చిరంజీవి చిన్న కూతురు డిప్రెషన్ నుంచి ఎలా బయటపడిందో తెలుసా? శ్రీజ కొణిదెల సంచలన పోస్ట్

జీవితాన్ని ఎలా మార్చేసింది? అనే విషయాలను ఇన్‌స్టాగ్రామ్‌లో వివరించింది. ఇంతకీ శ్రీజ చెప్పిన విషయాలేంటి.

మెగాస్టార్ చిరంజీవి చిన్న కూతురు, రామ్ చరణ్ చెల్లెలు శ్రీజ కొణిదెల ఇన్‌స్టాగ్రామ్‌లో మళ్లీ సంచలనంగా మారాడు. ఫ్యామిలీ ఇష్యూస్ తో గతంలో చాలా సార్లు వార్తల్లో నిలిచిన శ్రీజ.. ఈ సారి మాత్రం వ్యక్తిగత ఎదుగుదల గురించి అద్భుతం స్పీచ్ ఇచ్చి ఆశ్చర్యపరిచింది. తన అనుభవాలను సోషల్ మీడియాలో షేర్ చేసి ఆమె అందరి దృష్టిని ఆకర్షించారు. ఇటీవల ఇన్‌స్టాగ్రామ్‌లో ఒక వీడియో షేర్ చేసిన శ్రీజ, తన జీవితంలోని నొప్పి, సంఘర్షణ, మానసిక స్థితి గురించి చాలా ఓపెన్‌గా మాట్లాడారు.

చాలా కాలంగా తనను తాను ఒక 'బాధితురాలిని' అని భావించానని, కానీ 15 నెలల 'సెల్ఫ్ మాస్టరీ ప్రాజెక్ట్' తన ఆలోచనా విధానాన్ని పూర్తిగా మార్చేసిందని ఆమె చెప్పుకొచ్చారు. శ్రీజ కొణిదెల తన వీడియోలో మాట్లాడుతూ.. "నా జీవితాంతం 'నాకే ఎందుకిలా జరుగుతోంది?' అనే ప్రశ్న నన్ను వెంటాడేది. కానీ ఇప్పుడు నేను ఆ మానసిక స్థితి నుంచి బయటపడ్డాను. జీవితం అంటే కేవలం మనకు జరిగే సంఘటనలు కాదు, దానిని మనమే తీర్చిదిద్దుకోవచ్చని ఇప్పుడు అర్థం చేసుకున్నాను" అని చెప్పారు.

తన బాధ, సంఘర్షణలే చాలా కాలం పాటు తన గుర్తింపుగా ఉండేవని శ్రీజ అంగీకరించారు. "నా జీవితం మొత్తాన్ని నా బాధతో, గతంతో ముడిపెట్టుకుని బతికాను. కానీ నాకు జరిగిన చెడు సంఘటనలే నేను కాదు అని ఇప్పుడు తెలుసుకున్నాను" అని ఆమె అన్నారు. 'Sacred Paths' అనే సంస్థ నిర్వహించిన 'సెల్ఫ్ మాస్టరీ ప్రాజెక్ట్'లో పాల్గొనడం తన ఆలోచనలను మార్చిందని శ్రీజ తెలిపారు. ఈ కార్యక్రమం తర్వాత, ఆమె తనను తాను కొత్త కోణంలో చూడటం ప్రారంభించారు.

శ్రీజ వ్యక్తిగత జీవితంలో ఎన్నో ఒడిదొడుకులను ఫేస్ చేసింది. 2007లో, తన 19వ ఏట, కుటుంబ వ్యతిరేకంగా నిర్ణయం తీసుకుని.. తను ప్రేమించిన శిరీష్ భరద్వాజ్‌ను పెళ్లి చేసుకుంది. హైదరాబాద్‌లోని ఆర్య సమాజ్‌లో ఇద్దరూ పెళ్లి చేసుకున్నప్పుడు, మెగాస్టార్ చిరంజీవి కూతురు ఇల్లు వదిలి పారిపోయి పెళ్లి చేసుకుని, మీడియా, పోలీసుల రక్షణ కోరడం అప్పట్లో దేశవ్యాప్తంగా పెద్ద చర్చనీయాంశమైంది.

2008లో, 20 ఏళ్ల వయసులో శ్రీజ.. నివృతి భరద్వాజ్ అనే కూతురికి జన్మనిచ్చారు. 2011లో భర్త శిరీష్ వరకట్న వేధింపులకు గురిచేస్తున్నాడని, హింసిస్తున్నాడని ఆరోపిస్తూ ఆమె పుట్టింటికి తిరిగి వచ్చారు. 2014లో ఇద్దరూ విడాకులు తీసుకున్నారు.

2016లో, శ్రీజ తన చిన్ననాటి స్నేహితుడు, వ్యాపారవేత్త అయిన కళ్యాణ్ దేవ్‌ను రెండో పెళ్లి చేసుకున్నారు. 2018లో వీరికి నవిష్క అనే కూతురు పుట్టింది. 2022లో, ఈ జంట కొన్ని తెలియని కారణాల వల్ల విడిపోయారు. 2023లో తాము విడిపోయినట్లు కళ్యాణ్ దేవ్ స్వయంగా ధృవీకరించారు. 2024లో శ్రీజ మొదటి భర్త శిరీష్ మరణించారు.

శ్రీజతో పాటు చిరంజీవికి సుస్మిత కొణిదెల అనే మరో కూతురు కూడా ఉన్నారు. సుస్మిత 2006లో వ్యాపారవేత్త ఎల్.వి. విష్ణు ప్రసాద్‌ను పెళ్లి చేసుకున్నారు. ఈ దంపతులకు సమారా, శమిత అనే ఇద్దరు కూతుళ్లు ఉన్నారు. ఇక చిరంజీవి కొడుకు, సూపర్‌స్టార్ రామ్ చరణ్.. ఉపాసనను పెళ్లి చేసుకున్నారు. ఈ దంపతులకు క్లిన్ కారా, అన్విరాదేవి, శివరామ్ అనే ముగ్గురు పిల్లలు ఉన్నారు.