మధుర ఫలం రుచే రుచి

ఏపీలో పండే బంగినపల్లి, సువర్ణరేఖలను ప్రస్తావించిన మోదీ

దిల్లీ: దేశంలో ప్రతి ప్రాంతానికి ప్రత్యేకమైన మామిడి రకాలు ఉంటాయని, ఆంధ్రప్రదేశ్‌లో బంగినపల్లి, సువర్ణరేఖ లభ్యమవుతుంటాయని ప్రధాన మంత్రి నరేంద్ర మోదీ పేర్కొన్నారు. ‘ఫలాల్లో రాజు.. మామిడి. ఈ వేసవి వచ్చిందంటే దాని గురించి చర్చ జరగని ఇల్లంటూ ఉండదేమో. ఒక్కో ప్రాంతంలో పండే మామిడిది ఒక్కో రుచి, సువాసన. మహారాష్ట్ర ఆల్ఫోన్సో, గుజరాత్‌ కేసరి, యూపీ దశహరీ, బెంగాల్‌ హిమసాగర్‌ వంటివి పేరెన్నికగన్నవి. ఇక దక్షిణాదికి ఎవరైనా వెళ్తే బంగినపల్లి, తోతాపురి, నీలమ్, మాల్గోవా ఊరిస్తాయి. ఆంధ్రప్రదేశ్, ఒడిశాలలో సువర్ణరేఖ దొరుకుతాయి. బిహార్‌లో జర్దాలు రకాలైతే అల్లంత దూరాన ఉంటుండగానే సువాసన తెలిసిపోతుంది. కాశీలోని లాంగ్రా రకం- పండిన తర్వాత కూడా ఆకుపచ్చగానే ఉంటాయి. ప్రాంతాలను బట్టి మామిడి ఆకారం, రుచి, రంగు మారుతాయి. వీటి ప్రస్థానం గ్రామాల నుంచి ప్రపంచ మార్కెట్ల వరకు విస్తరించింది’ అని వివరించారు. ఆదివారం ‘మన్‌ కీ బాత్‌’ ద్వారా ఆయన మాట్లాడారు. దేశంలో ఎండలు మండిపోతున్న దృష్ట్యా బయటకు వెళ్లేవారు తప్పకుండా తగినంత నీరు తాగాలని సూచించారు. ఎండలపై ఆయా శాఖల మార్గదర్శకాలను పాటించాలని కోరారు.

ఇటీవల రాంచీలో జరిగిన పరుగు పోటీల్లో జాతీయ రికార్డులు సాధించిన గురీందర్‌వీర్‌ సింగ్, అనిమేష్‌ కూజూర్‌లతో మోదీ మాట్లాడారు. జాతీయ సీనియర్‌ అథ్లెటిక్స్‌ సమాఖ్య నిర్వహించిన పోటీలో విజేతలైన వీరి గురించి దేశమంతటా చర్చ జరుగుతోందని చెప్పారు. 100 మీటర్ల రేసులో రెండ్రోజుల వ్యవధిలో 3 రికార్డులు సాధించడం ప్రశంసనీయమన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

For digital advertisements Contact : 040 - 23318181 eMail: marketing@eenadu.in

© 1999 - 2026 Ushodaya Enterprises Pvt.Ltd,All rights reserved.

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.

This website follows the DNPA Code of Ethics.