అదే పనిగా రీల్స్ చూస్తున్నారా? కచ్చితంగా ఏం జరుగుతుందో చెప్పిన నిపుణులు

. షార్ట్ ఫామ్ కంటెంట్ వల్ల కలిగే దుష్ప్రభావాలపై వారు ఆందోళన వ్యక్తం చేస్తున్నారు.సాధారణంగా చిన్న స్క్రీన్‌లను అతి దగ్గరగా, ఏకధాటిగా చూడటం వల్ల కనురెప్పలు ఆర్పడం తగ్గిపోతుంది. దీనివల్ల కళ్లు పొడిబారి మంట, దురద, నొప్పి వంటి సమస్యలు వస్తాయి. అంతేకాకుండా, నిరంతరం స్క్రీన్‌పై దృష్టి పెట్టడం వల్ల కంటి కండరాలు అలసిపోయి 'డిజిటల్ ఐ స్ట్రెయిన్'కు దారితీస్తుంది. ఇది చూపు మసకబారడానికి కారణమవుతుంది. ముఖ్యంగా పిల్లల్లో ఈ సమస్య 'మయోపియా' (సమీప దృష్టి లోపం) పెరిగేందుకు దోహదపడుతుంది.కేవలం శారీరకంగానే కాకుండా, మానసికంగానూ ఈ షార్ట్ వీడియోలు ప్రభావం చూపుతాయని నిపుణులు చెబుతున్నారు. అత్యంత వేగవంతమైన కదలికలు, రంగులు, శబ్దాలు మన మెదడుపై భారం మోపి 'సెన్సరీ ఓవర్‌లోడ్'కు కారణమవుతాయి. దీని ఫలితంగా చిరాకు, ఏకాగ్రత లోపం వంటివి పెరుగుతాయి. వేగంగా మారిపోయే దృశ్యాలకు అలవాటుపడిన మెదడు, నెమ్మదిగా సాగే పనులపై దృష్టి పెట్టలేదు. దీనినే 'విజువల్ ఇంపేషెన్స్' అంటారు. దీనివల్ల పుస్తకాలు లేదా పెద్ద పెద్ద ఆర్టికల్స్ చదవడం కష్టంగా మారుతుంది.ఈ డిజిటల్ అలసట నుంచి కళ్లను కాపాడుకోవడానికి నిపుణులు కొన్ని సూచనలు చేస్తున్నారు. ప్రతి 20 నిమిషాల స్క్రీన్ సమయం తర్వాత, 20 సెకన్ల పాటు విరామం తీసుకుని 20 అడుగుల దూరంలో ఉన్న వస్తువును చూడాలి (20-20-20 నియమం). స్క్రీన్ చూస్తున్నప్పుడు