అరుంధతి సినిమాకు అనుష్కను వద్దని అందరూ అన్నారు.. కానీ నేను నమ్మాను.. డైరెక్టర్ కోడి రామకృష్ణ

ఈ సినిమాలో జేజమ్మ పాత్రలో అనుష్క శెట్టి నటన అద్భుతమనే చెప్పాలి. అయితే, ఈ పాత్ర కోసం అనుష్కను ఎలా ఎంచుకున్నారో , సినిమా చిత్రీకరణ సమయంలో పడిన కష్టాలను ప్రముఖ దర్శకుడు కోడి రామకృష్ణ ఒక ఇంటర్వ్యూలో పంచుకున్నారు. కోడి రామకృష్ణ ప్రకారం, నిర్మాత శ్యామ్ ప్రసాద్ రెడ్డి గారికి బడ్జెట్ భారం కాకూడదని , గ్రాఫిక్స్ లేకుండా ఒక మంచి సినిమా తీయాలని మొదట భావించారు. ఆ సమయంలో ఈ కథ అనుకున్నారు. అరుంధతి పాత్ర కోసం ఎందరినో పరిశీలించిన తర్వాత అనుష్కను ఖరారు చేశారు. అయితే, అప్పటివరకు కేవలం గ్లామర్ పాత్రలకే పరిమితమైన అనుష్క, ఇంతటి పవర్‌ఫుల్ , చారిత్రాత్మక పాత్రను చేయగలదా అని చాలా మంది సందేహించారని కానీ అనుష్కపై నమ్మకంతో ఆమెనే ఎంపిక చేశానని చెప్పుకొచ్చారు. ఈ పాత్ర కోసం అనుష్క ఎంతో శ్రమించిందని చెప్పుకొచ్చారు .

దాదాపు 10 కేజీల బరువున్న కాస్ట్యూమ్స్ , ఆభరణాలు ధరించి, చేతిలో కత్తి పట్టుకుని నటిస్తున్నప్పుడు ఆమె పాత్రలోకి పూర్తిగా లీనమైపోయేదని గుర్తు చేసుకున్నారు. ఎమోషనల్ సీన్స్,డైలాగ్స్ చెప్పేటప్పుడు ఆమె చూపించిన నిబద్ధత అమోఘం. షూటింగ్ సమయంలో కళ్లు తిరిగి పడిపోయినప్పటికీ, ఏమాత్రం అలసట చూపించకుండా పాత్ర కోసం ప్రాణం పెట్టేది.కేవలం అనుష్క మాత్రమే కాకుండా, విలన్ పాత్ర పోషించిన సోనూ సూద్ కూడా ఎంతో కష్టపడ్డారు. ఆయనకు టాటూలు వేయడానికి ఉదయం 6 గంటల నుండి మధ్యాహ్నం 2 గంటల వరకు సమయం పట్టేదని, రాత్రి 12 గంటల వరకు ఆ గెటప్‌లోనే ఉండేవారని దర్శకుడు గుర్తుచేసుకున్నారు.

సాయాజీ షిండే కూడా విభిన్న గెటప్‌లలో అద్భుతంగా నటించారు. నిర్మాత శ్యామ్ ప్రసాద్ రెడ్డి అభిరుచికి తగ్గట్టుగా సాంకేతిక నిపుణులు, నటీనటులు అందరూ కలిసి కష్టపడటం వల్లే ‘అరుంధతి’ ఒక ట్రెండ్ సెట్టర్ మూవీగా నిలిచిందని అన్నారు. తన స్నేహితుడైన శ్యామ్ ప్రసాద్ రెడ్డి గారికి ఇంతటి భారీ విజయం దక్కడం తనకు ఎంతో సంతృప్తిని ఇచ్చిందని కోడి రామకృష్ణ ఆనందం వ్యక్తం చేశారు.

ఎక్కువ మంది చదివినవి : Sunil: ఖలేజా సినిమా చేస్తున్నప్పుడు మహేష్ నాతో చెప్పిన మాట అదే.. నా గుండెను తాకింది.. సునీల్ కామెంట్స్..

ఎక్కువ మంది చదివినవి : Tollywood: ఇంట్లోకి వెళ్లగానే సావిత్రిగారిని అలా చూసి ఏడ్చేశా.. మనిషి చిన్నగా అయిపోయి.. టాలీవుడ్ నటి కామెంట్స్..