కేవలం 1 శాతం వడ్డీకే పర్సనల్ లోన్! బ్యాంకులు చెప్పని సీక్రేట్ ఇదే.. ఎవ్వరైనా తీసుకోవచ్చు

అందుకే బ్యాంకుల్లో పర్సనల్ లోన్ తీసుకునే వారి సంఖ్య ఇటీవలి కాలంలో గణనీయంగా పెరిగింది. అయితే, ఈ వ్యక్తిగత రుణాలు ఎలాంటి తనఖా లేకుండా ఇస్తున్నందున అధిక వడ్డీ రేట్లను వసూలు చేస్తుంటాయి. సరైన క్రెడిట్ హిస్టరీ లేకుంటే అసలు అప్పు ఇచ్చేందుకే బ్యాంకులు ఇష్టపడవు. ఈ ఇబ్బందులు ఏమీ లేకుండానే మీరు పర్సనల్ లోన్ తీసుకోవచ్చు. అది కూడా ఏడాదికి 1 శాతం మాత్రమే వడ్డీ చెల్లించి లోన్ పొందవచ్చు. అందుకోసం ఏం చేయాలి అనే విషయంపై సోషల్ పోస్ట్ ఫైనాన్స్ యూట్యూబ్ ఛానల్‌లో ఓ ఆర్థిక నిపుణుడు చెప్పిన వివరాల ప్రకారం తెలుసుకుందాం.ప్రశ్న: ఇప్పుడు పర్సనల్ లోన్ చాలా మంది తీసుకుంటున్నారు. ఏదైనా అవసరానికి, ఎమర్జెన్సీ సమయంలో పర్సనల్ లోన్ తీసుకుంటారు. వీటికి ఇంట్రెస్ట్ రేట్లు అధికంగా ఉంటాయి. మరి తక్కువ వడ్డీకే వ్యక్తిగత రుణాలు పొందడం ఎలా?సమాధానం: పర్సనల్ లోన్ అనేది రిస్క్‌తో కూడుకున్న పని. ఎందుకంటే బ్యాంకులు ఎలాంటి గ్యారెంటీ పెట్టుకోవు. కేవలం రుణ గ్రహీత ప్రొఫైల్ వెరిఫై చేసుకుని లోన్ ఇస్తాయి. ఇక్కడ డీఫాల్ట్ అయ్యే ఛాన్స్ ఎక్కువగా ఉంటుంది. అందుకే పర్సనల్ లోన్ వడ్డీ అనేది సిబిల్ స్కోర్ బట్టి మారుతుంటాయి. 10 శాతం నుంచి 14,15 శాతం వరకు సైతం వడ్డీ రేట్లు ఉంటాయి. అయితే, మీరు సరైన ప్రణాళిక ప్రకారం వెళ్తే ఎమర్జెన్సీ సమయంలో కేవలం 1 శాతం వడ్డీకే పర్సనల్ లోన్ తీసుకోవచ్చు. ఇది నెల రోజులకు కాదు ఏకంగా ఏడాదికి 1 శాతం మాత్రమే.ఇక్కడ మనం చేయాల్సిందల్ల ఒకటి ఉంది. చాలా మందికి ఎమర్జెన్సీ ఫండ్ అయితే ఉంటుంది. అలాంటి అత్యవసర నిధిని బ్యాంకు ఫిక్స్‌డ్ డిపాజిట్లలో ఉంచాలి. ఏడాది లేదా రెండేళ్ల టెన్యూర్‌కి బ్యాంకులో డిపాజిట్ చేయవచ్చు. ఆన్‌లైన్ ద్వారానూ తమకు నచ్చిన బ్యాంకులో ఎఫ్‌డీ చేయవచ్చు. దానిపైన బ్యాంకులు వడ్డీ ఇస్తాయి. ఇప్పుడు నాకు ఏదైనా అత్యవసర అవసరం ఏర్పడి పర్సనల్ లోన్ తీసుకోవాల్సి వచ్చినప్పుడు మనం పెట్టిన ఫిక్స్‌డ్ డిపాజిట్‌పై ఓవర్ డ్రాఫ్ట్ ఎంచుకోవాలి. ఓవర్ డ్రాఫ్ట్ వడ్డీ రేటు అనేది ఫిక్స్‌డ్ డిపాజిట్ వడ్డీతో పోలిస్తే కేవలం 1 శాతం అధికంగా ఉంటుంది.ఉదాహరణకు ఫిక్స్‌డ్ డిపాజిట్ వడ్డీ 6.50 శాతంగా ఉంటే ఓవర్ డ్రాఫ్ట్ లోన్ వడ్డీ రేటు 7.50 శాతంగా ఉంటుంది. అలాగే మనం వాడుకున్న అమౌంట్‌కే వడ్డీ చెల్లిస్తాము. ఇక్కడ లిక్విడిటీ ఎక్కువగా ఉంటుంది. ఎంత తక్కువ వాడితే అంతే వడ్డీ కట్టాలి. మరోవైపు ఇటీవలి కాలంలో ఓవర్ డ్రాఫ్ట్‌కి ఏటీఎం కార్డు సైతం ఇస్తున్నారు. దీంతో ఎప్పుడు కావాలంటే అప్పుడు మనీ విత్ డ్రా చేసుకోవచ్చు. మనం ఎంత వాడుకుంటే అంతే అమౌంట్ పై వడ్డీ కట్టాల్సి ఉంటుంది. ఈ సమయంలో ఫిక్స్‌డ్ డిపాజిట్ పై వడ్డీ వస్తూనే ఉంటుంది. అంటే మనం కట్టేది రెండింటి మధ్య ఉన్న వ్యత్యాసం మాత్రమే. అంటే కేవలం 1 శాతం వడ్డీకే మనకు కావాల్సిన లోన్ వస్తుంది.