Ananya Panday Trolled For Bharatanatyam Dance In Chand Mera Dil 973805

రౌడీ స్టార్ విజయ్ దేవరకొండ సరసన ‘లైగర్’ (Liger) సినిమాతో టాలీవుడ్ ఆడియన్స్‌కు పరిచయమైన బాలీవుడ్ బ్యూటీ అనన్య పాండే (Ananya Panday). తాజాగా ఆమె నటించిన ప్యూర్ కాలేజీ లవ్ స్టోరీ ‘చాంద్ మేరా దిల్’ (Chand Mera Dil) థియేటర్లలోకి వచ్చింది. గతేడాది ‘కిల్’ (Kill) సినిమాతో సెన్సేషన్ క్రియేట్ చేసిన యంగ్ హీరో లక్ష్య లాల్వాని ఇందులో హీరోగా నటించారు. ప్రముఖ బాలీవుడ్ మేకర్ కరణ్ జోహార్ తన ధర్మ ప్రొడక్షన్స్ బ్యానర్‌పై నిర్మించిన ఈ సినిమా కథ మొత్తం మన హైదరాబాద్ (Hyderabad) నేపథ్యంలోనే సాగడం విశేషం. అయితే, ప్రస్తుతం బాక్సాఫీస్ వసూళ్ల కంటే కూడా ఈ సినిమాలోని ఒక డాన్స్ సీక్వెన్స్ కారణంగా అనన్య పాండే సోషల్ మీడియాలో భారీగా ట్రోలింగ్‌ను ఎదుర్కొంటోంది.

వివేక్ సోని దర్శకత్వంలో తెరకెక్కిన ఈ చిత్రం ఒక ఫీల్ గుడ్ యూత్‌ఫుల్ లవ్ ఎంటర్‌టైనర్‌గా ప్రేక్షకుల ముందుకు వచ్చింది. హైదరాబాద్ లొకేషన్స్, ఇక్కడి కల్చర్ చుట్టూ తిరిగే ఈ ప్రేమకథకు థియేటర్లలో యావరేజ్ టాక్ లభించింది. అయితే, సినిమాలో అనన్య పాండే చేసిన భరతనాట్యం సీన్‌కు సంబంధించిన ఒక చిన్న వీడియో క్లిప్ ఇప్పుడు నెట్టింట విపరీతంగా వైరల్ అవుతూ వివాదానికి దారితీసింది.సినిమాలోని ఒక సన్నివేశంలో అనన్య పాండే సాంప్రదాయ భరతనాట్యం దుస్తులు ధరించి నృత్యం చేయాల్సి ఉంటుంది. అయితే ఆ సీన్‌లో ఆమె చేసిన పర్ఫార్మెన్స్ తీవ్ర విమర్శలపాలవుతోంది. ఆమె ముఖంలో ఎలాంటి హావభావాలు (Expressions) లేకపోవడమే కాకుండా, ఆమె వేసిన స్టెప్పులు భరతనాట్యంలా కాకుండా విచిత్రమైన గెంతుల్లా ఉన్నాయంటూ నెటిజన్లు మండిపడుతున్నారు.

‘కనీసం బేసిక్స్ కూడా నేర్చుకోకుండా మన ప్రాచీన సాంప్రదాయ నృత్యకళను ఇలా నవ్వులపాలు చేయడం ఏంటి?’ అంటూ క్లాసికల్ డాన్సర్స్ నెటిజన్లు సోషల్ మీడియా ప్లాట్‌ఫామ్స్‌లో దారుణంగా మీమ్స్ వేస్తున్నారు. ఈ సీన్ సరిగ్గా రానించకపోవడంతో హీరోయిన్‌తో పాటు డైరెక్టర్ వివేక్ సోనిపై కూడా నెగటివిటీ వస్తోంది. ఇక ఈ చిత్రానికి మిశ్రమ స్పందన (Average Reviews) రావడంతో బాక్సాఫీస్ వద్ద ఓపెనింగ్స్ ఆశించిన స్థాయిలో రాలేదు. మరో ఇంట్రెస్టింగ్ విషయమేమిటంటే.. సినిమా థియేటర్లలో కంటే, అనన్య పాండేను ట్రోల్ చేస్తున్న ఆ భరతనాట్యం డాన్స్ క్లిప్ వల్లే ఈ సినిమాకు ఇప్పుడు సోషల్ మీడియాలో విపరీతమైన అటెన్షన్ లభిస్తుండటం గమనార్హం.