన్న నెల్సన్.. ఆ తర్వాత కోలీవుడ్ చరిత్రలోనే అత్యంత ప్రతిష్టాత్మకమైన ప్రాజెక్ట్‌గా భావిస్తున్న సూపర్ స్టార్ రజనీకాంత్, ఉలగనాయగన్ కమల్ హాసన్‌లతో ఒక రేర్ మల్టీస్టారర్ చిత్రాన్ని తెరకెక్కించబోతున్నారట. మరోవైపు ఎన్టీఆర్ కూడా తన ముందస్తు కమిట్మెంట్స్ పూర్తి చేసే పనిలో ఉన్నారు. ‘డ్రాగన్’ షూటింగ్ పూర్తయిన వెంటనే, ఎన్టీఆర్ మాటల మాంత్రికుడు త్రివిక్రమ్ శ్రీనివాస్ దర్శకత్వంలో ‘గాడ్ ఆఫ్ వార్’ సినిమా చేయబోతున్నాడు. ‘డ్రాగన్’ ముగిసిన తర్వాత ఎన్టీఆర్ – త్రివిక్రమ్ ప్రాజెక్ట్ సెట్స్ పైకి వెళ్లే గ్యాప్‌లో.. ఇటు నెల్సన్ కూడా రజనీ – కమల్ హాసన్ మల్టీస్టారర్ మూవీని పూర్తి చేయాలని ప్లాన్ చేస్తున్నారట. ఈ రెండు భారీ చిత్రాలు పూర్తవడానికి కనీసం రెండేళ్లకు పైగా సమయం పడుతుంది. ఈ సమీకరణాల వల్లే ఎన్టీఆర్ – నెల్సన్ కాంబో 2028లోనే పట్టాలెక్కే ఛాన్స్ ఉందని సినీ విశ్లేషకులు అంచనా వేస్తున్నారు.