బైక్ ను ఢీకొట్టిన డోజర్.. కొడుకు మృతి, తండ్రికి తీవ్ర గాయాలు

ప్రసాద్ తెలిపిన వివరాల ప్రకారం.. పాత సారపాకకు చెందిన చెలికాని ప్రవీణ్, గణేష్ తండ్రీకొడుకులు. చందు బజార్‌లో ఓ శుభకార్యానికి హాజరై తిరిగి ద్విచక్రవాహనంపై ఇంటికి వెళ్తుండ‌గా మోతే పట్టీనగర్ వైపు నుండి వస్తున్న డోజర్(బుల్) ద్విచక్రవాహనాన్ని ఢీకొట్టింది. ఈ ప్రమాదంలో చెలికాని గణేష్(15) అక్కడికక్కడే మృతిచెందగా తండ్రి ప్రవీణ్ కు తీవ్రగాయాలయ్యాయి. క్షతగాత్రుడిని చికిత్స కోసం భద్రాచలం తరలించారు. గ‌ణేష్ బాబాయి చెలికాని లక్ష్మణ్ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.