రాఘవ లారెన్స్.. యూ టర్న్! త్రిష కు.. లైన్ క్లియ ర్

సినీ హీరో విజయ్ నాయకత్వంలోని తమిళగ వెట్రి కళగం(టీవీకే) (TVK Vijay) తరపున తిరుచ్చి ఈస్ట్ (Trichy East) నియోజ కవర్గంలో తాను పోటీ చేయడం లేదని ప్రకటించారు. ఆ మేరకు మంగళవారం ఓ వీడియో సందేశం విడుదల చేశారు.

టీవీకేలో యేళ్ల తరబడి పార్టీ కోసం తీవ్రంగా పాటుపడిన వారు ఎంతో మంది ఉన్నారని. వారిలో ఒకరిని తిరుచ్చి నియోజకవర్గంలో ఆ పార్టీ అధ్య క్షుడు విజయ్ నిలబెడతారని తెలిపారు. విజయ్ సినీ హీరోగా ఉన్నప్పుడు ఆయన కోసం గోడలపై పోస్టర్లు అతికించినవారు, రాజకీయ ప్రవేశం తర్వాత ఆ పార్టీ కోసం కష్టపడ్డ వారు ఎంతో మంది ఉన్నారని, వారిలో ఒకరిని పోటీకి పెట్టాలా? లేక తాను పోటీ చేయాలా? అనే దానిపై విజయ్ నిర్ణయం తీసుకుంటారని లారెన్స్ తెలిపారు.

ఇప్పుడు పోటీ చేయకుంటే తాను రాజకీయాల్లోకి రానట్లు కాదని, ఆచితూచి వ్యహరించి రాజకీయ ప్రవేశం చేస్తానని చెప్పారు. తిరుచ్చి ఈస్ట్‌లో మాత్రమే తాను చెబుతున్నానని, ఇతర నియోజకవర్గాలలో పోటీ చేయబోనని చెప్పడంలేదని రాఘవ లారెన్స్ పేర్కొన్నారు.

సులభంగా వస్తుంది కదా అని ఎమ్మెల్యేగా పోటీ చేసి గెలిచి మంత్రిగా పదవి చేపట్టి సుఖపడేందుకు తాను రాజకీయాల్లోకి రావటం లేదని, ప్రజా సమస్యలను పరిష్కరించేందుకే వస్తున్నానని తెలిపారు. ప్రస్తుతం రెండు సినిమాలు పూర్తి చేయాల్సి ఉందని, ఆ తర్వాత వీలైనంత త్వరగా తన నిర్ణయాన్ని ప్రకటిస్తానని రాఘవ లారెన్స్ ఆ వీడియో సందేశంలో పేర్కొన్నారు.

ఇదిలాఉంటే.. లారెన్స్ తాజాగా చేసిన‌ ప్ర‌క‌ట‌న అనంత‌రం మ‌రోమారు త్రిష (Trisha Krishnan) పేరు ప్ర‌ధాన వార్త‌ల్లోకెక్కింది. ముందు నుంచి విజ‌య్ రాజీనామా చేసిన తిరుచ్చి ఈస్ట్ నుంచి త్రిష పోటీ చేస్తుంద‌నే వార్త‌లు బాగా వ‌చ్చాయి. కానీ ఆ త‌ర్వాత లారెన్స్ ఎంట్రీ ఇవ్వ‌డంతో ఆయ‌నే అక్క‌డి నుంచి పోటీ చేయ‌డం క‌న్ఫ‌ర్మ్ అని అంతా డిసైడ్ అయిపోయారు. ఈ క్ర‌మంలో స‌డ‌న్‌గా లారెన్స్ పోటీ చేయ‌డం లేద‌ని తేల్చేయ‌డంతో ఇక ఆ స్థానం నుంచి త్రిష పోటీ చేస్తుంద‌ని ఇప్పుడు త‌న‌కు దారంతా క్లియ‌ర్ అయింద‌ని ఇక పోటీ చేయ‌డం మాత్ర‌మే మిగిలింద‌ని న్యూస్ వినిపిస్తోంది.