Match News

దులీప్ ట్రోఫీ2026లో భాగంగా అద్భుత ప్రదర్శన చేసిన కెప్టెన్ తిల‌క్ వ‌ర్మ త‌న జ‌ట్టు సౌత్‌ జోను ఒంటిచేత్తో ఫైన‌ల్ చేర్చాడు. ఈ క్రమంలో టెస్ట్ క్రికెట్‌పై కీలక వ్యాఖ్యలు చేశాడు. స్పోర్ట్స్ డెస్క్: దులీప్ ట్రోఫీ2026లో భాగంగా అద్భుత ప్రదర్శన చేసిన కెప్టెన్ తిల‌క్ వ‌ర్మ త‌న జ‌ట్టు సౌత్‌జోను ఒంటిచేత్తో ఫైన‌ల్ చేర్చాడు. నార్త్‌ జోన్‌తో జ‌రిగిన సెమీ ఫైన‌ల్లో సౌత్‌ జోన్ 7 వికెట్ల తేడాతో విజ‌యం సాధించింది. జట్టును విజ‌యప‌థంలో న‌డిపించిన తిలక్ వర్మ 'ప్లేయర్ ఆఫ్ ది మ్యాచ్' అవార్డు సొంతం చేసుకున్నాడు. ప్ర‌జంటేష‌న్ సంద‌ర్భంగా తిల‌క్ వ‌ర్మ టెస్ట్ క్రికెట్‌పై ఆస‌క్తిక‌ర వ్యాఖ్య‌లు చేశాడు. ‘రెడ్ బాల్ క్రికెట్ ఆడ‌డాన్ని ఎంతో ఇష్ట‌ ప‌డుతా. నాకు టెస్ట్ క్రికెట్ అంటే చాలా ఇష్టం. వైట్‌బాల్ క్రికెట్‌లో జాతీయ జ‌ట్టుకు ప్రాతినిధ్యం వ‌హిస్తానని నేనెప్పుడు క‌ల క‌న‌లేదు. అదంతా దేవుడే ప్లాన్ చేశాడని భావిస్తున్నాను. తొలుత టీ20ల ద్వారా టీమిండియా తరఫున అరంగేట్రం చేసిన నేను తర్వాత వన్డే క్రికెట్ కూడా ఆడాను. కానీ టెస్ట్ క్రికెట్‌లో నా బలాన్ని నిరూపించుకోవాలని ఎదురుచూస్తున్నా' అని తిలక్ పేర్కొన్నాడు. 'ఎప్పటికైనా భారత టెస్టు క్రికెట్ జట్టులో ఆడాలన్నదే నా కల. అది త్వరలోనే నెరవేరుతుందని ఆశిస్తున్నాను. ఐపీఎల్ కారణంగా వైట్‌బాల్ క్రికెట్‌లో టీమిండియాకు ఎంపికయ్యాను. కానీ ఐపీఎల్‌కు రాకముందే రెడ్ బాల్ క్రికెట్‌లో చాలా కష్టపడ్డాను. అందుకే టెస్టు క్రికెట్ ఆడడాన్ని ప్రేమించడంతో పాటు ఎంజాయ్ చేస్తాను. రంజీ ట్రోఫీ ఆడాలనుకుంటున్నప్పటికీ అంతర్జాతీయ షెడ్యూల్ కారణంగా అదీ జరగడం లేదు. అందుకే అవకాశం వచ్చినప్పుడే టెస్ట్ క్రికెట్‌లో వీలైనంత మేర రాణించాలని భావించాను' అని తిలక్ వెల్లడించాడు. కేరళ సీఎంతో రొనాల్డ్ సోదరి భేటీ.. వీడియో వైరల్ సాయి కృష్ణ లాకప్ డెత్ కేసు.. నలుగురి బెయిల్ పిటిషన్ల డిస్మిస్

ఇంటర్నెట్ డెస్క్: ఐసీసీ మొట్టమొదటిసారిగా నిర్వహించనున్న మహిళల ఛాంపియన్స్‌ ట్రోఫీ (ICC Women’s Champions Trophy)కి భారత్ ఆతిథ్యమివ్వనుంది. వచ్చే ఏడాది ఫిబ్రవరి 14 నుంచి 28 వరకు ఈ టోర్నమెంట్ జరగనుంది. మ్యాచ్‌లు క్రికెట్ క్లబ్ ఆఫ్ ఇండియా (ముంబయి), వడోదర అంతర్జాతీయ క్రికెట్ స్టేడియంలో జరుగుతాయి. కటాఫ్‌ డేట్ అయిన జులై 6 నాటికి మహిళల టీ20 ర్యాకింగ్స్‌లో తొలి ఆరు స్థానాల్లో ఉన్న జట్లు ఇందులో పోటీపడనున్నాయి. ఈ లెక్కన ఆస్ట్రేలియా, ఇంగ్లాండ్, భారత్, న్యూజిలాండ్, దక్షిణాఫ్రికా, శ్రీలంక టోర్నమెంట్‌కు అర్హత సాధించాయి. ప్రస్తుతం ఎనిమిదో స్థానంలో కొనసాగుతున్న పాకిస్థాన్‌ ఈ టోర్నమెంట్‌కు దూరమైంది. టీ20 ఫార్మాట్‌లో మ్యాచ్‌లు జరుగుతాయి. ప్రతి జట్టు మిగతా జట్లతో ఒక్కో మ్యాచ్‌ ఆడుతుంది. టాప్‌-2లో నిలిచిన టీమ్‌లు ఫిబ్రవరి 28న జరిగే ఫైనల్‌కు అర్హత సాధిస్తాయి. వాస్తవానికి, ఈ టోర్నీ శ్రీలంకలో జరగాల్సి ఉండగా.. శ్రీలంక క్రికెట్‌ బోర్డు పరిపాలన వ్యవహారాల్లో ఆ దేశ ప్రభుత్వం జోక్యం చేసుకుంటుందన్న కారణంగా ఆతిథ్య హక్కులను కోల్పోయింది. టోర్నమెంట్‌ నిర్వహణకు బంగ్లాదేశ్, భారత్, దక్షిణాఫ్రికాలను ఆప్షన్లుగా పెట్టుకున్న ఐసీసీ చివరకు ప్రత్యామ్నాయ ఆతిథ్య దేశంగా భారత్‌ను సిఫార్సు చేసింది. ఈ నిర్ణయాన్ని సెప్టెంబర్ 2న ఐసీసీ బోర్డు ఆమోదించింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

ఇంటర్నెట్ డెస్క్: భారత స్టార్ క్రికెటర్‌ విరాట్ కోహ్లీ (Kohli) తన కుటుంబంతో కలిసి కొన్నాళ్లుగా లండన్‌లో నివాసం ఉంటున్న సంగతి తెలిసిందే. టీమ్‌ఇండియా మ్యాచ్‌లు ఉన్నప్పుడు, ఐపీఎల్ సీజన్‌ సమయంలో మాత్రమే అతడు భారత్‌కు వస్తున్నాడు. దీంతో కోహ్లీ సోషల్ మీడియాలో విపరీతంగా ట్రోలింగ్‌కు గురయ్యాడు. అయితే, విరాట్ భారత్‌ను వీడి విరాట్ లండన్‌లో నివసించడానికి గల కారణాన్ని బాలీవుడ్ నటి మాధురీ దీక్షిత్‌ భర్త డా.శ్రీరామ్‌ నేనే తాజాగా బయటపెట్టారు. లండన్‌కు వెళ్లడానికి ముందు అనుష్క శర్మతో జరిపిన ఆసక్తికర సంభాషణను డా.శ్రీరామ్‌ యూట్యూబర్ రణవీర్ అల్లాబాడియాతో జరిగిన ఇంటర్వ్యూలో గుర్తుచేసుకున్నారు. తమకున్న స్టార్‌డమ్ కారణంగా భారత్‌లో కోహ్లీ-అనుష్క సాధారణ జీవితాన్ని గడపలేకపోతున్నారని, అందుకే లండన్‌లో స్థిర నివాసం ఏర్పరచుకున్నారని తెలిపారు. పబ్లిక్ అటెన్షన్‌కు దూరంగా ప్రశాంతమైన జీవితాన్ని గడిపేందుకు వారు ఈ నిర్ణయం తీసుకున్నట్లు చెప్పారు. కోహ్లీ దంపతులు తమ పిల్లలు వామికా, అకాయ్‌లను మీడియా దృష్టికి దూరంగా ఉంచి సాధారణంగా పెంచాలనుకుంటున్నారని తెలిపారు. మరోవైపు, టెస్టులు, టీ20లకు గుడ్‌ బై చెప్పిన కోహ్లీ.. వన్డే మ్యాచ్‌లు, ఐపీఎల్‌ మ్యాచ్‌ల సమయంలో భారత్‌కు వస్తున్నాడు. ఇక, 2018లో విడుదలైన ‘జీరో’ చిత్రం తర్వాత అనుష్క శర్మ నటనకు దాదాపు దూరంగా ఉన్నారు. ఆ తర్వాత ఆమె ‘చక్దా ఎక్స్‌ప్రెస్’లో నటించారు. ఇందులో అనుష్క మాజీ భారత క్రికెటర్ ఝులన్ గోస్వామి పాత్రను పోషించారు. అయితే, ఈ సినిమా ఇంకా విడుదల కాలేదు. ఆమె 2022లో తన నిర్మాణ సంస్థ ‘క్లీన్ స్లేట్ ఫిల్మ్స్’ బాధ్యతల నుంచి వైదొలిగి కుటుంబ బాధ్యతలు చూసుకుంటోంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు

ఇంటర్నెట్ డెస్క్: పాకిస్థాన్ క్రికెట్ బోర్డు మరోసారి వార్తల్లో నిలిచింది. లార్డ్స్ మైదానంలో ఇంగ్లాండ్ చేతిలో ఘోర పరాజయం తర్వాత ప్రధాన కోచ్ సర్ఫరాజ్ అహ్మద్, బౌలింగ్ కోచ్ ఉమర్ గుల్‌లను తొలగించి, ఏడుగురు ఆటగాళ్లను స్వదేశానికి పంపిన మరుసటి రోజే పీసీబీ మళ్లీ వార్తల్లోకెక్కింది. మొన్నటివరకు ఫీల్డింగ్ కోచ్‌గా ఉన్న షేన్ మెక్‌డెర్మాట్ పదవీకాలం జులైలో ముగిసింది. ప్రస్తుతం ఆ పదవి ఖాళీగా ఉంది. ఫీల్డింగ్ కోచ్ పదవిని భర్తీ చేయడానికి పాకిస్థాన్ దరఖాస్తులు ఆహ్వానించింది. అయితే, ఇందులో వింతేముంది అంటారా.. ఆగండి అసలు ట్విస్ట్ ఇక్కడే ఉంది మరి. కోచ్‌ నియమకానికి పీసీబీ ఏకంగా లింక్డ్‌ఇన్‌లో ఓపెన్ హైరింగ్ మొదలుపెట్టింది. పాకిస్థాన్ బోర్డు ఎంచుకున్న ఈ విధానాన్ని సోషల్ మీడియాలో నెటిజన్లు తెగ ట్రోల్ చేస్తున్నారు. తమదైన శైలిలో విమర్శలు, సెటైర్లతో ఆటాడుకుంటున్నారు. ‘‘నాకు ఆశ్చర్యంగా ఉంది! పీసీబీలో ఉద్యోగాల భర్తీ పూర్తిగా ప్రతిభ ఆధారంగానే జరుగుతోందా? ఇక్కడ సిఫార్సులు, పలుకుబడి ఏమీ పనిచేయవా?’’ అని ఓ యూజర్ వ్యంగ్యంగా స్పందించాడు. ‘‘దీన్ని ఇక్కడ ఎందుకు పోస్ట్ చేస్తున్నారు?ఆ పని కోసం నేరుగా ఏదైనా రిటైర్డ్ మిలిటరీ లేదా ఆర్మీ సిబ్బందిని సంప్రదించండి’’ అని మరో యూజర్ సెటైర్ వేశాడు. ‘‘దీనికి దరఖాస్తు చేద్దామని అనుకుంటున్నాను. గత 13 ఏళ్లుగా నేను ఇండస్ట్రియల్ ఆటోమేషన్ రంగంలో పనిచేశాను. ఏం జరుగుతుందో చూద్దాం’’ అని మరో నెటిజన్ కామెంట్ చేశాడు. ‘‘ఈ పదవి గురించి ఆసక్తిగా ఉంది.. మొన్న రెండు క్యాచ్‌లు డ్రాప్ చేశా’’ అని మరో యూజర్ వ్యంగ్యంగా అన్నాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత

ఐసీసీ వరల్డ్ టెస్ట్ ఛాంపియన్‌షిప్ (WTC) 2025-27 సైకిల్ ఉత్కంఠభరితంగా సాగుతోంది. ఆగస్టు 2026 నాటికి జట్లు ఫైనల్ బెర్త్ కోసం తీవ్రంగా పోటీ పడుతున్నాయి. ఆస్ట్రేలియా 10 మ్యాచ్‌ల్లో 8 విజయాలతో టేబుల్ టాప్‌లో ఉండగా, సౌతాఫ్రికా 4 మ్యాచ్‌ల్లో 36 పాయింట్లతో రెండో స్థానంలో ఉంది. శ్రీలంకతో ఇటీవల ముగిసిన 2 టెస్టుల సిరీస్‌ను భారత్ 1-0తో గెలుచుకున్నప్పటికీ, చివరి టెస్ట్ డ్రా కావడంతో పాయింట్ల పట్టికలో 5వ స్థానానికే పరిమితమైంది. డబ్ల్యూటీసీ 2025-27 సైకిల్‌లో జట్ల ప్రస్తుత పరిస్థితి గమనిస్తే.. 2023 డబ్ల్యూటీసీ విజేత అయిన ఆస్ట్రేలియా ఈ సైకిల్‌ను కూడా అదిరిపోయేలా ప్రారంభించింది. కారికోడ్ గ్రౌండ్స్‌లో వెస్టిండీస్‌ను క్లీన్ స్వీప్ చేయడంతో పాటు స్వదేశంలో యాషెస్ సిరీస్‌ను కైవసం చేసుకుంది. బంగ్లాదేశ్‌తో జరిగిన మొదటి టెస్టులో ఊహించని ఓటమి ఎదురైనప్పటికీ, మ్యాకేలో జరిగిన రెండో టెస్టులో గెలిచి 80 పాయింట్ల శాతంతో మొదటి స్థానాన్ని మరింత పటిష్టం చేసుకుంది. ఆసీస్ తరఫున ట్రావిస్ హెడ్ 914 రన్స్ తో, మిచెల్ స్టార్క్ 58 వికెట్లతో అగ్రస్థానంలో ఉన్నారు. మరోవైపు సౌతాఫ్రికా 75.00 పిసిటితో రెండో స్థానంలో ఉంది. భారత్ గడ్డపై ఏకంగా 25 ఏళ్ల తర్వాత టెస్టు సిరీస్‌ను 2-0తో క్లీన్ స్వీప్ చేసి రికార్డు సృష్టించింది. టెంబా బవుమా కెప్టెన్సీలోని సఫారీ జట్టు ఇప్పటికే రెండు కఠినమైన పర్యటనలను విజయవంతంగా ముగించింది. తొలి డబ్ల్యూటీసీ విజేత న్యూజిలాండ్ 6 మ్యాచ్‌ల్లో 4 విజయాలతో (72.22 PCT) మూడో స్థానంలో నిలిచింది. ఇంగ్లాండ్‌ను వారి స్వదేశంలోనే 2-1 తేడాతో ఓడించి రికార్డు కొట్టింది. న్యూజిలాండ్ తరఫున డెవాన్ కాన్వే 676 పరుగులు, జాకబ్ డఫీ 23 వికెట్లు తీశారు. ఇక బంగ్లాదేశ్ ఈ సైకిల్‌లో దుమ్మురేపుతోంది. 6 మ్యాచ్‌ల్లో 3 విజయాలతో 55.56 పిసిటి సాధించి 4వ స్థానంలో నిలిచింది. ఆస్ట్రేలియాపై సంచలన విజయం సాధించడమే కాకుండా, పాకిస్థాన్‌పై

ముఖ్యమంత్రి విజయ్ సారథ్యంలో తమిళనాడులో అధికారంలో ఉన్న టీవీకే ప్రభుత్వం ఎంతో ప్రతిష్టాత్మకంగా చేపట్టనున్న తాయిమామన్ తంగ మోతిరం పథకం టెండర్ ప్రక్రియ పూర్తయింది. ప్రముఖ జ్యువెలరీ సంస్థలు జోయ్ ఆలుక్కాస్, కల్యాణ్ జ్యువెలరీస్ ఎంపిక అయ్యాయి. 755 కోట్ల రూపాయల విలువ చేసే టెండర్లు ఇవి. బంగారం ఉంగరాన్ని తయారు చేయడం, రవాణా, ఇతరత్రా ఖర్చులను ఆ సంస్థలే భరించాల్సి ఉంటుంది.ఈ పథకం కింద తమిళనాడులోని అన్ని ప్రభుత్వ ఆసుపత్రులలో జన్మించే సుమారు 4.42 లక్షల మంది నవజాతా శిశువులకు ఒక్కో గ్రాము చొప్పున బంగారు ఉంగరాలను బహూకరిస్తారు. ఈ పథకానికి సంబంధించిన బంగారపు వ్యయాన్ని మార్కెట్ ధరల ఆధారంగా ప్రభుత్వమే భరిస్తుంది. నిరుపేద కుటుంబాలకు ఆర్థికంగా, సామాజికంగా అండగా నిలిచేందుకు విజయ్ ఈ పథకానికి అత్యంత ప్రాధాన్యత ఇస్తోన్నారు.దీనికోసం తమిళనాడు మెడికల్ సర్వీసెస్ జూలై 14న దేశవ్యాప్తంగా టెండర్లను ఆహ్వానించింది. అధికారిక టెండర్ల పోర్టల్ ద్వారా జోయ్ ఆలుక్కాస్, కల్యాణ్ జ్యవెలరీస్, జీఆర్‌టీ జ్యువెలర్స్, ఉమ్మిడి జ్యువెలర్స్ వంటి మొత్తం 11 జ్యువెలరీ సంస్థలు ఈ బిడ్డింగ్ ప్రక్రియలో పాల్గొన్నాయి. బిడ్డింగ్ దాఖలు చేశాయి. ఆయా సంస్థల్లో అన్నింటికంటే తక్కువ ధరను కోట్ చేశాయి.. జాయ్ అలుక్కాస్, కల్యాణ్ జ్యువెలర్స్.ఆనందం పట్టలేక.. నిండు సభలో విజయ్ పై పాట పాడిన మహిళా ఎమ్మెల్యే: సిగ్గుతో మెలికలు తిరిగిన సీఎందీంతో వీటిని ప్రభుత్వం ఎంపిక చేసింది. 70:30 నిష్పత్తిలో బంగారు ఉంగరాల తయారీ, సరఫరా బాధ్యతలను అప్పగిస్తూ పరిపాలనా అనుమతులు మంజూరయ్యాయి. జాయ్ ఆలుక్కాస్ అతి తక్కువ బిడ్డింగ్ నమోదు చేసింది. ఒకే ఒక్క పైసా సర్వీస్ ఛార్జీని మాత్రమే కోట్ చేస్తూ ఈ టెండర్‌ను దక్కించుకుంది. బంగారం ధర తప్ప.. ఉంగరం మేకింగ్ ఛార్జీలు, రవాణా, ఇన్సూరెన్స్, హాల్ మార్కింగ్, సర్వీస్ ఛార్జీలు.. అన్నింటికీ కలిపి ఒకే ఒక్క పైసా కోట్ చేసి టెండర్ దక్కించుకుంది జాయ్ అలుక్కాస్.సీఎం విజయ్ బిగ్

ఇంటర్నెట్ డెస్క్‌: ఆస్ట్రేలియాపై తొలి టెస్టులో సంచలన విజయం సాధించిన బంగ్లాదేశ్‌కు (AUS vs BAN) రెండో టెస్టులో పెనుసవాల్ ఎదురైంది. మాక్నాయ్‌ మైదానంలో జరుగుతోన్న రెండో టెస్టు తొలి ఇన్నింగ్స్‌లో బంగ్లాదేశ్‌ 64 పరుగులకే కుప్పకూలింది. తొలి ఆరుగురు బ్యాటర్లు సింగిల్ డిజిట్‌కే పరిమితం కాగా.. అందులో నలుగురు డకౌట్‌ కావడం గమనార్హం. బంగ్లా ఆఖరి బ్యాటర్ షోరిఫుల్ ఇస్లామ్‌ (14*) టాప్‌ స్కోరర్. అతడితోపాటు మెహిదీ హసన్ (11), హసన్ మహ్ముద్‌ (10), తౌజుల్ ఇస్లామ్ (11*) మాత్రమే రెండంకెల స్కోరు చేశారు. చివరి వికెట్‌కు తౌజుల్ - షోరిఫుల్ 25 పరుగుల భాగస్వామ్యమే ఈ ఇన్నింగ్స్‌లో అత్యధికం. ఆసీస్‌ బౌలర్లలో మిచెల్ స్టార్క్ 6, కమిన్స్ 3, జోష్ హేజిల్‌వుడ్ ఒక వికెట్ తీశారు. తొలి టెస్టులో ఓటమితో తీవ్ర స్థాయిలో విమర్శలు ఎదుర్కొన్న ఆసీస్‌ టాస్ నెగ్గి ఫీల్డింగ్‌ ఎంచుకుంది. స్టార్ పేసర్ మిచెల్ స్టార్క్ (Starc) నిప్పులు చెరిగే బౌలింగ్‌తో బంగ్లాను బెంబేలెత్తించాడు. బంగ్లా కోల్పోయిన మొదటి నాలుగు వికెట్లను స్టార్క్‌ పడగొట్టాడు. తొలి బంతికే ఓపెనర్ షద్మాన్ (0)ను ఔట్ చేసిన స్టార్క్.. మరో ఓపెనర్ తన్జిద్ (0)ను కూడా డకౌట్‌ చేశాడు. మోమినల్ హక్ (9) కాస్త పోరాడినా అది సరిపోలేదు. స్టార్క్ బౌలింగ్‌లోనే వికెట్ సమర్పించుకున్నాడు. బంగ్లా కెప్టెన్ షాంటో (0)ను స్టార్క్ వికెట్ల ముందు దొరకబుచ్చుకున్నాడు. సీనియర్‌ ప్లేయర్ ముస్తాఫికర్ రహీమ్‌ (5) కమిన్స్ బౌలింగ్‌లో బౌల్డ్ కాగా.. లిటన్ దాస్ (5)ను స్టార్క్‌ ఎల్బీ చేశాడు. దీంతో 21 పరుగులకే 6 వికెట్లను కోల్పోయింది. కేవలం తాను వేసిన తొలి 22 బంతుల్లోనే ఫైఫర్ తీసి స్టార్క్ అదరగొట్టాడు. కనీసం 30 పరుగులైనా చేస్తుందా? లేదా? అనే పరిస్థితుల్లో ఉన్న బంగ్లాను (AUS vs BAN) మెహిదీ - హసన్‌, షోరిఫుల్ - తౌజుల్ భాగస్వామ్యాలు కాపాడాయి. మెహిదీ

India vs Sri Lanka 2nd Test: భారత్, శ్రీలంకల మధ్య జరుగుతున్న రెండు మ్యాచ్‌ల టెస్ట్ సిరీస్‌లోని రెండవ, చివరి మ్యాచ్ ఆగస్టు 23, అంటే ఈ ఆదివారం, కొలంబో అంతర్జాతీయ క్రికెట్ స్టేడియంలో ప్రారంభం కానుంది. ఈ మ్యాచ్ ఇరు జట్లకు కీలకం. ఎందుకంటే, ఈ మ్యాచ్‌లో టీమ్ ఇండియా గెలిస్తే, సిరీస్ సొంతమవుతుంది. మరోవైపు, శ్రీలంక గెలిస్తే, సిరీస్ 1-1 డ్రాగా ముగుస్తుంది. అందువల్ల, ఇరు జట్లు గెలవాలనే ఉద్దేశంతోనే మైదానంలోకి దిగుతాయి. అయితే, ఈ మ్యాచ్‌కు మరో రోజు మాత్రమే మిగిలి ఉండగా, శ్రీలంక జట్టులో రెండు ముఖ్యమైన మార్పులు జరిగాయి. రెండో టెస్టుకు శ్రీలంక జట్టు నుంచి ఇద్దరు ఆటగాళ్లు దూరమైతే, వారి స్థానంలో ఇద్దరు ఆటగాళ్లను జట్టులోకి తీసుకున్నారు. గాయం కారణంగా కుసల్ మెండిస్ చివరి టెస్టుకు దూరమైతే, ఐసీసీ నిబంధనల వల్ల దినేష్ చండిమాల్ కూడా చివరి టెస్టు ఆడలేడు. అందువల్ల, అతని స్థానంలో కమీల్ మిశ్రా, ఆల్‌రౌండర్ సహాన్ అరాచీలను జట్టులోకి తీసుకున్నారు. గాయం కారణంగా తొలి టెస్టుకు దూరమైన పతుమ్ నిస్సంక కూడా రెండో టెస్టులో ఆడతాడో లేదో సందేహాస్పదంగా ఉంది. ఎక్కువమంది చదివినది: ఏడాది పాటు నిషేధం.. కట్‌చేస్తే.. 11 ఫోర్లు, 11 సిక్సర్లు.. 72 బంతుల్లో రికార్డుల ఊచకోత..! వాస్తవానికి, కుసల్ మెండిస్ తొడ కండరాల గాయం కారణంగా మొదటి టెస్టుకు దూరమయ్యాడు. అయితే, అతను రెండో టెస్టు మ్యాచ్‌కు ఫిట్‌గా ఉంటాడని భావించారు, కానీ అలా జరగలేదు. అందుకే, అతన్ని జట్టు నుంచి తొలగించారు. ఇదిలా ఉండగా, గాలే టెస్టు మ్యాచ్ సందర్భంగా దినేష్ చండిమాల్ గాయపడ్డాడు. అందుకే, కంకషన్ రీప్లేస్‌మెంట్‌గా పసిందు సూర్యబందరను జట్టులోకి తీసుకున్నారు. ఐసీసీ కంకషన్ నిబంధనల ప్రకారం, దినేష్ రెండో మ్యాచ్‌లో ఆడలేడు. ఎందుకంటే, గాయం కారణంగా జట్టుకు దూరమైన ఆటగాడు కనీసం ఏడు రోజుల పాటు జట్టులో ఆడలేడు. అందువల్ల

భారత్-అఫ్గానిస్థాన్ మధ్య వచ్చే నెల జరగాల్సిన మూడు మ్యాచ్‌ల టీ20 సిరీస్ షెడ్యూల్‌లో మార్పులు చోటుచేసుకునే అవకాశం కనిపిస్తోంది. మ్యాచ్‌ల తేదీలను కొన్ని రోజులు ముందుకు జరపాలని అఫ్గానిస్థాన్ క్రికెట్ బోర్డు (ACB) ప్రతిపాదించినట్లు సమాచారం. ఇంటర్నెట్ డెస్క్: భారత్-అఫ్గానిస్థాన్ మధ్య వచ్చే నెల జరగాల్సిన మూడు మ్యాచ్‌ల టీ20 సిరీస్ షెడ్యూల్‌లో మార్పులు చోటుచేసుకునే అవకాశం కనిపిస్తోంది. మ్యాచ్‌ల తేదీలను కొన్ని రోజులు ముందుకు జరపాలని అఫ్గానిస్థాన్ క్రికెట్ బోర్డు (ACB) ప్రతిపాదించినట్లు సమాచారం. దీనిపై ఏసీబీ, బీసీసీఐ మధ్య చర్చలు జరుగుతున్నప్పటికీ.. ఇప్పటివరకు అధికారిక నిర్ణయం తీసుకోలేదు. ప్రస్తుతం ఈ మూడు టీ20 మ్యాచ్‌లు సెప్టెంబర్ 13, 15, 17 తేదీల్లో జరగాల్సి ఉంది. అయితే వీటిని సెప్టెంబర్ 11, 13, 14 తేదీలకు మార్చాలని ఏసీబీ నుంచి బీసీసీఐకి ప్రతిపాదన వెళ్లినట్లు తెలుస్తోంది. ఇందులో సెప్టెంబర్ 14న గణేశ్ చతుర్థి రోజున ఓ మ్యాచ్ నిర్వహించే అవకాశాన్ని కూడా పరిశీలిస్తున్నారు. పండగ రోజున మ్యాచ్.. వ్యూయర్‌షిప్‌పై కన్ను గణేశ్ చతుర్థి సందర్భంగా మ్యాచ్ నిర్వహిస్తే టీవీ వ్యూయర్‌షిప్‌తో పాటు స్టేడియంలో ప్రేక్షకుల సంఖ్య కూడా పెరిగే అవకాశం ఉందని ఏసీబీ వర్గాలు భావిస్తున్నట్లు సమాచారం. ఈ కారణంగానే షెడ్యూల్‌ను ముందుకు జరపాలని కోరినట్లు తెలుస్తోంది. మూడు మ్యాచ్‌లకు ఢిల్లీలోని అరుణ్ జైట్లీ స్టేడియం ఆతిథ్యమివ్వనుంది. అఫ్గానిస్థాన్ తొలిసారి భారత్‌తో ద్వైపాక్షిక సిరీస్‌కు ఆతిథ్యం ఇస్తుండటం ఈ సిరీస్ ప్రత్యేకత. అయితే మ్యాచ్‌లన్నీ భారత్‌లోనే జరగనున్నాయి. భారత్‌కు శ్రీలంకతో టెస్టు సిరీస్ ఆగస్టు 27న ముగియనుంది. సెప్టెంబర్ 24న ఆసియా క్రీడలు ప్రారంభం కానున్న నేపథ్యంలో మధ్యలో భారత జట్టుకు ఖాళీ సమయం ఉంది. బంగ్లాదేశ్‌తో సిరీస్ కూడా జరిగే అవకాశం లేనందున.. అఫ్గానిస్థాన్ సిరీస్‌ను ముందుకు జరపడం సాధ్యమేననే అభిప్రాయాలు వ్యక్తమవుతున్నాయి. అయితే షెడ్యూల్ మార్పుపై బీసీసీఐ, ఏసీబీ నుంచి ఇంకా అధికారిక ప్రకటన రాలేదు. కుల్‌దీప్ యాదవ్‌పై వారికి

ప్రపంచ టెస్టు ఛాంపియన్‌షిప్ (WTC) 2025-27 సైకిల్ ఫైనల్ రేస్ ఇప్పుడు అత్యంత ఆసక్తికరంగా మారింది. మొత్తం 27 టెస్ట్ సిరీస్‌లలో ఇంకా 15 సిరీస్‌లు మిగిలి ఉన్నాయి. 2027 జూన్ 9 నుంచి 13 వరకు లండన్‌లోని 'ద ఓవల్' లో జరగనున్న టైటిల్ పోరుపైనే అన్ని జట్లు కన్నేశాయి. గత రెండు సైకిళ్ల లెక్కలు చూస్తే, ఏ జట్టు అయినా ఫైనల్ చేరాలంటే కనీసం 60% నుంచి 65% పాయింట్ల శాతం సాధించాల్సి ఉంటుంది. శుభ్‌మన్ గిల్ నాయకత్వంలోని టీమిండియా ప్రస్తుతం శ్రీలంక పర్యటనలో రెండు టెస్టుల సిరీస్ ఆడుతోంది. గాలేలో జరిగిన మొదటి టెస్టులో భారత్ 165 పరుగుల భారీ తేడాతో ఘనవిజయం సాధించింది. ఈ గెలుపుతో భారత్ పాయింట్ల శాతంలో కాస్త మెరుగైంది. గత ఏడాది సొంతగడ్డపై దక్షిణాఫ్రికా చేతిలో 0-2తో సిరీస్ ఓడిపోవడంతో భారత్ అవకాశాలు తీవ్రంగా దెబ్బతిన్నాయి. దీంతో డబ్ల్యూటీసీ ఫైనల్ రేస్ నుంచి భారత్ దాదాపు అవుట్ అయినట్లే అని అంతా అనుకున్నారు. కానీ ఇప్పుడు టీమిండియాకు మళ్లీ అవకాశం దక్కింది. డబ్ల్యూటీసీ పాయింట్ల పట్టికలో భారత జట్టు ప్రస్తుతం 5వ స్థానంలో కొనసాగుతోంది. శ్రీలంకపై విజయం సాధించిన తర్వాత భారత్ పీసీటీలు పెగిగింది. ఇప్పటివరకు భారత్ మొత్తం 10 టెస్టులు ఆడింది. అందులో 5 మ్యాచ్‌ల్లో విజయం సాధించగా, 4 మ్యాచ్‌ల్లో ఓటమి పాలైంది. దక్షిణాఫ్రికా చేతిలో రెండు, ఇంగ్లాండ్‌ చేతిలో రెండు మ్యాచ్‌ల్లో భారత్ ఓడిపోయింది. ఇంగ్లాండ్‌తో జరిగిన మరో మ్యాచ్ డ్రాగా ముగిసింది. భారత్‌కు ప్రస్తుతం శ్రీలంకతో ఆడాల్సిన రెండో టెస్టుతో కలిపి మొత్తం 8 మ్యాచ్‌లు మిగిలి ఉన్నాయి. ఆ తర్వాత న్యూజిలాండ్ పర్యటనలో భారత్ 2 టెస్టులు ఆడుతుంది. అనంతరం ఆస్ట్రేలియాతో స్వదేశంలో 5 టెస్టుల భారీ సిరీస్ ఆడాల్సి ఉంది. భారత్‌కు ఇప్పుడు ప్రతి మ్యాచ్ చాలా కీలకం. ఫైనల్ చేరేందుకు కావాల్సిన 60% PCT

Shubman Gill Comments on India Test Victory: తొలి ఇన్నింగ్స్‌లో బ్యాటింగ్‌కు దిగిన భారత్ 462 పరుగుల భారీ స్కోరు సాధించి మ్యాచ్‌పై పూర్తి పట్టు బిగించింది. ఫస్ట్ డౌన్ బ్యాటర్ దేవదత్ పడిక్కల్ 167 పరుగులతో అద్భుత సెంచరీ నమోదు చేశాడు. అనంతరం బౌలింగ్‌లో స్పిన్నర్ మానవ్ సుతార్ తొలి ఇన్నింగ్స్‌లో 4 వికెట్లు తీసి ప్రత్యర్థిని 284 పరుగులకే కట్టడి చేశాడు. దీంతో లభించిన 178 పరుగుల తొలి ఇన్నింగ్స్ ఆధిక్యంతో బరిలోకి దిగిన భారత్, రెండో ఇన్నింగ్స్‌లో 193 పరుగులకు ఆలౌటైనా శ్రీలంక ముందు 372 పరుగుల భారీ లక్ష్యాన్ని నిర్దేశించింది. ఛేదనలో లంక జట్టు 206 పరుగులకే కుప్పకూలడంతో భారత్ చారిత్రక విజయాన్ని నమోదు చేసింది. పడిక్కల్ క్లాస్.. మానవ్ సుతార్ స్పిన్ మ్యాజిక్.. మ్యాచ్ ముగిసిన తర్వాత కెప్టెన్ గిల్ మాట్లాడుతూ జట్టు ప్రదర్శనపై ప్రశంసలు కురిపించాడు. ముఖ్యంగా స్పిన్నర్ మానవ్ సుతార్ రెండు ఇన్నింగ్స్‌ల్లోనూ అసాధారణ బౌలింగ్‌తో ప్రత్యర్థిని దెబ్బతీశాడని, అతనికి భారత జట్టులో గొప్ప భవిష్యత్తు ఉందని కొనియాడాడు. మొదటి ఇన్నింగ్స్‌లో సెంచరీ సాధించడంతో పాటు రెండో ఇన్నింగ్స్‌లోనూ ప్రత్యర్థి స్పిన్నర్లపై పూర్తి ఆధిపత్యం చలాయించిన పడిక్కల్ ఆటతీరు అమోఘమని గిల్ పేర్కొన్నాడు. పడిక్కల్ ఇలాంటి స్థిరమైన ప్రదర్శన కొనసాగిస్తే జట్టు డబ్ల్యూటీసీ ఫైనల్ చేరుకోవడం సులువవుతుందని వివరించాడు. ఎక్కువమంది చదివినది: IPL 2027: ముంబై ఇండియన్స్ సంచలన నిర్ణయం.. హార్దిక్ పాండ్యా సహా 8 మందికి గుడ్‌బై..? రెండో ఇన్నింగ్స్ వికెట్ల పతనంపై క్లారిటీ.. 600వ టెస్టు సంబరం.. రెండో ఇన్నింగ్స్‌లో భారత జట్టు వరుసగా వికెట్లు కోల్పోవడంపై గిల్ వ్యూహాత్మక వివరణ ఇచ్చాడు. రాబోయే రోజుల్లో వాతావరణ పరిస్థితులు ఎలా ఉంటాయో తెలియని కారణంగా ప్రత్యర్థి ముందు వీలైనంత వేగంగా 400 పైచిలుకు లక్ష్యం ఉంచాలనే ఆలోచనతోనే బ్యాటర్లు దూకుడుగా ఆడారని స్పష్టం చేశాడు. అప్పటికే మ్యాచ్ భారత్ నియంత్రణలోనే

గాలే క్రికెట్ స్టేడియంలో బుధవారం మధ్యాహ్నం 1:20 గంటల సమయంలో నల్లటి మబ్బులు కమ్ముకున్నాయి. వర్షం పడే సూచనలు స్పష్టంగా కనిపించాయి. దీంతో మ్యాచ్ డ్రాగానే ముగుస్తుందని అందరూ భావించారు. కానీ, అప్పుడు శ్రీలంకను కోలుకోలేని దెబ్బకొట్టాడు భారత యంగ్ ప్లేయర్. అద్భుతమైన బౌలంగ్ తో భారత యంగ్ స్పిన్నర్ మానవ్ సుతార్ మ్యాచ్ ను ముగించాడు. వర్షం పడటానికి సరిగ్గా ఐదు నిమిషాల ముందు, సుతార్ భారత్ టీమ్ కు అద్భుతమైన సెలబ్రేషన్స్ అందించాడు. విదేశీ గడ్డపై తనకు తొలి 6 వికెట్ల హాల్‌ అందించిన మ్యాచ్ విన్నింగ్ బంతిని తీసుకున్నాడు. కేషర నువాంతను క్లీన్ బౌల్డ్ చేసి భారత్‌కు 165 పరుగుల భారీ విజయాన్ని అందించాడు. టెస్ట్ మ్యాచ్ ఐదో రోజు బ్యాటర్ల ముందు కొన్ని కఠినమైన ప్రశ్నలు ఉంటాయి. ఎంతసేపు క్రీజులో నిలబడగలరు? అవుట్‌సైడ్ ఎడ్జ్ కాకుండా బంతిని ఎలా మిస్ చేయాలి? డిఫెన్సివ్ మైండ్‌సెట్‌తో రోజంతా బ్యాటింగ్ చేయడం సాధ్యమేనా? ఇవన్నీ ఆలోచిస్తేనే ఏ బ్యాటర్‌కైనా ఒత్తిడి పెరుగుతుంది. పాజిటివ్ నోట్‌తో ఐదో రోజు ఆటను ప్రారంభించిన ధనంజయ డిసిల్వా, సోనాల్ దినూష మొదట్లో బాగానే నిలబడ్డారు. పిచ్‌పై స్పిన్‌కు పెద్దగా తిరుగుడు లేకపోవడంతో బ్యాటింగ్‌ చేయడం కాస్త ఈజీగానే అనిపించింది. రోజు ప్రారంభమయ్యే సమయానికి బంతి 34 ఓవర్ల పాతదిగా, కాస్త సాఫ్ట్‌గా మారింది. లంకకు ఇది కాస్త హోప్స్ ఇచ్చింది. మొదటి ఇన్నింగ్స్‌లో కూడా 90 పరుగులకే 5 వికెట్లు కోల్పోయిన సమయంలో పాత బంతితోనే కోలుకున్నారు. ఈసారి కూడా అదే రిపీట్ చేస్తే భారత్‌ను ఇబ్బంది పెట్టవచ్చని అనుకున్నారు. మొదటి గంటన్నర పాటు శ్రీలంక ప్లాన్ ప్రకారమే ముందుకు సాగింది. ఈ టెస్ట్ మ్యాచ్‌లో ధనంజయ డిసిల్వా స్పిన్‌ను సరిగ్గా ఆడలేక రెండుసార్లు మాత్రమే పొరపాటు చేశాడు. మొదటి ఇన్నింగ్స్‌లో జడేజా బౌలింగ్‌లో స్లిప్‌లో క్యాచ్ ఇచ్చాడు. రెండో ఇన్నింగ్స్‌లో కూడా అదే తప్పు

శ్రీలంకపై తొలి టెస్టులో భారత యువ స్పిన్నర్‌ మానవ్‌ సుతార్‌ అదరగొట్టాడు. తన రెండో టెస్టులోనే ఏకంగా 10 వికెట్లు పడగొట్టి మ్యాచ్‌ విజయంలో కీలక పాత్ర పోషించాడు. అయితే ఈ అద్భుత ప్రదర్శన వెనుక ప్రత్యేకమైన ప్రణాళిక ఉంది. శ్రీలంక పరిస్థితులకు త్వరగా అలవాటు పడేందుకు ఇంట్లోనే కూకాబుర్రా బంతితో సాధన చేసినట్లు సుతార్‌ వెల్లడించాడు.గాలేలో జరిగిన తొలి టెస్టులో భారత్‌ 165 పరుగుల తేడాతో శ్రీలంకను ఓడించింది. దీంతో రెండు టెస్టుల సిరీస్‌లో 1-0 ఆధిక్యంలో నిలిచింది. ఈ విజయానికి సుతార్‌ బౌలింగ్‌ ప్రధాన కారణాల్లో ఒకటిగా నిలిచింది. శ్రీలంక రెండో ఇన్నింగ్స్‌లో సుతార్‌ 55 పరుగులు ఇచ్చి 6 వికెట్లు పడగొట్టాడు. మ్యాచ్‌లో మొత్తంగా 101 పరుగులకు 10 వికెట్లు సాధించాడు. రెండో టెస్టు ఆడుతున్న 22 ఏళ్ల సుతార్‌కు ఇది అద్భుతమైన ప్రదర్శన.ఆఫ్ఘనిస్థాన్‌తో మ్యాచ్‌ తర్వాత తన దృష్టంతా కూకాబుర్రా బంతికి అలవాటు పడటంపైనే పెట్టినట్లు సుతార్‌ తెలిపాడు. నెట్స్‌లోనే కాకుండా ఇంట్లో కూడా ఆ బంతితో సాధన చేశానని చెప్పాడు.‘‘క్రికెట్‌ను నేను చాలా సీరియస్‌గా తీసుకుంటా. రోజురోజుకూ మెరుగుపడటమే నా లక్ష్యం. శ్రీలంక సిరీస్‌కు ముందు వీలైనంత ఎక్కువగా కూకాబుర్రా బంతితో ప్రాక్టీస్‌ చేశా. ఇంట్లో, నెట్స్‌లో సాధన చేశా. ఇన్‌హౌస్‌ గేమ్స్‌పైనా దృష్టి పెట్టా’’ అని సుతార్‌ చెప్పాడు.టెస్టుకు 10 రోజుల ముందే భారత జట్టు శ్రీలంకకు చేరుకోవడం తనకు బాగా ఉపయోగపడిందని సుతార్‌ తెలిపాడు. అక్కడి వాతావరణం, పిచ్‌ పరిస్థితులను అర్థం చేసుకునేందుకు ఆ సమయం ఎంతో

శ్రీలంక (SL vs IND) పర్యటనను టీమ్‌ఇండియా (Team India) ఘనవిజయంతో ఆరంభించింది. రెండు టెస్టుల సిరీస్‌ తొలి మ్యాచ్‌ను శుభ్‌మన్‌సేన 165 పరుగుల తేడాతో చేజిక్కించుకుంది. 372 పరుగుల పెద్ద లక్ష్యంతో బరిలోకి దిగిన లంక.. మానవ్‌ సుతార్‌ (6/55) స్పిన్‌ ఉచ్చులో చిక్కుకుని 206 పరుగులకే ఆలౌటైంది. 84/4తో చివరి రోజు రెండో ఇన్నింగ్స్‌ను కొనసాగించిన ఆ జట్టు.. ఇంకో 122 పరుగులు జోడించి మిగతా 6 వికెట్లు కోల్పోయింది. ఈ మ్యాచ్‌ హైలైట్స్ చూసేయండి. ఈ వార్త చదివారా: మానవ్‌ మాయ

శ్రీలంకతో జరిగిన తొలి టెస్టులో 165 పరుగుల భారీ తేడాతో ఘన విజయం సాధించిన టీమిండియా సిరీస్‌పై కన్నేసింది. అయితే, ఈ గెలుపు ఉత్సాహంలో ఉన్నప్పటికీ, జట్టు కూర్పుపై యాజమాన్యం దృష్టి సారించినట్లు తెలుస్తోంది. ముఖ్యంగా స్పిన్నర్ కుల్దీప్ యాదవ్ ప్రదర్శనపై అసంతృప్తితో ఉన్న కెప్టెన్ శుభ్‌మన్ గిల్, కోచ్ గౌతమ్ గంభీర్.. కొలంబోలో జరగబోయే రెండో టెస్టుకు జట్టులో ఒక మార్పు చేసే అవకాశం ఉందని వార్తలు వస్తున్నాయి.గాలే వేదికగా జరిగిన మొదటి టెస్టులో కుల్దీప్ యాదవ్ తేలిపోయాడు. 25 ఓవర్లు బౌలింగ్ చేసి 103 పరుగులు ఇచ్చి కేవలం ఒకే ఒక్క వికెట్ పడగొట్టాడు. ఇదే మ్యాచ్‌లో రవీంద్ర జడేజా, మానవ్ సుతార్ వంటి ఇతర లెఫ్టార్మ్ స్పిన్నర్లు అద్భుతంగా రాణించి జట్టు విజయంలో కీలకపాత్ర పోషించారు. ఈ నేపథ్యంలో, కుల్‌దీప్‌ను పక్కనపెట్టి, అతడి స్థానంలో మధ్యప్రదేశ్‌కు చెందిన 33 ఏళ్ల ఆఫ్ స్పిన్నర్ సరాన్ష్ జైన్‌కు అరంగేట్రం చేసే అవకాశం ఇవ్వాలని జట్టు యాజమాన్యం యోచిస్తున్నట్లు సమాచారం.తొలి టెస్టులో భారత్ ముగ్గురు లెఫ్టార్మ్ స్పిన్నర్లతో (జడేజా, సుతార్, కుల్‌దీప్) బరిలోకి దిగింది. అయితే శ్రీలంక జట్టులో ఉన్న ఎడమచేతి వాటం బ్యాటర్లను ఎదుర్కోవడానికి ఒక రైట్ ఆర్మ్ ఆఫ్ స్పిన్నర్ ఉంటే జట్టుకు వైవిధ్యం లభిస్తుందని భావిస్తున్నారు. ఈ వ్యూహంలో భాగంగానే సరాన్ష్ జైన్‌ను సిరీస్‌కు ఎంపిక చేశారు. ఇప్పుడు అతడిని తుది జట్టులోకి తీసుకురావాలని యోచిస్తున్నారు.అయితే, ఈ మార్పుపై భిన్నాభిప్రాయాలు వ్యక్తమవుతున్నాయి. భారత మాజీ పేసర్ వెంకటేశ్ ప్రసాద్ దీనిపై స్పందిస్తూ

హాకీ ప్రపంచక్‌పలో ఓటమి లేకుండా కొనసాగుతున్న భారత మహిళలు రెండో రౌండ్‌కు చేరడమే లక్ష్యంగా ఇంగ్లండ్‌తో అమీతుమీకి సిద్ధమయ్యారు.. ఆమ్‌స్టెల్‌వీన్‌: హాకీ ప్రపంచక్‌పలో ఓటమి లేకుండా కొనసాగుతున్న భారత మహిళలు రెండో రౌండ్‌కు చేరడమే లక్ష్యంగా ఇంగ్లండ్‌తో అమీతుమీకి సిద్ధమయ్యారు. ఈ క్రమంలో ఇరుజట్ల మధ్య గురువారం గ్రూప్‌ ‘డి’ చివరి లీగ్‌ మ్యాచ్‌ జరగనుంది. ఈ మ్యాచ్‌ను డ్రా చేసుకొంటే చాలు..గ్రూప్‌ టాపర్‌గా మనోళ్లు తదుపరి రౌండ్‌లో అడుగుపెడతారు. ఆరంభ మ్యాచ్‌లో..ఒలింపిక్‌ రజత పతక విజేత చైనాను 2-2 నిలువరించిన భారత మహిళలు..ఆ తర్వాత దక్షిణాఫ్రికాను 6-1తో చిత్తు చేసిన విషయం విదితమే. భారత్‌, చైనా చెరో నాలుగేసి పాయింట్లతో సమంగా ఉన్నా..మెరుగైన గోల్స్‌ భేదంతో మనోళ్లు గ్రూప్‌ టాపర్‌గా నిలిచారు. మరోవైపు మూడు పాయింట్లతో ఉన్న ఇంగ్లండ్‌ మెగా టోర్నీలో ఆశలు సజీవంగా ఉంచుకోవాలంటే భారత్‌పై గెలవడం తప్పనిసరి

హాకీ ప్రపంచ కప్‌లో భారత పురుషుల జట్టు రెండో రౌండ్‌లో అడుగుపెట్టింది. గ్రూప్‌ ‘డి’లో భాగంగా బుధవారం జరిగిన తమ చివరి మ్యాచ్‌లో 5-3తో పాకిస్థాన్‌ను చిత్తు చేసింది. కెప్టెన్‌ హర్మన్‌ప్రీత్‌ సింగ్‌... రెండో రౌండ్‌కు హర్మన్‌ సేన వేదిక ఎక్కడైనా, పోటీ ఏదైనా పాకిస్థాన్‌ జట్టుపై భారత్‌దే ఆధిపత్యం..ఇది తాజా హాకీ ప్రపంచ కప్‌లోనూ నిరూపితమైంది.. తర్వాతి రౌండ్‌ చేరాలంటే కచ్చితంగా నెగ్గాల్సిన పోరులో చిరకాల ప్రత్యర్థిని భారత్‌ చిత్తుచేసింది. ఆమ్‌స్టెల్‌వీన్‌: హాకీ ప్రపంచ కప్‌లో భారత పురుషుల జట్టు రెండో రౌండ్‌లో అడుగుపెట్టింది. గ్రూప్‌ ‘డి’లో భాగంగా బుధవారం జరిగిన తమ చివరి మ్యాచ్‌లో 5-3తో పాకిస్థాన్‌ను చిత్తు చేసింది. కెప్టెన్‌ హర్మన్‌ప్రీత్‌ సింగ్‌ (5వ, 21వ) పెనాల్టీ కార్నర్లతో, అభిషేక్‌ (11వ, 24వ) ఫీల్డ్‌ గోల్స్‌తో డబుల్‌ ధమాకా మోగించారు. వైస్‌-కెప్టెన్‌ హార్దిక్‌ సింగ్‌ (34వ) పెనాల్టీ స్ట్రోక్‌తో మరో గోల్‌ అందించాడు. పాక్‌ ఆటగాళ్లలో షాహిద్‌ (22వ, 46వ.), సుఫ్‌యాన్‌ (24వ) గోల్స్‌ చేశారు. రెండో స్థానంలో నిలిచిన భారత్‌ (6), గ్రూప్‌టాపర్‌ ఇంగ్లండ్‌ (9 పాయింట్లు)తో కలిసి రెండో రౌండ్‌ చేరింది. ఈ ఓటమితో పాకిస్థాన్‌ టోర్నీ నుంచి నిష్క్రమించింది. 16ఏళ్ల తర్వాత వరల్డ్‌కప్‌లో పాక్‌తో తలపడిన భారత్‌.. మ్యాచ్‌లో ఆది నుంచే దూకుడు ప్రదర్శించింది. తొలి క్వార్టర్స్‌లోనే చెరో గోల్‌తో చెలరేగిన హర్మన్‌, అభిషేక్‌.. రెండో క్వార్టర్‌లోనూ గోల్స్‌ కొల్లగొట్టి భారత్‌ను తిరుగులేని స్థితిలో నిలిపారు. వెంటనే కోలుకొని రెండు గోల్స్‌ కొట్టిన పాక్‌ను దెబ్బకొడుతూ తర్వాతి క్వార్టర్‌లో హార్దిక్‌ గోల్‌తో విరుచుకుపడ్డాడు. దీంతో భారత్‌ ఆధిక్యం 5-2కి చేరింది. ఆఖర్లో గోల్‌తో పాక్‌ పోటీలోకి వచ్చినట్టు కనిపించినా, భారత్‌ విజయాన్ని మాత్రం అడ్డుకోలేకపోయింది. ప్రపంచ కప్‌లలో ఏడుసార్లు పాకిస్థాన్‌తో తలపడితే భారత్‌ సాధించిన విజయాలు తండ్రైన ఆస్ట్రేలియా స్టార్ క్రికెటర్ గ్లెన్ మాక్స్‌వెల్ కోహ్లీ సలహాలు నా జీవితాన్నే మార్చేశాయి: ఇంగ్లండ్ క్రికెటర్

గాలే ఇంటర్నేషనల్ స్టేడియం వేదికగా శ్రీలంకతో జరిగిన తొలి టెస్టు మ్యాచ్‌లో భారత్ పూర్తిస్థాయి ఆధిపత్యాన్ని ప్రదర్శిస్తూ 165 పరుగుల తేడాతో ఘన విజయాన్ని సాధించింది. 372 పరుగుల లక్ష్యంతో బరిలోకి దిగిన శ్రీలంక.. రెండో ఇన్నింగ్స్‌లో 206 పరుగులకు కుప్పకూలింది. మానవ్ సుతార్ ఐదు వికెట్లతో శ్రీలంక పతనాన్ని శాసించాడు. దీంతో రెండు మ్యాచుల సిరీస్‌లో టీమిండియా 1-0తో ఆధిక్యంలోకి దూసుకెళ్లింది.ఈ మ్యాచ్‌లో టాస్ గెలిచి బ్యాటింగ్ ఎంచుకున్న టీమిండియా తొలి ఇన్నింగ్స్‌లో 462 పరుగుల భారీ స్కోరు సాధించింది. అనంతరం బ్యాటింగ్‌కు దిగిన శ్రీలంకను భారత బౌలర్లు మొదటి ఇన్నింగ్స్‌లో 284 పరుగులకే పరిమితం చేశారు. దీంతో 178 పరుగుల కీలకమైన ఆధిక్యాన్ని భారత్ సొంతం చేసుకుంది. తొలి రోజు నుంచే ఆధిపత్యం ప్రదర్శించిన భారత్.. చివరి వరకూ అదే జోరు కొనసాగించింది.రెండో ఇన్నింగ్స్‌లో టీమిండియా 193 పరుగులకు ఆలౌట్ అయింది. తొలి ఇన్నింగ్స్‌లో లభించిన లీడ్‌తో కలిసి శ్రీలంక ముందు 372 పరుగుల లక్ష్యాన్ని నిలిపింది. అనంతరం భారీ లక్ష్యంతో బరిలోకి దిగిన ఆతిథ్య శ్రీలంక.. 206 పరుగులకు కుప్పకూలింది. నాలుగో రోజే కీలక వికెట్లు కోల్పోయి భారీ ఓటమి దిశగా పయనించిన శ్రీలంక, ఆఖరి రోజున మిగిలిన వికెట్లను కూడా చకచకా సమర్పించుకుంది. దీంతో 165 పరుగుల తేడాతో పరాజయం పాలైంది. టీమిండియా స్పిన్నర్ మానవ్ సుతార్.. రెండో ఇన్నింగ్స్‌లో ఐదు వికెట్లు పడగొట్టాడు. మొత్తంగా ఈ మ్యాచులో అతడు 10 వికెట్లు తన ఖాతాలో వేసుకున్నాడు.తన 600వ టెస్ట్ మ్యాచులో భారత్ ఘన విజయం సాధించి.. రెండు మ్యాచ్‌ల టెస్ట్ సిరీస్‌లో భారత్ 1-0తో ఆధిక్యంలోకి దూసుకెళ్లింది. ఈ విజయంతో ప్రపంచ టెస్టు ఛాంపియన్ షిప్ పాయింట్ల పట్టికలో భారత్‌కు కీలకమైన 12 పాయింట్లు దక్కాయి. ఆగస్టు 23 నుంచి కొలంబో వేదికగా ఇరు జట్ల మధ్య రెండో టెస్టు మ్యాచ్ జరగనుంది

ఇంటర్నెట్ డెస్క్‌: శ్రీలంకతో తొలి టెస్టులో భారత్‌ ఘన విజయం సాధించింది. 372 పరుగుల లక్ష్య ఛేదనలో శ్రీలంక 206 పరుగులకే ఆలౌటైంది. దీంతో 165 పరుగుల తేడాతో టీమ్‌ఇండియా గెలిచింది. రెండు టెస్టుల సిరీస్‌లో 1-0 ఆధిక్యం సాధించింది. మానవ్‌ సుతార్ ఫైఫర్‌ (6/55) నమోదు చేశాడు. శ్రీలంక బ్యాటర్లలో సోనాల్ దినుష (84), ధనంజయ డిసిల్వా (59) హాఫ్ సెంచరీలతో రాణించారు. భారత బౌలర్లలో మానవ్ సుతార్ 6, ప్రసిద్ధ్‌ కృష్ణ 2.. సిరాజ్, జడేజా చెరో వికెట్ తీశారు. తొలి ఇన్నింగ్స్‌లో భారత్ 462 పరుగులు చేయగా.. శ్రీలంక 284 పరుగులకే పరిమితమైంది. రెండో ఇన్నింగ్స్‌లో టీమ్‌ఇండియా 193 పరుగులు చేసింది. రెండు ఇన్నింగ్స్‌ల్లో కలిపి మానవ్ సుతార్ 10 వికెట్లు పడగొట్టాడు. తొలి ఇన్నింగ్స్‌లో భారీ సెంచరీ చేసిన దేవదత్‌ పడిక్కల్‌కు ప్లేయర్ ఆఫ్ ది మ్యాచ్‌ అవార్డు వరించింది. ఇక డబ్ల్యూటీసీ పాయింట్ల పట్టికలో భారత్ స్థానం మారనప్పటికీ.. పర్సంటేజీని మాత్రం బాగా పెంచుకుంది. ప్రస్తుతం 53.33 శాతంతో ఐదో స్థానంలో ఉంది. భారత్ ఖాతాలో 60 పాయింట్లు ఉన్నాయి. యువ స్పిన్నర్ మానవ్ సుతార్ మరోసారి అద్భుతం చేశాడు. ఒకే ఓవర్‌లో (76వ) మూడు వికెట్లు తీశాడు. సోనాల్ దినుష (84), ప్రభాత్ జయసూర్య (0)ను వరుస బంతుల్లో ఔట్ చేసిన అతడు.. ఓవర్ చివరి బంతికి లాహిరు కుమార (0)ను పెవిలియన్‌కు చేర్చాడు. సోనాల్‌ క్యాచ్‌ను స్లిప్‌లో ధ్రువ్‌ జురెల్ అందుకొన్నాడు. ప్రభాత్‌ జయసూర్య బౌల్డ్ అయ్యాడు. ఇక లాహిరు ఇచ్చిన క్యాచ్‌ను వికెట్ కీపర్ పంత్ అందుకొన్నాడు. ప్రస్తుతం శ్రీలంక స్కోరు 199/9. శ్రీలంక బ్యాటర్లు వికెట్ ఇవ్వకుండా పట్టుదల ప్రదర్శిస్తున్నారు. భారత బౌలర్లు మాత్రం శతవిధాలా ఏడో వికెట్‌ కోసం ప్రయత్నిస్తున్నారు. లంచ్‌ బ్రేక్‌ తర్వాత ఆరు ఓవర్లపాటు ఆట జరిగింది. కేశర నువాంత (12*), సోనాల్ దినుష (80*) మాత్రం

IND VS SL: గాలే అంతర్జాతీయ స్టేడియం వేదికగా జరుగుతున్న ఈ తొలి టెస్ట్ ఐదో రోజు ఆటపై మేఘాలు దట్టంగా కమ్ముకున్నాయి. మ్యాచ్ ప్రారంభమయ్యే ఉదయం సమయంలోనే భారీ వర్షం కురిసే అవకాశాలు స్పష్టంగా కనిపిస్తున్నాయి. చివరి రెండు సెషన్లలో వర్షం తీవ్రత కాస్త తగ్గినప్పటికీ, ఆకాశం నల్లటి మబ్బులతో నిండి ఉంటుందని వాతావరణ శాఖ అంచనా వేస్తోంది. ఒకవేళ వర్షం తీవ్రమై మైదానం మైదాన సిబ్బంది నియంత్రణలోకి రాకపోతే, ఐదో రోజు ఆట మొత్తం నీటిపాలు కాక తప్పదని క్రికెట్ విశ్లేషకులు భావిస్తున్నారు. టెస్ట్ క్రికెట్ నిబంధనల ప్రకారం మ్యాచ్ ఐదో రోజు వర్షం కారణంగా ఒక్క బంతి కూడా పడకుండా లేదా ఆట పూర్తి కాకుండా ఆగిపోతే, ఆ మ్యాచ్‌ను డ్రాగా ప్రకటిస్తారు. భారత్ గెలుపునకు ఎంత దగ్గరగా ఉన్నప్పటికీ, లేదా తొలి ఇన్నింగ్స్‌లో 178 పరుగుల భారీ ఆధిక్యం సాధించినప్పటికీ అది పరిగణనలోకి తీసుకోరు. వికెట్లు లేదా పరుగులు మిగిలి ఉన్న పరిస్థితుల్లో ఆట పూర్తవ్వకపోతే విజేతను ప్రకటించే అవకాశం ఐసీసీ నిబంధనల్లో లేదు. ఫలితంగా టీమిండియా విజయం సాధించే అవకాశాలు పూర్తిగా నీరుగారిపోతాయి. ఇది కూడా చదవండి: Watch: గాలే టెస్ట్‌లో తీవ్ర వివాదం.. ధ్రువ్ జురెల్ క్యాచ్‌పై సోషల్ మీడియాలో రచ్చ.. అసలు నిజమేంటి? చరిత్రలో లేని రికార్డును శ్రీలంక అందుకుంటుందా? గాలే మైదానంలో ఇప్పటివరకు ఏ జట్టు కూడా 342 పరుగుల కంటే ఎక్కువ లక్ష్యాన్ని ఛేజ్ చేయలేదు. ఆ రికార్డు పాకిస్తాన్ పేరిట ఉంది. సొంత మైదానంలో శ్రీలంక ఇప్పటివరకు 300 పరుగుల మార్కును కూడా విజయవంతంగా ఛేజ్ చేయలేకపోయింది. అటువంటి పరిస్థితుల్లో భారత్ నిర్దేశించిన 372 పరుగుల భారీ లక్ష్యాన్ని ఛేదించడం లంకకు అసాధ్యమనే చెప్పాలి. నాలుగో రోజు ఆట ముగిసే సమయానికి 84 పరుగులకే 4 వికెట్లు కోల్పోయిన లంక, గెలువడానికి ఇంకా 288 పరుగులు చేయాల్సి ఉంది. ఇది

నెదర్లాండ్స్‌లోని ఆమ్‌స్టెల్‌వీన్‌లో జరుగుతున్న FIH మెన్స్ హాకీ ప్రపంచకప్ 2026 లో భాగంగా బుధవారం సాయంత్రం అత్యంత కీలకమైన మ్యాచ్ జరగనుంది. వాగ్నర్ హాకీ స్టేడియం వేదికగా సాయంత్రం 6.30 గంటలకు ప్రారంభం కానున్న పూల్-డీ చివరి మ్యాచ్‌లో భారత్, పాకిస్థాన్ జట్లు ముఖాముఖి తలపడనున్నాయి. పూల్ నుంచి టాప్ 2 జట్లు మాత్రమే తదుపరి నాకౌట్ దశకు చేరుకునే అవకాశం ఉండటంతో ఈ సమరం ఇరు జట్లకు అత్యంత ప్రాధాన్యతగా మారింది. ప్రపంచవ్యాప్తంగా ఉన్న క్రీడాభిమానులు తీవ్ర ఆసక్తితో ఎదురుచూస్తున్న ఈ మ్యాచ్ ఫలితం రెండు జట్ల భవిష్యత్తు ప్రయాణాన్ని ప్రత్యక్షంగా నిర్ణయించనుంది. ప్రపంచకప్ వేదికపై ఈ రెండు చిరకాల ప్రత్యర్థులు తలపడటం దాదాపు 16 ఏళ్ల తర్వాత మళ్లీ జరుగుతుండటం విశేషం. చివరిసారిగా 2010లో ఢిల్లీ వేదికగా జరిగిన ప్రపంచకప్‌లో భారత్ 4-1 తేడాతో పాకిస్థాన్‌పై ఘనవిజయం సాధించింది. ఆ తర్వాత సుదీర్ఘ విరామం అనంతరం మళ్లీ హాకీ ప్రపంచకప్ 2026 లో ఈ రసవత్తర పోరు పునరావృతమవుతోంది. గత దశాబ్ద కాలంగా భారత్ జట్టు పాకిస్థాన్‌పై అజేయమైన ఆధిక్యాన్ని కొనసాగిస్తూ వస్తోంది. ఇటీవల జరిగిన FIH ప్రో లీగ్‌లో కూడా భారత్ 7-1 తేడాతో ప్రత్యర్థిపై తిరుగులేని విజయాన్ని నమోదు చేసింది. ప్రస్తుతం పూల్-డీ పాయింట్ల పట్టికలో ఇంగ్లండ్ జట్టు రెండు మ్యాచ్‌లలో విజయాలు సాధించి 6 పాయింట్లతో అగ్రస్థానంలో కొనసాగుతోంది. దీంతో ఇంగ్లండ్ ఇప్పటికే తదుపరి దశకు అర్హత సాధించగా, భారత్ వేల్స్‌పై 3-1తో గెలిచి ఇంగ్లండ్ చేతిలో 2-4తో ఓడి 3 పాయింట్లతో రెండో స్థానంలో ఉంది. ఇదిలా ఉండగా పాకిస్థాన్ మరియు వేల్స్ జట్లు చెరో 1 పాయింట్‌తో తదుపరి స్థానాల్లో నిలిచాయి. భారత్ ఈ మ్యాచ్‌లో విజయం సాధిస్తే నేరుగా 6 పాయింట్లకు చేరి తదుపరి రౌండ్‌కు అర్హత సాధించే అవకాశం స్పష్టంగా ఉంది. ఒకవేళ మ్యాచ్ డ్రాగా ముగిస్తే భారత్‌కు 4 పాయింట్లు

Manav Suthar Pitch Complaint: గాలే టెస్టులో శ్రీలంక ముందు భారత్ 372 పరుగుల లక్ష్యాన్ని ఉంచింది. తొలి ఇన్నింగ్స్‌లో వచ్చిన భారీ ఆధిక్యం కారణంగా టీమిండియా ఇప్పుడు మ్యాచ్‌పై పట్టు సాధించింది. ఈ క్రమంలో భారత రెండో ఇన్నింగ్స్ 193 పరుగులకే ముగిసింది. శ్రీలంక నాలుగో ఇన్నింగ్స్‌లో భారీ లక్ష్యాన్ని ఛేదించాల్సి ఉండటంతో పిచ్ పరిస్థితులు ఆ జట్టుకు కీలకంగా మారాయి. ఇలాంటి సమయంలో భారత ఆటగాడు మానవ్ సుతార్ చేసిన ఓ చర్యపై శ్రీలంక కెప్టెన్ ధనంజయ డి సిల్వా అభ్యంతరం వ్యక్తం చేశాడు. సుతార్ ఒక పరుగు కోసం పరిగెత్తే సమయంలో పిచ్ మధ్య భాగంలో అడుగులు వేశాడని ధనంజయ అంపైర్‌కు ఫిర్యాదు చేశాడు. ఈ ఘటన గాలే టెస్టులో కొత్త చర్చకు దారితీసింది. క్రికెట్‌లో బ్యాటర్లు సాధారణంగా హాఫ్ స్పైక్స్ ధరిస్తారు. పిచ్ మధ్యలో పరుగెత్తడం వల్ల వారి బూట్ల ముద్రలతో ఆ ప్రాంతం దెబ్బతినే అవకాశం ఉంటుంది. దాంతో తర్వాత బ్యాటింగ్ చేసే ఆటగాళ్లకు పరిస్థితులు మరింత కఠినంగా మారవచ్చు. ఎక్కువమంది చదివినది: 59 ఫోర్లు, 1 సిక్స్‌.. ఒకే ఇన్నింగ్స్‌లో 451 పరుగులతో బీభత్సం.. ప్రపంచ రికార్డ్‌నే షేక్ చేసిన దిగ్గజాలు..! శ్రీలంక నాలుగో ఇన్నింగ్స్ ఆడాల్సి ఉండటంతోనే ధనంజయ ఈ విషయంపై అంపైర్ వద్ద ఆందోళన వ్యక్తం చేసినట్లు సమాచారం. మ్యాచ్‌లో పిచ్‌ను కావాలనే దెబ్బతీసే ప్రయత్నం జరిగిందా అనే అంశాన్ని అంపైర్లు పరిశీలిస్తారు. పిచ్‌ను దెబ్బతీసేలా బ్యాటర్ ప్రవర్తిస్తే అంపైర్ తొలుత హెచ్చరిక ఇస్తాడు. ఆ హెచ్చరిక మొత్తం ఇన్నింగ్స్‌కు వర్తిస్తుంది. ఆ తర్వాత అదే చర్య మళ్లీ జరిగితే, ఆ బంతికి వచ్చిన పరుగులను రద్దు చేసి ఫీల్డింగ్ జట్టుకు 5 అదనపు పరుగులు ఇచ్చే నిబంధన కూడా ఉంది. మ్యాచ్ పరిస్థితులు మాత్రం భారత్‌కు అనుకూలంగా కనిపిస్తున్నాయి. గాలే‌లో శ్రీలంక ఇప్పటివరకు నాలుగో ఇన్నింగ్స్‌లో 300 పరుగులు కూడా చేయలేదు

గాలే వేదికగా శ్రీలంకతో జరుగుతున్న తొలి టెస్టులో భారత జట్టు పట్టు బిగించింది. రెండో ఇన్నింగ్స్‌లో 193 పరుగులకే ఆలౌటైనప్పటికీ, తొలి ఇన్నింగ్స్ భారీ ఆధిక్యంతో కలిపి లంక ముందు 372 పరుగుల భారీ లక్ష్యాన్ని నిర్దేశించింది. వికెట్ కీపర్ బ్యాటర్ రిషభ్ పంత్ (66) తనదైన శైలిలో మెరుపు అర్ధ శతకం సాధించడంతో భారత్ ఈ మాత్రం స్కోరైనా చేయగలిగింది. లంక బౌలర్లలో అసిత ఫెర్నాండో నాలుగు వికెట్లతో సత్తా చాటాడు.నాలుగో రోజు ఆట ప్రారంభించిన టీమిండియాకు ఆదిలోనే ఎదురుదెబ్బ తగిలింది. ఓపెనర్ యశస్వి జైస్వాల్ (0) డకౌట్‌గా వెనుదిరగ్గా, కెప్టెన్ శుభ్‌మన్ గిల్ (8) కూడా నిరాశపరిచాడు. కేఎల్ రాహుల్ (35) కాసేపు క్రీజులో నిలదొక్కుకునే ప్రయత్నం చేసినా, ప్రబాత్ జయసూర్య అతడిని పెవిలియన్ చేర్చాడు. దీంతో భారత్ 81 పరుగులకే మూడు కీలక వికెట్లు కోల్పోయి కష్టాల్లో పడింది. ఈ దశలో క్రీజులోకి వచ్చిన తొలి ఇన్నింగ్స్ సెంచరీ హీరో దేవ్‌దత్ పడిక్కల్ (44) మరోసారి బాధ్యతాయుతమైన ఇన్నింగ్స్ ఆడాడు.అయితే అతడు ఔటైన తర్వాత వచ్చిన రిషభ్ పంత్ తన మార్క్ విధ్వంసం సృష్టించాడు. లంక బౌలర్లపై ఎదురుదాడికి దిగి బౌండరీలతో విరుచుకుపడ్డాడు. ఈ క్రమంలో టెస్టుల్లో తన 20వ అర్ధ శతకాన్ని, 100 సిక్సర్ల మైలురాయిని అందుకున్నాడు. పంత్ జోరు చూస్తే భారత్ స్కోరు మరింత పెరిగేలా కనిపించినా, లహిరు కుమార బౌలింగ్‌లో ఔటయ్యాడు. ఆ వెంటనే లంక బౌలర్లు అసిత ఫెర్నాండో (4/31), ప్రబాత్ జయసూర్య (3/43) విజృంభించడంతో భారత

ఇంటర్నెట్ డెస్క్‌: దిల్లీ ప్రీమియర్‌ లీగ్‌లో (DPL 2026) అనూహ్య ఘటన చోటు చేసుకుంది. బ్యాటర్‌ కొట్టిన బంతి నేరుగా అంపైర్ ముఖానికి తాకింది. దీంతో ఆయన అక్కడే కింద పడిపోవడంతో హుటాహుటిన ఆసుపత్రికి తరలించారు. పరిస్థితి మెరుగ్గా మారేందుకు అంపైర్‌ను ఐసీయూలో చేర్చినట్లు కథనాలు వస్తున్నాయి. డీపీఎల్‌లో ఈస్ట్‌ దిల్లీ రైడర్స్‌ - న్యూదిల్లీ టైగర్స్ మధ్య మ్యాచ్‌ జరిగింది. తొలుత బ్యాటింగ్‌ చేసిన ఈస్ట్‌ రైడర్స్‌ 20 ఓవర్లలో 192/7 స్కోరు చేసింది. అనంతరం లక్ష్య ఛేదనలో టైగర్స్ 156 రన్స్‌కే ఆలౌటైంది. టైగర్స్ ఇన్నింగ్స్‌లో 18వ ఓవర్‌ను ఆశిశ్‌ మీనా వేశాడు. బ్యాటర్ లక్ష్య ధారేజా స్ట్రెయిట్ డ్రైవ్‌ కొట్టగా.. అంపైర్‌ ధర్మేశ్‌ భరద్వాజ్‌కు నేరుగా తాకింది. బాధతో విలవిలాడిపోయారు. మరోవైపు ఏమవుతుందోనని లక్ష్య కంగారుపడిపోయాడు. వెంటనే ధర్మేశ్‌ను మైదానం నుంచి ఆసుపత్రికి తీసుకెళ్లారు. ఈ వీడియో ఇప్పుడు నెట్టింట వైరల్‌గా మారింది. ఆయనకు ఎలా ఉందని క్రికెట్‌ అభిమానులు కామెంట్లు పెడుతున్నారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. శ్రీలంకతో తొలి టెస్టులో టీమ్‌ఇండియా తిరుగులేని స్థితిలో నిలిచింది

ఇంటర్నెట్ డెస్క్‌: టీమ్ఇండియా డాషింగ్‌ ఆటగాడు రిషభ్‌ పంత్ చరిత్ర సృష్టించాడు. భారత టెస్టు చరిత్రలో అరుదైన రికార్డు నెలకొల్పిన తొలి బ్యాటర్‌గా ఘనత సాధించాడు. ఇప్పటి వరకు ఎవరికీ సాధ్యం కాని ఫీట్‌ను ఖాతాలో వేసుకున్నాడు. అదేనండి.. టెస్టుల్లో భారత్‌ తరఫున శత సిక్స్‌ల వీరుడిగా నిలిచాడు. శ్రీలంకతో జరుగుతోన్న తొలి టెస్టులో పంత్‌ 66 పరుగులు చేశాడు. ఇందులో రెండు సిక్స్‌లు ఉన్నాయి. దీంతో 100 సిక్స్‌లు కొట్టిన తొలి భారత బ్యాటర్‌గా అవతరించాడు. అతడి తర్వాత మాజీ క్రికెటర్ వీరేంద్ర సెహ్వాగ్ (90), రోహిత్ శర్మ (88) ఉన్నారు. ప్రస్తుతం భారత్‌ తరఫున ఆడుతున్నవారిలో రవీంద్ర జడేజా (82) మాత్రమే కాస్త దగ్గరగా ఉన్నాడు. యువ ఆటగాళ్లు శుభ్‌మన్ గిల్ (47), యశస్వి జైస్వాల్ (45)కు ఈ మార్క్‌ను అందుకొనే అవకాశం ఉంది. అంతర్జాతీయంగా రిషభ్‌ పంత్ కంటే ముందు ముగ్గురు మాత్రమే ఈ ఫీట్‌ను సాధించారు. ఇంగ్లాండ్‌ మాజీ కెప్టెన్ బెన్ స్టోక్స్ (122 టెస్టుల్లో 138 సిక్స్‌లు), బ్రెండన్ మెక్‌కల్లమ్‌ (101 మ్యాచుల్లో 108), ఆడమ్ గిల్‌క్రిస్ట్ (96 టెస్టుల్లో 100) వంద సిక్స్‌ల మైలురాయిని దాటారు. అత్యంత వేగంగా ఈ ఫీట్‌ను సాధించిన బ్యాటర్‌ మాత్రం రిషభ్‌ పంత్‌నే. అతడు కేవలం 51వ టెస్టుల్లోనే నమోదు చేశాడు. మున్ముందు మెక్‌కల్లమ్‌తోపాటు బెన్‌ స్టోక్స్ అత్యధిక సిక్స్‌ల రికార్డును పంత్‌ బద్దలు కొట్టేందుకు ఎక్కువ అవకాశాలు ఉన్నాయి. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. శ్రీలంకతో

IND vs SL: భారత్, శ్రీలంక మధ్య గాలె వేదికగా జరుగుతున్న టెస్ట్ మ్యాచ్ నాలుగో రోజు ఆటలో తీవ్ర విషాదం చోటుచేసుకుంది. శ్రీలంక ప్రధాన బ్యాటర్ దినేష్ చండీమాల్ ఫీల్డింగ్ చేస్తూ మెడకు తీవ్ర గాయమవడంతో మైదానం నుంచి బయటకు వెళ్లాల్సి వచ్చింది. లంక జట్టుకు ఇది కోలుకోలేని దెబ్బగా మారింది. గాలె టెస్ట్ మ్యాచ్ నాలుగో రోజు భారత్ రెండో ఇన్నింగ్స్ ఆడుతున్న సమయంలో ఈ విషాదకర సంఘటన చోటుచేసుకుంది. ఇన్నింగ్స్ నాలుగో ఓవర్ వేస్తున్న లంక బౌలర్ నువన్ తుషార బౌలింగ్‌లో భారత బ్యాటర్ కేఎల్ రాహుల్ అద్భుతమైన షాట్ ఆడాడు. ఆ బంతిని బౌండరీ దాటకుండా ఆపేందుకు దినేష్ చండీమాల్ ఎంతో వేగంగా పరుగెత్తాడు. బంతిని ఆపడంలో విజయం సాధించినప్పటికీ, ఆ వేగంలో నియంత్రణ కోల్పోయి నేలను బలంగా ఢీకొట్టడంతో ఆయన మెడ భాగానికి తీవ్రమైన దెబ్బ తగిలింది. గాయం తీవ్రత కారణంగా చండీమాల్ మైదానంలోనే తీవ్ర నొప్పితో కిందపడిపోయాడు. ఆయన పరిస్థితిని గమనించిన తోటి ఆటగాళ్లు వెంటనే ఫిజియోను పిలిచారు. మైదానంలోకి పరుగెత్తుకొచ్చిన వైద్య సిబ్బంది ప్రాథమిక చికిత్స అందించినప్పటికీ నొప్పి తగ్గకపోవడంతో, ఆయనను మైదానం నుంచి బయటకు తీసుకెళ్లాల్సి వచ్చింది. ఇది కూడా చదవండి: Cricket Records: సచిన్ ఖాతాలో ఎవరూ బ్రేక్ చేయలేని ‘వరల్డ్ రికార్డ్’..100 ఏళ్లయినా ఇది బద్దలవడం అసాధ్యమే చండీమాల్ గాయపడి మైదానం వీడటం శ్రీలంక జట్టును తీవ్ర ఆందోళనకు గురిచేస్తోంది. గాలె టెస్టులో కొండంత లక్ష్యాన్ని ఛేదించాల్సిన సమయంలో జట్టులో అత్యంత అనుభవజ్ఞుడైన ప్రధాన బ్యాటర్ అందుబాటులో లేకపోవడం లంక అవకాశాలను దెబ్బతీసే అంశం. మొదటి ఇన్నింగ్స్‌లో ఆయన కేవలం 4 పరుగులు మాత్రమే చేసి అవుట్ అయినప్పటికీ, రెండో ఇన్నింగ్స్‌లో ఆయన కీలకంగా మారతాడని లంక యాజమాన్యం ఆశించింది. ఆయన మెడ గాయం ఎంత తీవ్రంగా ఉందనే దానిపై శ్రీలంక క్రికెట్ బోర్డు నుంచి ఇంకా అధికారిక ప్రకటన

ఇంటర్నెట్ డెస్క్‌: ప్రత్యర్థులను తన ఆటతో కంగారు పెట్టించే ఆస్ట్రేలియా వెనుకడుగు వేసింది. బంగ్లాదేశ్‌ చేతిలో ఘోర ఓటమితో విమర్శలు ఎదుర్కొంది. దీంతో కీలక నిర్ణయం తీసుకుంది. ఫలితం ఎలా ఉన్నా స్క్వాడ్‌ను మార్చేందుకు ఆసీస్‌ మొగ్గు చూపదు. కానీ, బంగ్లాతో రెండు టెస్టుల సిరీస్‌లో 0-1తో ఆసీస్‌ వెనుకంజలోఉంది. రెండో టెస్టులోనైనా గెలిచి సిరీస్‌నను కోల్పోకుండా ఉండాలనేది ఆసీస్‌ ఆలోచన. అందుకోసం సెకండ్ టెస్టు కోసం తన తుది జట్టులో మార్పులు చేసింది. ఓపెనర్‌గా వచ్చిన జేక్ వెదర్లాడ్‌ను తప్పించింది. పాత ఓపెనర్ మాథ్యూ రెన్‌షాకు అవకాశం ఇచ్చింది. వెదర్లాడ్‌ తొలి టెస్టులో 23, 0కే పెవిలియన్‌ చేరాడు. దీంతో అతడిపై వేటుపడింది. వెదర్లాడ్ స్థానంలో వచ్చిన రెన్‌షా చివరిసారిగా ఆసీస్‌ తరఫున మూడేళ్ల కిందట టెస్టు మ్యాచ్‌ ఆడటం గమనార్హం. దిల్లీ వేదికగా భారత్‌తో 2023లో రెన్‌షా టెస్టు మ్యాచ్‌ ఆడాడు. సుదీర్ఘ ఫార్మాట్‌లో అవకాశాలు రాకపోయినా.. పరిమిత ఓవర్ల క్రికెట్‌ జట్టులో మాత్రం ప్లేస్ సంపాదిస్తున్నాడు. మరోవైపు బంగ్లాతో తొలి టెస్టు విఫలమైన స్టార్ ఆటగాడు మార్నస్ లబుషేన్ తన స్థానాన్ని నిలబెట్టుకున్నాడు. ఆగస్టు 22 నుంచి ఆస్ట్రేలియా - బంగ్లాదేశ్‌ జట్ల మధ్య రెండో టెస్టు ప్రారంభం కానుంది. రెండో టెస్టు కోసం ఆసీస్‌ స్క్వాడ్: పాట్ కమిన్స్ (కెప్టెన్), స్కాట్ బొలాండ్, అలెక్స్ కేరీ, కామెరూన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మార్నస్ లబుషేన్, నాథన్ లయన్, మాథ్యూ రెన్‌షా, స్టీవ్ స్మిత్, మిచెల్ స్టార్క్, బ్యూ వెబ్‌స్టర్ గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు

Defective Notice ITR: 2025-26 ఆర్థిక సంవత్సరం లేదా 2026-27 ఆర్థిక సంవత్సరానికి సంబంధించి ఐటీఆర్ ఫైల్ చేసిన టాక్స్ పేయర్స్ తమ రిజిస్టర్డ్ మెయిల్, ఇన్‌కంటాక్స్ ఇ- ఫైలింగ్ పోర్టల్‌ను క్రమం తప్పకుండా చెక్ చేసుకుంటూ ఉండాలి. రిటర్న్స్‌లో సరైన వివరాలు లేకపోయినా, ఇంకా మీరు ఇచ్చిన సమాచారం అసంపూర్తిగా ఉన్నా ఇన్‌కంటాక్స్ డిపార్ట్‌మెంట్ నుంచి సెక్షన్ 139(9) కింద డిఫెక్టివ్ ఐటీఆర్ నోటీసులు రావొచ్చు. అయితే ఈ నోటీసులు వచ్చినప్పుడు పట్టించుకోకుండా నిర్లక్ష్యంగా ఉండకుండా, దాంట్లో పేర్కొన్న లోపాన్ని గుర్తించి నిర్ణీత సమయంలోగా సరిచేయడం ముఖ్యం.ఐటీఆర్‌లో అవసరమైన సమాచారం పూర్తిగా ఇవ్వకపోయినా, ఇచ్చిన వివరాల మధ్య తేడాలు ఉన్నా లేదా ఐటీ రిటర్న్స్ ఫారాలకు సంబంధించిన నిబంధనల్ని సరిగ్గా పాటించకపోయినా దాన్ని డిఫెక్టివ్ రిటర్న్‌‌గా పరిగణించే అవకాశం ఉంటుంది. ఉదాహరణకు ఒక టాక్స్ పేయర్ టీడీఎస్ క్రెడిట్‌ను క్లెయిమ్ చేసి, దానికి సంబంధించిన ఆదాయాన్ని ఐటీఆర్‌లో చూపించకపోతే సమస్య రావొచ్చు. అలాగే బిజినెస్ లేదా ప్రొఫెషన్ ద్వారా ఆదాయం ఉన్న అవసరమైన ఆర్థిక వివరాల్ని పూర్తిగా ఇవ్వకపోయినా నోటీసులు వస్తాయి.ఇన్‌కంటాక్స్ విభాగం ప్రధానంగా 3 మార్గాల్లో డిఫెక్టివ్ రిటర్న్ గురించి సమాచారం ఇవ్వొచ్చు. ముందుగా రిజిస్టర్డ్ ఇ- మెయిల్‌కు నోటీసు పంపుతుంది. ఎక్కువ శాతం ఇదే చేస్తుంది. లేదా పోస్ట్ ద్వారా కమ్యూనికేట్ చేస్తుంది. లేదా ఇ- ఫైలింగ్ పోర్టల్‌లో నోటీసును అందుబాటులో ఉంచొచ్చు. అందుకే వీటిని ఎప్పటికప్పుడు చూసుకుంటూ ఉండాలి. ఆ నోటీసులో సాధారణంగా ఐటీఆర్‌లో ఏ లోపం ఉంది? దాన్ని ఎలా సరిచేయాలో వివరాలు ఉంటాయి.Read Also: అసలు యూపీఐ లావాదేవీలు ఉచితమా.. ఛార్జీలు పడతాయా? ఆర్థిక మంత్రి నిర్మలమ్మ కీలక ప్రకటన15 రోజుల్లోగా స్పందించాలిసెక్షన్ 139(9) కింద డిఫెక్టివ్ ఐటీఆర్ నోటీసులు అందుకున్నప్పుడు సాధారణంగా నోటీసు అందుకున్న తేదీ నుంచి 15 రోజుల్లో అందులో ఉన్న లోపాన్ని లేదా తప్పుల్ని సరిచేసి పంపించాల్సి ఉంటుంది. నోటీసులో ప్రత్యేకంగా

భారత క్రికెట్‌లో రవీంద్ర జడేజాకు వారసుడు వచ్చేశాడు. శ్రీలంకతో టెస్టు సిరీస్‌ మొదటి మ్యాచ్‌లోనే సత్తా చాటాడు. ఏంటి అతడి రెండో టెస్టుకే ఓ నిర్ణయానికొచ్చేస్తారా? అనే సందేహం రాకమానదు. కానీ, టాలెంట్ ఉన్న ఆటగాడిని గుర్తించడానికి మరీ ఎక్కువ సమయం అవసరంలేదు కదా.. ఆ జాబితాలో చేరే బౌలర్‌ కమ్ బ్యాటర్‌ మానవ్ సుతార్(Manav Suthar). శ్రీలంకతో మొదటి టెస్టు (India vs Srilanka) తొలి ఇన్నింగ్స్‌లో ఫస్ట్‌ బంతికే వికెట్‌ తీసి తన ఉద్దేశం ఏంటో మానవ్ సుతార్ స్పష్టం చేశాడు. ఆ తర్వాత కూడా లంక బ్యాటర్లను కుదురుకోనీయలేదు. నాలుగు వికెట్లు తీసి సత్తా చాటాడు. అంతకుముందు బ్యాటింగ్‌లోనూ విలువైన 24 పరుగులు (43 బంతులు) రాబట్టాడు. ఇక వార్మప్‌ మ్యాచ్‌లోనూ లోయర్ ఆర్డర్‌లో పరుగులు చేసిన సంగతి తెలిసిందే. దీంతో రవీంద్ర జడేజాలా మరో నాణ్యమైన స్పిన్‌ ఆల్‌రౌండర్‌ దొరికాడంటూ ప్రశంసలు అందుకొంటున్నాడు. ఎప్పుడో టీ20లకు రిటైర్మెంట్ ప్రకటించిన జడేజా (Ravindra Jadeja) టెస్టులు, వన్డేల్లోనే కొనసాగుతున్నాడు. ప్రస్తుతం జడ్డూ వయసు 37 ఏళ్లు. మరో రెండు లేదా మూడేళ్ల వరకు మాత్రమే టెస్టులు ఆడగలడు. అతడి స్థానాన్ని భర్తీ చేయగల సమర్థత సుతార్‌లో ఉందనేది మాజీల వాదన. ఈ కుర్రాడి నైపుణ్యాలకు పదునుపెడితే మరింత రాటుదేలడం ఖాయం. ఇటీవల కాలంలో అంతర్జాతీయంగా స్పిన్‌ను ఆడటంలో బ్యాటర్లు ఆరితేరారు. వారిని బోల్తా కొట్టించాలంటే ప్రత్యేకమైన శైలి ఉండాలి. అలాంటి బౌలర్ సుతార్‌ (Suthar Bowling) అనడంలో సందేహం లేదు. ప్లైటెడ్ డెలివరీలను సంధించి ప్రత్యర్థి బ్యాటర్లను ఇబ్బంది పెడతాడు. ఆడదామా.. వద్దా అనే అనుమానం కలిగిస్తాడు. ఇలాంటిదే శ్రీలంకపై తన తొలి బంతికే వికెట్ తీసి అబ్బురపరిచాడు. చండిమాల్ డిఫెన్స్‌ ఆడేద్దామని అనుకొనేలోపే బంతి గ్లౌవ్స్‌ను తాకుతూ కీపర్‌ చేతిలో పడింది. ఆడుతోంది రెండో టెస్టు అయినాసరే.. ఓపికగా లైన్‌ అండ్‌ లెంగ్త్‌కు కట్టుబడే బౌలర్‌గా పేరొందాడు. బంతిని

పురుషుల హాకీ ప్రపంచ కప్-2026లో భార‌త్‌కు తొలి ఓటమి ఎదురైంది. సోమవారం ఆమ్‌స్టల్‌వీన్ వేదిక‌గా ఇంగ్లండ్‌తో జ‌రిగిన పూల్‌-డి గేమ్‌లో 2-4 తేడాతో టీమిండియా ఓటమి పాలైంది. కాగా ఈ మ్యాచ్ తొలి అర్ధభాగంలో భార‌త్ ఆధిప‌త్యం చెలాయించింది. నిక్ బందురాక్ గోల్‌తో ఇంగ్లండ్ బోణీ కొట్టినప్పటికీ.. త‌ర్వాత భార‌త్ అద్భుత‌మైన క‌మ్‌బ్యాక్ ఇచ్చింది. భారత కెప్టెన్ హర్మాన్‌ప్రీత్ సింగ్ పెనాల్టీ కార్నర్‌ను గోల్‌గా మలచడం, ఆపై దిల్ ప్రతీ సింగ్ ఫీల్డ్ గోల్ చేయడంతో హాఫ్‌టైమ్‌ సమయానికి భారత్ 2-1 ఆధిక్యంలో నిలిచింది. కానీ సెకెండ్ హాఫ్ క‌థ తారుమారైంది. స్టువర్ట్ రష్‌మీర్, హెన్రీ క్రాఫ్ట్‌లు వరుస గోల్స్‌తో ఇంగ్లండ్‌ను 3-2 ఆధిక్యంలోకి తీసుకెళ్లారు.చివరి నిమిషాల్లో నిక్ బందురాక్ మరో పెనాల్టీ కార్నర్‌ను గోల్ చేసి ఇంగ్లండ్‌ విజయాన్ని (4-2) ఖాయం చేశాడు. ఇక భారత జట్టు తమ ఆఖరి పూల్‌ మ్యాచ్‌లో ఆగస్టు 19న పాకిస్తాన్‌తో తలపడనుంది. క్వార్టర్స్ రేసులో ముందంజలో ఉండాలంటే పాక్‌పై భారత్ తప్పక భారీ తేడాతో గెలవాల్సి ఉంటుంది. ఫ్యామిలీతో ప్రియాంక చోప్రా సందడి (ఫొటోలు) చిరునవ్వులు చిందిస్తూ శ్రియా సోయగాలు (ఫొటోలు) ‘ఇరుముడి’ మూవీ ప్రీరిలీజ్‌ ఈవెంట్‌ (ఫొటోలు) బండ్ల గణేశ్‌ కూతురు పెళ్లిలో టాలీవుడ్ తారల సందడి (ఫోటోలు) దారి తప్పిన మమ్ముట్టి చివరికి ఏమైందంటే..? రేవంత్ సర్కార్ నిర్ణయంపై ఆటో డ్రైవర్ల రియాక్షన్ సీఎం విజయ్ ని చూసి నేర్చుకోండి.. చంద్రబాబు.. పవన్ కు చురకలు కాంగ్రెస్ పార్టీకి రాజగోపాల్ రెడ్డి దూరం..?

భారత స్టార్‌ బ్యాడ్మింటన్‌ ప్లేయర్ పీవీ సింధు ప్రపంచ ఛాంపియన్‌షిప్‌లో శుభారంభం చేసింది. మహిళల సింగిల్స్‌ రౌండ్‌ ఆఫ్‌ 64లో ఐర్లాండ్‌కు చెందిన సోఫియా నోబెల్‌పై సింధు 21-7, 21-11 తేడాతో సునాయస విజయం సాధించింది. ఇంటర్నెట్ డెస్క్: భారత స్టార్‌ బ్యాడ్మింటన్‌ ప్లేయర్ పీవీ సింధు ప్రపంచ ఛాంపియన్‌షిప్‌లో శుభారంభం చేసింది. ఢిల్లీ వేదికగా నేడు మొదలైన బీడబ్ల్యూఎఫ్‌ ప్రపంచ ఛాంపియన్‌షిప్‌లో మహిళల సింగిల్స్‌ రౌండ్‌ ఆఫ్‌ 64లో ఐర్లాండ్‌కు చెందిన సోఫియా నోబెల్‌పై సింధు 21-7, 21-11 తేడాతో సునాయస విజయం సాధించింది. కేవలం 28 నిమిషాల్లోనే మ్యాచ్‌ను ముగించి తదుపరి రౌండ్‌కు దూసుకెళ్లింది. ప్రపంచ 9వ ర్యాంకర్‌గా బరిలోకి దిగిన సింధు.. 21 ఏళ్ల సోఫియా నోబెల్‌తో తొలిసారి తలపడింది. మ్యాచ్‌ ఆరంభం నుంచే సింధు దూకుడుగా ఆడింది. వరుస పాయింట్లు సాధిస్తూ ప్రత్యర్థిపై ఒత్తిడి పెంచింది. దీంతో తొలి గేమ్‌లో నోబెల్‌కు ఏమాత్రం అవకాశం ఇవ్వని సింధు.. 21-7తో గేమ్‌ను సొంతం చేసుకుంది. రెండో గేమ్‌ను కూడా సింధు నాలుగు పాయింట్ల ఆధిక్యంతో ప్రారంభించింది. అయితే నోబెల్‌ పుంజుకునే ప్రయత్నం చేసింది. వేగాన్ని మార్చి వరుసగా పాయింట్లు సాధించడంతో కొంతసేపు పోటీ హోరాహోరీగా సాగింది. అయినప్పటికీ కీలక దశలో సింధు తన అనుభవాన్ని చూపించింది. వరుసగా ఏడు పాయింట్లు సాధించి మ్యాచ్‌పై పూర్తి పట్టు సాధించింది. చివరకు 21-11తో రెండో గేమ్‌ను కూడా గెలుచుకుని మ్యాచ్‌ను 2-0తో ముగించింది. దీంతో మహిళల సింగిల్స్‌ రౌండ్‌ ఆఫ్‌ 64ను విజయంతో అధిగమించింది. మహిళల డబుల్స్‌లో గాయత్రి గోపీచంద్-ట్రీసా జాలీ జంట తొలి రౌండ్‌లో విజయం సాధించి రౌండ్ ఆఫ్ 32కు దూసుకెళ్లింది. ఈ జోడీ వరుస గేమ్‌ల్లో 21-9, 21-13 తేడాతో స్పెయిన్‌కు చెందిన పౌలా-లూసియా జంటను చిత్తు చేసింది. పురుషుల డబుల్స్‌లో ఎంఆర్ అర్జున్- హరిహరన్ జంట కూడా తదుపరి రౌండ్‌కు అర్హత సాధించింది. టెస్టుల్లో అరుదైన ఘనత

ఇంటర్నెట్ డెస్క్‌: యువ స్పిన్నర్ మానవ్ సుతార్ అద్భుతం చేశాడు. తాను వేసిన తొలి బంతికే వికెట్ తీసి అబ్బురపరిచాడు. ఎనిమిదో ఓవర్‌ను వేస్తోన్న అతడు మొదటి బంతికే చండిమాల్ (4)ను పెవిలియన్‌కు చేర్చాడు. అద్భుతంగా టర్న్ అయిన బంతి చండిమాల్‌ గ్లౌవ్‌ను తాకుతూ వికెట్‌ కీపర్ రిషభ్‌ పంత్ చేతిలో పడింది. దీంతో 27 పరుగుల వద్ద శ్రీలంక రెండో వికెట్‌ను నష్టపోయింది. తొలి ఓవర్‌లోనే వికెట్‌ను కోల్పోయిన శ్రీలంక ఆ షాక్‌ నుంచి కాస్త తేరుకుంది. బ్యాటర్లు ఉదారా (18*), చండిమాల్ (4*) మరో వికెట్‌ పడనీయకుండా ఆచితూచి ఆడుతున్నారు. ప్రస్తుతం 7 ఓవర్లు ముగిసేసరికి శ్రీలంక స్కోరు 27/1. అంతకుముందు టీమ్‌ఇండియా 462 పరుగులకు ఆలౌటైన సంగతి తెలిసిందే. శ్రీలంక - భారత్‌ (IND vs SL) జట్ల మధ్య తొలి టెస్టు మూడో రోజు ఆట మొదలైంది. ఓవర్‌ నైట్‌ స్కోరుకు అదనంగా రెండు పరుగులను మాత్రమే జోడించిన టీమ్‌ఇండియా 462 పరుగులకు ఆలౌటైంది. చివరి వికెట్‌గా ప్రసిద్ధ్‌ కృష్ణ (2) పెవిలియన్‌కు చేరాడు. అనంతరం బ్యాటింగ్‌ ప్రారంభించిన శ్రీలంకకు తొలి ఓవర్‌లోనే షాక్‌ తగిలింది. ఓపెనర్‌ మదుష్క (0)ను సిరాజ్‌ ఔట్ చేశాడు. రెండో బంతికే స్లిప్‌లో ఉన్న పడిక్కల్‌కు మదుష్క క్యాచ్‌ ఇచ్చాడు. గత రెండు రోజులు వర్షం కారణంగా దాదాపు 60 ఓవర్ల వరకూ ఆట రద్దయిన సంగతి తెలిసిందే. దీంతో ఇవాళ ఓ పావుగంట ముందుగానే మ్యాచ్‌ మొదలైంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర

శ్రీలంక , భారత్‌ జట్ల మధ్య తొలి టెస్టు మూడో రోజు ఆట మొదలైంది. ఓవర్‌ నైట్‌ స్కోరుకు అదనంగా రెండు పరుగులను మాత్రమే జోడించిన టీమిండియా 462 పరుగులకు ఆలౌటైంది. స్పోర్ట్స్ డెస్క్: గాలే వేదికగా శ్రీలంక, భారత్‌ (IND vs SL) జట్ల మధ్య జరుగుతోన్న తొలి టెస్టు మూడో రోజు ఆట మొదలైంది. ఓవర్‌ నైట్‌ స్కోరుకు అదనంగా రెండు పరుగులను మాత్రమే జోడించిన టీమిండియా 462 పరుగులకు ఆలౌటైంది. చివరి వికెట్‌గా ప్రసిద్ధ్‌ కృష్ణ (2) పెవిలియన్‌కు చేరడంతో భారత జట్టు తొలి ఇన్నింగ్స్‌కు ముగిసింది. టీమిండియా బ్యాటర్లలో దేవదత్ పడిక్కల్(167) అద్భుత శతకంతో జట్టు భారీ స్కోర్ సాధించడంలో కీలక పాత్ర పోషించాడు. కేఎల్ రాహుల్(82), ధ్రువ జురెల్ (51) అర్ధ సెంచరీలతో రాణించారు. రిషబ్ పంత్ 39, యశస్వి జైస్వాల్ 31 పరుగులు చేయగా.. మిగిలిన బ్యాటర్లు తక్కువ స్కోర్కే పెవిలియన్ చేరారు. అనంతరం మొదటి ఇన్నింగ్స్ ప్రారంభించిన శ్రీలంకకు తొలి ఓవర్‌లోనే షాక్‌ తగిలింది. ఓపెనర్‌ నిషాన్ ఫెర్నాండో (0)ను సిరాజ్‌ ఔట్ చేశాడు. రెండో బంతికే స్లిప్‌లో ఉన్న పడిక్కల్‌కు నిషాన్ క్యాచ్‌ ఇచ్చాడు. అలానే 7.1 ఓవర్లో 27 పరుగుల వద్ద దినేష్ చండిమల్(4) ఔటయ్యాడు. మానవ సుతార్ బౌలింగ్‪లో వికెట్ కీపర్ రిషబ్ పంత్‌కి క్యాచ్ ఇచ్చి పెవిలియన్ చేరాడు. గత రెండు రోజులు వర్షం కారణంగా దాదాపు 60 ఓవర్ల వరకూ ఆట రద్దైన సంగతి తెలిసిందే. దీంతో ఇవాళ ఓ పావుగంట ముందుగానే మ్యాచ్‌ మొదలైంది. తొలి ఓవర్‌లోనే వికెట్‌ను కోల్పోయిన శ్రీలంక ఆ షాక్‌ నుంచి కాస్త తేరుకుంది. బ్యాటర్లు ఉదారా (22*), మెండీస్ (11*) మరో వికెట్‌ పడనీయకుండా ఆచితూచి ఆడుతున్నారు. ప్రస్తుతం 11 ఓవర్లు ముగిసేసరికి శ్రీలంక స్కోరు 47/2

India vs Pakistan Womens Match: ఆసియా క్రికెట్ వేదికపై మరో హైవోల్టేజ్ పోరుకు రంగం సిద్ధమైంది. ప్రతిష్టాత్మక మహిళల టీ20 ఆసియా కప్ 2026 టోర్నీ కోసం పాకిస్థాన్ తమ జట్టును ప్రకటించింది. యునైటెడ్ అరబ్ ఎమిరేట్స్ వేదికగా జరగనున్న ఈ సమరంలో చిరకాల ప్రత్యర్థులు భారత్, పాకిస్థాన్ తలపడే తేదీ కూడా ఖరారైంది. అభిమానులు ఎంతగానో ఎదురుచూస్తున్న ఆ మ్యాచ్ షెడ్యూల్ వివరాలు ఇవే. యునైటెడ్ అరబ్ ఎమిరేట్స్ వేదికగా ఆసియా సమరం.. మహిళల టీ20 ఆసియా కప్ పదో సీజన్‌కు కౌంట్‌డౌన్ మొదలైంది. ఆగస్టు 28 నుంచి సెప్టెంబర్ 13 వరకు యునైటెడ్ అరబ్ ఎమిరేట్స్ వేదికగా ఈ మెగా టోర్నీ అత్యంత ఘనంగా సాగనుంది. ఈ టోర్నీలో మొత్తం 8 ఆసియా దేశాలు పోటీ పడుతున్నాయి. వీటిని చెరో నాలుగు జట్ల చొప్పున రెండు గ్రూపులుగా విభజించారు. ఎక్కువమంది చదివినది: IND vs ENG: ప్రపంచ రికార్డ్‌తో వైభవ్ బీభత్సం గుర్తుందా.. బుడ్డోడి ఊచకోతకు బలైన ఇంగ్లాండ్..! గ్రూప్-ఎ విభాగంలో డిఫెండింగ్ ఛాంపియన్ భారత్, పాకిస్థాన్, థాయిలాండ్, హాంకాంగ్ జట్లు చోటు దక్కించుకున్నాయి. ఈ రెండు చిరకాల ప్రత్యర్థులు ఒకే గ్రూపులో ఉండటంతో లీగ్ దశలోనే దాయాదుల పోరు ఖాయమైంది. ఈ ప్రతిష్టాత్మక సమరానికి పాకిస్థాన్ క్రికెట్ బోర్డు (PCB) తాజాగా 15 మంది సభ్యులతో కూడిన తమ బలమైన మహిళా జట్టును అధికారికంగా ప్రకటించింది. భారత్ వర్సెస్ పాకిస్థాన్ మహా సమరం ఎప్పుడంటే? క్రికెట్ అభిమానులు కళ్లు కాయలు కాచేలా ఎదురుచూసే దాయాదుల పోరుకు రంగం సిద్ధమైంది. ఈ టోర్నీలో భారత జట్టు తమ ప్రయాణాన్ని ఆగస్టు 30వ తేదీన థాయిలాండ్‌తో జరిగే మ్యాచ్ ద్వారా ప్రారంభిస్తుంది. ఆ తర్వాత సెప్టెంబర్ 3న హాంకాంగ్ జట్టుతో తలపడుతుంది. గ్రూప్ దశలో చివరిదైన అత్యంత కీలక పోరులో సెప్టెంబర్ 5న భారత్, పాకిస్థాన్ అమీతుమీ తేల్చుకోనున్నాయి. దుబాయ్ అంతర్జాతీయ

శ్రీలంకలో జరుగుతున్న గాలే టెస్టులో భారత ఓపెనర్ కేఎల్ రాహుల్ అద్భుతమైన ఇన్నింగ్స్ ఆడినా, చివరకు సెంచరీ మిస్ అయ్యాడు. గాలే ఇంటర్నేషనల్ స్టేడియంలో శ్రీలంకతో జరుగుతున్న తొలి టెస్ట్ మ్యాచ్ మొదటి ఇన్నింగ్స్‌లో రాహుల్ 82 రన్స్ చేసి అవుట్ అయ్యాడు. మ్యాచ్ లో అంతా బాగానే నడిచినా, రాహుల్ అదృష్టం మళ్ళీ హ్యాండ్ ఇచ్చింది. మరోసారి మూడంకెల స్కోరుని అందుకునే ఛాన్స్ మిస్ చేసుకున్నాడు. టెస్ట్ క్రికెట్ లో కేఎల్ రాహుల్ 80s లేదా 90s లో అవుట్ అవ్వడం ఇది ఏడోసారి కావడం విశేషం. ప్రతిసారి నర్వస్ 90s లేదా 80s కి రాగానే ప్రెజర్ ఫీల్ అవుతున్న రాహుల్, చివరికి వికెట్ సమర్పించుకుంటున్నాడు. గాల్‌ టెస్టు తొలి రోజు కేఎల్ రాహుల్ 77 పరుగుల వద్ద కండరాల నొప్పులు రావడంతో రిటైర్డ్ హర్ట్‌గా వెనుతిరిగిన సంగతి తెలిసిందే. గాలే టెస్టు రెండో రోజు ఆట వర్షం వల్ల ఆలస్యంగా ప్రారంభమైంది. మొదటి రోజు టీమిండియా ఆధిపత్యం చెలాయించి, రెండు వికెట్ల నష్టానికి 288 పరుగులు చేసింది. రెండో రోజు రిషభ్ పంత్ అవుట్ అయిన తర్వాత రాహుల్ మళ్లీ క్రీజులోకి వచ్చాడు. కానీ, తన వ్యక్తిగత స్కోరుకు కేవలం ఐదు పరుగులు మాత్రమే జోడించి పెవిలియన్ చేరాడు. ఆఫ్ స్పిన్నర్ కేశర నువానిత బౌలింగ్‌లో క్యాచ్ ఇచ్చి అవుట్ అయ్యాడు. 175 బంతుల్లో 10 ఫోర్లు, ఒక సిక్సర్‌తో 82 పరుగులు చేసిన రాహుల్, తన 13వ టెస్ట్ సెంచరీకి చేరువలో ఆగిపోయాడు. ఇది కేఎల్ రాహుల్ కెరీర్‌లో 21వ అర్ధశతకం. 80 దాటాక మైండ్ గేమ్ లో రాహుల్ కింగ్‌లా ఆడలేకపోతున్నాడనే టాక్ వినిపిస్తోంది. కేఎల్ రాహుల్ టెస్ట్ క్రికెట్ లో 80s లేదా 90s మధ్యలో అవుట్ అవ్వడం ఇది మొదటిసారి కాదు. గతంలో కూడా చాలాసార్లు ఈ రేంజ్ లోనే పెవిలియన్ దారి పట్టాడు

ఇంటర్నెట్ డెస్క్: చెన్నై సూపర్‌ కింగ్స్‌ (CSK)కు 18 ఏళ్లపాటు కోచ్‌గా ఉన్న స్టీఫెన్ ఫ్లెమింగ్ ఇటీవల ఆ బంధానికి ముగింపు పలికిన సంగతి తెలిసిందే. ఇప్పుడు సీఎస్కేకు కొత్త హెడ్‌గా ఎవరొస్తారనే దానిపై క్రికెట్ వర్గాల్లో జోరుగా చర్చ జరుగుతోంది. మొన్నటివరకు ఇంగ్లాండ్ కోచ్‌గా ఉన్న బ్రెండన్ మెక్‌కల్లమ్‌ (Brendon McCullum) చెన్నై కోచ్‌గా వస్తాడని వార్తలొచ్చాయి. ఇంగ్లాండ్ మాజీ కెప్టెన్ ఇయాన్ మోర్గాన్ (Eoin Morgan) కోచ్‌ పదవి రేసులో ఉన్నాడని సీఎస్కే మాజీ బౌలర్ రవిచంద్రన్ అశ్విన్ పేర్కొన్నాడు. ఈ నేపథ్యంలో చెన్నై కోచ్‌ అంశంపై టీమ్ఇండియా మాజీ బ్యాటర్ క్రిస్ శ్రీకాంత్ (Kris Srikkanth) స్పందించాడు. ఇయాన్ మోర్గాన్‌ కోచ్ పదవిపై దృష్టిపెట్టకుండా కామెంటేటరీకి పరిమితమైతే మంచిదని పేర్కొన్నాడు. అలాగే, బ్రెండన్‌ మెక్‌కల్లమ్‌ను కూడా కోచ్‌గా నియమించుకోవద్దని సీఎస్కేకు సూచించాడు. బయట వ్యక్తులను కాకుండా ఇప్పుడున్న కోచింగ్ స్టాఫ్‌లో ఓ వ్యక్తికి హెడ్‌ కోచ్‌గా పగ్గాలు అప్పగించాలన్నాడు. ‘‘నేనైతే ఇయాన్ మోర్గాన్‌ను చెన్నై కోచ్‌గా ఎంచుకోవద్దని చెబుతా. అతడు ఇంగ్లాండ్ తరపున మంచి ఆటగాడిగా, మంచి కెప్టెన్‌గా రాణించాడు. కానీ, కోచ్‌గా మాత్రం అతడిని పరిగణనలోకి తీసుకోను. ఐపీఎల్‌లో కేకేఆర్ కెప్టెన్‌గా కూడా మోర్గాన్‌ గొప్ప ప్రదర్శనేమీ చేయలేదు. అతడు కామెంటరీకే పరిమితమైతే మంచిది. అలాగే, బ్రెండన్ మెకల్లమ్‌ను హెడ్ కోచ్‌గా నియమించుకోవద్దు. ఇప్పుడు ఇంగ్లాండ్ వన్డే, టీ20 జట్టుకు కోచ్‌గా ఉన్నాడు. ఇలాంటి తరుణంలో మెక్‌కల్లమ్‌ను కోచ్‌గా నియమించుకుంటే సీఎస్కేకు ఇబ్బందులు తప్పవు. మోర్గాన్, మెక్‌కల్లమ్ ఇద్దరినీ ఆ ఫ్రాంఛైజీ పక్కనపెట్టాలి. తమ వద్ద ‘మిస్టర్ క్రికెట్’ (మైకేల్ హస్సీ) ఉన్నప్పుడు సీఎస్కేకు బయటి వ్యక్తుల అవసరం లేదు. మైకేల్ హస్సీనే ఆటోమేటిక్‌గా ప్రధాన కోచ్‌ కావాలి. అతడే అత్యుత్తమ ఎంపిక కూడా. ఇకపై సీఎస్కేలో ధోనీ పాత్ర ఏంటి? ముందుగా ఆ విషయంపై స్పష్టత రావాలి. అప్పుడే మిగిలిన విషయాలన్నీ ఒక కొలిక్కి వస్తాయి’’ అని

ఇంటర్నెట్ డెస్క్: గత ఏడు ఇన్నింగ్స్‌ల్లో ఒక్క అర్ధ శతకం కూడా చేయలేకపోయిన భారత బ్యాటర్ ధ్రువ్ జురెల్ (Dhruv Jurel) మళ్లీ ఫామ్ అందుకున్నాడు. శ్రీలంకతో జరుగుతున్న తొలి టెస్టులో మొదటి ఇన్నింగ్స్‌లో జురెల్ (51; 68 బంతుల్లో 4 ఫోర్లు, 1 సిక్స్‌) అర్ధ శతకంతో రాణించాడు. ఫామ్‌లో లేకున్నా తాను ఎలాంటి ఒత్తిడికి లోను కాలేదని జురెల్ అన్నాడు. ఫామ్ కోల్పోయిన ఈ దశలో హెడ్ కోచ్ గౌతమ్ గంభీర్, కెప్టెన్ శుభ్‌మన్ గిల్‌ తనకు మద్దతుగా నిలిచి ఆత్మవిశ్వాసం నింపారని తెలిపాడు. లంకతో మ్యాచ్‌లో రెండో రోజు ఆట ముగిసిన అనంతరం ధ్రువ్ విలేకరులతో మాట్లాడాడు. ‘‘నిజాయతీగా చెప్పాలంటే ఫామ్‌లో లేకున్నా నాపై ఎలాంటి ఒత్తిడీ లేదు. భారత్‌కు ప్రాతినిధ్యం వహించే అవకాశం లభించినందుకు ఎంతో కృతజ్ఞుడిని. ఆ గౌరవం కోసమే ఆడతాను. కెప్టెన్, హెడ్ కోచ్‌తో మాట్లాడినప్పుడల్లా వారు పరిస్థితులను వివరించి ఏం చేయాలో చెబుతుంటారు. అందుకు తగ్గట్టుగా ఆడాలని సూచిస్తారు. బ్యాటింగ్‌కు వెళ్లే ముందు నేను ఎలాంటి వ్యక్తిగత మైలురాళ్ల గురించి ఆలోచించను. కేవలం మైదానంలోకి వెళ్లి జట్టుకు ఏం అవసరమో అదే చేస్తాను. మేం 10 రోజుల ముందే ఇక్కడికి వచ్చాం. కొలంబోలో ప్రాక్టీస్ చేశాం. అంతకుముందు ‘ఇండియా ఎ’ తరఫున ఆడాం. ఇలాంటి పిచ్‌లపై సాధ్యమైనంత ఎక్కువగా బ్యాటింగ్ చేయడంపైనే నా దృష్టి ఉంది. దీని వల్ల నా బ్యాటింగ్‌ మెరుగుపడటమేకాక ఇక్కడి వాతావరణం, పరిస్థితులపై అవగాహన వస్తుంది. వర్షం కారణంగా ఔట్ ఫీల్డ్ తడిగా మారింది. చాలా ఓవర్లు నష్టపోయాం. అయినప్పటికీ నిలకడగా ఆడుతూ సాధ్యమైనన్ని ఎక్కువ పరుగులు చేయడం, లోయర్ ఆర్డర్‌లో మంచి భాగస్వామ్యాలను నెలకొల్పడం మా ప్లాన్. పిచ్‌ ఇంకా బ్యాటింగ్‌కు అనుకూలంగా ఉంది. శ్రీలంక బౌలర్ల మాదిరిగానే భారత బౌలర్లు కూడా సుదీర్ఘ సమయం పాటు బౌలింగ్ చేయాల్సి ఉంటుందని అనుకుంటున్నా. మేం మ్యచ్‌ గెలవాలంటే పట్టుదలతో

రచయిత గురించిరవి కుమార్రవి కుమార్ సమయం తెలుగులో అసిస్టెంట్ ఎడిటర్‌గా పని చేస్తున్నారు. ఆయనకు జర్నలిజంలో 15 ఏళ్లకుపైగా అనుభవం ఉంది. 2016లో సమయంలో చేరిన రవి కుమార్.. ఏపీ, తెలంగాణ వార్తలు, అంతర్జాతీయ కథనాలు, విశ్లేషణలతోపాటు స్పోర్ట్స్ న్యూస్ రాస్తున్నారు. సోషల్ మీడియా పట్ల ఆయనకు మంచి అవగాహన ఉంది. ఫేస్ బుక్ వీడియో ప్రాజెక్ట్ కోసం పని చేసిన అనుభవం రవి కుమార్‌కు ఉంది. ఫ్యాక్ట్ చెక్ వార్తలు రాయడంలో ఆయనకు నైపుణ్యం ఉంది. గూగుల్ ఫ్యాక్ట్ చెక్ ప్రాజెక్ట్ ‘సజగ్’ కోసం ఆయన పని చేశారు. 2024 ఎన్నికల టైంలో సోషల్ మీడియాలోని వైరల్ పోస్టులను ఫ్యాక్ట్ చెక్ చేశారు. సోషల్ మీడియా పోస్టులను రవి కుమార్ ఆసక్తికర కథనాలుగా మలుస్తుంటారు. ఏపీ, తెలంగాణ అసెంబ్లీ ఎన్నికలకు సంబంధించి ఆయన ప్రత్యేక కథనాలు రాశారు. రవి కుమార్ ఈనాడు జర్నలిజం స్కూల్‌‌‌‌లో వెబ్ జర్నలిజం కోర్సును పూర్తి చేశారు. అనంతరం ఈనాడు, సాక్షి మీడియా సంస్థల్లో పని చేశారు. ఆ సమయంలో రాష్ట్ర వార్తలు, ఎడ్యుకేషన్ న్యూస్ రాశారు. 2014 ఎన్నికలకు ముందు క్షేత్ర స్థాయిలో పొలిటికల్ సర్వేల్లో పాల్గొన్న అనుభవం కూడా ఆయనకు ఉంది. 2019, 2024 ఎన్నికలకు ముందు పొలిటికల్ పోల్స్ నిర్వహించిన అనుభవం కూడా ఆయనకు ఉంది. ఖాళీ సమయంలో పుస్తకాలు చదవడం, క్రికెట్ చూడటం, ప్రకృతిలో గడపడాన్ని ఆయన ఇష్టపడతారు.... ఇంకా చదవండి

ఇంటర్నెట్ డెస్క్‌: జస్‌ప్రీత్ బుమ్రా, సాయి సుదర్శన్, వాషింగ్టన్ సుందర్, నితీశ్ కుమార్‌ రెడ్డి, హర్షిత్‌ రాణా.. ఇదీ గాయాలతో సెంటర్ ఆఫ్‌ ఎక్స్‌లెన్స్‌ బాట పట్టిన భారత క్రికెటర్లు. ఇంజూరీ మేనేజ్‌మెంట్‌పై తీవ్ర స్థాయిలో ఆందోళన వ్యక్తమవుతోంది. ప్రధాన కోచ్ గౌతమ్ గంభీర్, చీఫ్‌ సెలక్టర్ అజిత్ అగార్కర్, సీవోఈపై ప్రశ్నలు తలెత్తుతున్నాయి. ఈ క్రమంలో క్రికెట్ దిగ్గజం సునీల్ గావస్కర్ (Sunil Gavaskar) కీలక వ్యాఖ్యలు చేశారు. ఫిజియోలు ఇలా వార్తల్లో నిలవడం బాధాకరమని తెలిపారు. అలాగే ప్లేయర్ల ట్రైనింగ్‌ రొటీన్స్‌ను మార్చాల్సి ఉందని అభిప్రాయపడ్డారు. ‘‘జస్‌ప్రీత్ బుమ్రా(Jasprit Bumrah)కి మోకాలి గాయం ఉంది. మిగతా ప్లేయర్లలో చాలా మందిలో కండరాలు పట్టేయడం చూస్తున్నాం. వారికి ఇస్తున్న ట్రైనింగ్‌లో ఏదో పొరపాటు ఉందనిపిస్తోంది. అందుకే పదేపదే గాయాలు తిరగబెడుతున్నాయి. భారత్‌ జట్టుకు ఆడుతున్నప్పుడే గాయపడుతున్నారు. దురదృష్టవశాత్తూ బీసీసీఐ సెంటర్ ఆఫ్‌ ఎక్స్‌లెన్స్‌ (CoE) ఫిజియోలను బ్లేమ్ చేయాల్సిన పరిస్థితి ఎదురైంది. మరీ ముఖ్యంగా బయోమెకానిక్స్‌ పేరుతో నెట్స్‌లో బౌలర్లను పరిమిత సంఖ్యలోనే బంతులు వేయాలనే విధానం సందేహాస్పదంగా మారింది. ఐపీఎల్‌లోనూ కొందరు విదేశీ ఫిజియోలు నెట్స్‌లో 20 బంతులు కంటే ఎక్కువ వేయనివ్వకుండా చూస్తారని తెలిసింది. టీ20ల్లో బౌలర్ కనీసం 24 బంతులు విసరాలి. కానీ, నెట్స్‌లో అంతకంటే తక్కువ బంతులు ప్రాక్టీస్ చేయడం వల్ల ఏం ప్రయోజనం?’’ అని గావస్కర్ ప్రశ్నించారు. ‘‘గాయాలు ఎందుకు పునరావృతం అవుతున్నాయనేది తెలుసుకోవాలి. అందుకు పరిష్కారం కనుగొనాలి. జిమ్‌ ఫిట్‌నెస్‌ కంటే మ్యాచ్‌ ఫిట్‌నెస్ ముఖ్యం. అయితే, నేను ఫిట్‌నెస్ విషయంలో భిన్నమైన అభిప్రాయాలున్న తరానికి చెందినవాడిని కావచ్చు కానీ.. మ్యాచ్‌ ముఖ్యమని భావిస్తా’’ అని సునీల్ గావస్కర్ స్పష్టం చేశారు. ఇప్పటికే ఆటగాళ్ల గాయాలపై సెంటర్ ఆఫ్‌ ఎక్స్‌లెన్స్‌ ఫిజియోల నుంచి బీసీసీఐ (BCCI) కార్యదర్శి దేవజిత్‌ సైకియా వివరణ అడిగారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు

పెద్దగా ప్రాధాన్యత లేని మ్యాచ్‌లు గెలిస్తేనే నాగినీ డ్యాన్సులతో రోత పుట్టించే జట్టుగా బంగ్లాదేశ్‌కు పేరుంది. అలాంటి పిల్లబచ్చా టీమ్ అయిన బంగ్లాదేశ్, పెద్దపులి లాంటి ఆస్ట్రేలియాను వాళ్ల దేశంలోనే ఓడించి కొత్త చరిత్ర సృష్టించింది. డార్విన్‌లో జరిగిన తొలి టెస్టులో ఆస్ట్రేలియాను 9 వికెట్ల తేడాతో ఓడించి.. ఆ దేశంలో తమ తొలి టెస్టు విజయాన్ని నమోదు చేసింది. 23 ఏళ్ల తర్వాత ఆస్ట్రేలియాలో టెస్టు ఆడిన బంగ్లాదేశ్.. మ్యాచ్ ప్రారంభం నుంచి చివరి వరకు ప్రత్యర్థిపై ఆధిపత్యం ప్రదర్శించింది. ఈ విజయం ఒక్క మ్యాచ్‌లో వచ్చిన అద్భుతం మాత్రమే కాదని, గత కొంతకాలంగా బంగ్లాదేశ్ క్రికెట్‌లో కనిపిస్తున్న మార్పులకు ఫలితమని విశ్లేషకులు భావిస్తున్నారు. డార్విన్ విజయంలో హసన్ మహ్మూద్ కీలక పాత్ర పోషించాడు. తొలి ఇన్నింగ్స్‌లో 6/55తో ఆస్ట్రేలియా బ్యాటింగ్‌ను దెబ్బతీసిన అతడు.. మ్యాచ్‌లో మొత్తం 9 వికెట్లు పడగొట్టి ప్లేయర్ ఆఫ్ ద మ్యాచ్‌గా నిలిచాడు. ముఖ్యంగా స్టార్ పేసర్ నహీద్ రాణా లేకపోయినా బంగ్లాదేశ్ పేస్ విభాగం బలహీనపడకపోవడం జట్టు బెంచ్ బలాన్ని చూపించింది. హసన్ మహ్మూద్ ఇటీవల కెంట్ తరఫున కౌంటీ క్రికెట్ ఆడటం కూడా అతని ఆస్ట్రేలియా ప్రదర్శనకు ఉపయోగపడినట్లు క్రికెట్ ఆస్ట్రేలియా విశ్లేషించింది. ఆస్ట్రేలియాపై మొదటి ఇన్నింగ్స్‌లో 198 పరుగులకే ఆలౌటైన తర్వాత బంగ్లాదేశ్ 426 పరుగులు చేసింది. ఇందులో తంజీద్ హసన్ 101 పరుగుల ఇన్నింగ్స్ అత్యంత కీలకం. ఆస్ట్రేలియా గడ్డపై టెస్టు సెంచరీ చేసిన తొలి బంగ్లాదేశ్ బ్యాటర్‌గా అతడు చరిత్ర సృష్టించాడు. కేవలం రెండో టెస్టులోనే ఇంత కీలక ఇన్నింగ్స్ ఆడటం బంగ్లాదేశ్ కొత్త తరం ఆత్మవిశ్వాసానికి సంకేతంగా మారింది. మొదటి ఇన్నింగ్స్‌లో 65 పరుగులు చేసిన మిరాజ్.. రెండో ఇన్నింగ్స్‌లో కీలక వికెట్లు తీస్తూ ఆస్ట్రేలియా మిడిలార్డర్‌ను కుప్పకూల్చాడు. అతని స్పిన్‌కు స్టీవ్ స్మిత్ సహా కీలక బ్యాటర్లు చిక్కారు. రెండో ఇన్నింగ్స్‌లో ఐదు వికెట్లు తీసిన మిరాజ్

Bangladesh beat Australia by 9 wickets : బంగ్లాదేశ్ క్రికెట్ జట్టు చరిత్ర సృష్టించింది. ఆస్ట్రేలియా గడ్డపై ఆ జట్టును ఓడించింది. ఏకంగా తొమ్మిది వికెట్ల తేడాతో గెలుపొందింది.. తద్వారా 23ఏళ్ల తరువాత సంచలన విజయాన్ని నమోదు చేసింది. నెరవేరిన 23ఏళ్ల కల.. 2003లో డార్విన్‌లోనే ఆస్ట్రేలియాతో బంగ్లాదేశ్ తొలి టెస్టు ఆడింది. ఆ మ్యాచ్‌లో ఆస్ట్రేలియా భారీ విజయాన్ని సాధించింది. ఇప్పుడు అదే డార్విన్‌లో బంగ్లాదేశ్ చరిత్ర తిరగరాసింది. 23 ఏళ్ల క్రితం ప్రారంభమైన ప్రయాణానికి.. 2026లో అదే వేదికపై చారిత్రక విజయంతో సమాధానం ఇచ్చింది. ఈ విజయం బంగ్లాదేశ్ టెస్టు చరిత్రలోనే అత్యంత ప్రత్యేకమైన విజయాల్లో ఒకటిగా నిలిచింది. ఆస్ట్రేలియాపై వారి టెస్టు విజయాల సంఖ్య రెండుకు చేరింది. అంతకుముందు 2017లో స్వదేశంలో ఆస్ట్రేలియాను బంగ్లాదేశ్ ఓడించింది. టెస్ట్ మ్యాచ్ సాగిందిలా.. టాస్ గెలిచిన ఆస్ట్రేలియా బ్యాటింగ్ ఎంచుకోగా.. ఆ జట్టు బ్యాటర్లకు అద్భుత బంతులతో బంగ్లాదేశ్ బౌలర్లు చుక్కలు చూపించారు. దీంతో ఆస్ట్రేలియా తొలి ఇన్నింగ్స్‌లో కేవలం 198 పరుగులకే ఆలౌటైంది. బంగ్లాదేశ్ బౌలర్ హసన్ మహ్మద్ ఆరు వికెట్లు పడగొట్టాడు. అతని దెబ్బకు ఆస్ట్రేలియా బ్యాటింగ్ ఆర్డర్ కుప్పకూలింది. ఆ తరువాత తొలి ఇన్నింగ్స్‌లో బంగ్లాదేశ్ జట్టు 426 పరుగులు చేసింది. బంగ్లాదేశ్ బ్యాటింగ్‌లో తంజిద్ హసన్ శతకంతో మెరిశాడు. దీంతో తొలి ఇన్నింగ్స్‌లో ఆస్ట్రేలియాపై బంగ్లాదేశ్‌ జట్టుకు 228 పరుగుల ఆధిక్యం లభించింది. రెండో ఇన్నింగ్స్‌లో ఆస్ట్రేలియా బ్యాటింగ్‌లో కామెరాన్ గ్రీన్ ఒంటరి పోరాటం చేశాడు. అతను 104 పరుగులతో శతకం సాధించాడు. అయితే మరో ఎండ్‌లో సహచరుల నుంచి తగిన సహకారం లభించలేదు. ఫలితంగా ఆస్ట్రేలియా రెండో ఇన్నింగ్స్‌లో 284 పరుగులకే ఆలౌటైంది. దీంతో బంగ్లాదేశ్ ముందు విజయానికి కేవలం 57 పరుగుల లక్ష్యం మాత్రమే నిలిచింది. చిన్న లక్ష్యంతో బరిలోకి దిగిన బంగ్లాదేశ్‌కు ఆస్ట్రేలియా బౌలర్లు పెద్దగా సవాలు విసరలేకపోయారు. బంగ్లాదేశ్ కేవలం

WTC Final: ప్రపంచ టెస్టు ఛాంపియన్‌షిప్ (డబ్ల్యూటీసీ) ఫైనల్ రేసులో భారత జట్టు పరిస్థితి ఉత్కంఠభరితంగా మారింది. శ్రీలంకతో జరుగుతున్న తొలి టెస్టులో ఓడితే టీమిండియా ఫైనల్ ఆశలు ఆవిరవుతాయా అనే ప్రశ్న అభిమానులను వేధిస్తోంది. ప్రస్తుతం డబ్ల్యూటీసీ 2025-27 పాయింట్ల పట్టికలో భారత జట్టు 48.15 శాతం విజయాల రేటు (PTC)తో ఐదో స్థానంలో కొనసాగుతోంది. ఈ సైకిల్‌లో భారత్‌కు ఇంకా తొమ్మిది టెస్టు మ్యాచ్‌లు మిగిలి ఉన్నాయి. ఇతర జట్ల ఫలితాలపై ఆధారపడకుండా నేరుగా ఫైనల్ బెర్త్ ఖాయం చేసుకోవాలంటే శ్రీలంకతో జరుగుతున్న రెండు టెస్టుల సిరీస్‌ను టీమిండియా 2-0 తేడాతో క్లీన్ స్వీప్ చేయాల్సి ఉంటుంది. అయితే తొలి టెస్టులో ఊహించని పరాజయం ఎదురైనా ఫైనల్ తలుపులు పూర్తిగా మూసుకుపోవు. మిగిలిన 9 టెస్టుల్లో కనీసం 7 మ్యాచ్‌ల్లో విజయం సాధిస్తేనే భారత్ ఫైనల్ రేసులో నిలబడగలదు. 7 మ్యాచ్‌లు గెలిస్తే పాయింట్ల శాతాన్ని 60 శాతానికి పైగా తీసుకెళ్లవచ్చు. సాధారణంగా డబ్ల్యూటీసీ ఫైనల్ అర్హత సాధించడానికి 60 శాతానికి పైగా పాయింట్లు తప్పనిసరి. అంతకంటే తక్కువ పాయింట్లు వస్తే ఇతర జట్ల ఫలితాలపై ఆధారపడాల్సి వస్తుంది. కాబట్టి శ్రీలంకతో తొలి టెస్టు ఓడిపోయినా.. మిగిలిన 8 మ్యాచ్‌ల్లో కనీసం 7 గెలిస్తే ఫైనల్ ఆశలు సజీవంగా ఉంటాయి. రాబోయే తొమ్మిది టెస్టు మ్యాచ్‌ల షెడ్యూల్ ఇదే టీమిండియా ముందున్న తొమ్మిది టెస్టుల ప్రయాణం అంత తేలికైనదేమీ కాదు. శ్రీలంక పర్యటనలో రెండు టెస్టుల సిరీస్ తర్వాత స్వదేశంలో న్యూజిలాండ్‌తో రెండు టెస్టుల సిరీస్ ఆడాల్సి ఉంది. ఆ తర్వాత అత్యంత కీలకమైన ఆస్ట్రేలియా పర్యటనలో ఐదు టెస్టుల బోర్డర్-గవాస్కర్ ట్రోఫీ ఎదురుచూస్తోంది. ఈ కఠినమైన షెడ్యూల్‌లో మెజారిటీ మ్యాచ్‌లు గెలవడం భారత జట్టుకు పెద్ద సవాలుగా మారనుంది. న్యూజిలాండ్, ఆస్ట్రేలియా లాంటి బలమైన జట్లతో తలపడే ముందు శ్రీలంకపై పూర్తి ఆధిపత్యం ప్రదర్శించడం భారత్‌కు చాలా ముఖ్యం. లంకపై

టెస్టులో 9 వికెట్ల తేడాతో బంగ్లాదేశ్ సంచలన విజయం..! అంతర్జాతీయ టెస్టు క్రికెట్‌లో బంగ్లాదేశ్ జాతీయ జట్టు ఊహించని సంచలనం సృష్టించింది. ఆస్ట్రేలియా పర్యటనలో భాగంగా డార్విన్‌లోని మారారా స్టేడియం వేదికగా జరిగిన మొదటి టెస్టు మ్యాచ్‌లో ఆతిథ్య ఆస్ట్రేలియాను 9 వికెట్ల తేడాతో బంగ్లాదేశ్ చిత్తుగా ఓడించింది. బలమైన ఆసీస్ జట్టును వారి సొంత గడ్డపైనే మట్టికరిపించి ఈ పర్యటనలో బంగ్లాదేశ్ అద్భుత బోణీ కొట్టింది. టాస్ గెలిచి మొదట బ్యాటింగ్ చేపట్టిన ఆస్ట్రేలియాకు బంగ్లాదేశ్ బౌలర్లు గట్టి షాక్ ఇచ్చారు. పేసర్ హసన్ మహమూద్ దాటికి ఆసీస్ తొలి ఇన్నింగ్స్‌లో కేవలం 198 పరుగులకే కుప్పకూలింది. హసన్ 55 పరుగులిచ్చి కీలకమైన 6 వికెట్లు పడగొట్టగా, ఆసీస్ వైపు నుంచి స్టీవ్ స్మిత్ (71) ఒక్కడే అర్ధసెంచరీతో ఒంటరి పోరాటం చేశాడు. అనంతరం తమ మొదటి ఇన్నింగ్స్ ప్రారంభించిన బంగ్లాదేశ్ బ్యాటర్లు ఆసీస్ బౌలర్లను సమర్థవంతంగా ఎదుర్కొన్నారు. యువ ఓపెనర్ తంజీద్ హాసన్ (101) బాధ్యతాయుతమైన శతకంతో మెరిసి, ఆస్ట్రేలియా నేలపై టెస్టు సెంచరీ సాధించిన తొలి బంగ్లాదేశ్ బ్యాటర్‌గా రికార్డు పుటలకెక్కిడు. కెప్టెన్ నజ్ముల్ హొస్సేన్ శాంతో (84), మెహిదీ హసన్ మిరాజ్ (65) రాణించడంతో తొలి ఇన్నింగ్స్‌లో బంగ్లాదేశ్ 426 పరుగుల భారీ స్కోరు నమోదు చేసి 228 పరుగుల ఆధిక్యాన్ని సాధించింది. భారీ ఇన్నింగ్స్ లోటుతో రెండో ఇన్నింగ్స్ బరిలోకి దిగిన కంగారూలు బంగ్లాదేశ్ స్పిన్ ఉచ్చులో చిక్కుకున్నారు. కెమరూన్ గ్రీన్ (104) శతకంతో పోరాడినప్పటికీ, ఇతర బ్యాటర్లు విఫలం కావడంతో ఆస్ట్రేలియా 284 పరుగులకే ఆలౌటైంది. ఆల్ రౌండర్ మెహిదీ హసన్ మిరాజ్ 66 పరుగులకే 5 వికెట్లు తీసి ప్రత్యర్థిని గట్టిగా దెబ్బతీశాడు. కేవలం 57 పరుగుల తేలికపాటి లక్ష్యంతో బరిలోకి దిగిన బంగ్లాదేశ్, కేవలం ఒకే ఒక్క వికెట్ కోల్పోయి సునాయాసంగా విజయాన్ని అందుకుంది. మోమినుల్ హక్ (30 నాటౌట్), షాద్‌మాన్ ఇస్లామ్

ఇంటర్నెట్ డెస్క్: శ్రీలంక - భారత్‌ జట్ల మధ్య తొలి టెస్టు రెండో రోజు ఆట మొదటి సెషన్‌ వర్షార్పణమైంది. ప్రస్తుతం వర్షం ఆగింది. అయితే, మైదానాన్ని సిద్ధం చేసేందుకు సమయం పట్టనుంది. దీంతో 12 గంటలకు ఉండాల్సిన లంచ్‌ బ్రేక్‌ను 11.40 గంటలకే ఇచ్చారు. మైదానం సిద్ధమైతే రెండో సెషన్ ఆట 12.20 గంటలకు మొదలుకానుంది. గాలె వేదికగా శ్రీలంక - భారత్ (IND vs SL) తొలి టెస్టు మ్యాచ్‌కు వరుణుడు అడ్డుగా మారాడు. దీంతో రెండో రోజు ఆట ఇంకా మొదలే కాలేదు. షెడ్యూల్ ప్రకారం ఉదయం 10 గంటలకే ప్రారంభం కావాల్సి ఉంది. కానీ, వర్షం ఆగకపోవడంతో మైదానమంతా కవర్లతో కప్పి ఉంది. టాస్‌ నెగ్గిన భారత్ బ్యాటింగ్‌ ఎంచుకున్న సంగతి తెలిసిందే. తొలి రోజు ఆట ముగిసేసమయానికి టీమ్‌ఇండియా స్కోరు 288/2. క్రీజ్‌లో దేవదత్ పడిక్కల్ (131*), రిషభ్‌ పంత్ (27*) ఉన్నారు. అంతకుముందు యశస్వి జైస్వాల్ (32), శుభ్‌మన్ గిల్ (16) పరుగులు చేయగా.. కేఎల్ రాహుల్ (77*) రిటైర్డ్ హర్ట్‌గా డగౌట్‌కు వెళ్లాడు. తొలి రోజు కూడా వర్షం కారణంగా 73 ఓవర్ల ఆట మాత్రమే సాధ్యమైంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. శ్రీలంకతో జరుగుతున్న తొలి టెస్టు మొదటి రోజు ఆటలో భారత్‌ హవా సాగింది

ఇంటర్నెట్ డెస్క్: భారత యువ ఆటగాడు యశస్వి జైస్వాల్ (Team India Yashasvi Jaiswal) ఓ ఘనతను తన ఖాతాలో వేసుకున్నాడు. దిగ్గజ క్రికెటర్ సచిన్ తెందుల్కర్ సరసన చేరాడు. శ్రీలంకతో జరుగుతోన్న తొలి టెస్టులో యశస్వి 32 పరుగుల వద్ద రనౌట్‌గా వెనుదిరిగాడు. యశస్వికిది కెరీర్‌లో 30వ టెస్టు మ్యాచ్. మొత్తం 55 ఇన్నింగ్స్‌లు ఆడాడు. ప్రస్తుతం అతడి ఖాతాలో 2,567 పరుగులు ఉన్నాయి. ఈ క్రమంలో సచిన్‌తోపాటు మాజీ క్రికెటర్ సంజయ్‌ మంజ్రేకర్‌ సాధించిన ఘనతను యశస్వి కూడా నమోదు చేయడం గమనార్హం. కెరీర్‌లో తొలి 30 టెస్టులను భిన్నమైన వేదికల్లో ఆడిన భారత (Team India) ప్లేయర్లు మొన్నటి వరకూ ఇద్దరే ఉండేవారు. ఇప్పుడు మూడో ప్లేయర్ ఆ జాబితాలో చేరాడు. సంజయ్‌ మంజ్రేకర్ వరుసగా 33 టెస్టులను వేర్వేరు వేదికల్లో ఆడాడు. అయితే, అతడి కెరీర్‌లో మొత్తం టెస్టులు 37 మాత్రమే ఉండటం గమనార్హం. ఇక ఆ తర్వాత సచిన్‌ 32 టెస్టులను వేర్వేరు వేదికల్లో ఆడగా.. ఇప్పుడు యశస్వి 30 టెస్టులను పూర్తి చేసుకున్నాడు. సచిన్ (Sachin Tendulkar) తన కెరీర్‌లో మొత్తం 200 టెస్టులు ఆడాడు. ఈ జాబితాలో తొలి స్థానంలో ఉన్న సంజయ్‌ ఘనతను అధిగమించే అవకాశం యశస్వికి ఉంది. ఇప్పుడు శ్రీలంకతో రెండో టెస్టుకు కొలంబో వేదిక. ఆ తర్వాత న్యూజిలాండ్‌తో టెస్టు సిరీస్‌ ఉంది. అప్పుడు యశస్వి (Yashasvi Jaiswal) ఆ రికార్డును బ్రేక్‌ చేసే అవకాశం ఉంది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో

ఇంటర్నెట్ డెస్క్: టీమ్ఇండియా బ్యాటర్లు కొన్నాళ్లుగా స్పిన్ బౌలింగ్‌ను సమర్థవంతంగా ఎదుర్కొలేక తడబడుతున్న సంగతి తెలిసిందే. అయితే, శ్రీలంకతో జరుగుతున్న తొలి టెస్టులో వన్‌డౌన్‌లో దిగిన దేవదత్‌ పడిక్కల్ (Devdutt Padikkal) స్పిన్‌ను అలవోకగా ఆడేస్తున్నాడు. తొలి రోజు ఆటలో పడిక్కల్ (131*; 178 బంతుల్లో 12 ఫోర్లు, 1 సిక్స్‌) సెంచరీ బాదేశాడు. తాను ఎదుర్కొన్న తొలి బంతినే బౌండరీకి పంపిన ఈ లెప్ట్ హ్యాండర్.. ప్రభాత్ జయసూర్య బౌలింగ్‌లో క్రీజు వదిలేసి ముందుకు వచ్చి లాంగాన్‌ మీదుగా సిక్సర్ బాదాడు. అతని ఆత్మవిశ్వాసం చూస్తుంటే టెస్టుల్లో తన శతకాన్నే డబుల్ సెంచరీగా మలిచేలా కనిపిస్తున్నాడు. ఈ నేపథ్యంలో పడిక్కల్‌పై భారత మాజీ ఆటగాడు సంజయ్‌ మంజ్రేకర్ (Sanjay Manjrekar) ప్రశంసలు కురిపించాడు. ప్రస్తుత పరిస్థితుల్లో ఈ ఆటగాడు టీమ్ఇండియాకు దేవుడిచ్చిన వరమని అభిప్రాయపడిన మంజ్రేకర్.. సాయి సుదర్శన్ తిరిగి జట్టులోకి వచ్చినప్పటికీ పడిక్కల్‌నే మూడో స్థానంలో కొనసాగించాలని టీమ్‌ మేనేజ్‌మెంట్‌ను కోరాడు. ‘‘భారత జట్టులో దేవదత్ పడిక్కల్ రూపంలో ఒక కీలకమైన మార్పు కనిపించింది. జట్టు ఎంపిక ఎంత అద్భుతంగా ఉందంటే పడిక్కల్ క్రీజులోకి వచ్చి స్పిన్ బౌలింగ్‌ను ఎంతో సునాయాసంగా ఎదుర్కోవడం చూస్తుంటే అది స్పష్టమవుతోంది. స్పిన్‌ను డిఫెన్స్ చేయడంలోనూ ఫీల్డర్లు దూరంగా ఉన్నప్పుడు సులభంగా సింగిల్స్, డబుల్స్ తీస్తున్నాడు. అలాగే స్లో, టర్నింగ్ పిచ్‌లపై బ్యాక్‌ఫుట్ నుంచే దూకుడుగా షాట్లు ఆడుతున్నాడు. ఇది చాలా అద్భుతమైన విషయం. ఇలాంటి పిచ్‌పై స్పిన్‌ను ఎదుర్కోవడానికి ఇదే ఉత్తమ మార్గం. పడిక్కల్ క్రీజు వదిలి ముందుకు వచ్చి బౌలర్‌ తలమీదుగా షాట్లు కూడా కొట్టగల సమర్థుడు. కాబట్టి స్పిన్‌కు అనుకూలించే పిచ్‌లపై సాయి సుదర్శన్ జట్టులోకి తిరిగి వచ్చినా దేవదత్‌ను మూడో స్థానంలోనే బ్యాటింగ్ చేయించాలి. ఎందుకంటే స్పిన్ బౌలింగ్‌ను ఎదుర్కోవడంలో అతను అత్యంత సమర్థవంతమైన ఆటగాడిగా కనిపిస్తున్నాడు. మూడో స్థానంలో ఇలాంటి ఆటగాడు దొరకడం టీమ్‌ఇండియాకు దేవుడిచ్చిన వరం అని

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నా 8 ఏళ్ల అనుభవంలో ఈనాడు వంటి ప్రముఖ దినపత్రికతో పాటు ఈటీవీ భారత్‌‌లో పనిచేశాను. 2025 నుంచి ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో పనిచేసిన అనుభవం కలదు. IND Vs SL 1st Test Weather: భారత్, శ్రీలంక జట్ల మధ్య లాంగ్ ఫార్మాట్ పోరు ప్రారంభమైంది. శ్రీలంకలోని చారిత్రాత్మక గాలే అంతర్జాతీయ స్టేడియం వేదికగా తొలి టెస్టు మ్యాచ్‌కు సర్వం సిద్ధమైనా, వరుణుడి రూపంలో అభిమానులకు తీవ్ర నిరాశ ఎదురైంది. అయినా మొదటి రోజు ఆటకు అంతరాయం ఏర్పడినా.. రేపటి నుంచి వర్షం మరింతగా విజృంభించే అవకాశాలు కనిపిస్తున్నాయి. గాలే వేదికగా తొలి టెస్టు వాతావరణం.. భారత్ - శ్రీలంక మధ్య రెండు టెస్టుల సిరీస్‌లో భాగంగా తొలి మ్యాచ్ గాలే స్టేడియం వేదికగా ప్రారంభం కావాల్సి ఉంది. అయితే, ఈ ఐదు రోజుల టెస్టులో ఏకంగా నాలుగు రోజుల పాటు భారీ వర్షం పడే అవకాశం ఉందని వాతావరణ శాఖ హెచ్చరించింది. ఈ క్రమంలో రాబోయే రోజుల్లో వర్షం పరిస్థితి ఎలా ఉంటుందో అని ఫ్యాన్స్ అందోళన చెందుతున్నారు. మ్యాచ్‌కు ముందు రోజు కూడా ఇదే విధమైన వాతావరణం ఉండటంతో టీమిండియా ప్రాక్టీస్ సెషన్ తీవ్రంగా దెబ్బతింది. ఆటగాళ్లు మైదానంలో పూర్తి స్థాయిలో సాధన చేయలేకపోయారు. ఉదయం వర్షం తగ్గినప్పటికీ, రోజంతా అప్పుడప్పుడు కురిసిన చినుకులు ఆటకు అడ్డంకిగా మారాయి. వరుణుడి కరుణపైనే మ్యాచ్ భవితవ్యం ఐదు రోజుల పాటు జరగాల్సిన ఈ మ్యాచ్‌లో నాలుగు రోజులు వర్షం పడే ఛాన్స్ ఉండటంతో, మ్యాచ్ ఫలితం కేవలం ఆటగాళ్ల ప్రదర్శనపైనే కాకుండా వాతావరణంపైనే పూర్తిగా ఆధారపడి ఉంది. వరుణుడు శాంతిస్తేనే ఈ హోరాహోరీ పోరును పూర్తిస్థాయిలో చూసే అవకాశం లభిస్తుందని క్రికెట్

ఇంటర్నెట్ డెస్క్: టీమ్ఇండియా బ్యాటర్ దేవదత్ పడిక్కల్ అరుదైన ఘనత సాధించాడు. శ్రీలంకతో జరుగుతున్న తొలి టెస్టు మొదటి ఇన్నింగ్స్‌లో పడిక్కల్ సెంచరీ చేశాడు. టెస్టుల్లో అతడికిది తొలి శతకం. అంతేకాదు ఈ ఇన్నింగ్స్‌కు మరో ప్రత్యేకత ఉంది. భారత క్రికెట్‌ చరిత్రలో స్వాతంత్ర్య దినోత్సవం రోజున టెస్టుల్లో శతకం చేసిన తొలి బ్యాటర్‌గా పడిక్కల్ రికార్డు సృష్టించాడు. ఇక.. స్వాతంత్ర్య దినోత్సవం రోజున సెంచరీ చేసిన తొలి భారత బ్యాటర్ విరాట్ కోహ్లీ. అతను 2019లో వెస్టిండీస్‌తో జరిగిన మ్యాచ్‌లో విరాట్ (114*; 99 బంతుల్లో) శతకం చేశాడు. పోర్ట్ ఆఫ్ స్పెయిన్‌ వేదికగా జరిగిన ఆ మ్యాచ్‌ ఆగస్టు 14న ప్రారంభమైనప్పటికీ భారత కాలమానం ప్రకారం ఆగస్టు 15 తెల్లవారుజామున కోహ్లీ ఈ సెంచరీని పూర్తి చేశాడు. గణతంత్ర దినోత్సవం రోజున టెస్టుల్లో తొలి సెంచరీ చేసిన రికార్డు కూడా కోహ్లీ పేరిటే ఉంది. 2012లో ఆస్ట్రేలియాపై ఈ ఘనత సాధించాడు. ఇక, శ్రీలంకతో తొలి టెస్టు విషయానికొస్తే.. మొదటి ఇన్నింగ్స్‌లో భారత్ 63 ఓవర్లు ముగిసేసరికి 239/2 స్కోరుతో ఉంది. పడిక్కల్ (107*; 147 బంతుల్లో), రిషభ్‌ పంత్ (3*) క్రీజులో ఉన్నారు. కేఎల్ రాహుల్ (77) రిటైర్డ్ హర్ట్‌గా మైదానం వీడాడు. ఓపెనర్ యశస్వి జైస్వాల్ (32) పరుగులు చేశాడు. కెప్టెన్ శుభ్‌మన్ గిల్ (16) నిరాశపర్చాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు