ఆయ న ఎప్పుడూ ఆశ్చ ర్య ప రుస్తూనే ఉంటారు

కొనసాగుతున్న తమ అనుబంధాన్ని గుర్తు చేసుకుంటూ ఆసక్తికర విషయాలను పంచుకున్నారు. 94 ఏళ్ల వయసులోనూ కొత్త ఆలోచనలతో ముందుకు సాగుతున్న సింగీతం సృజనాత్మకత తనను ఎప్పుడూ ఆశ్చర్యపరుస్తూనే ఉంటుందని ఆయన అన్నారు. వయసు పెరిగినా ఆలోచనల్లో మాత్రం యూత్ కంటే ముందుండే వ్యక్తిగా సింగీతాన్ని అభివర్ణించారు.

తన సినీ ప్రయాణ ప్రారంభ దశలోనే సింగీతంతో పరిచయం ఏర్పడిందని కమల్ తెలిపారు. ఆ రోజుల్లో జరిగిన చర్చల నుంచే పుట్టిన కొన్ని కథా ఆలోచనలు తర్వాత క్లాసిక్ సినిమాలుగా మారాయని చెప్పారు. కాలం మారినా గొప్ప ఆలోచనలకు గడువు ఉండదని, సరైన సందర్భం వచ్చినప్పుడు అవి ప్రేక్షకుల ముందుకు వస్తాయని వ్యాఖ్యానించారు. సింగీతం ఆలోచనా విధానం ఎప్పుడూ సంప్రదాయాలకు భిన్నంగా ఉండేదని, అందుకే ఆయన సినిమాలు తరాల తరబడి గుర్తుండిపోతున్నాయని పేర్కొన్నారు.

ఇక పాత సినిమాల షూటింగ్ టైమ్ లో ఎదురైన టెక్నిక‌ల్ ఛాలెంజెస్ ను గుర్తు చేసుకున్న కమల్, నేటి సాంకేతిక సౌకర్యాలు లేని రోజుల్లో ఎంతో కష్టపడి సినిమాలు రూపొందించాల్సి వచ్చేదని చెప్పారు. కొన్ని కీలక నిర్ణయాల వల్లే తమ కెరీర్‌లోని కొన్ని క్లాసిక్ సినిమాలు స‌క్సెస్ అయ్యాయ‌ని వెల్లడించారు. ముందుగానే అవకాశం లభించి ఉంటే ఈ సినిమా టీమ్ లో తాను కూడా భాగస్వామి అయ్యేవాడినని చెప్పడం సభలో ప్రత్యేక ఆకర్షణగా నిలిచింది. గురు-శిష్యుల మధ్య ఉన్న అరుదైన బంధాన్ని కమల్ ప్రసంగం మరోసారి ప్రేక్షకులకు గుర్తు చేసింది.