డ్యాన్స్ తో అదరగొట్టిన బాలయ్య చిన్న కూతురు.. వీడియో వైరల్

నందమూరి నటసింహం, ఎమ్మెల్యే బాలకృష్ణ చిన్న కుమార్తె తేజస్విని తన డ్యాన్స్ టాలెంట్‌తో అందరినీ ఆశ్చర్యపరిచారు. ఓ పాటకు ఆమె వేసిన స్టెప్పులకు సంబంధించిన వీడియో ఒకటి ప్రస్తుతం సోషల్ మీడియాలో విపరీతంగా వైరల్ అవుతోంది. సాధారణంగా ప్రచారానికి, సినిమా వెలుగులకు దూరంగా ఉండే తేజస్విని.. ఇంత గొప్పగా డ్యాన్స్ చేయడంతో నెటిజన్లు ప్రశంసలు కురిపిస్తున్నారు.ఈ వీడియోలో, ఓ పాపులర్ పాటకు తేజస్విని ఎంతో సమన్వయంతో, ఉత్సాహంగా స్టెప్పులు వేశారు. తేజస్విని ముఖంలో చక్కటి హుందాతనం, ఎనర్జీ కనిపించాయి. ఆమె హుషారైన డ్యాన్స్ తాజాగా, చూడముచ్చటగా ఉందని సోషల్ మీడియాలో కామెంట్లు వెల్లువెత్తుతున్నాయి.66 ఏళ్ల వయసులోనూ తన ఎనర్జిటిక్ డ్యాన్సులతో ప్రేక్షకులను ఉర్రూతలూగించే బాలయ్యకు తేజస్విని కూతురు కావడంతో, ఆమెకు ఈ టాలెంట్ రావడం సహజమేనని అభిమానులు కామెంట్లు చేస్తున్నారు. గతంలో తేజస్విని ఓ టెలివిజన్ యాడ్‌లో కనిపించినప్పటికీ, నటన వైపు రాలేదు. ఇప్పుడు ఈ డ్యాన్స్ వీడియోతో నందమూరి కుటుంబంలో మరో టాలెంట్ బయటపడిందని నెటిజన్లు చర్చించుకుంటున్నారు.ప్రముఖ విద్యావేత్త, మాజీ టీడీపీ ఎంపీ ఎంవీవీఎస్ మూర్తి మనవడైన శ్రీ భరత్‌ను తేజస్విని దశాబ్దం క్రితం వివాహం చేసుకున్న విషయం తెలిసిందే. అప్పటి నుంచి కుటుంబ కార్యక్రమాలకు మాత్రమే పరిమితమైన తేజస్విని, ఇలా అకస్మాత్తుగా తనలోని డ్యాన్స్ ప్రతిభను బయటపెట్టడం నందమూరి అభిమానులకు ఆనందాన్ని పంచుతోంది