టోర్నీ ప్రారంభానికి ముందే 2 లక్షల టికెట్లు.. ఉమెన్స్ టీ20 వరల్డ్ కప్ పై భారీ హైప్, షెడ్యూల్

అమ్ముడయ్యాయి. ఉమెన్స్ క్రికెట్ చరిత్రలో ఇప్పటివరకు ఇదే రికార్డు బుకింగ్. గతంలో ఏ టీ20 వరల్డ్‌కప్‌లో కూడా ఇలాంటి సేల్స్ నమోదవ్వలేదు. టోర్నీ ప్రారంభానికి ముందే ఐసీసీ ఉమెన్స్ టీ20 వరల్డ్‌కప్‌పై అభిమానులు ఉత్సాహంగా ఉన్నారు అని చెప్పడానికి ఈ టికెట్ల విక్రయమే నిదర్శనం. టోర్నీ ప్రారంభానికి ఇంకో ఐదు రోజులు ఉందనగా ఐసీసీ టీ20 కెప్టెన్లతో ఫొటోషూట్ నిర్వహించింది. టోర్నీలో పాల్గొనే 12 దేశాల క్రికెట జట్ల కెప్టెన్లు ఈ కార్యక్రమానికి హాజరయ్యారు. ఐసీసీ టీ 20 వరల్డ్ కప్ 2026 ట్రోఫీతో ఫొటోలు దిగారు. ఈ టోర్నీ ఇంగ్లండ్ వేదికగా జరగనుండటం కూడా అభిమానులను ఆకట్టుకోవడానికి ఒక కారణం. లండన్‌లో జరిగిన కెప్టెన్ల మీట్‌‌కు అభిమానులు ఎక్కువ మంది రావడంపై ఐసీసీ డైరెక్టర్, ఇంగ్లండ్ క్రికెట్ బోర్డ్ ఛైర్మన్ రిచర్డ్ థామ్సన్ ఆనందం వ్యక్తం చేశాడు. మహిళల క్రికెట్ భవిష్యత్తులో ఎలా ముందుకు సాగుతుందో చెప్పడానికి ఇదే నిదర్శనమని ఆయన కొనియాడారు. మహిళల టీ20 వరల్డ్‌కప్ షెడ్యూల్ఇంగ్లండ్ వేదికగా ఐసీసీ ఉమెన్స్ టీ20 వరల్డ్‌కప్ 2026 ప్రారంభం కానుంది. జూన్ 12 నుంచి జూలై 5 వరకు ఈ మెగా టోర్నీ జరగనుంది. మొత్తం 12 జట్లు పాల్గొనే ఈ టోర్నీపై ఇప్పటికే భారీ అంచనాలు ఉన్నాయి. ఐసీసీ ఉమెన్స్ వరల్డ్‌‌కప్ సొంతం చేసుకున్న భారత్.. టీ20 వరల్డ్‌కప్ కూడా కైవసం చేసుకోవాలని చూస్తోంది. తొలి మ్యాచ్ జూన్ 12న ఇంగ్లండ్ - శ్రీలంక దేశాల మధ్య జరగనుంది. మొత్తం 33 మ్యాచ్‌లు జరిగే ఈ టోర్నీలో జూలై తొలి వారంలో సెమీ ఫైనల్స్, జూలై 5న లార్డ్స్‌లో ఫైనల్స్ నిర్వహించనున్నారు. మొత్తం రెండు గ్రూప్‌లు విభజించి మ్యాచ్‌లు నిర్వహిస్తున్నారు. గ్రూప్ 1లో భారత్, ఆస్ట్రేలియా, సౌతాఫ్రికా, పాకిస్తాన్, బంగ్లాదేశ్ నెదర్లాండ్స్. గ్రూప్ 2లో ఇంగ్లండ్, న్యూజిలాండ్, వెస్టిండీస్, శ్రీలంక, ఐర్లాండ్, స్కాట్లాండ్ జట్లు ఉన్నాయి. టీమిండియా మ్యాచ్‌లుఈ టోర్నీలో అత్యంత ఆసక్తికర మ్యాచ్ అయిన భారత్ - పాకిస్థాన్ మ్యాచ్ కోసం ప్రపంచ దేశాలు ఆసక్తిగా ఎదురుచూస్తున్నాయి. టోర్నీలో తన తొలి మ్యాచ్‌లో భారత్ చిరకాల ప్రత్యర్థి పాకిస్థాన్‌తో జూన్ 14న బర్మింగ్‌హామ్ వేదికగా తలపడనుంది. జూన్ 17న నెదర్లాండ్స్‌తో, జూన్ 21న సౌతాఫ్రికా, జూన్ 25న బంగ్లాదేశ్, జూన్ 28న ఆస్ట్రేలియాతో భారత్ తలపడనుంది.