ఒకేసారి 2 బ్యాంకుల నుంచి శుభవార్త.. వడ్డీ రేట్లు పెంపు.. రూ.5 లక్షలు జమ చేస్తే ఎందులో ఎంతొస్తుంది
Samayam Telugu
FD Rate Hike: మంచి రాబడి అందించే బ్యాంకుల్లో మీరు ఫిక్స్డ్ డిపాజిట్ చేయాలనుకుంటున్నారా? అయితే మీకు అదిరే శుభవార్త. ఒకేసారి రెండు బ్యాంకులు ఫిక్స్డ్ డిపాజిట్లపై వడ్డీ రేట్లను పెంచుతున్నట్లు ప్రకటన
చేశాయి. రిజర్వ్ బ్యాంక్ ఆఫ్ ఇండియా (RBI) పాలసీ రేట్లను మార్చకపోయినప్పటికీ ఈ బ్యాంకులు డిపాజిట్ల వడ్డీ రేట్లను పెంచడం గమనార్హం. ఈ జాబితాలో యూనిటీ స్మాల్ ఫైనాన్స్ బ్యాంక్ (Unity Small Finance Bank), ఏయూ స్మాల్ ఫైనాన్స్ బ్యాంక్ ( AU Small Finance Bank ) ఉన్నాయి. ఎంపిక చేసిన టెన్యూర్ డిపాజిట్ల వడ్డీ రేట్లను పెంచినట్లు తెలిపాయి. సవరించిన వడ్డీ రేట్లను జూన్ 11 నుంచే అమలులోకి తీసుకొచ్చాయి. మరి ఆ వివరాలు ఇప్పుడే మనం తెలుసుకుందాం. యూనిటీ స్మాల్ ఫైనాన్స్ బ్యాంక్యూనిటీ స్మాల్ ఫైనాన్స్ బ్యాంకులో 501 రోజుల టెన్యూర్ గల ఫిక్స్డ్ డిపాజిట్ పథకంపై వడ్డీ రేట్లను పెంచింది. సవరించిన వడ్డీ రేట్లను జూన్ 11, 2026 నుంచే అమలులోకి తెచ్చినట్లు ప్రకటించింది. ఈ 501 రోజుల టెన్యూర్ డిపాజిట్ పథకం ద్వారా ప్రస్తుతం సీనియర్ సిటిజన్లకు 8.30 శాతం మేర వడ్డీ రేటు ఆఫర్ చేస్తోంది. అలాగే జనరల్ కస్టమర్లకు అయితే 7.80 శాతం మేర వడ్డీ అందిస్తోంది. ఈ క్రమంలో ఇందులో రూ.5 లక్షలు ఒక సీనియర్ సిటిజన్ డిపాజిట్ చేసినట్లయితే మెచ్యూరిటీ తర్వాత చేతికి రూ.5,59,570 వరకు అందుతాయి. అదే జనరల్ కస్టమర్ అయితే రూ.5 లక్షలపై మెచ్యూరిటీ తర్వాత చేతికి రూ. 5,55,800 వరకు లభిస్తాయి. ఏయూ స్మాల్ ఫైనాన్స్ బ్యాంక్ఏయూ స్మాల్ ఫైనాన్స్ బ్యాంకులో 30 నెలల మెచ్యూరిటీ టెన్యూర్ గల ఫిక్స్డ్ డిపాజిట్లపై వడ్డీ రేటును జనరల్ కస్టమర్లకు 7.25 శాతం నుంచి 7.40 శాతానికి పెంచింది. అలాగే సీనియర్ సిటిజన్లకు వడ్డీ రేట్లను 7.75 శాతం నుంచి 7.90 శాతానికి పెంచింది. సవరించిన ఈ వడ్డీ రేట్లను జూన్ 10, 2026 నుంచే అమలులోకి తెచ్చినట్లు వెల్లడించింది. అయితే, వడ్డీ రేట్ల పెంపు తర్వాత ఒక జనరల్ కస్టమర్ రూ.5 లక్షలు జమ చేస్తే మెచ్యూరిటీ తర్వాత చేతికి రూ. 6,00,740 వరకు వస్తాయి. అదే ఒక సీనియర్ సిటిజన్ రూ.5 లక్షలు జమ చేసినట్లయితే మెచ్యూరిటీ తర్వాత చేతికి రూ. 6,08,130 వరకు వస్తాయి.చాలా మంది స్మాల్ ఫైనాన్స్ బ్యాంకుల్లో ఫిక్స్డ్ డిపాజిట్ చేస్తే సురక్షితం కాదని భావిస్తారు. వడ్డీ రేట్లు తక్కువగా ఉన్నప్పటికీ ఎస్బీఐ, హెచ్డీఎఫ్సీ వంటి పెద్ద బ్యాంకులనే ఎంచుకుంటారు. అయితే, చిన్న బ్యాంకుల్లోనూ రూ.5 లక్షల వరకు డిపాజిటర్ క్రెడిట్ గ్యారెంటీ స్కీమ్ ద్వారా బీమా రక్షణ ఉంటుంది. ఎలాంటి ఆందోళన లేకుండా ఈ బ్యాంకుల్లోనూ డిపాజిట్ చేయవచ్చు. అయితే, తమ సౌలభ్యాన్ని బట్టి, ఆర్థిక అవసరాలను బట్టి నిర్ణయం తీసుకోవాల్సి ఉంటుంది.