ఏళ్ల తర్వాత సూర్యగ్రహణ వింత! టూరిజం రికార్డులు బ్రేక్

(Total Solar Eclipse) పర్యాటక రంగాన్ని ఊపేస్తోంది. ముఖ్యంగా గ్రహణం స్పష్టంగా కనిపించే స్పెయిన్, ఐస్‌లాండ్ దేశాలకు పర్యాటకులు భారీగా పోటెత్తుతున్నారు.స్పెయిన్ ప్రధాన భూభాగంలో దాదాపు 120 ఏళ్ల తర్వాత కనిపిస్తున్న మొదటి సంపూర్ణ సూర్యగ్రహణం ఇదే కావడంతో ఈ ప్రాంతాలకు విమాన బుకింగ్స్ ఒక్కసారిగా రికార్డు స్థాయిలో పెరిగాయి. ప్రముఖ ట్రావెల్ డేటా ప్లాట్‌ఫారమ్ అమడ్యూస్ (Amadeus) వెల్లడించిన తాజా గణాంకాల ప్రకారం.. గత ఏడాది (2025) ఆగస్టుతో పోలిస్తే ఈసారి స్పెయిన్, ఐస్‌లాండ్ దేశాలకు విమాన ప్రయాణాల డిమాండ్ ఏకంగా 25 శాతం పెరిగింది.హోటల్ గదుల రేట్లు 36% పైకి!గ్రహణం కనిపించే రూట్‌లో ఉన్న నగరాల్లో పర్యాటక సందడి ముందే మొదలైంది. ఆగస్టు 7 నుంచి 12వ తేదీల మధ్య విమాన టిక్కెట్లకు విపరీతమైన డిమాండ్ ఏర్పడింది. పర్యాటకుల రాకతో స్పెయిన్, ఐస్‌లాండ్ అంతటా హోటళ్లలో గదుల లభ్యత (Occupancy) గత ఏడాదితో పోలిస్తే 16 శాతం పెరిగింది. డిమాండ్ విపరీతంగా పెరగడంతో హోటళ్లు కూడా రేట్లను భారీగా పెంచేశాయి. హోటళ్ల సగటు రోజువారీ ధర (ADR) ఏకంగా 36 శాతం పెరిగినప్పటికీ, పర్యాటకులు వెనకాడకుండా రూములను బుక్ చేసుకుంటుండటం విశేషం.సంపూర్ణ సూర్య గ్రహణం- కనిపించే దేశాలు ఇవేబిల్‌బావో నగరంలో 366% బుకింగ్స్ సంచలనంగ్రహణం అత్యంత స్పష్టంగా కనిపించే స్పెయిన్‌లోని కొన్ని నగరాలకు పర్యాటకులు క్యూ కడుతున్నారు. ఈ రేసులో స్పెయిన్‌లోని బిల్‌బావో (Bilbao) నగరం సరికొత్త రికార్డు సృష్టించింది. గత ఏడాదితో పోలిస్తే ఇక్కడికి బుకింగ్స్ ఏకంగా 366 శాతం పెరిగాయి. దీని తర్వాత అస్టురియాస్ (Asturias) నగరానికి 292 శాతం, వాలెన్సియా (Valencia) నగరానికి 137 శాతం చొప్పున బుకింగ్స్ పెరిగాయి. ఈ గ్రహణాన్ని చూడటానికి కేవలం స్థానికులే కాదు.. అమెరికా (USA), జపాన్, అర్జెంటీనా, కెనడా వంటి సుదూర దేశాల నుంచి కూడా లక్షలాది మంది పర్యాటకులు వస్తుండటం విశేషం.షార్ట్ ట్రిప్స్, సోలో ట్రావెల్‌కు ఫుల్ క్రేజ్తాజా ట్రావెల్ ట్రెండ్స్ ప్రకారం పర్యాటకులు కేవలం ఈ గ్రహణం కోసమే ప్రత్యేకంగా ప్లాన్ చేసుకుని వస్తున్నారు. ఒకటి నుంచి ఐదు రోజుల లోపు ఉండే షార్ట్ స్టే (Short Stays) ట్రిప్స్ గత ఏడాదితో పోలిస్తే 57 శాతం పెరిగాయి. అలాగే ఒంటరిగా ప్రయాణించే వారి (Solo Travel) సంఖ్య కూడా 48 శాతం పెరిగింది. ఎలాంటి తోడు లేకుండా ఈ ఖగోళ వింతను అనుభవించాలనుకునే వారి సంఖ్య పెరుగుతోందని ఈ డేటా చెబుతోంది. మరోవైపు జంటగా (Couples) వచ్చే వారి బుకింగ్స్ కూడా 18 శాతం పెరిగాయి.Video: 54 నిమిషాల సంపూర్ణ గ్రహణం, అద్భుత దృశ్యంముందే హింట్ ఇచ్చిన చంద్రగ్రహణాలుఖగోళ సంఘటనలపై పర్యాటకుల్లో ఉన్న క్రేజ్ ఈనాటిది కాదు. గత ఏడాది (సెప్టెంబర్ 2025)లో వచ్చిన సంపూర్ణ చంద్రగ్రహణం (బ్లడ్ మూన్), అలాగే ఈ ఏడాది (మార్చి 2026)లో ఉత్తర అమెరికా, ఆస్ట్రేలియా, ఆసియా ప్రాంతాల్లో కనిపించిన చంద్రగ్రహణం సమయంలోనూ ఇదే తరహాలో బుకింగ్స్ ఒక్కసారిగా పెరిగాయి. రాబోయే ఆగస్టు 12న సంభవించే సూర్యగ్రహణ రూట్‌లో బార్సిలోనా, మాడ్రిడ్, శాంతందర్, ఇబిజా, రెక్జావిక్ వంటి కీలక నగరాలు ఉన్నందున, రాగల రోజుల్లో పర్యాటక రంగం మరిన్ని రికార్డులను సృష్టించడం ఖాయంగా కనిపిస్తోంది.