బాక్సాఫీస్ వద్ద పెద్ది’ కలెక్షన్ల సునామీ.. ఫస్ట్ వీకెండ్ లో కళ్లుచెదిరే కలెక్షన్లతో సరికొత్త రికార్డు

మేకర్స్, వెంకట సతీష్ కిలారు, ఇషాన్‌ సక్సేనా ప్రతిష్టాత్మకంగా నిర్మించిన ఈ చిత్రానికి ఆస్కార్ విజేత ఏ.ఆర్. రెహమాన్ అందించిన మ్యూజిక్, రత్నవేలు సినిమాటోగ్రఫీ ప్రధాన ఆకర్షణగా నిలిచాయి.* తన తప్పేమీలేదు... డైరెక్టర్ చెప్పినట్లు చేసింది అంతే: అచ్చియమ్మకు అండగా అప్పలసూరి బాక్సాఫీస్ వద్ద ఈ చిత్రం మొదటి రోజు నుంచే కలెక్షన్ల సునామీ సృష్టించింది. రామ్‌చరణ్ మాస్ స్టామినాతో తొలి రోజే ఏకంగా రూ.135.36 కోట్ల భారీ ఓపెనింగ్స్‌తో ట్రేడ్ వర్గాలను సైతం ఆశ్చర్యపరిచింది. ఆ తర్వాత కూడా అదే జోరును కొనసాగిస్తూ రెండో రోజు రూ.46.44 కోట్లు, మూడో రోజు రూ.54.90 కోట్లు రాబట్టింది. కేవలం 3 రోజుల్లోనే రూ.236.7 కోట్లు సాధించిన ఈ చిత్రం, ఆదివారం (నాలుగో రోజు) కూడా భారీ వసూళ్లను సాధించింది. తాజాగా ఈ సినిమా మొదటి వీకెండ్ కలెక్షన్ల వివరాలను మేకర్స్ అధికారికంగా ప్రకటించారు. "బాక్సాఫీస్ ఛాంపియన్ 'పెద్ది' మొదటి వీకెండ్‌లోనే ప్రపంచవ్యాప్తంగా రూ.292.5 కోట్ల గ్రాస్ వసూళ్లను సాధించి సరికొత్త బ్లాక్‌బస్టర్ రికార్డు క్రియేట్ చేసింది" అంటూ నిర్మాణ సంస్థ వృద్ధి సినిమాస్ అధికారికంగా ట్వీట్ చేసింది. ముఖ్యంగా ఓవర్సీస్ మార్కెట్‌లో రామ్‌చరణ్ బాక్సాఫీస్ స్టామినా మరోసారి ఈ కలెక్షన్ల ద్వారా నిరూపితమైంది. ఫస్ట్ వీకెండ్‌ గట్టిగానే కలెక్షన్లు రాబట్టినా సోమవారం నుంచి ‘పెద్ది’కి అసలు సిసలు పరీక్ష ఎదురుకానుంది. వీక్ డేస్‌లో కూడా ఇదే రోజు కొనసాగిస్తే మాత్రం సెకండ్ వీకెండ్ వచ్చేసరికి రూ.500 కోట్ల క్లబ్‌లోకి ఎంట్రీ ఇచ్చినా పెద్దగా ఆశ్చర్యపడనక్కర్లేదు. ఈ సినిమాలో రామ్‌చరణ్ సరసన బాలీవుడ్ బ్యూటీ జాన్వీ కపూర్ ‘అచ్చీయమ్మ’ అనే నల్లటి ఛాయ గల పల్లెటూరి యువతి పాత్రలో నటించింది. వీరితో పాటు కన్నడ స్టార్ శివరాజ్‌కుమార్ కోచ్‌గా, జగపతిబాబు అప్పలసూరిగా, దివ్యేందు శర్మ కీలక పాత్రల్లో మెరిశారు. అయితే సినిమా విడుదలయ్యాక సోషల్ మీడియాలో జాన్వీ కపూర్ క్యారెక్టరైజేషన్‌పై కొంత కాంట్రవర్సీ నడిచింది. ఈ విషయంలో కొందరు హీరోయిన్లు జాన్వీకి మద్దతుగా నిలిచారు. దీనిపై సీనియర్ నటుడు జగపతిబాబు గట్టిగా స్పందిస్తూ.. దర్శకుడు చెప్పినట్లే జాన్వీ తన పాత్రకు పూర్తి న్యాయం చేసిందని, ఆర్టిస్టులను ఇలా వ్యక్తిగతంగా టార్గెట్ చేసి మానసికంగా ఇబ్బంది పెట్టవద్దని జాన్వీకి మద్దతుగా నిలిచారు. ఈ చిన్న కాంట్రవర్సీ మినహాయిస్తే ‘పెద్ది’ చిత్రానికి అన్ని వర్గాల నుండి అద్భుతమైన టాక్ లభిస్తోంది. * సినీ రంగానికి విజయ్ ఆంటోనీ గుడ్‌బై?... చెన్నైని వదిలి పల్లెటూరిలో సెటిల్ అయ్యేందుకు ప్లాన్ విజయనగరం జిల్లాలోని 'కొండకింద ఊరు' అనే ఒక మారుమూల గిరిజన గ్రామం నేపథ్యంలో ఈ కథ సాగుతుంది. ఆ ఊరి ప్రజలకు కనీస గుర్తింపు, రవాణా సౌకర్యాలు, చివరికి ఓటు హక్కు కూడా ఉండదు. అలాంటి గుర్తింపు సంక్షోభంలో ఉన్న తన గ్రామం కోసం, తమ హక్కుల కోసం పెద్ది (రామ్‌చరణ్) అనే యువకుడు క్రీడల ద్వారా ఎలా పోరాడాడు?, క్రీడాకారుడిగా అంతర్జాతీయ స్థాయికి ఎదిగి తన ఊరి సమస్యను ఎలా పరిష్కరించాడు? అనే ఒక ఎమోషనల్ స్పోర్ట్స్ బయోపిక్ తరహాలో దర్శకుడు బుచ్చిబాబు ఈ చిత్రాన్ని అద్భుతంగా ఆవిష్కరించారు.