మధ్య గ్యాప్ లేదింక! - తెలుగు సినిమా న్యూస్, రివ్యూస్

. మొత్తానికి ఆ టైమ్ రానే వచ్చింది.

‘పెద్ది’ సినిమా అదిరిపోయిందంటూ మెచ్చుకున్నాడు అల్లు అర్జున్. సినిమాను, ఆర్టిస్టుల్ని, టెక్నీషియన్లను మెచ్చుకుంటూ సుదీర్ఘంగా పోస్టుపెట్టాడు. మరీ ముఖ్యంగా రామ్ చరణ్ నటన మైండ్ బ్లోయింగ్ అంటూ పొగిడేశాడు.

నిన్న రాత్రి ‘పెద్ది’ సినిమా చూశాడు బన్నీ. సినిమాలో చరణ్ నటనతో పాటు, అతడి మేకోవర్, డాన్స్ అద్భుతంగా ఉన్నాయని మెచ్చుకున్నాడు. చరణ్ ను చూస్తే గర్వంగా ఉందన్నాడు.

దర్శకుడు బుచ్చిబాబు, ప్రతి పాత్రను ఎలివేట్ చేస్తూ సినిమాను చాలా బాగా తీశాడంటూ మెచ్చుకున్నాడు బన్నీ. ఈ సందర్భంగా హీరోయిన్ జాన్వి కపూర్ కు, జగపతిబాబుకు కూడా శుభాకాంక్షలు తెలిపాడు.

బన్నీ మెచ్చుకోలుతో మెగా ఫ్యాన్స్ పండగ చేసుకుంటున్నారు. చరణ్-బన్నీ మధ్య గ్యాప్ అంటూ ఎప్పటికప్పుడు ఊహాగానాలు చెలరేగుతున్న నేపథ్యంలో, చరణ్ ను మెచ్చుకుంటూ అల్లు అర్జున్ పెట్టిన పోస్టు, మెగా కాంపౌండ్ హీరోల సహృద్భావానికి ఉదాహరణగా నిలిచింది.