ఇదేందయ్యా బుచ్చిబాబూ... నీ సినిమాలో హీరోకి ఏదొక పార్ట్ కట్ కావాల్సిందేనా

క్రియేటివ్ డైరెక్టర్ సుకుమార్ శిష్యుడిగా టాలీవుడ్‌లోకి అడుగుపెట్టి మొదటి సినిమా ‘ఉప్పెన’తోనే ఇండస్ట్రీని షేక్ చేశాడు పిఠాపురం కుర్రోడు బుచ్చిబాబు. తన రెండో చిత్రంతో గ్లోబల్ స్టార్ రామ్ చరణ్‌ను డైరెక్ట్ చేసే అరుదైన అవకాశాన్ని అందుకున్నారు. జూన్ 4న విడుదలైన ఈ ప్రతిష్టాత్మక పాన్-ఇండియా ప్రాజెక్ట్ ‘పెద్ది’ బాక్సాఫీస్ వద్ద అద్భుతమైన వసూళ్లతో దూసుకుపోతోంది. అయితే, ఒకవైపు కలెక్షన్ల సునామీ నడుస్తుంటే, మరోవైపు సోషల్ మీడియాలో డైరెక్టర్ బుచ్చిబాబుపై రకరకాల విమర్శలు, ఫన్నీ ట్రోల్స్ తెగ వైరల్ అవుతున్నాయి. దీనికంతటికీ కారణం ఆయన సినిమాల్లోని ఒక విచిత్రమైన 'సెంటిమెంట్' అని నెటిజన్లు విశ్లేషిస్తున్నారు. టాలీవుడ్‌లో బుచ్చిబాబు మార్క్ అంటేనే హీరో పాత్రల్లో ఒక బలమైన శారీరక వైకల్యం, త్యాగం చూపించడం అనే చర్చ నడుస్తోంది. బుచ్చిబాబు ఇప్పటివరకు తెరకెక్కించిన రెండు సినిమాల్లోనూ హీరోలు తమ శరీరంలో ఒక ముఖ్యమైన భాగాన్ని కోల్పోయేలా కథను అల్లడం విశేషం.* ‘పెద్ది’కి మైనస్‌గా మారిన జాన్వీ కపూర్‌.. టాలీవుడ్‌ నుంచి దుకాణం సర్దుకోవాల్సిందేనా! ఆయన మొదటి సినిమా ‘ఉప్పెన’ క్లైమాక్స్‌లో కథలోని ఎమోషన్‌ను పీక్స్‌కు తీసుకెళ్లడానికి హీరో (వైష్ణవ్ తేజ్) పాత్రకు అంగచ్ఛేదనం జరిగినట్లు చూపించి అప్పట్లో సంచలనం సృష్టించారు. అయితే ఇప్పుడు తాజాగా విడుదలైన ‘పెద్ది’ సినిమాలో కూడా అదే తరహా సెంటిమెంట్‌ను రిపీట్ చేశారు. ఈ రూరల్ స్పోర్ట్స్ డ్రామాలో హీరో రామ్ చరణ్ కొన్ని తీవ్రమైన పరిస్థితుల వల్ల తన కాలును కోల్పోతాడు. ఆ తర్వాత పారా అథ్లెట్‌గా మారి పారా ఒలింపిక్స్‌లో మెడల్ సాధించేలా క్లైమాక్స్‌ను డిజైన్ చేశారు. ఈ రెండు సినిమాల కథాంశాలను గమనించిన నెటిజన్లు సోషల్ మీడియాలో మీమ్స్‌తో రెచ్చిపోతున్నారు. “బుచ్చిబాబు గారు.. మీ సినిమాలో హీరో అంటే ఏదో ఒక భాగం కోయాల్సిందేనా?” అంటూ ఫన్నీ అండ్ సీరియస్ కామెంట్లు పెడుతున్నారు. తన గురువు సుకుమార్ లాగే బుచ్చిబాబు కూడా బలమైన ఎమోషన్స్, సెంటిమెంట్స్ పండించడం కోసం హీరో పాత్రల్లో ఇలాంటి శారీరక నష్టాన్ని చూపించడాన్ని కొందరు సమర్థిస్తున్నప్పటికీ, మరికొందరు మాత్రం దీన్ని ట్రోల్ చేస్తున్నారు. * బాక్సాఫీస్ వద్ద రామ్ చరణ్ 'పెద్ది' ప్రభంజనం.. మొదటి రోజే రూ.వంద కోట్ల క్లబ్‌లోకి! దర్శకుడిగా ఇప్పుడిప్పుడే ఎదుగుతూ స్టార్ హీరోలతో భారీ ప్రాజెక్టులు చేస్తున్న బుచ్చిబాబు కెరీర్‌కు ఇలాంటి బాడీ పార్ట్ కట్టింగ్ సెంటిమెంట్ ముద్ర పడటం అంత మంచిది కాదనే అభిప్రాయాలు వ్యక్తమవుతున్నాయి. కథలో ఎమోషన్ పండించడానికి వైకల్యాలను పదే పదే ఆయుధంగా వాడుకుంటే రాబోయే రోజుల్లో ఆయన చేయబోయే కథలపై ప్రేక్షకులకు ముందే ఒక అంచనా వచ్చేసే ప్రమాదం ఉంది. కాబట్టి బుచ్చిబాబు తన నెక్ట్స్ చిత్రాలలో ఇలాంటి విమర్శలకు తావు లేకుండా మరింత వైవిధ్యమైన స్క్రీన్‌ప్లేతో రావాలని సినీ విశ్లేషకులు , సినీ లవర్స్ ఆశిస్తున్నారు.