శంషాబాద్ ఎయిర్ పోర్ట్ లో ఫేక్ వీసాతో ప్రయాణికుడి అరెస్ట్

సాధారణ ప్రయాణికుల మాదిరిగానే చెక్-ఇన్, ఇమ్మిగ్రేషన్ ప్రక్రియ పూర్తి చేస్తున్న సమయంలో అధికారులు అతడి పాస్‌పోర్ట్, వీసా పత్రాలను పరిశీలించారు. ఈ తనిఖీల్లో వీసా అనుమానాస్పదంగా ఉండటంతో మరింత సమగ్రంగా పరిశీలించారు. తదుపరి విచారణలో ఆ వీసా పూర్తిగా నకిలీదని స్పష్టమైంది. దీంతో వెంటనే ఇమ్మిగ్రేషన్ అధికారులు అతడిని అదుపులోకి తీసుకున్నారు. శంషాబాద్ ఎయిర్‌పోర్ట్ ఔట్‌పోస్ట్ పోలీసులు కేసు నమోదు చేసి విచారణ జరుపుతున్నారు. ప్రస్తుతం మున్నుస్వామి నుంచి మరిన్ని వివరాలు సేకరిస్తున్నారు పోలీసులు.