రేపు ఇండియా కూటమి సమావేశం.. డీఎంకే దూరం.. హాజరుకానున్న టీవీకే

.

ప్రతిపక్షాల ఇండియా కూటమి సోమవారం న్యూఢిల్లీలో కీలక సమావేశం నిర్వహించనుంది. ఇటీవల జరిగిన అసెంబ్లీ ఎన్నికల్లో పలు భాగస్వామ్య పార్టీలు ఎదురుదెబ్బల తిన్న తర్వాత జరగనున్న తొలి ప్రధాన సమావేశం ఇదే. ఈ సమావేశంలో కూటమి భవిష్యత్ వ్యూహం, ఐక్యత, బీజేపీకి వ్యతిరేకంగా ఉమ్మడి కార్యాచరణపై చర్చించనున్నారు. ఈ సమావేశానికి సుమారు 23 ప్రతిపక్ష పార్టీలు హాజరుకానున్నట్లు సమాచారం (INDIA bloc meeting).

మమతా బెనర్జీ నేతృత్వంలోని తృణమూల్ కాంగ్రెస్ కూడా ఈ సమావేశంలో పాల్గొంటోంది. అయితే కూటమిలో కీలక భాగస్వామిగా ఉన్న డీఎంకే మాత్రం ఈ సమావేశానికి దూరంగా ఉండాలని నిర్ణయించింది. అలాగే గత కొన్నాళ్లుగా ఇండియా కూటమికి దూరంగా ఉంటున్న ఆప్ కూడా ఈ సమావేశానికి దూరంగా ఉండే అవకాశం కనిపిస్తోంది. ఇక, తమిళనాడులో ప్రభుత్వం ఏర్పాటు చేసిన విజయ్ నేతృత్వంలోని టీవీకే ఈ సమావేశానికి హాజరుకాబోతున్నట్టు వార్తలు వస్తున్నాయి (Opposition alliance).

టీవీకేను ఇండియా కూటమిలో చేర్చుకోవడంతో గుర్రుగా ఉన్న డీఎంకే ఈ సమావేశానికి దూరంగా ఉండాలని నిర్ణయించుకుంది (DMK exit). తమిళనాడు ఎన్నికల ఫలితాల అనంతరం కాంగ్రెస్ పార్టీ, విజయ్ నేతృత్వంలోని టీవీకేకు మద్దతు ఇవ్వడాన్ని డీఎంకే వ్యతిరేకించింది. అలాగే ఈ సమావేశానికి ముందు కాంగ్రెస్, వామపక్షాల మధ్య విభేదాలు కూడా బయటపడ్డాయి. కేరళ ఎన్నికల ప్రచారంలో పరస్పరం చేసుకున్న ఆరోపణలపై సీపీఎం, కాంగ్రెస్ నుంచి వివరణ కోరింది.

మోదీ ఇచ్చిన వజ్రాన్ని కొనాలనుకున్నా.. కానీ..: జిల్ బైడెన్..

భారత్‌తో కొత్త అధ్యాయానికి సిద్ధం: నేపాల్ విదేశాంగ మంత్రి