Stocks News

గ్లోబల్ ఇన్వెస్టర్లు తిరిగి భారత మార్కెట్ వైపు మొగ్గు చూపుతుండటంతో కొత్త ఎఫ్‌పీఐల రిజిస్ట్రేషన్లు గణనీయంగా పెరిగాయి. రెండు నెలల్లోనే ఏకంగా 49 కొత్త ఎఫ్‌పీఐలు సెబీలో నమోదు కావడం విశేషం. ఆంధ్రజ్యోతి, సెప్టెంబర్ 2: భారత స్టాక్ మార్కెట్లలో విదేశీ పోర్ట్‌ఫోలియో ఇన్వెస్టర్ల (FPI) కొనుగోళ్లు మళ్లీ పుంజుకుంటున్నాయి. గ్లోబల్ ఇన్వెస్టర్లు పకడ్బందీ వ్యూహంతో తిరిగి భారత మార్కెట్ వైపు మొగ్గు చూపుతుండటంతో కొత్త ఎఫ్‌పీఐల రిజిస్ట్రేషన్లు గణనీయంగా పెరిగాయి. రెండు నెలల్లోనే(జూలై-ఆగస్టు) ఏకంగా 49 కొత్త ఎఫ్‌పీఐలు సెబీ(SEBI)లో నమోదు కావడం విశేషం. పెరిగిన ఎఫ్‌పీఐల సంఖ్య: 2026 మొదటి ఆరు నెలల్లో (జనవరి-జూన్) 52 ఎఫ్‌పీఐలు మాత్రమే నమోదవగా, జులై, ఆగస్టు నెలల్లో ఆ సంఖ్య 49కి చేరింది. దీంతో భారత మార్కెట్లలో మొత్తం ఎఫ్‌పీఐల సంఖ్య 12,243కి పెరిగింది. మళ్లీ నెట్ బైయర్లు: ఈ ఏడాది తొలి ఆరు నెలల్లో రూ. 2 లక్షల కోట్ల విలువైన షేర్లను విక్రయించిన విదేశీ పెట్టుబడిదారులు, జులై, ఆగస్టు నెలల్లో భారీగా కొనుగోళ్లు జరిపారు. జులైలో రూ.40,031 కోట్లు, ఆగస్టులో రూ.25,492 కోట్ల విలువైన సెక్యూరిటీలను కొనుగోలు చేశారు. నెలవారీ సగటు: ఈ ఏడాది ఆరంభంలో నెలకు సగటున కేవలం 8 కొత్త ఎఫ్‌పీఐలు నమోదు కాగా, గత రెండు నెలల్లో ఆ వేగం పెరిగి నెలకు 25 కొత్త ఫండ్లు నమోదు కావడం గమనార్హం. విదేశీ ఇన్వెస్టర్లను ఆకట్టుకునేందుకు భారత ప్రభుత్వం ఇటీవలి కాలంలో పలు కీలక సడలింపులు, నిర్ణయాలు ప్రకటించింది. 1. పన్ను మినహాయింపులు(Tax Exemptions): జూన్ 5న కేంద్ర ప్రభుత్వం ప్రభుత్వ సెక్యూరిటీలలో(G-Secs) పెట్టుబడి పెట్టే ఎఫ్‌పీఐలకు క్యాపిటల్ గెయిన్స్ టాక్స్, వడ్డీ ఆదాయంపై పూర్తి పన్ను మినహాయింపును ప్రకటించింది. 2. FAR రూట్ విస్తరణ: లాంగ్ టర్మ్ ఇన్వెస్టర్లు, గ్లోబల్ పెన్షన్ ఫండ్లు, సోవరిన్ వెల్త్ ఫండ్లను ఆకర్షించడానికి 15, 30, 40 ఏళ్ల జారీలతో

Dividend: మిడ్ క్యాప్ విభాగంలో బలమైన ఆర్థిక ప్రదర్శన కనబరుస్తున్న జిల్లెట్ ఇండియా ( Gillette India Share Price ) తమ ఇన్వెస్టర్లకు నిలకడగా రాబడులు అందిస్తోంది. ఈ కంపెనీ బోర్డ్ ఆఫ్ డైరెక్టర్స్ ఆమోదించిన ప్రతిపాదన ప్రకారం రూ.10 ముఖ విలువ కలిగిన ప్రతి షేరుపై 600 శాతం మేర డివిడెండ్ చెల్లిస్తోంది. అంటే ఒక్కో షేరుకు రూ.60 చొప్పున డివిడెండ్ డబ్బులు అర్హులైన ఇన్వెస్టర్ల ఖాతాల్లోకి వస్తాయి. షేరు ధరతో సంబంధం లేకుండా ఈ డబ్బులు చెల్లిస్తారు. మరి ఈ డివిడెండ్ గురించిన వివరాలు తెలుసుకుందాం.డివిడెండ్ అర్హత, రికార్డ్ తేదీ వివరాలు డివిడెండ్ మొత్తం: ఒక్కో షేరుకు 600 శాతం అంటే రూ.60 చొప్పున చెల్లించనున్నారు. రికార్డ్ తేదీ: ఆగస్టు 24, 2026ను రికార్డ్ తేదీగా నిర్ణయించారు. ఎవరికి అర్హత ఉంటుంది ?: ఆగస్టు 24వ తేదీ లోపు కంపెనీ డీమ్యాట్ ఖాతా రికార్డులలో షేర్లు కలిగి ఉన్న ఇన్వెస్టర్లు మాత్రమే ఈ డివిడెండ్‌ను పొందడానికి అర్హులు. ఎక్స్‌-డివిడెండ్ తేదీ: సాధారణంగా రికార్డ్ తేదీకి ఒక రోజు ముందు లేదా అదే రోజు (T+1) సెటిల్మెంట్ ప్రకారం ఎక్స్ డివిడెండ్ తేదీగా మారుతుంది. అంటే ఆగస్టు 21వ తేదీన మార్కెట్లు ముగిసే నాటికి షేర్లు కొన్నవారికే అర్హత లభిస్తుంది.జిల్లెట్ ఇండియా వ్యాపార బలంప్రొక్టర్ అండ్ గ్యాంబుల్ సమూహానికి చెందిన జిల్లెట్ ఇండియా, దేశీయంగా షేవింగ్ ప్రొడక్ట్స్, రేజర్లు, బ్లేడ్లు, పర్సనల్ కేర్ విభాగంలో మార్కెట్ లీడర్‌గా ఉంది. కంపెనీ వద్ద ఉన్న బలమైన బ్రాండ్ వాల్యూ, మెరుగైన త్రైమాసిక లాభాలు, ఇన్వెస్టర్ ఫ్రెండ్లీ నిర్ణయాలు ఈ స్టాక్‌ను దీర్ఘకాలికంగా బలంగా ఉంచుతున్నాయి.స్టాక్ పనితీరుజిల్లెట్ ఇండియా కంపెనీ స్టాక్ ఈరోజు రూ. 7515 వద్ద లాభాల్లో ట్రేడింగ్ మొదలు పెట్టింది. ఒక దశలో రూ. 7555 గరిష్ఠ స్థాయిని తాకింది. ఈ వార్త రాసే సమయానికి స్వల్ప లాభంతో రూ. 7529

Stock Market Today: దేశీయ స్టాక్ మార్కెట్ సూచీలు 7 రోజుల వరుస నష్టాల తర్వాత కిందటి రోజు (ఆగస్ట్ 21) భారీగా పుంజుకున్న సంగతి తెలిసిందే. అయితే ఇది ఒక్కరోజుకే పరిమితమైంది. ఇవాళ (ఆగస్ట్ 21) మళ్లీ లాభనష్టాల మధ్య ఊగిసలాడుతున్నాయి. ప్రస్తుతం వార్త రాస్తున్న సమయంలో మధ్యాహ్నం ఒంటి గంటకు సెన్సెక్స్ ఫ్లాట్‌గా 77,530 స్థాయిలో ఉండగా, నిఫ్టీ 24230 స్థాయిలో ట్రేడవుతోంది. అయితే మార్కెట్ ఒడుదొడుకులతో సంబంధం లేకుండా ప్రముఖ మల్టీనేషనల్ పైపుల తయారీ కంపెనీ షేరు ధర భారీగా పెరిగింది. ఏకంగా 17 శాతానికిపైగా పెరగడంతో ఇందులో ఇన్వెస్ట్ చేసిన వారికి మంచి లాభాల్ని అందిస్తోంది.అదే ప్రముఖ పైప్ తయారీ సంస్థ వెల్‌స్పన్ కార్పొరేషన్ లిమిటెడ్. ఆ కంపెనీ చరిత్రలోనే తాజాగా అతిపెద్ద ఆర్డర్ దక్కడంతో కొనుగోళ్లు భారీగా పెరిగాయి. కిందటి సెషన్‌లో రూ. 2005.20 వద్ద ముగిసిన ఈ షేరు ధర ఇవాళ నేరుగా 8 శాతానికిపైగా లాభంతో రూ. 2175 వద్ద ఓపెన్ అవగా, తర్వాత ఇంకా పుంజుకుంది. ఈ క్రమంలోనే ఇంట్రాడేలో ఒక దశలో 17 శాతానికిపైగా పెరిగి రూ. 2348.90 వద్ద సెషన్ గరిష్ఠాన్ని తాకింది. ఇదే ఈ స్టాక్ 52 వారాల గరిష్ఠ ధర కూడా కావడం విశేషం.ఈ కంపెనీ మార్కెట్ విలువ ప్రస్తుతం రూ. 61.31 వేల కోట్లుగా ఉంది. స్టాక్ 52 వారాల కనిష్ఠ ధర రూ. 710 గా ఉంది. గత కొంత కాలంగా ఈ స్టాక్ భారీగా పుంజుకుంటూ వస్తోంది. 5 రోజుల్లో ఏకంగా 27 శాతం పెరగ్గా, నెలలోనే 45 శాతం పెరిగింది. గత 6 నెలల వ్యవధిలో చూస్తే ఏకంగా 200 శాతం పెరగడం విశేషం. ఈ క్రమంలో లక్షను రూ. 3 లక్షలు చేసింది. గత ఐదేళ్లలో 2 వేల శాతానికిపైగా పెరిగింది. ఈ క్రమంలో లక్ష పెట్టుబడిని 20 లక్షలకుపైగా

వరుస నష్టాలతో సాగిన దేశీయ స్టాక్‌ మార్కెట్లకు ఎట్టకేలకు ఊరట లభించింది. రియల్టీ, ప్రైవేట్‌ బ్యాంకింగ్‌, ఐటీ షేర్లలో కొనుగోళ్లతో గురువారం సెన్సెక్స్‌, నిఫ్టీ లాభాల్లో ముగిశాయి.సెన్సెక్స్‌ 628.04 పాయింట్లు లాభపడి 77,537.72 వద్ద ముగిసింది. నిఫ్టీ 153.55 పాయింట్లు పెరిగి 24,231.85 వద్ద స్థిరపడింది. నిఫ్టీలో ఎటర్నల్‌, కోటక్‌ మహీంద్రా బ్యాంక్‌, బజాజ్‌ ఫైనాన్స్‌ షేర్లు ప్రధానంగా లాభపడ్డాయి. రంగాల వారీగా చూస్తే రియల్టీ సూచీ దాదాపు 2 శాతం పెరిగింది. ప్రైవేట్‌ బ్యాంకింగ్‌, ఐటీ షేర్లలోనూ కొనుగోళ్ల మద్దతు కనిపించింది. ఇటీవలి మార్కెట్‌ పతనంతో తక్కువ స్థాయికి చేరిన షేర్లలో ఇన్వెస్టర్లు కొనుగోళ్లకు దిగడంతో మార్కెట్‌ సెంటిమెంట్‌ మెరుగుపడిందని నిపుణులు తెలిపారు.రానున్న సెషన్‌లో నిఫ్టీకి 24,100-24,000 స్థాయి కీలక మద్దతుగా ఉంటుందని నిపుణులు అంచనా వేశారు. 24,300, 24,575 వద్ద నిరోధాలు ఎదురుకావచ్చని పేర్కొన్నారు. 24,000 స్థాయిని నిలబెట్టుకుంటే కోలుకునే అవకాశాలు కొనసాగుతాయని, దాని కిందకు పడిపోతే మళ్లీ అమ్మకాల ఒత్తిడి పెరగొచ్చని సూచించారు

వాల్‌స్ట్రీట్ ట్రేడింగ్ దిగ్గజం జేన్ స్ట్రీట్ జులై నెలలో భారీ నష్టాలను చవిచూసింది. గత పదేళ్ల కాలంలో తొలిసారిగా ఒక నెలలో సుమారు 15 బిలియన్ డాలర్ల (రూ. 1.25 లక్షల కోట్ల పైచిలుకు) మేర నష్టాన్ని నమోదు చేసింది. ఆర్టిఫిషియల్ ఇంటెలిజెన్స్ (ఏఐ) రంగంపై దృష్టి సారించిన 'సిచ్యుయేషనల్ అవేర్‌నెస్' అనే హెడ్జ్ ఫండ్‌లో చేసిన పెట్టుబడులే ఈ భారీ నష్టానికి ప్రధాన కారణంగా నిలిచాయి.ఓపెన్ ఏఐ మాజీ పరిశోధకుడు లియోపోల్డ్ అషెన్‌బ్రెన్నర్ స్థాపించిన ఈ హెడ్జ్ ఫండ్, ఏఐ, సెమీకండక్టర్ షేర్ల పతనంతో తీవ్రంగా దెబ్బతింది. జూన్ నాటికి ఈ ఫండ్ శాన్‌డిస్క్‌లో సుమారు 5.7 బిలియన్ డాలర్లు, మైక్రాన్ టెక్నాలజీలో 5.6 బిలియన్ డాలర్ల మేర భారీగా పెట్టుబడులు పెట్టింది. అయితే జులైలో శాన్‌డిస్క్ షేర్లు 47 శాతం, మైక్రాన్ షేర్లు 29 శాతం మేర పడిపోవడంతో, ఈ ఫండ్ పోర్ట్‌ఫోలియో విలువ ఏకంగా 67 శాతం క్షీణించింది. మార్జిన్ కాల్స్ ఒత్తిడి పెరగడంతో, ఫండ్‌లోని పబ్లిక్ ఈక్విటీలను సిటాడెల్ సంస్థకు తక్కువ ధరకే విక్రయించాల్సి వచ్చింది.సదరు ఫండ్‌లో గణనీయమైన వాటా కలిగి ఉండటంతో పాటు, ఏఐ సంబంధిత స్టాక్స్‌లో నేరుగా పెట్టుబడులు పెట్టడం వల్ల జేన్ స్ట్రీట్‌కు సుమారు 15 బిలియన్ డాలర్ల నష్టం వాటిల్లిందని విశ్లేషకులు అంచనా వేస్తున్నారు. అయితే, ఏడాది మొత్తంగా చూస్తే ఈ పెట్టుబడిపై ఇప్పటికీ సానుకూల ఫలితాలనే పొందుతున్నామని సంస్థ తన ఉద్యోగులకు పంపిన అంతర్గత నోట్‌లో పేర్కొంది. ఈ భారీ నష్టం సంభవించినప్పటికీ, జూలై

Bonus Issue: స్టాక్ మార్కెట్లలో పెట్టుబడి రిస్క్‌కు లోబడి ఉంటుందన్న సంగతి తెలిసిందే. అప్పటికప్పుడు చిన్న కారణాలతో పడిపోయే స్టాక్స్ ఉంటాయి. ఇదే సమయంలో భారీగా పెరిగే స్టాక్స్ కూడా ఉంటాయి. అయితే దీర్ఘకాలంలో కేవలం స్టాక్ పెరుగుదలతోనే కాదు కంపెనీ ఆఫర్ చేసే ఇతర కారణాలతో కూడా లాభాలు అందుకోవచ్చు. ఇక్కడ బోనస్ ఇష్యూ, స్టాక్ స్ప్లిట్, డివిడెండ్లు, షేర్ల బైబ్యాక్ ఇలా చాలానే ఉంటాయి. ఇటీవల ఇలానే ఒక కంపెనీ బోనస్ ఇష్యూ ఆఫర్ చేయగా, దానికి తాజాగా రికార్డ్ డేట్ ప్రకటించింది. అదే గుడ్‌లక్ ఇండియా లిమిటెడ్ స్టాక్.ఈ కంపెనీ కొద్ది రోజుల కిందట 2:1 రేషియోలో బోనస్ షేర్లను ఆఫర్ చేయగా ఆగస్ట్ 17న దీనికి సంబంధించి రికార్డు డేట్‌ను ప్రకటించింది. 2026, ఆగస్ట్ 21 ని రికార్డు తేదీగా బోనస్ కమిటీ ఖరారు చేసింది. అయితే ఇక్కడ సెబీ T+1 నిబంధనల ప్రకారం ఒక రోజు ముందే షేర్లు డీమ్యాట్ అకౌంట్లో ఉండాలి. కాబట్టి ముందురోజే షేర్లను కొనుగోలు చేయాల్సి ఉంటుంది. అప్పుడు మాత్రమే ఈ బోనస్ ఇష్యూకు అర్హత సాధిస్తారు. అంటే 2:1 రేషియోలో బోనస్ షేర్లు పొందేందుకు ఆగస్ట్ 20 అంటే మరో 2 రోజులు మాత్రమే ఛాన్స్ ఉందన్నమాట.ఇక్కడ 2:1 రేషియోలో బోనస్ ఇష్యూ అంటే ఇన్వెస్టర్ దగ్గర ఉన్న ప్రతి ఒక్క ఈక్విటీ షేరుకు అదనంగా మరో 2 షేర్లు వస్తాయి. అంటే ఒక్క షేరు కాస్తా 3 షేర్లుగా మారతాయి. 100 షేర్లు కలిగి ఉన్న వారికి 300 షేర్లు వస్తాయి. ఇక్కడ అదనపు షేర్ల కోసం ఇన్వెస్టర్లు అదనంగా పెట్టుబడి పెట్టాల్సిన అవసరం లేదు. ఇన్వెస్టర్ల షేర్ల సంఖ్య పెరుగుతుంది కానీ పెట్టుబడి విలువ ఏం మారదు. వారి షేర్ల సంఖ్య పెరిగిన దానికి అనుగుణంగా షేర్ ధర అడ్జస్ట్ అవుతుంది. షేర్ ధర తగ్గి కనిష్ఠ స్థాయిల్లో

దేశీయ స్టాక్‌ మార్కెట్లు సోమవారం నష్టాల్లో ముగిశాయి. ఐటీ, ఎఫ్‌ఎంసీజీ షేర్లలో అమ్మకాల ఒత్తిడి సూచీలపై ప్రభావం చూపింది. దీంతో సెన్సెక్స్‌ 281.09 పాయింట్లు నష్టపోయి 77,728.16 వద్ద ముగిసింది. నిఫ్టీ 78.35 పాయింట్లు కోల్పోయి 24,287.65 వద్ద స్థిరపడింది. మార్కెట్‌లో మదుపరులు ఆచితూచి వ్యవహరించడంతో రోజంతా ఒడుదొడుకులు కనిపించాయి.ఐటీ రంగ షేర్లు భారీగా నష్టపోయాయి. నిఫ్టీ ఐటీ సూచీ దాదాపు 2 శాతం పడిపోయింది. ఇన్ఫోసిస్‌, సన్‌ ఫార్మా, హెచ్‌సీఎల్‌ టెక్నాలజీస్‌ షేర్లలో అమ్మకాలు సూచీలపై ఒత్తిడి పెంచాయి. మరోవైపు మెటల్‌, రియల్టీ రంగ షేర్లు రాణించాయి. నిఫ్టీకి 24,400 స్థాయి కీలక నిరోధంగా మారిందని మార్కెట్‌ నిపుణులు చెబుతున్నారు. ఈ స్థాయిని అధిగమించి నిలబడితే 24,500-24,600 దిశగా సూచీ పుంజుకునే అవకాశం ఉందని అంచనా వేశారు. దిగువన 24,300-24,200 ప్రాంతం కీలక మద్దతుగా ఉందన్నారు. 24,250 కంటే దిగువకు బలంగా పడిపోతే అమ్మకాల ఒత్తిడి పెరిగి 24,000 స్థాయికి చేరే అవకాశం ఉందని పేర్కొన్నారు.నిఫ్టీ మిడ్‌క్యాప్‌ సూచీ 0.05 శాతం పెరిగింది. నిఫ్టీ స్మాల్‌క్యాప్‌ సూచీ 0.36 శాతం లాభపడింది. ఎంపిక చేసిన మెటల్‌, రియల్టీ షేర్లలో కొనుగోళ్లు మార్కెట్‌కు కొంత మద్దతు ఇచ్చాయి.దేశీయంగా బాండ్‌ ఈల్డ్స్‌ పెరగడం మార్కెట్‌పై ప్రభావం చూపిందని నిపుణులు తెలిపారు. క్రూడ్‌ ధరలు పెరగడం, ఆర్‌బీఐ ఎఫ్‌సీఎన్‌ఆర్‌(బీ) డిపాజిట్‌ విండోను ముందుగానే మూసివేయాలని నిర్ణయించడం దీనికి కారణమని చెప్పారు. అంతర్జాతీయంగా అమెరికా డాలర్‌ బలహీనపడటం, వినియోగదారుల గణాంకాలు కొంత మెరుగ్గా ఉండటం దీర్ఘకాలికంగా రిస్క్‌ తీసుకునే ఆసక్తికి మద్దతు ఇస్తున్నాయని

Bonus Shares: స్మాల్ క్యాప్ కేటగిరిలోని టెక్స్టైల్ సెక్టార్ సంస్థ బిజోటిక్ కమర్షియల్ లిమిటెడ్ ( Bizotic Commercial Limited ) బంపర్ ఆఫర్ ఇచ్చింది. ఈ కంపెనీ బోర్డు ఆఫ్ డైరెక్టర్స్ 5:1 రేషియోలో బోనస్ షేర్లు జారీ చేయాలని నిర్ణయించగా అందుకు సంబంధించిన రికార్డు డేట్ ని ఆగష్టు 17 కావడం గమనార్హం. ఈ కంపెనీ షేర్స్ ఆ రోజున ఎక్స్-బోనస్ ట్రేడింగ్ చేయనున్నాయి. ఎవరైతే 1 షేర్ కొనుగోలు చేసి ఉంటారో వారు ఏకంగా 5 ఈక్విటీ షేర్స్ బోనస్ రూపంలో అందుకుంటారు. ఒకవేళ 100 షేర్స్ కొని ఉంటే 500 షేర్స్ డీమ్యాట్ ఖాతాలోకి ఉచితంగా వస్తాయి. మరోవైపు ఈ కంపెనీ షేర్ గత ఏడాదిలో 154 శాతం లాభాన్ని అందించి మల్టీబ్యాగర్ స్టాక్స్‌లో నిలిచింది.కంపెనీ ఎక్స్చేంజ్ ఫైలింగ్ ప్రకారం.. కంపెనీ బోర్డు ఆఫ్ డైరెక్టర్స్ కొద్ది రోజుల క్రితం సమావేశంమై 5:1 రేషియోలో బోనస్ షేర్లు జారీ చేయాలని నిర్ణయించారు. దీని అర్ధం రికార్డు తేదీ నాటికి రూ. 10 ఫేస్ వ్యాల్యూ ఉండే కంపెనీకి చెందిన 1 ఈక్విటీ షేరుని కొని తమ డీమ్యాట్ అకౌంట్లో కలిగి ఉంటే వారికి రూ. 10 ఫేస్ వ్యాల్యూ ఉండే 5 ఈక్విటీ షేర్స్ బోనస్ రూపంలో ఉచితంగా ఇస్తారు. ఈ బోనస్ షేర్స్ పొందడానికి అర్హులైన షేర్ హోల్డర్లను నిర్ణయించే రికార్డు తేదీని ఆగష్టు 17గా నిర్ణయించారు. ఆలోపు షేర్లు కొన్నవారికి ఉచితంగా బోనస్ షేర్లు లభిస్తాయి. అయితే, అందుకు తగినట్లుగానే షేరు ధర తగ్గుతుందని గమనించాలి. స్టాక్ మార్కెట్ చివరి ట్రేడింగ్ సెషన్ లో బిజోటిక్ కమర్షియల్ కంపెనీ షేరు 3.5 శాతం లాభంతో రూ. 685.85 వద్ద ముగిసింది. ఈ స్టాక్ 52 వారాల గరిష్ఠ ధర రూ. 1053 వద్ద ఉండగా 52 వారాల కనిష్ఠ ధర రూ. 265 వద్ద ఉంది

టాటా సన్స్‌ ఛైర్మన్‌ ఎన్‌.చంద్రశేఖరన్‌ నిర్ణయం టాటా గ్రూప్‌ షేర్లపై తీవ్ర ప్రభావం చూపింది. ఆయన మళ్లీ ఛైర్మన్‌గా కొనసాగేందుకు ఆసక్తి చూపడం లేదన్న వార్తతో బుధవారం టాటా గ్రూప్‌ షేర్లలో భారీ అమ్మకాలు వెల్లువెత్తాయి. దీంతో గ్రూప్‌లోని 17 లిస్టెడ్‌ కంపెనీల మొత్తం మార్కెట్‌ విలువ ఏకంగా రూ.68,119 కోట్లు ఆవిరైంది.చంద్రశేఖరన్‌ నిర్ణయం వెలువడిన వెంటనే ఇన్వెస్టర్లలో ఆందోళన మొదలైంది. టాటా గ్రూప్‌లోని కీలక కంపెనీల షేర్లు అమ్మకాల ఒత్తిడికి గురయ్యాయి. ఫలితంగా గత సెషన్‌లో దాదాపు రూ.27 లక్షల కోట్లుగా ఉన్న మొత్తం మార్కెట్‌ విలువ.. బుధవారం రూ.26.32 లక్షల కోట్లకు పడిపోయింది.ఈ పతనంలో టాటా కన్సల్టెన్సీ సర్వీసెస్‌ (టీసీఎస్‌) ముందుంది. కంపెనీ మార్కెట్‌ విలువ ఒక్కరోజులో రూ.42,440 కోట్లు తగ్గింది. షేరు 4.79 శాతం పడిపోయి రూ.2,323.30 వద్ద ముగిసింది.టైటాన్‌ మార్కెట్‌ విలువ రూ.9,304 కోట్లు తగ్గింది. టాటా మోటార్స్‌ ప్యాసింజర్‌ వెహికల్స్‌ రూ.4,898 కోట్లు, టాటా స్టీల్‌ రూ.4,745 కోట్లు కోల్పోయాయి. టాటా కన్జ్యూమర్‌ ప్రొడక్ట్స్‌, టాటా పవర్‌, ఇండియన్‌ హోటల్స్‌ కూడా నష్టపోయాయి.అయితే అన్ని టాటా షేర్లూ పడిపోలేదు. టాటా మోటార్స్‌ మార్కెట్‌ విలువ రూ.1,786 కోట్లు పెరిగింది. టాటా క్యాపిటల్‌ రూ.700 కోట్లు, టాటా కెమికల్స్‌ రూ.167 కోట్లు, వోల్టాస్‌ రూ.66 కోట్లు తమ మార్కెట్‌ క్యాపిటల్‌కు జోడించాయి.చంద్రశేఖరన్‌ తన పదవీకాలం ముగిసిన తర్వాత మళ్లీ ఛైర్మన్‌గా కొనసాగబోనని ప్రకటించారు. పునర్నియామకంపై ఏర్పడిన అనిశ్చితి నేపథ్యంలో వారసత్వ ప్రణాళికపై బోర్డు ముందుకు వెళ్లాల్సిన అవసరం ఉందని ఆయన తెలిపారు

FMCG Bonus Issue: స్మాల్ క్యాప్ కేటగిరిలోని వ్యవసాయ రంగానికి చెందిన ప్రముఖ కంపెనీ మయాంక్ క్యాటిల్ ఫుడ్ లిమిటెడ్ (Mayank Cattle Food Limited) సూపర్ ఆఫర్ తెచ్చింది. ఈ సంస్థ బోర్డు ఆఫ్ డైరెక్టర్స్ తమ షేర్ హోల్డర్లకు బోనస్ షేర్లు జారీ చేయాలని నిర్ణయించారు. తాజాగా ఈ బోనస్ షేర్లకు రికార్డు డేట్ నిర్ణయించినట్లు కంపెనీ ప్రకటించింది. ఆగష్టు 24ను రికార్డ్ తేదీగా ఎంచుకున్నట్లు ఎక్స్చేంజ్ ఫైలింగ్ ద్వారా తెలిపింది. ఈ బోనస్ ఇష్యూ ప్రకారం 1 షేరు కొంటే బోనస్ గా మరొక షేరు లభిస్తుంది. దీని అర్థం మీ వద్ద 100 షేర్లు ఉంటే మరో 100 షేర్లు, 1000 షేర్లు ఉంటే మరో 1000 షేర్లు ఉచితంగా లభిస్తాయి.మరోవైపు ఈ కంపెనీ షేర్ గత 2 ఏళ్లలో 99 శాతం లాభాన్ని అందించింది. ఇన్వెస్టర్ల పెట్టుబడిని దాదాపు రెండింతలు చేసింది.కంపెనీ ఎక్స్చేంజ్ ఫైలింగ్ ప్రకారం.. కొద్ది రోజుల క్రితం జరిగిన కంపెనీ బోర్డు డైరెక్టర్స్ సమావేశంలో 1:1 రేషియోలో బోనస్ షేర్లు ఇవ్వాలని నిర్ణయించారు. దీని అర్థం రికార్డు తేదీ నాటికి రూ. 10 ఫేస్ వ్యాల్యూ ఉన్న 1 షేరును కొని తమ డీమ్యాట్ అకౌంట్లో కలిగి ఉన్నవారికి అదనంగా రూ. 10 ఫేస్ వ్యాల్యూ ఉండే 1 ఈక్విటీ షేరును బోనస్ రూపంలో ఉచితంగా జారీ చేస్తారు.ఇక తాజాగా ఈ బోనస్ షేర్లను పొందడానికి అర్హులైన షేర్ హోల్డర్లను నిర్ణయించే రికార్డు డేట్ ఆగష్టు 24, 2026గా నిర్ణయించామని కంపెనీ తెలిపింది.స్టాక్ మార్కెట్ చివరి ట్రేడింగ్ సెషన్లో మయాంక్ క్యాటిల్ ఫుడ్ షేరు 2.29 శాతం లాభంతో రూ. 221 వద్ద ముగిసింది. ఈరోజు ఆగస్టు 12వ తేదీ ట్రేడింగ్‌లో 3.14 శాతం లాభంతో రూ.227.85 వద్ద ట్రేడవుతోంది. ఈ షేరు 52 వారాల గరిష్ఠ ధర రూ. 235.80 వద్ద ఉండగా

టాటా సన్స్‌ ఛైర్మన్‌ ఎన్‌.చంద్రశేఖరన్‌ కీలక నిర్ణయం తీసుకున్నారు. ప్రస్తుత పదవీకాలం ముగిసిన తర్వాత మరోసారి ఛైర్మన్‌గా కొనసాగకూడదని నిర్ణయించుకున్నారు. ఈ మేరకు బుధవారం టాటా సన్స్‌ బోర్డుకు తన నిర్ణయాన్ని తెలియజేశారు. ఆయన ప్రస్తుత పదవీకాలం 2027 ఫిబ్రవరి 20న ముగియనుంది. అంటే అప్పటివరకు ఛైర్మన్‌గా కొనసాగుతారు. ఆగస్టు 18న జరగనున్న కంపెనీ వార్షిక సర్వసభ్య సమావేశానికి ముందు ఈ పరిణామం చోటుచేసుకుంది.ఏం జరిగింది?చంద్రశేఖరన్‌ మరో ఐదేళ్ల పదవీకాలానికి కొనసాగింపుపై గతంలో ప్రతిపాదన వచ్చింది. సర్‌ దొరాబ్జీ టాటా ట్రస్ట్‌, సర్‌ రతన్‌ టాటా ట్రస్ట్‌లు ఏకగ్రీవంగా ఆయన పదవీకాలాన్ని పొడిగించాలని సిఫార్సు చేశాయి. టాటా సన్స్‌ నామినేషన్‌, రెమ్యునరేషన్‌ కమిటీ, బోర్డు కూడా ఈ ప్రతిపాదనను సిఫార్సు చేశాయి.అయితే 2026 ఫిబ్రవరి 24న జరిగిన బోర్డు సమావేశంలో ఓ సభ్యుడు ఈ ప్రతిపాదనకు మద్దతు ఇవ్వలేదు. ఏకాభిప్రాయం లేకపోవడంతో తాను నిర్ణయాన్ని వాయిదా వేసినట్లు చంద్రశేఖరన్‌ తెలిపారు. ఆ సమావేశానికి ఆరు నెలలు గడిచినా ఇప్పటివరకు దీనిపై నిర్ణయం రాలేదని చెప్పారు.నాయకత్వంపై స్పష్టత అవసరంటాటా సన్స్‌ చాలా పెద్ద సంస్థ అని చంద్రశేఖరన్‌ పేర్కొన్నారు. పలు కీలక వ్యూహాత్మక ప్రాజెక్టులు ప్రస్తుతం కీలక దశలో ఉన్నాయని తెలిపారు. 2027 ఫిబ్రవరి తర్వాత గ్రూప్‌ను నడిపించే నాయకుడు ఎవరన్న దానిపై ముందుగానే స్పష్టత ఉండటం అవసరమన్నారు. ఉద్యోగులు, పెట్టుబడిదారులు, భాగస్వాములు, ఇతర భాగస్వామ్య వర్గాలకు ఇది ముఖ్యమని చెప్పారు. అందుకే వారసుడి ఎంపికను త్వరగా పూర్తి చేయాలని బోర్డును కోరినట్లు వెల్లడించారు.‘టాటాలో 40 ఏళ్ల ప్రయాణం’తన

Multibaggers in Stock Market: అద్భుతం ఎక్కడో జరగదు. మన చుట్టూనే కనిపిస్తుంటాయి. ఇక్కడ లక్ కూడా కలిసిరావాలి. ముఖ్యంగా స్టాక్ మార్కెట్లలో ఈ అదృష్టం, అద్భుతం గురించి మాట్లాడుతుంటారు. అవును స్టాక్ మార్కెట్లలో కొన్ని స్టాక్స్ ఇన్వెస్టర్ల దశనే మారుస్తుంటాయి. కొన్ని స్టాక్స్ భారీగా పడిపోతున్నా ఇంకొన్ని స్టాక్స్ ఊహించని రీతిలో కళ్లుచెదిరే రిటర్న్స్ అందించేవి ఉంటాయి. ఇక్కడ సరైన స్టాక్‌ను ఎంచుకొని ఓపికతో ఎదురుచూస్తే అద్భుతం దానంతట అదే జరుగుతుందని నిపుణులు చెబుతుంటారు. చాలా వరకు స్టాక్ మార్కెట్లలో స్వల్ప కాలంలో కంటే దీర్ఘకాలంలో కచ్చితమైన రాబడి వస్తుందని సూచిస్తుంటారు. అన్ని వేళలా ఇలా జరుగుతుందని లేదు కానీ ఆయా కంపెనీల భవిష్యత్తు ప్రణాళికలు, ప్రకటనలు, పెట్టుబడి వ్యూహాలు, ఒప్పందాలు ఇలా అన్నీ గమనిస్తూ సరైన స్టాక్ ఎంచుకోవడం ముఖ్యం. ఇలాంటి ఒక స్టాక్ గురించి ఇప్పుడు మనం తెలుసుకుందాం.అదే నవీన్ ఫ్లోరైన్ ఇంటర్నేషనల్ లిమిటెడ్. ఇది ఫ్లోరిన్ కెమిస్ట్రీ రంగంలో అత్యంత ప్రముఖ కంపెనీల్లో ఒకటిగా గుర్తింపు పొందింది. ప్రధానంగా ఏసీలు, రిఫ్రిజరేటర్లలో వాడే గ్యాస్‌లను తయారు చేస్తుంది. ఫార్మా, ఆగ్రో కెమికల్స్ రంగాల్లో వాడే ప్రత్యేక రసాయనాల్ని ఉత్పత్తి చేస్తుంది. ఇంకా పలు కార్యకలాపాల్ని నిర్వహిస్తుంటుంది. 2026లో ఇది డీఆర్‌డీఓతో ఒక కీలక ఒప్పందం కూడా కుదుర్చుకుంది. ఇలా విజయవంతంగా దూసుకెళ్తున్న కంపెనీ స్టాక్ మార్కెట్లోనూ అద్భుతంగా రాణిస్తోంది. ఇన్వెస్టర్లకు కాసుల పంట పండిస్తోంది.ఓపికతో పదేళ్లకుపైగా ఎదురుచూసిన వారు వెనక్కి తిరిగి చూసుకోవాల్సిన అవసరం లేకుండా అద్భుత స్థాయిలో లాభాల్ని అందించింది. కేవలం రూ. 1 లక్ష ఇన్వెస్ట్ చేసిన వారిని కూడా కోటీశ్వరులుగా చేయడం విశేషం. ఈ కెమికల్ సెక్టార్ స్టాక్ ప్రైస్ 2013 ఆగస్టు 8న సమయంలో కేవలం రూ. 33.99 వద్ద ఉంది. ఇప్పుడు చూస్తే 2026 ఆగస్ట్ 12 సెషన్‌లో సరిగ్గా రూ. 8200 స్థాయిలో ఉంది. ఈ క్రమంలో ఒక్కో షేరుపైనే

దేశీయ స్టాక్‌ మార్కెట్లు సోమవారం స్వల్ప లాభాలతో ముగిశాయి. రోజంతా సూచీలు పరిమిత శ్రేణిలోనే కదిలాయి. హర్మూజ్ జలసంధిని తిరిగి తెరవడంపై నెలకొన్న అనిశ్చితి నేపథ్యంలో ఇన్వెస్టర్లు ఆచితూచి వ్యవహరించారు. దీంతో మార్కెట్లలో పెద్దగా కదలిక కనిపించలేదు.సెన్సెక్స్‌ 43.27 పాయింట్లు లాభపడి 78,542.44 వద్ద ముగిసింది. నిఫ్టీ 13.15 పాయింట్లు పెరిగి 24,583.80 వద్ద స్థిరపడింది. కొన్ని రంగాల్లో కొనుగోళ్లు జరగడం సూచీలను స్వల్ప లాభాల్లో నిలిపింది. మరోవైపు ప్రభుత్వ రంగ బ్యాంకులు, ఎఫ్‌ఎంసీజీ షేర్లలో అమ్మకాల ఒత్తిడి కనిపించింది.నిఫ్టీకి 24,600-24,700 స్థాయి తక్షణ నిరోధంగా మారిందని మార్కెట్‌ నిపుణులు తెలిపారు. 24,700 పైన స్థిరంగా నిలిస్తే కొనుగోళ్లు పెరిగి 24,800 వైపు వెళ్లే అవకాశం ఉందన్నారు. దిగువన 24,500 కీలక మద్దతు స్థాయిగా పేర్కొన్నారు. ఈ స్థాయి కిందకు పడితే 24,400-24,300 వరకు క్షీణించే అవకాశం ఉందని వివరించారు.నిఫ్టీ స్టాక్స్‌లో ఎస్‌బీఐ, ఐటీసీ, ఎటర్నల్‌ షేర్లు నష్టాల్లో నిలిచి సూచీలపై ఒత్తిడి పెంచాయి. నిఫ్టీ మిడ్‌క్యాప్‌ 0.62 శాతం లాభపడగా, నిఫ్టీ స్మాల్‌క్యాప్‌ 0.27 శాతం నష్టపోయింది.రంగాల వారీగా చూస్తే నిఫ్టీ పీఎస్‌యూ బ్యాంక్‌ దాదాపు 2 శాతం పతనమై అత్యధిక నష్టాలను చవిచూసింది. ఫార్మా, ఎఫ్‌ఎంసీజీ సూచీలు కూడా నష్టాల్లో ముగిశాయి. రియల్టీ షేర్లకు మాత్రం కొనుగోళ్ల మద్దతు లభించింది.హర్మూజ్ పరిణామాలతో ముడిచమురు ధరలు, ప్రపంచ మార్కెట్లపై ప్రభావం ఎలా ఉంటుందన్న దానిపై ఇన్వెస్టర్లు దృష్టి పెట్టారు. తొలి త్రైమాసిక ఆర్థిక ఫలితాల సీజన్‌ చివరి దశకు చేరుకుంది. దీంతో ఈ వారం వాటి

Power India Share Price Today: స్టాక్ మార్కెట్లలో ఎప్పుడు ఏం జరుగుతుందో ముందుగానే చెప్పలేం. కొన్ని స్టాక్స్ అప్పటికప్పుడు పతనమైనా, ఇంకొన్ని స్టాక్స్ మాత్రం భారీ రిటర్న్స్ అందిస్తుంటాయి. ఎప్పుడు ఎలా స్పందిస్తుంటాయో మార్కెట్లను జాగ్రత్తగా గమనిస్తే అంచనా వేయొచ్చు. అలా అని పెరుగుతుందని కొనేయడం, పడుతుంది కదా అని అమ్మేయడం కూడా చేయొద్దు. ఇక్కడ ఆయా కంపెనీల ఫలితాలు, ప్రకటనలు, భవిష్యత్తు వ్యూహాలు, పెట్టుబడి ప్రణాళికలు ఇలా అన్నీ కీలక పాత్ర పోషిస్తుంటాయి. వీటి గురించి ఎప్పటికప్పుడు జాగ్రత్తగా తెలుసుకోవడం ముఖ్యం. ఏదేమైనా రిస్క్‌తో కూడుకున్న స్టాక్ మార్కెట్లలో మాత్రం ఆర్థిక నిపుణుల సలహాతోనే ఇన్వెస్ట్ చేయడం మంచిది. అప్పుడే రిస్క్ ఉన్నా దీర్ఘకాలంలో మెరుగైన రిటర్న్స్ అందుకునేందుకు అవకాశం ఉండొచ్చు.ముఖ్యంగా ఫలితాల సమయంలో చూస్తే కొన్ని స్టాక్స్ ఫలితాలకు ముందూ, తర్వాత రికార్డు స్థాయిలో పెరిగేవి ఉంటాయి. ఫలితాలు నిరాశపర్చితే అదే స్థాయిలో పడిపోయేవి ఉంటాయి. ఇప్పుడు 2026-27 ఆర్థిక సంవత్సరం తొలి త్రైమాసికం ఫలితాల్ని వెల్లడించిన అనంతరం ఒక స్టాక్ భారీగా పుంజుకుంది. అదే భారతదేశంలోని ప్రముఖ పవర్ ట్రాన్స్‌మిషన్, క్లీన్ ఎనర్జీ మౌలిక వసతుల రంగంలో పనిచేస్తున్న పవర్ టెక్నాలజీ సంస్థ హితాచీ ఎనర్జీ ఇండియా లిమిటెడ్. ఇది స్టాక్ ఎక్స్చేంజీల్లో పవర్ ఇండియా పేరుతో లిస్టయి ఉంది.సోమవారం సెషన్‌లో ఈ స్టాక్ ధర ఊహించని స్థాయిలో పెరిగింది. గత శుక్రవారం రోజు NSE లో ఈ స్టాక్ ధర రూ. 32,600 వద్ద ముగియగా ఇవాళ నేరుగా 7 శాతానికిపైగా పెరిగి రూ. 35 వేల వద్ద ఓపెన్ అయింది. అంతటితో ఆగిందా లేదు. ఇంకా పెరిగి ఇంట్రాడేలో ఒక దశలో ఏకంగా 10 శాతానికిపైగా పుంజుకొని రూ. 35,880 వద్ద సెషన్ గరిష్ఠాన్ని నమోదు చేసింది. ఇక్కడ స్టాక్ ధర ఒక్కో షేరుపై ఒక్కరోజులోనే ఏకంగా రూ. 3280 పెరగడం విశేషం. దీంతో ఈ

Bonus Shares: పెట్టుబడుల్లో స్టాక్ మార్కెట్ రిస్క్‌తో కూడుకున్నదని చెప్పొచ్చు. అంటే ఇక్కడ ఏ స్టాక్ ఎప్పుడు పెరుగుతుందో, ఏ స్టాక్ ఎప్పుడు పడిపోతుందో చెప్పలేం. కానీ కొన్ని స్టాక్స్ ఊహించని స్థాయిలో రిటర్న్స్ ఇస్తుంటాయి. ఇదే ఆశతో చాలా మంది ఏమాత్రం అవగాహన లేకుండా అందులోకి దిగి మోసపోతుంటారు. కానీ అవగాహన లేకుండా స్టాక్ మార్కెట్లలో ఇన్వెస్ట్ చేయడం అంత మంచిది కాదని ఆర్థిక నిపుణులు సూచిస్తున్నారు. కచ్చితంగా సెబీ ఎక్స్‌పర్ట్స్ సలహాలు తీసుకోవాలని చెబుతుంటారు. స్టాక్ మార్కెట్ పెట్టుబడుల్లో ముఖ్యంగా ఆయా కంపెనీల పనితీరు, ఫలితాలు, పెట్టుబడి ప్రణాళికలు, ప్రకటనలు ఇలా అన్నీ గమనిస్తూ దీర్ఘ కాలం పాటు పెట్టుబడులు కొనసాగిస్తూ ఓపికతో ఉంటేనే మంచి రాబడి ఆశించవచ్చు.ఇక్కడ లాంగ్ రన్‌లో చూస్తే కేవలం స్టాక్ ధర పెరగడంతోనే కాదు కంపెనీ ప్రకటించే ఇతర ఆఫర్లు కూడా రాబడిని పెంచుతుంటాయి. ఇందులో బోనస్ ఇష్యూ, డివిడెండ్లు, స్టాక్ స్ప్లిట్, షేర్ల బైబ్యాక్ వంటివి ప్రకటిస్తుంటాయి. దీని వల్ల అదనపు రాబడి వస్తుంటుంది. ఇలానే బోనస్ ఇష్యూ, డివిడెండ్లు అందిస్తూ అదే స్థాయిలో దీర్ఘకాలంలో మంచి రిటర్న్స్ అందించిన ఒక మల్టీబ్యాగర్ స్టాక్ గురించి చూద్దాం.అదే స్కై గోల్డ్ అండ్ డైమండ్స్ లిమిటెడ్. ప్రస్తుతం ఈ షేరు ధర రూ. 723 గా ఉంది. గత శుక్రవారం సెషన్‌లో దాదాపు 5 శాతం పెరిగింది. మార్కెట్ విలువ ప్రస్తుతం రూ. 11.14 వేల కోట్లుగా ఉంది. స్టాక్ 52 వారాల గరిష్ఠ ధర రూ. 728.40 కాగా, కనిష్ఠ ధర రూ. 259 గా ఉంది. ఇప్పుడు కంపెనీ క్యూ1 ఫలితాల్లోనూ అదరగొట్టింది. నికర ఆదాయం సమీక్షా త్రైమాసికంలో ఏకంగా 78 శాతం పెరిగింది. ప్రాఫిట్ కూడా 2.4 రెట్లు పెరిగింది.Read Also: ప్రతి నెలా రూ. 15 వేల సిప్ చేస్తే 30 ఏళ్లలో ఎంతొస్తుందో తెలుసా? భారీ సంపద.. లెక్కలివేఈ