Loss News

బ్లూ టీ.. షుగర్‌ ఉన్నవారు తాగొచ్చా..? బ్లూ టీ.. షుగర్‌ ఉన్నవారు తాగొచ్చా..? September 02 Jyothi Gadda యాంటీఆక్సిడెంట్ల నిధి: బ్లూ టీలో ఆంథోసైనిన్ వంటి శక్తివంతమైన యాంటీఆక్సిడెంట్లు పుష్కలంగా ఉంటాయి. ఇవి శరీరంలోని ఉచిత రాడికల్స్ నాశనం చేసి కణాల నష్టాన్ని సమర్థవంతంగా అరికడతాయి. బరువు తగ్గడానికి సహాయం: ఈ టీలో కేలరీలు మరియు ఫ్యాట్ ఉండవు. ఇది జీవక్రియను వేగవంతం చేసి, శరీరంలో అనవసరమైన కొవ్వును కరిగించి బరువు తగ్గడానికి బాగా దోహదపడుతుంది. చర్మ, కేశ సంరక్షణ: బ్లూ టీ తాగడం వల్ల కొల్లాజెన్ ఉత్పత్తి పెరుగుతుంది. ఇది చర్మంపై ముడతలు రాకుండా వృద్ధాప్య ఛాయలను తగ్గించి, జుట్టు దృఢంగా పెరిగేందుకు సహాయపడుతుంది. ఒత్తిడి, ఆందోళన నివారణ: బ్లూ టీలో ఉండే సహజ పదార్థాలు నాడీ వ్యవస్థను ప్రశాంతపరుస్తాయి. మానసిక ఒత్తిడి, ఆందోళన, అలసటను తగ్గించి మూడ్‌ని తక్షణమే మెరుగుపరుస్తాయి. మధుమేహ నియంత్రణ: ఈ టీ రక్తంలో చక్కెర స్థాయిలను సమతుల్యం చేస్తుంది. ఆహారం తిన్న తర్వాత గ్లూకోజ్ స్థాయిలు హఠాత్తుగా పెరగకుండా అడ్డుకుని డయాబెటిస్‌ను అదుపులో ఉంచుతుంది. గుండె ఆరోగ్యం మెరుగుదల: బ్లూ టీ చెడు కొలెస్ట్రాల్, అధిక రక్తపోటును తగ్గిస్తుంది. రక్తనాళాల్లో రక్తం గడ్డకట్టకుండా చూస్తూ హృదయ సంబంధిత వ్యాధుల ప్రమాదాన్ని నివారిస్తుంది. మెదడు చురుకుదనం పెంపు: ఇందులో ఉండే అసిటైల్ కోలైన్ మెదడు ఆరోగ్యాన్ని మెరుగుపరుస్తుంది. జ్ఞాపకశక్తిని పెంచి, వయస్సుతో పాటు వచ్చే అల్జీమర్స్ వంటి సమస్యలను అరికడుతుంది. జీర్ణ వ్యవస్థ మెరుగు: పరగడుపున బ్లూ టీ తాగడం వల్ల శరీరంలో నిలిచిపోయిన వ్యర్థాలు, విష పదార్థాలు బయటకు వెళ్లిపోతాయి. ఇది జీర్ణక్రియను సులభతరం చేస్తుంది. మరిన్ని వెబ్ స్టోరీస్‌ రోజూ ఒక కప్పు ఉడికించిన సోయాబీన్స్ తిన్నారంటే..ఈ సమస్యలన్నీ పరార్‌! ఈ దిశలో మందార మొక్కను నాటితే ఐశ్వర్యం మీ వెంటే! వర్షాకాలంలో రాగులు వాడుతున్నారా..? ఇది తెలుసుకోండి..!

దేశీయ స్టాక్ మార్కెట్లు బుధవారం (ఆగస్టు 12, 2026) భారీ నష్టాలతో ముగిశాయి. దేశీయ స్టాక్ మార్కెట్లు బుధవారం (ఆగస్టు 12, 2026) భారీ నష్టాలతో ముగిశాయి. టాటా సన్స్ ఛైర్మన్ పదవికి ఎన్. చంద్రశేఖరన్ రాజీనామా చేయనున్నారనే వార్తలు, పెరుగుతున్న క్రూడ్ ఆయిల్ ధరలు మరియు బలహీనమైన అంతర్జాతీయ సంకేతాల కారణంగా టాటా గ్రూప్ షేర్లు కుదేలయ్యాయి. సెన్సెక్స్, నిఫ్టి సూచీలు నష్టాల బాట పట్టాయి

చైనా మాస్టర్స్ టోర్నీలో భారత స్టార్ షట్లర్ లక్ష్య సేన్‌కు ఆదిలోనే షాక్ తగిలింది. బుధవారం జరిగిన పురుషుల సింగిల్స్ రౌండ్ ఆఫ్ 32లో కెనడాకు చెందిన విక్టోర్ లాయ్ చేతిలో లక్ష్య వరుస గేముల్లో ఓటమి పాలయ్యాడు. ఇంటర్నెట్ డెస్క్: చైనా మాస్టర్స్ టోర్నీలో భారత స్టార్ షట్లర్ లక్ష్య సేన్‌కు ఆదిలోనే షాక్ తగిలింది. బుధవారం జరిగిన పురుషుల సింగిల్స్ రౌండ్ ఆఫ్ 32లో కెనడాకు చెందిన విక్టోర్ లాయ్ చేతిలో లక్ష్య వరుస గేముల్లో ఓటమి పాలయ్యాడు. 14-21, 7-21 తేడాతో లాయ్ చేతిలో ఓడి టోర్నీ నుంచి నిష్క్రమించాడు. ఈ ఓటమితో 2026లో విక్టోర్ లాయ్‌తో లక్ష్య సేన్ హెడ్-టు-హెడ్ రికార్డు 1-3కు పడిపోయింది. ఈ ఏడాది లక్ష్యపై లాయ్‌కు ఇది వరుసగా మూడో విజయం కావడం గమనార్హం. ఇటీవల ఢిల్లీలో జరిగిన ప్రపంచ బ్యాడ్మింటన్‌ ఛాంపియన్‌షిప్‌లోనూ లక్ష్యసేన్‌కు నిరాశే ఎదురైంది. రెండో రౌండ్‌లో అమెరికాకు చెందిన గారెట్‌ టాన్‌ చేతిలో ఓడిపోయాడు. చైనా మాస్టర్స్‌లో తొలుత లక్ష్యసేన్‌ ఫ్రాన్స్‌కు చెందిన అలెక్స్‌ లానియర్‌తో తలపడాల్సి ఉంది. అయితే ఢిల్లీలో టైటిల్‌ సాధించిన అనంతరం లానియర్‌ టోర్నీ నుంచి వైదొలగడంతో.. లక్ష్యకు మరోసారి విక్టోర్‌ లాయ్‌తో తలపడే అవకాశం వచ్చింది. ఈసారి కూడా ఫలితం లక్ష్యకు అనుకూలంగా రాలేదు. ఇదిలా ఉంటే.. మరో భారత స్టార్‌ కిదాంబి శ్రీకాంత్‌ మాత్రం చైనా మాస్టర్స్‌లో శుభారంభం చేశాడు. రౌండ్‌ ఆఫ్‌ 32లో చైనీస్‌ తైపీకి చెందిన చి యు-జెన్‌ను 21-16, 21-15తో వరుస గేముల్లో ఓడించి రౌండ్‌ ఆఫ్‌ 16లోకి దూసుకెళ్లాడు. 2023 సయ్యద్‌ మోదీ ఇంటర్నేషనల్‌లో శ్రీకాంత్‌ను తొలి రౌండ్‌లోనే ఓడించిన యు-జెన్‌పై ఈసారి భారత షట్లర్‌ పైచేయి సాధించాడు. తొలి గేమ్‌లో ఆధిపత్యం ప్రదర్శించిన శ్రీకాంత్‌.. రెండో గేమ్‌లోనూ ప్రశాంతంగా ఆడి మ్యాచ్‌ను సొంతం చేసుకున్నాడు. ఇక మిక్స్‌డ్‌ డబుల్స్‌లో ధ్రువ్‌ కపిల-తనీషా క్రాస్టో జోడీ అదరగొట్టింది

చక్కెరకు బదులుగా బెల్లం వాడితే ఆరోగ్యానికి మంచిదని చాలామంది భావిస్తారు. బరువు తగ్గాలనుకునే వారు కూడా వైట్‌ షుగర్‌కు బదులు బెల్లాన్ని ఎంచుకుంటారు. అయితే బెల్లం తినడం వల్ల నేరుగా బరువు తగ్గుతారా? అసలు బెల్లం, చక్కెరలో ఏది మంచిది? పోషకాహార నిపుణుల అభిప్రాయాలు, పరిశోధనల ప్రకారం దీనికి సమాధానం అంత సులభం కాదు.చెరకు రసం లేదా తాటి రసం నుంచి బెల్లాన్ని తయారు చేస్తారు. చక్కెరతో పోలిస్తే బెల్లంలో ఐరన్‌, పొటాషియం, కాల్షియం, మెగ్నీషియం, ఫాస్ఫరస్‌ వంటి ఖనిజాలు కొంత ఎక్కువగా ఉంటాయి. శుద్ధి చేసే ప్రక్రియ తక్కువగా ఉండటంతో కొన్ని సూక్ష్మ పోషకాలు ఇందులో మిగులుతాయి.అయితే బరువు తగ్గించే విషయంలో మాత్రం బెల్లానికి ప్రత్యేకమైన ప్రయోజనం ఉన్నట్లు ఆధారాలు లేవు. 100 గ్రాముల బెల్లంలో సుమారు 383 కిలోక్యాలరీలు ఉంటే.. వైట్‌ షుగర్‌లో దాదాపు 387 కిలోక్యాలరీలు ఉంటాయి. అంటే క్యాలరీల విషయంలో పెద్ద తేడా లేదు.బరువు తగ్గాలంటే రోజువారీగా తీసుకునే క్యాలరీల కంటే ఖర్చు చేసే క్యాలరీలు ఎక్కువగా ఉండాలి. అందుకే బెల్లాన్ని ఎక్కువగా తింటే బరువు పెరిగే అవకాశం ఉంటుంది. వైట్‌ షుగర్‌లాగే బెల్లంలోనూ సుక్రోజ్‌ ఉంటుంది. ఇది రక్తంలో చక్కెర స్థాయిని పెంచుతుంది.బెల్లంలో పోషక విలువలు కొంత ఎక్కువగా ఉన్నా.. అది బరువు తగ్గించే ఆహారం మాత్రం కాదు. తీపి తినాలనిపిస్తే తాజా పండ్లు, పండ్లు- చక్కెరలేని యోగర్ట్, నట్స్‌, సీడ్స్‌ వంటి వాటిని ఎంచుకోవచ్చు. బెల్లం తీసుకున్నా పరిమితంగా తీసుకోవడం ముఖ్యం

బ్లాక్ రైస్ తో ఆరోగ్య ప్రయోజనాలు..డాక్టర్లు ఆశ్చర్యపోయారు!బ్లాక్ రైస్ తో ఆరోగ్య ప్రయోజనాలు..డాక్టర్లు ఆశ్చర్యపోయారు! September 01 Jyothi Gadda బరువు తగ్గించడంలో సహాయం: బ్లాక్ రైస్‌లో పీచు పదార్థం, ప్రొటీన్లు పుష్కలంగా ఉంటాయి. ఇవి కడుపుని నిండుగా ఉంచి, ఆకలిని తగ్గించడం ద్వారా వేగంగా బరువు తగ్గడానికి ఎంతగానో తోడ్పడతాయి. మధుమేహం నియంత్రణ: దీని గ్లైసెమిక్ ఇండెక్స్ చాలా తక్కువగా ఉంటుంది. రక్తంలో గ్లూకోజ్ స్థాయిలు ఒక్కసారిగా పెరగకుండా చూస్తూ, ఇన్సులిన్ సున్నితత్వాన్ని మెరుగుపరచి షుగర్ లెవెల్స్ అదుపులో ఉంచుతుంది. యాంటీఆక్సిడెంట్లు పుష్కలం: బ్లాక్ రైస్‌కు ఆ నలుపు రంగు ఆంతోసైనిన్ అనే శక్తివంతమైన యాంటీఆక్సిడెంట్ వల్ల వస్తుంది. ఇది శరీరంలోని ఫ్రీ రాడికల్స్‌తో పోరాడి, కణాల నష్టాన్ని నివారిస్తుంది. గుండె ఆరోగ్యానికి మేలు: ఇందులోని పోషకాలు చెడు కొలెస్ట్రాల్, ట్రైగ్లిజరైడ్లను తగ్గించి, మంచి కొలెస్ట్రాల్‌ను పెంచుతాయి. దీనివల్ల రక్తనాళాలు పూడుకుపోకుండా గుండెజబ్బుల ప్రమాదం తగ్గుతుంది. జీర్ణక్రియ మెరుగుపడుతుంది: అధిక ఫైబర్ కంటెంట్ ఉండటం వల్ల ఇది పేగుల కదలికలను సులభతరం చేస్తుంది. మలబద్ధకం, గ్యాస్, కడుపుబ్బరం వంటి సమస్యలను నివారించి జీర్ణవ్యవస్థను ఆరోగ్యంగా ఉంచుతుంది. కాలేయ పరిశుభ్రత: నల్ల బియ్యంలో ఉండే ప్రత్యేక ఆంటియాక్సిడెంట్లు కాలేయంలోని వ్యర్థాలు, విషపదార్థాలను బయటకు పంపుతాయి. దీనివల్ల ఫ్యాటీ లివర్ సమస్యలు రాకుండా కాలేయం శుభ్రపడుతుంది. క్యాన్సర్ నివారణ గుణాలు: ఇందులోని ఆంతోసైనిన్లు క్యాన్సర్ కణాల పెరుగుదలను, అవి వ్యాపించడాన్ని అడ్డుకుంటాయి. ముఖ్యంగా రొమ్ము, ఊపిరితిత్తులు, పేగు క్యాన్సర్ల ముప్పును తగ్గించడంలో ఇవి కీలకంగా పనిచేస్తాయి. క్యాన్సర్ నివారణ గుణాలు: ఇందులోని ఆంతోసైనిన్లు క్యాన్సర్ కణాల పెరుగుదలను, అవి వ్యాపించడాన్ని అడ్డుకుంటాయి. ముఖ్యంగా రొమ్ము, ఊపిరితిత్తులు, పేగు క్యాన్సర్ల ముప్పును తగ్గించడంలో ఇవి కీలకంగా పనిచేస్తాయి. మరిన్ని వెబ్ స్టోరీస్‌ రోజూ ఒక కప్పు ఉడికించిన సోయాబీన్స్ తిన్నారంటే..ఈ సమస్యలన్నీ పరార్‌! ఈ దిశలో మందార మొక్కను నాటితే ఐశ్వర్యం మీ వెంటే! వర్షాకాలంలో రాగులు

సింగరేణి కాలరీస్ నష్ట నివారణా చర్యలపై దృష్టి సారిస్తోంది. సింగరేణి కాలరీస్ కు సంబంధించి భూగర్భ గనులలో భారీగా నష్టాలు నమోదు అవుతున్న క్రమంలో కేంద్రం సూచనలను పరిశీలిస్తోంది. భారీ నష్టాలను తగ్గించుకునేందుకు కసరత్తు చేస్తోంది. సింగరేణి కాలరీస్ కంపెనీ భారీ నష్టాల్లో ఉన్న భూగర్భ బొగ్గు గనులను ప్రైవేటు సంస్థలకు అప్పగించే దిశగా అడుగులు వేస్తోంది.సింగరేణి ఆధ్వర్యంలో రాగి, బంగారం అన్వేషణ షురూ!నష్టాలను తగ్గించుకునే ఆలోచనలో సింగరేణికేంద్ర బొగ్గు శాఖ సూచనల మేరకు గని అభివృద్ధి, నిర్వహణ ఎండీవో విధానంలో ఈ బదిలీ జరుగుతుంది. కోల్ ఇండియా, వెస్ట్రన్ కోల్‌ఫీల్డ్స్ వంటి జాతీయ సంస్థలు ఇదే విధానం ద్వారా నష్టాలను తగ్గించుకున్న నేపథ్యంలో సింగరేణి కూడా ఇలాంటి చర్యలు తీసుకోవాలని భావిస్తోంది.వరుస విజయాల సింగరేణి.. తాజాగా మరో చారిత్రాత్మక మైలురాయి!శాంతిఖని భూగర్భ గని త్వరలో ప్రైవేటీకరణమందమర్రి ప్రాంతంలోని శాంతిఖని భూగర్భ గనిని ప్రయోగాత్మకంగా అప్పగించేందుకు ఆసక్తి వ్యక్తీకరణ కోసం దరఖాస్తులు ఆహ్వానించగా ఒక ప్రైవేటు కంపెనీ ముందుకు వచ్చింది. దీనికోసం త్వరలోనే టెండర్లు పిలవనున్నారు. ఈ విధానంలో ప్రైవేటు సంస్థ సొంత ఖర్చుతో బొగ్గు తవ్వి నిర్ణీత ధరకు సింగరేణికి అందిస్తుంది. సింగరేణి ఆ బొగ్గును మార్కెట్‌లో విక్రయిస్తుంది.రూ.1,924 కోట్లు నష్టాల్లో భూగర్భ గనులుప్రస్తుతం శాంతిఖనిలో టన్ను బొగ్గు ఉత్పత్తికి సుమారు రూ.21,558 ఖర్చవుతుండగా విక్రయ ధర కేవలం రూ.4,167 మాత్రమే. ఆడ్రియాల గనిలో టన్నుకు ఉత్పత్తి వ్యయం రూ.30,333 కాగా విక్రయ ధర రూ.2,492 మాత్రమే. ఒక్క గనిలోనే గతేడాది రూ.302 కోట్లకు పైగా నష్టం వచ్చింది. 2025 చివరి నాటికి 22 భూగర్భ గనుల్లో 21 నష్టాల్లో ఉన్నాయి. వాటి మొత్తం నష్టం రూ.1,924 కోట్లు దాటింది.సింగరేణి పూర్తిగా నష్టాల ఊబిలో చిక్కుకునే ప్రమాదంఇంత నష్టాలలో ఉన్న సింగరేణి గట్టెక్కాలి అంటే ప్రైవేటీకరణ మార్గం అని కేంద్ర బొగ్గు శాఖ భావిస్తోంది. ఈ క్రమంలో ఎండీవో విధానంలో ప్రైవేట్ కు

కేంద్ర బొగ్గు శాఖ సూచనల మేరకు భారీ నష్టాల్లో ఉన్న భూగర్భ బొగ్గు గనులను ప్రైవేటుకు అప్పగించేందుకు సింగరేణి సంస్థ ప్రతిపాదనలు సిద్ధం చేస్తోంది. ఈ గనులను గని అభివృద్ధి, నిర్వహణ(ఎండీవో) విధానంలో ప్రైవేటు సంస్థలకు ఇచ్చేందుకు పరిశీలన చేస్తోంది. జాతీయ సంస్థలైన కోల్‌ ఇండియా, వెస్ట్రన్స్‌ కోల్‌ఫీల్డ్స్‌లలో ఈ విధానం అమలుతో నష్టాలు తగ్గించుకున్న నేపథ్యంలో అదే బాటలో సింగరేణి సైతం వెళ్లాలని భావిస్తోంది. ముందుగా ప్రయోగాత్మకంగా మందమర్రి ప్రాంతంలోని శాంతి ఖని భూగర్భ గనిని అప్పగించేందుకు ప్రైవేటు సంస్థల నుంచి దరఖాస్తులను ఆహ్వానించగా ఒక కంపెనీ ముందుకొచ్చింది. దీంతో సింగరేణి సంస్థ త్వరలో టెండర్లు పిలిచేందుకు కసరత్తు చేస్తోంది.బొగ్గు గనులను ప్రైవేటు సంస్థకు ఇస్తే.. అది సొంత ఖర్చుతో బొగ్గు తవ్వి సింగరేణికి నిర్ణీత ధరకు అప్పగిస్తుంది. ఆ తర్వాత దాన్ని మార్కెట్‌లో సింగరేణి అమ్ముకుంటుంది. ప్రస్తుతం శాంతిఖని గనిలో టన్ను బొగ్గు ఉత్పత్తికి సింగరేణికి రూ.21,558 ఖర్చవుతుంది. వెలికితీసిన బొగ్గును కేవలం రూ.4,167కే విక్రయిస్తున్నందున సంస్థకు భారీగా నష్టం వాటిల్లుతోంది. ఎండీవో విధానంలో అప్పగించి ఈ నష్టాన్ని తగ్గించాలనేది సింగరేణి సంస్థ యోచన. భూగర్భ గనుల్లో బొగ్గు ఉత్పత్తి వ్యయం భారీగా పెరగడం.. సింగరేణి ఆర్థిక పరిస్థితిపై ప్రస్తుతం తీవ్ర ప్రభావం చూపుతోంది. యూజీ గనుల్లో ఉద్యోగుల జీతాలు.. స్థిర, చర వ్యయం కలిపి టన్ను బొగ్గు ఉత్పత్తికి, మార్కెట్లో విక్రయధరకు మధ్య అసలు ఏమాత్రం పొంతన ఉండటం లేదు. 2025 చివరి నాటికి మొత్తం 22 భూగర్భ గనులకుగాను 21 నష్టాల్లో ఉన్నట్లు ఈ సంస్థ కేంద్రానికి ఇచ్చిన తాజా నివేదికలో వెల్లడించింది. ఈ 21 గనుల నష్టాలు రూ.1,924 కోట్లకు పైగా ఉన్నాయని చెప్పింది.ఆడ్రియాల యూజీ గనిలో టన్ను బొగ్గు ఉత్పత్తికి మొత్తం వ్యయం రూ.30,333 కాగా విక్రయ ధర రూ.2,492 మాత్రమే ఉందని సంస్థ వెల్లడించింది. టన్నుకు ఏకంగా రూ.27,841 నష్టం వాటిల్లుతోందని.. ఈ ఒక్క

కాఫీ తాగితే కొవ్వు తగ్గుతుందా? ఈ విషయంపై ఆరోగ్య నిపుణులు ఏమంటున్నారో ఇప్పుడు తెలుసుకుందాం.. ఇంటర్నెట్ డెస్క్: కాఫీ చాలా మందికి రోజూ తీసుకునే పానీయంగా మారిపోయింది. అయితే కాఫీ తాగే అలవాటుకు శరీరంలోని కొవ్వు, కండరాల పరిమాణానికి మధ్య సంబంధం ఉందని తాజా అధ్యయనం వెల్లడించింది. ఎక్కువగా కాఫీ తాగే వ్యక్తుల్లో మొత్తం శరీర కొవ్వుతో పాటు పొట్టలోని అంతర్గత కొవ్వు తక్కువగా ఉండగా, కండరాల పరిమాణం ఎక్కువగా ఉన్నట్లు పరిశోధకులు గుర్తించారు. ఫిన్లాండ్‌లోని ఓలు విశ్వవిద్యాలయ పరిశోధకులు 1966 నార్తర్న్‌ ఫిన్లాండ్‌ బర్త్‌ కోహోర్ట్‌కు చెందిన 46 ఏళ్ల వయసున్న 2,264 మంది ఆరోగ్య సమాచారాన్ని పరిశీలించారు. వారి కాఫీ వినియోగం, శరీర కొవ్వు, కండరాల పరిమాణం తదితర అంశాలను పోల్చి ఈ విషయాలను గుర్తించారు. ఎక్కువగా కాఫీ తాగే వారిలో శరీర నిర్మాణానికి సంబంధించి కొన్ని ఆసక్తికరమైన మార్పులు కనిపించాయి. ముఖ్యంగా.. మొత్తం శరీర కొవ్వు పరిమాణం తక్కువగా ఉంది. అంతర్గత అవయవాల చుట్టూ పేరుకునే విసెరల్‌ ఫ్యాట్‌ తక్కువగా ఉంది. రక్తంలో కొన్ని బ్రాంచ్డ్‌-చైన్‌ అమైనో ఆమ్లాలు (BCAAలు) తక్కువగా ఉన్నాయి. మరో ఆసక్తికరమైన విషయం ఏమిటంటే.. ఎక్కువ, తక్కువ కాఫీ తాగే వర్గాల మధ్య BMIలో పెద్దగా తేడా కనిపించలేదు. BMI అంటే ఎత్తు, బరువు ఆధారంగా శరీర బరువు స్థితిని అంచనా వేసే కొలమానం. అయితే శరీరంలో కొవ్వు ఎంత ఉంది, కండరాలు ఎంత ఉన్నాయి అనే విషయాన్ని BMI ఖచ్చితంగా చెప్పదు. అందువల్ల ఒకే BMI ఉన్న ఇద్దరి శరీరాల్లో కొవ్వు, కండరాల పరిమాణం వేర్వేరుగా ఉండొచ్చు. కాఫీలో ఉండే కెఫిన్‌ నాడీ వ్యవస్థపై, అలాగే శరీరం శక్తిని వినియోగించే విధానంపై ప్రభావం చూపుతుంది. కెఫిన్‌ వల్ల శరీరంలో శక్తి ఖర్చు కొంత పెరగడం, ఆకలిలో మార్పులు రావడం, జీవక్రియపై ప్రభావం పడటం వంటివి జరగొచ్చని గతంలో జరిగిన పరిశోధనలు సూచించాయి. తాజా అధ్యయనం

భారత స్టార్ బ్యాడ్మింటన్ డబుల్స్ జోడీ సాత్విక్‌ సాయిరాజ్ రంకిరెడ్డి–చిరాగ్ శెట్టి ప్రపంచ ఛాంపియన్‌షిప్‌లో మరో పతకం సాధించాలన్న ఆశలు క్వార్టర్‌ ఫైనల్లోనే ముగిశాయి. చైనాకు చెందిన ప్రపంచ నంబర్-3 జోడీ లియాంగ్ వీ కెంగ్–వాంగ్ చాంగ్ చేతిలో భారత జంట వరుస గేముల్లో ఓటమి పాలైంది. ఇంటర్నెట్ డెస్క్: భారత స్టార్ బ్యాడ్మింటన్ డబుల్స్ జోడీ సాత్విక్‌ సాయిరాజ్ రంకిరెడ్డి–చిరాగ్ శెట్టి ప్రపంచ ఛాంపియన్‌షిప్‌లో మరో పతకం సాధించాలన్న ఆశలు క్వార్టర్‌ ఫైనల్లోనే ముగిశాయి. శుక్రవారం జరిగిన మ్యాచ్‌లో చైనాకు చెందిన ప్రపంచ నంబర్-3 జోడీ లియాంగ్ వీ కెంగ్–వాంగ్ చాంగ్ చేతిలో భారత జంట వరుస గేముల్లో ఓటమి పాలైంది. ప్రపంచ నంబర్-5గా ఉన్న సాత్విక్–చిరాగ్ 36 నిమిషాల్లో 18–21, 9–21 తేడాతో పరాజయం చవి చూశారు. మ్యాచ్ ఆరంభం నుంచే ఆశించిన స్థాయిలో పదును చూపలేకపోయిన భారత జోడీ.. రెండో గేమ్‌లో పూర్తిగా వెనుకబడింది. 2022, 2025 ప్రపంచ ఛాంపియన్‌షిప్‌లలో కాంస్య పతకాలు సాధించిన సాత్విక్–చిరాగ్.. ఈసారి మూడో పతకంపై ఆశలు పెట్టుకున్నారు. అయితే పారిస్ ఒలింపిక్స్ రజత పతక విజేతలైన లియాంగ్–వాంగ్ జోడీ ముందు భారత జంటకు ఎదురుదెబ్బ తగిలింది. కుల్‌దీప్ యాదవ్‌పై వారికి నమ్మకం లేదు.. అశ్విన్ ఘాటు వ్యాఖ్యలు ఒక్క మ్యాచ్‌తో కుల్‌దీప్ సామర్థ్యాన్ని అంచనా వేయొద్దు: స్పిన్ కోచ్ బహుతులే

ప్రతి రోజూ ఒక్క క్యారెట్ తింటే చాలు.. ఎన్ని లాభాలో..ప్రతి రోజూ ఒక్క క్యారెట్ తింటే చాలు.. ఎన్ని లాభాలో.. Samatha 21 August 2026 క్యారట్స్ ఆరోగ్యానికి చేసే మేలు అంతా ఇంతా కాదు. ప్రతి రోజూ క్యారెట్ తినడం వలన శరీరానికి అనేక విధాలుగా మేల ు జరుగుతుంది. ప్రతి రోజూ ఒక క్యారట్ తినడం వలన బోలెడు లాభాలు ఉన్నాయంట. కాగా, అవి ఏవో ఇప్పుడు మనం తెలుసుకుందాం., ప్రతి రోజూ క్యారట్ తినడం వలన కళ్లు షార్ప్‌గా కనిపిస్తాయి. ఇందులో విటమిన్ ఏ, బీటా కెరోటిన్ ఉండటం వలన కంటి చూపు మెరుగుపడుతుంది. అంతే కాకుండా చర్మ నిగారింపుకు కూడా ఇది చాలా బెస్ట్. ప్రతి రోజూ క్యారెట్ తినడం వలన చర్మం నిగారింపుగా తయారు అవుతుంది. అలాగే జీర్ణక్రియ ఆరోగ్యానికి మేలు చేస్తుంది. ఇందులో ఫైబర్ ఎక్కువగా ఉంటుంది కాబట్టి క్యారెట్ తినడం వలన మలబద్ధకం రాద ు. అలాగే క్యారెట్‌లో కేలరీలు చాలా తక్కువగా ఉంటాయి. ఇది తిన్న తర్వాత వెంటనే కడుపు నిండిన ఫీలింగ్ కలుగుతుంది. కాబట్టి, బరువు తగ్గాలి అనుకునేవారికి ఇది చాలా మంచిది అని చెప్పాలి. దీని వలన చాలా వేగంగా బరువు తగ్గవచ్చున ు క్యారెట్‌లో విటమిన్ సి, యాంటీ ఆక్సిడెంట్స్ ఎక్కువగా ఉంటాయి. అందువలన క్యారెట్ తినడం వలన జలుబు, దగ్గు అంత త ్వరగా రావు. మరిన్ని వెబ్ స్టోరీస్‌ కలర్ ఫుల్‌వి కాదండోయ్.. మీ సోదరులకు ఎలాంటి రాఖీలు కట్టాలో తెలుసా? వరలక్ష్మి వ్రతం రోజు అస్సలే చేయకూడని పనులివే! పాములు ఎందుకు వెనక్కి పాకలేవో తెలుసా?

బరువు తగ్గాలనుకునేవారు ఆహార నియమాలు పాటించడంతో పాటూ వ్యాయామాలు కూడా చేయాలి. రోజూ సులభంగా చేయగలిగే వ్యాయామాల్లో వాకింగ్, స్కిప్పింగ్ ముఖ్యమైనవి. కానీ, శరీరంపై ప్రభావం, క్యాలరీలు బర్న్ చేసే వేగంలో ఈ రెండింటి మధ్య చాలా తేడాలున్నాయి. వాకింగ్ అనేది శరీరానికి ఎక్కువ ఒత్తిడి కలిగించని 'లో-ఇంపాక్ట్' వ్యాయామం. వయసు, ఫిట్‌నెస్‌ను బట్టి వేగాన్ని మార్చుకోవచ్చు కాబట్టి, చాలామంది దీన్ని రోజూ చేయగలరు. రోజూ 30 నిమిషాలు వేగంగా నడవడం వల్ల శరీర కదలికలు పెరిగి, గుండె ఆరోగ్యం మెరుగుపడుతుంది. ఇది బరువును అదుపులో ఉంచడానికి, ఎక్కువసేపు కూర్చునే అలవాటును తగ్గించడానికి కూడా సహాయపడుతుంది. బయట పార్కులో నడిస్తే మనసుకు చాలా రిఫ్రెషింగ్‌గా ఉంటుంది. అందుకే, శారీరక ఆరోగ్యంతో పాటు మానసిక ఆరోగ్యానికీ వాకింగ్ మేలు చేస్తుంది. తక్కువ సమయంలో ఎక్కువ క్యాలరీలు బర్న్ చేయాలనుకుంటే స్కిప్పింగ్ మంచి వ్యాయామం. అయితే, ఎన్ని క్యాలరీలు ఖర్చవుతాయి అనేది శరీర బరువు, వ్యాయామ వేగం, తీవ్రత, చేసే సమయం వంటి అంశాలపై ఆధారపడి ఉంటుంది. వాకింగ్‌లో ఉన్న ముఖ్యమైన ప్రయోజనం ఏంటంటే, దీన్ని ఎక్కువ కాలం పాటు కొనసాగించడం సులభం. ముఖ్యంగా వ్యాయామం కొత్తగా మొదలుపెట్టేవారికి వాకింగ్ మంచి ఆప్షన్. వేగంగా, ఎక్కువ తీవ్రతతో క్యాలరీలు బర్న్ చేయాలనుకునే వారికి స్కిప్పింగ్ బెస్ట్ ఛాయిస్. అదే సమయంలో, రోజూ సులభంగా చేసే వ్యాయామం కావాలనుకునే వారికి వాకింగ్ చాలా అనువైనది

'మా విలేజ్ షో' నుంచి పాప్యులర్ అయిన నటుడే అంజిమామ. తనదైన యాసతో చాలా సహజంగా నటించే అంజిమామ, ఆడియన్స్ కి చాలా త్వరగా కనెక్ట్ అవుతూ ఉంటాడు. అలాంటి అంజిమామ తాజాగా 'ఐ డ్రీమ్'వారికి ఇచ్చిన ఇంటర్వ్యూలో, తన గురించిన అనేక విషయాలను ప్రస్తావించాడు." కష్టపడటం నాకు మొదటి నుంచి అలవాటే. ప్లంబర్ గా .. ఎలక్ట్రీషియన్ గా .. ఆర్ ఎంపీ గా డాక్టర్ పనిచేశాను. ఆ తరువాత వాటర్ ప్లాంట్ పెట్టాను. అయినా ఎక్కడా నిలదొక్కుకోలేకపోయాను" అని అన్నారు. "ఆ తరువాత స్నేహితులతో కలిసి ఈజీమని కోసం ఒక స్కీమ్ లో పెట్టుబడి పెట్టాను. దాంతో 24 లక్షల నష్టం వచ్చింది. మంచి జీవితం కోసం .. త్వరగా ఎదగాలనే కోరికతో ఈజీమని దిశగా ఆలోచన చేయడం జరిగింది. కానీ అనుభవంతో చెబుతున్నాను. ఈజీమని దిశగా ఎవరూ వెళ్లకూడదు. ఆ దిశగా ఎవరినీ ఎంకరేజ్ చేయకూడదు. ఆ ఎఫెక్ట్ కారణంగా జీవితంలో నేను మరిన్ని కష్టాలు పడవలసి వచ్చింది" అని ఆయన చెప్పారు. " ఒక వైపున నటుడిగా నిలదొక్కుకోవడానికి ప్రయత్నిస్తూనే, మరో వైపున హైదరాబాద్ లో క్యాబ్ నడుపుతున్నాను. ఎందుకంటే నెల కాగానే ఇంటికి 50 వేలు పంపించవలసి ఉంటుంది. క్యాబ్ నడిపేటప్పుడు మాస్క్ పెట్టుకున్నా నన్ను కొంతమంది గుర్తుపడుతున్నారు. ఈ కష్టాలన్నీ ఎందుకు .. నా ఊరెళ్లిపోవాలని అనిపిస్తుంది. ఒక ఎకరం పొలం .. నాలుగు బర్రెలు ఉంటే హాయిగా బ్రతకొచ్చని అనిపిస్తుంది" అంటూ ఆయన ఉద్వేగానికి లోనయ్యారు

ఆంధ్రప్రదేశ్ రాజకీయాల్లో వైఎస్సార్ కాంగ్రెస్ పార్టీ (YSRCP) తీసుకున్న తాజా నిర్ణయం మరోసారి చర్చకు దారితీసింది. రాష్ట్ర అసెంబ్లీ వర్షాకాల సమావేశాలకు పార్టీ ఎమ్మెల్యేలు హాజరు కాకూడదని నిర్ణయించడం రాజకీయంగా ప్రాధాన్యం సంతరించుకుంది. ఎన్నికల తర్వాత సభలో తమకు దక్కాల్సిన ప్రతిపక్ష హోదా విషయంలో న్యాయం జరగలేదన్నది వైసీపీ ప్రధాన వాదనగా ఉంది. ఈ అంశాన్నే కేంద్రంగా చేసుకుని అసెంబ్లీ సమావేశాలకు దూరంగా ఉండాలని పార్టీ నిర్ణయించింది. 2024 ఎన్నికల్లో వైసీపీకి 11 అసెంబ్లీ స్థానాలు మాత్రమే దక్కాయి. కూటమి పార్టీలైన తెలుగుదేశం పార్టీ (TDP), జనసేన (Jana Sena), బీజేపీ (BJP) కలిసి భారీ మెజారిటీతో ప్రభుత్వాన్ని ఏర్పాటు చేశాయి. దీంతో శాసనసభలో వైసీపీ సంఖ్యాబలం గణనీయంగా తగ్గిపోయింది. ఎన్నికల ఫలితాల తర్వాత నుంచే ప్రతిపక్ష హోదా అంశం ఆ పార్టీ రాజకీయ చర్చలో కీలకంగా మారింది. వైసీపీ అధినేత వైఎస్ జగన్‌మోహన్ రెడ్డి (YS Jagan Mohan Reddy) సభలో తమ పార్టీకి తగిన ప్రాధాన్యం ఇవ్వడం లేదని పలుమార్లు ఆరోపించారు. మరోవైపు ప్రభుత్వం, కూటమి నేతలు మాత్రం ప్రతిపక్ష హోదాకు సంబంధించిన నిబంధనలు, సభలో పార్టీ బలాన్ని ప్రస్తావిస్తూ వైసీపీ వాదనను అంగీకరించడం లేదు. దీంతో రెండు వైపులా రాజకీయ విమర్శలు కొనసాగుతున్నాయి. అయితే అసెంబ్లీకి వెళ్లకుండా ఉండటం వల్ల వైసీపీకి రాజకీయంగా ఎంత మేరకు ప్రయోజనం కలుగుతుందన్నది ఇప్పుడు అసలు ప్రశ్నగా మారింది. ప్రజల సమస్యలను నేరుగా ప్రభుత్వం దృష్టికి తీసుకెళ్లేందుకు శాసనసభ ఒక ముఖ్యమైన వేదిక. నిరుద్యోగం, రైతుల సమస్యలు, సంక్షేమ పథకాల అమలు, ధరల పెరుగుదల, అభివృద్ధి కార్యక్రమాలు వంటి అంశాలపై అధికార పక్షాన్ని ప్రశ్నించే అవకాశం ప్రతిపక్ష సభ్యులకు ఉంటుంది. అలాంటి అవకాశాన్ని స్వయంగా వదులుకోవడం వల్ల పార్టీకి నష్టం జరిగే ప్రమాదం ఉందనే అభిప్రాయాలు కూడా వినిపిస్తున్నాయి. మరోవైపు వైసీపీ తన రాజకీయ పోరాటాన్ని ప్రజల్లోకి తీసుకెళ్లే ప్రయత్నం చేస్తోంది. అసెంబ్లీకి గైర్హాజరైనప్పటికీ

బరువు తగ్గాలని ప్రయత్నించేవాళ్లు ముందుగా చూసేది తూకం యంత్రాన్నే. రోజూ బరువు చూసుకుంటూ సంఖ్య తగ్గుతుంటే సంతోషపడతారు. కానీ బరువు తగ్గిందంటే శరీరంలోని కొవ్వు కూడా తగ్గిందని చెప్పలేం. శరీరంలో నీరు, గ్లైకోజెన్‌, తిన్న ఆహారం వంటి వాటి పరిమాణం మారినా బరువులో తేడా కనిపిస్తుంది. నిజంగా కొవ్వు తగ్గుతుందో? లేదో? తెలుసుకోవాలంటే శరీరంలో కనిపించే కొన్ని మార్పులను గమనించాలి.నడుము సైజు తగ్గుతోందా?కొవ్వు తగ్గుతున్నప్పుడు ముందుగా గమనించగల మార్పుల్లో నడుము చుట్టుకొలత తగ్గడం ఒకటి. గతంలో బిగుతుగా ఉన్న ప్యాంట్లు ఇప్పుడు కాస్త వదులుగా అనిపిస్తే అది మంచి సంకేతమే. ముఖ్యంగా బరువు పెద్దగా తగ్గకపోయినా నడుము కొలత తగ్గుతుంటే శరీర కొవ్వు తగ్గే అవకాశం ఉంది.దుస్తులు వదులవుతున్నాయా?స్కేల్‌పై పెద్దగా మార్పు లేకపోయినా చొక్కాలు, ప్యాంట్లు వదులుగా మారుతున్నాయా? అయితే శరీరంలో మార్పు జరుగుతున్నట్టే. నడుము, పొట్ట, తొడలు, ఛాతీ దగ్గర దుస్తుల ఫిట్‌ ఎలా మారుతోందో గమనించండి.వ్యాయామంలో బలం పెరుగుతోందా?బరువు తగ్గే సమయంలో కండరాలు తగ్గిపోకుండా చూసుకోవడం ముఖ్యం. వ్యాయామం చేస్తూ గతంలో కంటే ఎక్కువ బరువు ఎత్తగలగడం, అదే బరువుతో ఎక్కువసేపు చేయగలగడం మంచి సూచన. ఒకవైపు నడుము తగ్గుతూ.. మరోవైపు వ్యాయామంలో బలం పెరుగుతుంటే శరీర కొవ్వు తగ్గుతూ కండరాలు నిలబడుతున్నాయని అర్థం చేసుకోవచ్చు.శరీరాకృతిలో తేడా కనిపిస్తోందా?కొవ్వు తగ్గే కొద్దీ శరీర ఆకృతి క్రమంగా మారుతుంది. చేతులు, భుజాలు, ఛాతీ, పొట్ట, కాళ్ల దగ్గర కండరాలు మరింత స్పష్టంగా కనిపించవచ్చు. ఈ మార్పులు ఒక్కరోజులో కనిపించవు. కొన్ని వారాల వ్యవధిలో ఒకే రకమైన

స్వదేశంలో జరుగుతున్న BWF వరల్డ్ ఛాంపియన్‌షిప్ 2026 నుంచి భారత స్టార్ షట్లర్ లక్ష్యసేన్‌ అనూహ్యంగా నిష్క్రమించాడు. పురుషుల సింగిల్స్ రౌండ్ ఆఫ్ 32లో అమెరికాకు చెందిన గారెట్ టాన్ చేతిలో 21-19, 19-21, 17-21తో ఓటమి చవిచూశాడు. తొలి గేమ్‌ను గెలుచుకున్న లక్ష్య.. రెండో గేమ్‌లో ఆధిపత్యం కొనసాగించలేకపోయాడు. టాన్ పుంజుకుని రెండో గేమ్‌ను గెలుచుకోవడంతో మ్యాచ్ నిర్ణాయక మూడో గేమ్‌కు వెళ్లింది. పోరాడినా ఫలితం దక్కలేదు మూడో గేమ్‌లో టాన్ ప్రారంభం నుంచే దూకుడుగా ఆడాడు. ఒక దశలో 11-4 ఆధిక్యంలోకి వెళ్లాడు. అయితే లక్ష్యసేన్ అద్భుతంగా పుంజుకుని వరుస పాయింట్లు సాధించాడు. స్కోరు 17-16కు చేరడంతో మ్యాచ్ ఉత్కంఠభరితంగా మారింది. కీలక సమయంలో టాన్ ఒత్తిడిని జయించి వరుస పాయింట్లు సాధించాడు. దీంతో 21-17తో మూడో గేమ్‌ను, మ్యాచ్‌ను సొంతం చేసుకున్నాడు. ఈ ఓటమితో ప్రపంచ ఛాంపియన్‌షిప్‌లో లక్ష్యసేన్ ప్రయాణం ముగిసింది. ఆయుష్ శెట్టి సంచలనం మరోవైపు భారత యువ షట్లర్ ఆయుష్ శెట్టి ఈ టోర్నీలో ఇప్పటికే సంచలన విజయం నమోదు చేశాడు. 21 ఏళ్ల ఆయుష్ పురుషుల సింగిల్స్‌లో ప్రపంచ నంబర్ వన్, చైనా స్టార్ షి యూకీని ఓడించి సంచలనం సృష్టించాడు. ఇవాళే జరుగబోయే రెండో రౌండ్‌లో ఆయుష్ బరిలోకి దిగనున్నాడు. సింధుపై ఆశలు భారత స్టార్ పీవి సింధు కూడా ఇవాళే తన రెండో రౌండ్‌ మ్యాచ్‌లో బరిలోకి దిగనుంది. లక్ష్యసేన్ అనూహ్య నిష్క్రమణతో నిరాశ చెందిన భారత అభిమానులకు ఇప్పుడు సింధు, ఆయుష్ శెట్టి ప్రదర్శనలపై ఆశలు పెట్టుకున్నారు. సాంప్రదాయ దుస్తులులో మెరిసిన ముద్దుగుమ్మ అదా శర్మ..(ఫోటోలు) కేబీఆర్‌ ట్రాఫిక్‌ ‘ట్రాప్‌’.. ఎటు వెళ్లాలో తెలియక జనం పరేషాన్‌!(చిత్రాలు) చీరకట్టులో మంత్రముగ్ధం చేస్తున్న శ్రీలీల అందం ...(ఫొటోలు) అదితి రావు స్టన్నింగ్ లుక్స్.. సిద్ధార్థ్‌తో స్పెషల్ మూమెంట్స్! (ఫొటోలు) భారత్ తన కొడుకు ప్రాణాలు కాపాడటంతో పాకిస్థానీ తల్లి భావోద్వేగ సందేశం చిరు

బరువు తగ్గాలని చాలామంది అనుకుంటారు. కానీ బరువు తగ్గేటప్పుడు వేగం కంటే ఆరోగ్యానికి ఎక్కువ ప్రాధాన్యం ఇవ్వాలి. సాధారణంగా వారానికి అర కేజీ నుంచి ఒక కేజీ వరకు తగ్గడం సురక్షితమైన పద్ధతిగా నిపుణులు చెబుతున్నారు. అంటే నెలకు 2 నుంచి 4 కేజీల వరకు తగ్గడం సాధ్యమే. అయితే ప్రతి ఒక్కరి శరీరం ఒకేలా ఉండదు. వయసు, ప్రస్తుత బరువు, ఆహారం, ఇతర ఆరోగ్య పరిస్థితులను బట్టి బరువు తగ్గే వేగం మారుతుంది. నెలలో 4 కేజీల వరకు తగ్గాలంటే ఎలాంటి టిప్స్ ఫాలో కావాలో ఇక్కడ వివరంగా తెలుసుకుందాం. బరువు తగ్గాలంటే ముందుగా ఆహారంపై శ్రద్ధ పెట్టాలి. అన్నం, రొట్టె లేదా ఇతర కార్బోహైడ్రేట్లను పూర్తిగా మానేయాల్సిన అవసరం లేదు. అయితే వాటిని సరైన మోతాదులో తీసుకోవాలి. ప్లేట్‌లో కూరగాయలు, ఆకుకూరలు ఎక్కువగా ఉండేలా చూసుకోవాలి. పప్పులు, శనగలు, పెసలు, గుడ్లు, చేపలు, చికెన్ వంటి ప్రోటీన్ ఉన్న ఆహారాన్ని కూడా తగిన మోతాదులో తీసుకోవాలి. పండ్లు, సంపూర్ణ ధాన్యాలు, పప్పు ధాన్యాలు వంటి పోషకాలు ఎక్కువగా ఉన్న ఆహారాలకు ప్రాధాన్యం ఇవ్వడం మంచిది. చక్కెర ఎక్కువగా ఉన్న ఆహారం, కూల్‌ డ్రింక్స్, ప్యాక్ చేసిన జ్యూస్‌లు, స్వీట్లు, బిస్కెట్లు, కేకులు, ఫాస్ట్ ఫుడ్ వంటి వాటిని తగ్గించాలి. ముఖ్యంగా టీ, కాఫీలలో ఎక్కువ చక్కెర వేసుకునే అలవాటు ఉంటే క్రమంగా తగ్గించుకోవాలి. దాహం వేసినప్పుడు కూల్‌ డ్రింక్స్ లేదా షుగర్ డ్రింక్స్ కి బదులుగా నీటిని ఎంచుకోవడం మంచి అలవాటు. పండ్లను జ్యూస్‌గా తాగడం కంటే నేరుగా తినడం వల్ల ఫైబర్ కూడా లభిస్తుంది. ఎంత హెల్తీ ఫుడ్ అయినా మోతాదుకు మించి తింటే బరువు పెరగవచ్చు. అందుకే ఎంత తింటున్నాం? అనే విషయంపై దృష్టి పెట్టాలి. భోజనాన్ని నెమ్మదిగా తినాలి. టీవీ లేదా మొబైల్ చూస్తూ తినడం తగ్గిస్తే ఎంత తింటున్నామో మనకు బాగా తెలుస్తుంది. ఆకలి లేకపోయినా

ధనియాలు వంటల రుచిని, సువాసనను పెంచడమే కాదు.. వీటిలో ఉండే పలు పోషకాలు ఆరోగ్యానికి కూడా ఉపయోగపడతాయని నిపుణులు చెబుతున్నారు. ఇంటర్నెట్ డెస్క్: వంటల్లో సువాసన, రుచిని పెంచేందుకు ధనియాలను విరివిగా ఉపయోగిస్తాం. అయితే ధనియాల్లో రుచితో పాటు పలు పోషకాలు, యాంటీఆక్సిడెంట్‌ సమ్మేళనాలు కూడా ఉంటాయి. అందుకే ధనియాలను నీటిలో నానబెట్టి తీసుకునే అలవాటు చాలామందిలో ఉంది. ముఖ్యంగా రాత్రి పడుకునే ముందు ధనియాల నీటిని తాగితే జీర్ణక్రియకు మేలు చేస్తుందని చెబుతారు. ధనియాల నీటిని తీసుకోవడం వల్ల జీర్ణక్రియకు కొంత ఉపశమనం లభించవచ్చని భావిస్తారు. ముఖ్యంగా కడుపు ఉబ్బరం, అజీర్తి వంటి స్వల్ప సమస్యల్లో ఉపయోగకరంగా ఉండొచ్చు. అయితే మలబద్ధకం లేదా ఎసిడిటీకి ఇది ఖచ్చితమైన చికిత్స కాదు. ధనియాల నీరు శరీరానికి ద్రవాలను అందించడంలో సహాయపడుతుంది. రాత్రి పడుకునే ముందు ఎక్కువగా కాకుండా కొద్దిగా తీసుకోవడం మంచిది. నిద్రకు ముందు అధికంగా ద్రవాలు తాగితే మధ్యలో బాత్రూమ్‌కు వెళ్లాల్సి రావచ్చు. ధనియాల్లో ఉండే కొన్ని సహజ సమ్మేళనాలు రక్తంలో చక్కెర స్థాయిలపై ప్రభావం చూపవచ్చని కొన్ని అధ్యయనాలు సూచిస్తున్నాయి. అయితే ధనియాల నీటిని మధుమేహానికి చికిత్సగా భావించకూడదు. మధుమేహానికి మందులు వాడుతున్న వారు ఇలాంటి పానీయాలను క్రమం తప్పకుండా తీసుకునే ముందు వైద్యుల సలహా తీసుకోవడం మంచిది. ధనియాల నీరు తాగడం వల్ల నేరుగా శరీరంలోని కొవ్వు కరిగిపోతుందని చెప్పడానికి బలమైన ఆధారాలు లేవు. అయితే ఇది తక్కువ కేలరీల పానీయం కావడంతో చక్కెర కలిపిన పానీయాలకు బదులుగా తీసుకుంటే ఆరోగ్యకరమైన ఎంపికగా ఉంటుంది. బరువు తగ్గడానికి సమతుల ఆహారం, వ్యాయామం, సరైన నిద్ర ముఖ్యమైనవి. ధనియాల్లోని కొన్ని సహజ సమ్మేళనాలు శరీరానికి విశ్రాంతి కలిగించడంలో సహాయపడవచ్చని చెబుతారు. అయితే ధనియాల నీరు తాగితే నిద్ర నాణ్యత ఖచ్చితంగా మెరుగుపడుతుందని నిర్ధారించడానికి తగిన ఆధారాలు లేవు. రాత్రి తేలికపాటి ధనియాల నీటిని తీసుకోవడం వల్ల కొందరికి ఉదయం జీర్ణక్రియ సాఫీగా

సండే వచ్చిందంటే చాలు నాన్-వెజ్ ప్రియులకు ముక్క లేనిదే ముద్ద దిగదు. ఇక మటన్ ప్రియుల విషయానికి వస్తే.. మార్కెట్‌లో దొరికే మేక మాంసం లేదా గొర్రె మాంసం రెండింటినీ 'మటన్' అని పిలుస్తూ లాగించేస్తుంటారు. రెండింట్లోనూ ప్రోటీన్, ఐరన్, బి12 వంటి పోషకాలు పుష్కలంగా ఉన్నప్పటికీ, కొవ్వు, కేలరీల విషయంలో ఈ రెండింటికీ చాలా తేడా ఉంది. మరి ఆరోగ్య దృష్ట్యా ఏది బెస్ట్? ఏది తింటే మన ఒంటికి మంచిది? అసలు నిజాలేంటో చూద్దాం! మేక మాంసంలో సంతృప్త కొవ్వు, కేలరీలు చాలా తక్కువగా ఉంటాయి. బరువు తగ్గాలనుకునే వారికి, కొలెస్ట్రాల్ నియంత్రణలో ఉంచుకోవాలనుకునే వారికి ఇది ఒక అద్భుతమైన ఎంపిక. ప్రోటీన్ & పోషకాలు: కండరాల బలానికి కావలసిన ఉత్తమ ప్రోటీన్‌తో పాటు ఐరన్, జింక్, ఫాస్ఫరస్, పొటాషియం, విటమిన్ B12 ఇందులో పుష్కలంగా ఉంటాయి. తక్కువ కొలెస్ట్రాల్: ఇతర రెడ్ మీట్స్‌తో పోలిస్తే మేక మాంసంలో కొవ్వు శాతం తక్కువగా ఉండటం వల్ల గుండె ఆరోగ్యానికి ఇది మంచిదే. గొర్రె మాంసం( మటన్) లో కూడా ప్రోటీన్, ఐరన్ , విటమిన్లు సమృద్ధిగా ఉంటాయి. ముఖ్యంగా ఇందులో లభించే 'హీమ్ ఐరన్' రక్తహీనత ఉన్నవారికి త్వరగా ఐరన్‌ను అందిస్తుంది. అధిక కొవ్వు: గొర్రె మాంసంలో కొన్ని భాగాలలో సంతృప్త కొవ్వు , కేలరీలు ఎక్కువగా ఉంటాయి. ఈ గొర్రె మాంసంలో కొవ్వు శాతం ఎక్కువ కాబట్టి దీనిని పరిమితికి మించి తరచుగా తినడం ఆరోగ్యానికి మంచిది కాదు. ఎప్పుడో ఒకసారి తింటే పర్వాలేదు. తక్కువ కొవ్వు, తక్కువ కేలరీలు ఉంటూనే.. అధిక ప్రోటీన్ అందించే విషయంలో మేక మాంసం ముందు ఉంటుంది. అయితే గొర్రె మాంసంలో పోషకాలు లేవని కాదు, అందులో కొవ్వు శాతం కొంచెం ఎక్కువ. అందుకే.. ఈ రెండింటిలో మేక మాంసమే ఆరోగ్యానికి మంచిది. అయితే.. మనం సరిగా వండినప్పుడు మాత్రమే పోషకాలు మనకు అందుతాయి.మీరు

ప్రతిరోజూ ఉదయం వాము నీళ్లు తాగడం వల్ల కడుపు ఉబ్బరం తగ్గుతుంది. జీర్ణక్రియ మెరుగుపడుతుంది. వాములో ఉండే సహజ సమ్మేళనాలు గ్యాస్ సమస్యలను దూరం చేస్తాయి. కడుపులో అసౌకర్యాన్ని కూడా తగ్గిస్తాయి. వాములో యాంటీఆక్సిడెంట్ గుణాలు పుష్కలంగా ఉంటాయి. ప్రతిరోజూ వాము నీళ్లు తాగడం వల్ల ఫ్రీ రాడికల్స్ నుంచి కణాలకు కలిగే నష్టాన్ని ఇది నివారిస్తుంది. ప్రతిరోజూ వాము నీళ్లు తాగడం వల్ల జీవక్రియ పనితీరు మెరుగుపడుతుంది. ఇది మొత్తం ఆరోగ్యాన్ని ప్రోత్సహిస్తుంది. జీర్ణక్రియ సక్రమంగా జరగాలన్నా, పేగుల ఆరోగ్యం బాగుండాలన్నా ప్రతిరోజూ ఉదయం వాము నీళ్లు తాగడం మంచిదని నిపుణులు చెబుతున్నారు. ప్రతిరోజూ వాము నీళ్లు తాగడం వల్ల రక్తంలో చక్కెర స్థాయిలు నియంత్రణలో ఉంటాయని కొన్ని అధ్యయనాలు చెబుతున్నాయి. ప్రతిరోజూ ఉదయం వాము నీళ్లు తాగడం వల్ల శరీర బరువును నియంత్రణలో ఉంచుకోవచ్చు. ఇది బరువు తగ్గాలనుకునే వారికి బాగా ఉపయోగపడుతుంది. Gold Bracelet: 10 గ్రాముల్లోపు వచ్చే బంగారు బ్రేస్లెట్స్.. ట్రై చేయండి Mangalsutra: మోడ్రన్ టచ్ ఇచ్చే డైలీవేర్ మంగళసూత్రం డిజైన్స్..చూసేయండి Anklet Designs: ఈకాలం అమ్మాయిలు మెచ్చే పట్టీల డిజైన్స్ ..పాదాలకే అందం Growing Carrots: ఈ టిప్స్ తో క్యారెట్ ని ఇంట్లోనే ఈజీగా పెంచవచ్చు!

వాల్‌స్ట్రీట్ ట్రేడింగ్ దిగ్గజం జేన్ స్ట్రీట్ జులై నెలలో భారీ నష్టాలను చవిచూసింది. గత పదేళ్ల కాలంలో తొలిసారిగా ఒక నెలలో సుమారు 15 బిలియన్ డాలర్ల (రూ. 1.25 లక్షల కోట్ల పైచిలుకు) మేర నష్టాన్ని నమోదు చేసింది. ఆర్టిఫిషియల్ ఇంటెలిజెన్స్ (ఏఐ) రంగంపై దృష్టి సారించిన 'సిచ్యుయేషనల్ అవేర్‌నెస్' అనే హెడ్జ్ ఫండ్‌లో చేసిన పెట్టుబడులే ఈ భారీ నష్టానికి ప్రధాన కారణంగా నిలిచాయి.ఓపెన్ ఏఐ మాజీ పరిశోధకుడు లియోపోల్డ్ అషెన్‌బ్రెన్నర్ స్థాపించిన ఈ హెడ్జ్ ఫండ్, ఏఐ, సెమీకండక్టర్ షేర్ల పతనంతో తీవ్రంగా దెబ్బతింది. జూన్ నాటికి ఈ ఫండ్ శాన్‌డిస్క్‌లో సుమారు 5.7 బిలియన్ డాలర్లు, మైక్రాన్ టెక్నాలజీలో 5.6 బిలియన్ డాలర్ల మేర భారీగా పెట్టుబడులు పెట్టింది. అయితే జులైలో శాన్‌డిస్క్ షేర్లు 47 శాతం, మైక్రాన్ షేర్లు 29 శాతం మేర పడిపోవడంతో, ఈ ఫండ్ పోర్ట్‌ఫోలియో విలువ ఏకంగా 67 శాతం క్షీణించింది. మార్జిన్ కాల్స్ ఒత్తిడి పెరగడంతో, ఫండ్‌లోని పబ్లిక్ ఈక్విటీలను సిటాడెల్ సంస్థకు తక్కువ ధరకే విక్రయించాల్సి వచ్చింది.సదరు ఫండ్‌లో గణనీయమైన వాటా కలిగి ఉండటంతో పాటు, ఏఐ సంబంధిత స్టాక్స్‌లో నేరుగా పెట్టుబడులు పెట్టడం వల్ల జేన్ స్ట్రీట్‌కు సుమారు 15 బిలియన్ డాలర్ల నష్టం వాటిల్లిందని విశ్లేషకులు అంచనా వేస్తున్నారు. అయితే, ఏడాది మొత్తంగా చూస్తే ఈ పెట్టుబడిపై ఇప్పటికీ సానుకూల ఫలితాలనే పొందుతున్నామని సంస్థ తన ఉద్యోగులకు పంపిన అంతర్గత నోట్‌లో పేర్కొంది. ఈ భారీ నష్టం సంభవించినప్పటికీ, జూలై

వయసు పైబడు తున్న కొద్దీ వచ్చే జ్ఞాపకశక్తి సమస్యలకు, శరీరంలో ఉండే కొన్ని ముఖ్యమైన విటమిన్ల స్థాయిలకు మధ్య అత్యంత బలమైన లంకె ఉందా? అవుననే చెబుతోంది ఐసీఎంఆర్‌–జాతీయ పోషకాహార సంస్థ (ఎన్‌ఐఎన్‌) తాజా అధ్యయనం. వృద్ధుల్లో రక్తంలోని విటమిన్‌ స్థాయిలు తగ్గడం వల్ల మెదడు పని తీరు మందగించి మతిమరుపు లేదా జ్ఞాపకశక్తి తగ్గే తొలి దశ వచ్చే ప్రమాదం ఉందని తేలింది. అంత ర్జాతీయ మెడికల్‌ జర్నల్‌ ’న్యూట్రియెంట్స్‌’లో ప్రచురితమైన ఈ ప్రత్యేక అధ్యయనంలో భాగంగా హైదరాబాద్‌కు చెందిన 55–85సంవత్సరాల మధ్య వయసు గల 184 మంది వృద్ధులపై క్షేత్ర స్థాయిలో పరిశోధనలు జరిపారు. ఇందులో తేలిన షాకింగ్‌ నిజం ఏమిటంటే.. వీరిలో 36.4% మంది అప్పటికే జ్ఞాపకశక్తి తగ్గే ఈ తొలి దశ బారిన పడినట్లు శాస్త్రవేత్తలు గుర్తించారు. విటమిన్ల లోపమే శాపమా? జ్ఞాపకశక్తి సమస్యలతో బాధపడుతున్న వృద్ధుల రక్త నమూనాలను పరీక్షించినప్పుడు వారిలో డీ, బీ1, బీ2, బీ6, బీ9, బీ12 విటమిన్‌ స్థాయిలు చాలా తక్కువగా ఉన్నట్లు తేలింది. ముఖ్యంగా డీ, బీ2, బీ9 విటమిన్లలో లోపాలు వీరిలో అత్యధికంగా కనిపించాయి. శరీరంలో విటమిన్‌–డీ, బీ6 స్థాయిలు సమృద్ధిగా ఉన్నవారిలో ఆలోచనా శక్తి, మానసిక పనితీరు, మెదడు చురుకుదనం చాలా మెరుగ్గా ఉన్నట్లు పరిశోధకులు కనుగొన్నారు. అలాగే, జ్ఞాపకశక్తి సమస్యలు ఉన్న వృద్ధుల్లో కేవలం విటమిన్ల లోపమే కాకుండా, రక్తంలో చక్కెర స్థాయిలు, బీపీ కూడా చాలా ఎక్కువగా ఉన్నట్లు గమనించారు. అందువల్ల మధుమేహం, రక్తపోటు ఉన్నవారు మరింత అప్రమత్తంగా ఉండాలని ఈ అధ్యయనం సూచిస్తోంది. ముందస్తు జాగ్రత్తలు వృద్ధాప్యంలో కేవలం వ్యాధుల నియంత్రణపైనే కాకుండా పోషకాహార భద్రతపై కూడా సమానంగా దృష్టి పెట్టాలని శాస్త్రవేత్తలు స్పష్టం చేస్తున్నారు. శరీరంలో తగినంత మొత్తంలో సూక్ష్మపోషకాలు ఉండేలా చూసుకోవడం, వయసు పైబడుతున్న వారిలో ప్రారంభ దశలోనే పోషకాహార లోపాలను గుర్తించి తగిన జాగ్రత్తలు తీసుకోవడం ద్వారా మానసిక ఆరోగ్యాన్ని

పంచదార, తీపి పదార్థాలను పూర్తిగా మానేయడం ద్వారా ముఖం సన్నగా, నాజూగ్గా మారుతుందని, దవడల ఆకృతి మెరుగుపడుతుందని సామాజిక మాధ్యమాల్లో విస్తృతంగా ప్రచారం జరుగుతోంది. అయితే, ఈ వాదనలో పూర్తి నిజం లేదని వైద్య నిపుణులు స్పష్టం చేస్తున్నారు. చక్కెరను తగ్గించడం వల్ల ముఖం సన్నగా కనిపించడానికి పరోక్ష కారణాలు ఉన్నాయే తప్ప, అది నేరుగా ముఖంలోని కొవ్వును కరిగించదని వారు వివరిస్తున్నారు.ఢిల్లీలోని ఇంద్రప్రస్థ అపోలో హాస్పిటల్స్ సీనియర్ ఎండోక్రైనాలజిస్ట్ డాక్టర్ రిచా చతుర్వేది తెలిపిన వివరాల ప్రకారం, చక్కెర అధికంగా ఉండే పానీయాలు, ప్రాసెస్ చేసిన ఆహారాలను మానేసినప్పుడు సహజంగానే కేలరీల వినియోగం తగ్గుతుంది. ఇది కాలక్రమేణా మొత్తం శరీర బరువు తగ్గడానికి దోహదపడుతుంది. ఫలితంగా ముఖం కూడా సన్నబడినట్లు కనిపిస్తుంది.అంతేకాకుండా, అధిక చక్కెర వినియోగం వల్ల శరీరంలో నీరు నిలిచిపోయి ముఖం ఉబ్బినట్లుగా కనిపిస్తుంది. చక్కెరను తగ్గించినప్పుడు ఈ నీటి నిల్వలు తగ్గి, బుగ్గలు, దవడల వద్ద వాపు తగ్గడం వల్ల ముఖం స్పష్టంగా కనిపిస్తుంది. అయితే, ఇది ముఖంలోని కొవ్వు తగ్గడం కాదని ఆమె స్పష్టం చేశారు. శరీరంలోని కొవ్వు అనేది జన్యువులు, వయసు, హార్మోన్ల ప్రభావంపై ఆధారపడి ఉంటుందని, కేవలం ముఖంలోని కొవ్వును మాత్రమే లక్ష్యంగా చేసుకుని తగ్గించడం సాధ్యం కాదని వివరించారు.ముంబైకి చెందిన మరో ప్రముఖ ఎండోక్రైనాలజిస్ట్ డాక్టర్ షెహ్లా షేక్ కూడా ఇదే అభిప్రాయాన్ని వ్యక్తం చేశారు. చక్కెర మానేసిన వెంటనే ముఖంలో కనిపించే మార్పులు కేవలం నీటి నిల్వలు తగ్గడం వల్లేనని, అసలు కొవ్వు తగ్గడానికి సమయం

బంగ్లాదేశ్‌తో తొలి టెస్టు మ్యాచ్‌లో ఓటమితో తీవ్ర విమర్శలు ఎదుర్కొంటున్న ఆస్ట్రేలియాను ఇప్పుడు ఓవర్ రేట్ ఉచ్చు వెంటాడుతోంది. రెండు టెస్టుల సిరీస్‌లో 0-1 తేడాతో వెనుకబడిన ఆసీస్‌పై ఐసీసీ చర్యలు తీసుకోనున్నట్లు తెలుస్తోంది. ఇంటర్నెట్ డెస్క్: బంగ్లాదేశ్‌తో తొలి టెస్టు మ్యాచ్‌లో ఓటమితో తీవ్ర విమర్శలు ఎదుర్కొంటున్న ఆస్ట్రేలియాకు ఇప్పుడు ఓవర్ రేట్ ఉచ్చు వెంటాడుతోంది. రెండు టెస్టుల సిరీస్‌లో 0-1 తేడాతో వెనుకబడిన ఆసీస్‌పై ఐసీసీ చర్యలు తీసుకోనున్నట్లు తెలుస్తోంది. నిర్ణీత సమయంలో ఓవర్లు పూర్తి చేయకపోవడంతో ఆ జట్టుపై భారీ జరిమానాతో పాటు ప్రపంచ టెస్టు ఛాంపియన్‌షిప్(డబ్ల్యూటీసీ) పాయింట్ల కోత పడే అవకాశం ఉన్నట్లు తెలుస్తోంది. డార్విన్‌ వేదికగా జరిగిన తొలి టెస్టులో ఆస్ట్రేలియా నాలుగో రోజు టీ విరామానికి ముందే ఓటమి పాలైంది. మూడో రోజు ఆ జట్టు 90 ఓవర్లు వేయాల్సి ఉండగా.. కేవలం 86 ఓవర్లే పూర్తి చేసింది. దీంతో ఐసీసీ నిబంధనల ప్రకారం ఆస్ట్రేలియా ఓవర్‌ రేట్‌ ఉల్లంఘనకు పాల్పడినట్లయింది. అయితే మ్యాచ్‌ రిఫరీ దీనిపై తుది నిర్ణయం తీసుకోవాల్సి ఉంది. ఐసీసీ నిబంధనల ప్రకారం సాధారణంగా ఒక రోజులో 90 ఓవర్లు వేయాల్సి ఉంటుంది. అయినప్పటికీ ఆస్ట్రేలియా నాలుగు ఓవర్లు తక్కువగా వేసింది. నిబంధనలు ఉల్లంఘించినట్లు తేలితే.. ఒక్కో ఓవర్‌ తక్కువగా వేసినందుకు ఆటగాళ్ల మ్యాచ్‌ ఫీజులో 5 శాతం చొప్పున జరిమానా విధించే అవకాశం ఉంటుంది. ఆస్ట్రేలియా ఆటగాళ్లకు ఒక్కో టెస్టుకు సుమారు 20 వేల డాలర్లు మ్యాచ్‌ ఫీజుగా లభిస్తుందని సమాచారం. నాలుగు ఓవర్ల లోటుకు ఒక్కో ఆటగాడిపై 4 వేల డాలర్ల జరిమానా పడొచ్చు. తుది జట్టులో ఉన్న 11 మంది ఆటగాళ్లపై కలిపి 44 వేల డాలర్ల జరిమానా పడే అవకాశం ఉంది. ఓవర్‌ రేట్‌ నిబంధన ఉల్లంఘనకు కేవలం జరిమానాతోనే సరిపెట్టకుండా.. పరిస్థితులను బట్టి ప్రపంచ టెస్టు ఛాంపియన్‌షిప్‌ పాయింట్లను కూడా ఐసీసీ తగ్గించే అవకాశం

హూలాహూప్.. ఫిట్‌నెస్‌ను పెంచుకోవడానికి చాలామంది దీనిని వాడుతుంటారు. సాధారణంగా హూలాహూప్‌ని ఎక్కువగా నడుము భాగం ఉపయోగించి గుండ్రంగా తిప్పుతూ ఉంటారు. దీనివల్ల ఆ భాగంలో కండరాలు దృఢంగా మారడమే కాకుండా.. ఫిట్‌నెస్, ఆరోగ్యపరంగా పలు ప్రయోజనాలు చేకూరతాయంటున్నారు నిపుణులు. హూలాహూప్‌ని ఉపయోగించి ఎక్సర్‌సైజ్ చేయడం ద్వారా శరీరం అంతటికీ చక్కని వ్యాయామం అందుతుంది. ఆ రింగ్‌ని బ్యాలన్స్ చేసే క్రమంలో కాళ్లు, నడుము భాగాలకు ఎక్కువగా వ్యాయామం అందితే, రింగ్‌ని పట్టుకుని తిప్పడం, అలాగే బ్యాలన్సింగ్ కోసం చేతులను అటూఇటూ కదపడం ద్వారా శరీర పైభాగాలకు కూడా ఎంతో కొంత వ్యాయామం అందుతుంది. ఇలా శరీరం మొత్తంగా జరిగే కదలికల ద్వారా చక్కని వ్యాయామం లభిస్తుంది. ఈ రింగ్‌ని ఉపయోగించి కరిగించే క్యాలరీల మొత్తం మనం దాన్ని తిప్పే వేగం మీద కూడా ఆధారపడి ఉంటుందంటున్నారు నిపుణులు. అంటే తక్కువ సమయంలో ఎక్కువ వేగంతో ఈ రింగ్‌ని తిప్పితే ఎక్కువ క్యాలరీలు, తక్కువ వేగంతో తిప్పితే తక్కువ క్యాలరీలు ఖర్చవుతాయట! హూలాహూప్‌ని ఉపయోగించి వ్యాయామం చేయడం ద్వారా కండరాల సామర్థ్యం మెరుగవుతుంది. ముఖ్యంగా గుండె కండరాలకు ఈ వ్యాయామం చాలా మంచిదని సూచిస్తున్నారు నిపుణులు. అంతేకాదు.. ఇది వెన్నుపాముకు సైతం బలాన్ని అందించి దాని కదలికలను మరింత మెరుగయ్యేలా చేస్తుందట. మంచి మ్యూజిక్ వింటూ శరీర బరువును బ్యాలన్స్ చేస్తూ హూలాహూప్‌ని ఉపయోగించి వ్యాయామం చేస్తాం. కాబట్టి హృద్యమైన సంగీతం ద్వారా ఒత్తిడి తగ్గి, మనసుకు కూడా ఎంతో కొంత ప్రశాంతత చేకూరుతుంది. అలాగే కళ్లకు, చేతులకు మధ్య ఉండే సమన్వయం కూడా మరింత మెరుగవుతుంది. ఫలితంగా మనం మరింత ఉత్సాహంగా ఉండటానికి అవకాశం ఉంటుందట. హూలాహూప్ ఎక్సర్‌సైజ్ చేయడం ద్వారా శరీరంలో ఎండార్ఫిన్లు విడుదలవుతాయి. ఇవి మనం సంతోషంగా ఉండటానికి ప్రేరేపిస్తాయి. కాబట్టి ఈ వర్కవుట్ ద్వారా సంతోషాన్ని, మానసిక ప్రశాంతతను కూడా సొంతం చేసుకోవచ్చంటున్నారు నిపుణులు. గమనిక: ఈనాడు.నెట్‌లో కనిపించే వ్యాపార

జీలకర్ర, వాము, సోంపు కలిపిన నీటిని పరగడుపున తాగడం వల్ల వాటిలోని పోషకాలను పేగులు తేలికగా గ్రహిస్తాయి. ఉదయాన్నే పేగుల గ్రహణశక్తి ఎక్కువగా ఉంటుంది. అందుకే, శరీరానికి హైడ్రేషన్ ఇచ్చే ఇలాంటి పానీయాలను పరగడుపున తాగడం ఉత్తమం. జీలకర్ర, వాము, సోంపు కలిపిన నీళ్లు కడుపు ఉబ్బరం, అసౌకర్యం వంటి సమస్యలను తగ్గిస్తాయి. జీర్ణవ్యవస్థను ఆరోగ్యంగా ఉంచుతాయి. ఈ మూడు పదార్థాలు జీర్ణశక్తిని పెంచడంలో సహాయపడతాయని నిపుణులు చెబుతున్నారు. జీలకర్ర, వాము, సోంపు కలిపి మరిగించిన నీటిలో బరువు తగ్గడానికి సహాయపడే బయోయాక్టివ్ సమ్మేళనాలు ఉన్నాయని 'ఇంటర్నేషనల్ జర్నల్ ఆఫ్ మెడికల్ రీసెర్చ్ అండ్ హెల్త్ సైన్స్' పేర్కొంది. జీలకర్రలో యాంటీఆక్సిడెంట్లు అధికంగా ఉంటాయి. ఇవి రోజువారీ ఆక్సిడేటివ్ ఒత్తిడిని తగ్గించడంలో కూడా సహాయపడతాయి. భోజనం తర్వాత సోంపు తినడం వల్ల శరీరంలో కొవ్వు పేరుకుపోవడాన్ని తగ్గించవచ్చని అధ్యయనాలు చెబుతున్నాయి. రక్తంలో చక్కెర స్థాయిలను నియంత్రించడంలో జీలకర్ర చూపే సానుకూల ప్రభావం గురించి 'ఫైటోథెరపీ రీసెర్చ్ జర్నల్' (Phytotherapy Research Journal)లో ప్రస్తావించారు. పరగడుపున జీలకర్ర, వాము, సోంపు నీటిని తాగడం వల్ల కడుపులోని యాసిడ్లు సమతుల్యం అవుతాయి. కడుపు ఉబ్బరం, గుండెల్లో మంట, అజీర్తి వంటి సమస్యలు తగ్గడానికి ఇది సహాయపడుతుంది. వాము అదనపు క్యాలరీలను బర్న్ చేసి శరీరాన్ని కాపాడుతుంది. జీలకర్రలోని సుగంధ సమ్మేళనాలు వికారం, వాంతుల నుంచి తక్షణ ఉపశమనం కలిగిస్తాయి. కొన్ని గింజలను నమలడం వల్ల కడుపు నొప్పి తగ్గి, వాంతులు కూడా అదుపులోకి వస్తాయి. జీలకర్ర, వాము, సోంపు జీర్ణ ఎంజైమ్‌ల పనితీరును పెంచి, పేగుల ఆరోగ్యాన్ని మెరుగుపరుస్తాయి. వాము కషాయం తాగడం వల్ల శరీరంలోని అదనపు క్యాలరీలు కరిగిపోతాయి. వాము యాంటీఆక్సిడెంట్లకు నిధి లాంటిది

టెన్నిస్ స్టార్ ఆటగాడు జకోవిచ్‌కు సిన్సినాటి ఓపెన్‌లో షాక్‌ తగిలింది. అర్జెంటీనా ఆటగాడు థియాగో టిరంటే చేతిలో జకోవిచ్‌ ఓటమి పాలయ్యాడు. స్పోర్ట్స్ డెస్క్: సిన్సినాటి ఓపెన్‌లో టెన్నిస్ స్టార్ ఆటగాడు జకోవిచ్‌కు (Novak Djokovic) బిగ్ షాక్‌ తగిలింది. రెండో రౌండ్‌లోనే ఇంటిముఖం పట్టాడు. అర్జెంటీనా ప్లేయర్‌ థియాగో టిరంటే చేతిలో ఓటమి పాలయ్యాడు. తొలి సెట్‌లో గెలిచిన జకోవిచ్.. ఆ తర్వాత రెండు సెట్లను కోల్పోయి పరాజయం చెందాడు. థియాగో టిరంటే 2-6, 6-4, 6-4 తేడాతో జకోవిచ్‌పై విజయం సాధించాడు. గత వింబుల్డన్‌ తర్వాత జకోవిచ్‌ తలపడిన మొదటి టోర్నీ ఇదే కావడం విశేషం. మరోవైపు సిన్సినాటి ఓపెన్‌ సమయంలో జకోవిచ్ తీవ్రంగా ఇబ్బంది పడ్డాడు. అక్కడి వాతావరణం కారణంగా అతడు వాంతులు కూడా చేసుకున్నాడని టెన్నిస్ వర్గాలు పేర్కొన్నాయి. ప్రస్తుతం అమెరికాలో వేసవికాలం. దీంతో ఎండలు విపరీతంగా ఉన్నాయి. యూఎస్‌ ఓపెన్‌ సమయంలోనూ ఇదే వాతావరణ పరిస్థితులు ఉంటాయి. తీవ్ర పోటీ ఉండే గ్రాండ్‌స్లామ్‌ టైటిల్ గెలవాలంటే మాత్రం జకోవిచ్‌ తన ఫిట్‌నెస్‌పై దృష్టిపెట్టాల్సిందని క్రీడా నిపుణులు అభిప్రాయపడుతున్నారు

చిత్తూరు జిల్లాలోని పలమనేరు మండలం టీఎస్ అగ్రహారంలో ఏనుగుల గుంపు హల్‌చల్ చేశాయి. గ్రామంలోని పంట పొలాల్లోకి ప్రవేశించిన ఏనుగులు వరి, టమాటా పంటలను తొక్కి నాశనం చేశాయి. చిత్తూరు జిల్లా, ఆగస్టు 16 (ఆంధ్రజ్యోతి): చిత్తూరు జిల్లాలోని పలమనేరు మండలం టీఎస్ అగ్రహారంలో ఏనుగుల గుంపు హల్‌చల్ చేశాయి. గ్రామంలోని పంట పొలాల్లోకి ప్రవేశించిన ఏనుగులు వరి, టమాటా పంటలను తొక్కి నాశనం చేశాయి. దీంతో రైతులు తీవ్రంగా నష్టపోయారు. పంట పొలాల్లోకి వచ్చిన ఏనుగులు బోరు పైపులను సైతం ధ్వంసం చేయడంతో సాగునీటి సౌకర్యానికి కూడా నష్టం వాటిల్లిందని రైతన్నలు ఆవేదన వ్యక్తం చేస్తున్నారు. పంటలను కాపాడుకునేందుకు రైతులు తీవ్రంగా ప్రయత్నిస్తున్నారు. అయిన ఏనుగుల గుంపు పంట పొలాల నుంచి వెళ్లడం లేదని అన్నదాతలు చెబుతున్నారు. ఏనుగులను పొలాల్లోకి రానివ్వకుండా కట్టడి చేయడంలో అటవీ శాఖ అధికారులు విఫలమవుతున్నారని రైతులు ఆరోపిస్తున్నారు. బాణసంచా, టపాకాయలు పేల్చి ఏనుగులను తరిమేందుకు ప్రయత్నించినా అవి బెదరడం లేదని వాపోతున్నారు. ఏనుగుల దాడులతో పంటలు, బోరు పైపులు ధ్వంసమై తీవ్రంగా నష్టపోయామని.. తమను ప్రభుత్వం వెంటనే ఆదుకోవాలని స్థానిక రైతులు డిమాండ్ చేస్తున్నారు. ఏనుగుల సంచారాన్ని అరికట్టేందుకు శాశ్వత పరిష్కారంగా సోలార్ ఫెన్సింగ్ ఏర్పాటు చేయాలని అన్నదాతలు కోరుతున్నారు దమ్ముంటే వైసీపీ ఎమ్మెల్యేలు అసెంబ్లీకి రావాలి: యరపతినేని ‘నిబంధనల ప్రకారమే జగన్‌ను ములాఖత్‌కు అనుమతించాం’ తిరుపతిలో ఆస్తి రిజిస్ట్రేషన్ వివాదం.. రైతు ఆత్మహత్యాయత్నం

సాంబారు, పులిహోర వంటివాటి కోసమే ఎక్కువగా చింతపండును వాడుతూ ఉంటాము. కానీ దానిలో కూడా పోషకాలు ఉంటాయని మాత్రం ఎవరూ భావించరు. దాన్ని కేవలం పులుపు రుచి కోసం మాత్రమే అనుకుంటారు. చింతపండు తినకపోవడం వల్ల ఎలాంటి నష్టం లేదనుకుంటారు. నిజానికి చింతపండులో విటమిన్లు, మినరల్స్‌ నిండి ఉంటాయి. దీనిలో ఫైబర్, మెగ్నీషియం, పొటాషియం, శక్తివంతమైన యాంటీఆక్సిడెంట్లు ఇందులో పుష్కలంగా ఉంటాయి. చింతపండులో పాలీఫెనాలిక్ కాంపౌండ్స్ ఉంటాయి. ఇవి అల్సర్లను నివారించి, పేగుల ఆరోగ్యాన్ని కాపాడతాయి. అలాగే కాలేయ ఆరోగ్యాన్ని కాపాడేందుకు కూడా చింతపండులోని పోషకాలు ఉపయోగపడతాయి. కాలేయం కోసం డైట్‌లో చింతపండు చేర్చుకోవాల్సిన అవసరం ఉంది. చింతపండులో ఉండే మెగ్నీషియం మనకున్న నిద్రలేమి సమస్యను తగ్గిస్తుంది. దీనిలో యాంటీ-బ్యాక్టీరియల్ గుణాలు అధికంగా ఉంటాయి, ఇవి చర్మాన్ని ఇన్ఫెక్షన్ల నుంచి కాపాడతాయి. చింతపండులో ఫ్లేవనాయిడ్లు, పాలీఫెనాల్స్ ఉండటం వల్ల రోజూ తింటే బరువు తగ్గే అవకాశం కూడా ఉంటుంది. చింతపండులో ఫ్లేవనాయిడ్లు ఉంటాయని ముందే చెప్పుకున్నాం. ఇవి శరీరంలో ఉన్న కొలెస్ట్రాల్ స్థాయిలను కంట్రోల్ చేస్తాయి. ఇది శరీరంలోని చెడు కొలెస్ట్రాల్ (LDL)ను తగ్గించి, మంచి కొలెస్ట్రాల్ (HDL)ను పెంచుతుందని పరిశోధనల్లో తేలింది. చింతపండులో ఫైబర్, టార్టారిక్ యాసిడ్ కూడా అధికంగా ఉంటాయి. ఇవి మలబద్ధకాన్ని నివారించి, జీర్ణరసాల ఉత్పత్తికి సాయపడతాయి. ఇందులోని పాలీఫెనాలిక్ కాంపౌండ్స్ పెప్టిక్ అల్సర్లను రాకుండా అడ్డుకుంటాయి. చింతపండు నీటిని రోజూ తాగితే రక్తంలో చక్కెర స్థాయిలు అదుపులో ఉంటాయి. చింతపండులోని పాలీఫెనాల్స్, ఫ్లేవనాయిడ్లు కణాలను ఆక్సిడేటివ్ స్ట్రెస్ నుంచి కాపాడి, వృద్ధాప్య ఛాయలను దూరం చేస్తాయి. ఇందులోని పొటాషియం రక్తపోటును నియంత్రిస్తే, ఫైబర్ చెడు కొలెస్ట్రాల్‌ను తగ్గిస్తుంది. చింతపండు కీళ్ల నొప్పుల నుంచి ఉపశమనం కలిగిస్తుంది. విటమిన్ సి పుష్కలంగా ఉండటం వల్ల ఇది రోగనిరోధక శక్తిని పెంచుతుంది

కరివేపాకు మహిమ.. ఖాళీ కడుపుతో 3 ఆకులు తింటే చాలు, బంపర్‌ బెనిఫిట్స్..!కరివేపాకు మహిమ.. ఖాళీ కడుపుతో 3 ఆకులు తింటే చాలు, బంపర్‌ బెనిఫిట్స్..! August 15 Jyothi Gadda జీర్ణక్రియ మెరుగుపడుతుంది: ఉదయాన్నే పచ్చి కరివేపాకులను బాగా నమలి తినడం వల్ల అజీర్ణం, కడుపు ఉబ్బరం, మలబద్ధకం వంటి సమస్యలను తగ్గించి పేగుల ఆరోగ్యాన్ని మెరుగుపరుస్తుంది. రక్తంలో చక్కెర అదుపు: కరివేపాకులో ఉండే ప్రత్యేక పోషకాలు ఇన్సులిన్ ఉత్పత్తిని ప్రేరేపించడంలో సాయపడతాయి. డయాబెటిస్ ఉన్నవారు పరగడుపున తింటే రక్తంలో గ్లూకోజ్ స్థాయిలు అదుపులో ఉంటాయి. బరువు తగ్గడంలో సహాయం: కరివేపాకులో ఉండే ఇథైల్ అసిటేట్, మహనింబిన్ వంటి రసాయనాలు శరీరంలో కొవ్వును కరిగించడంలో దోహదపడతాయి. పరగడుపున వీటిని తీసుకోవడం వల్ల బరువు తగ్గుతారు. కరివేపాకులో విటమిన్- బి, సి, ప్రోటీన్లు పుష్కలంగా ఉంటాయి. ఇవి కుదుళ్లకు తగిన పోషణను అందించి జుట్టు రాలడాన్ని అరికడతాయి. క్రమంగా ఒత్తైన, నల్లని దృఢమైన జుట్టు పెరుగుదలకు తోడ్పడతాయి. ఇందులో విటమిన్- ఎ సమృద్ధిగా లభిస్తుంది. ఉదయాన్నే కరివేపాకు తీసుకోవడం వల్ల కంటి ఆరోగ్యానికి ఎంతో మేలు జరుగుతుంది. రేచీకటి, కంటి పొడిబారడం వంటి సమస్యల నివారణకు ఇది చాలా ఉపయోగపడుతుంది. కరివేపాకులో ఉండే శక్తివంతమైన యాంటీఆక్సిడెంట్లు శరీరంలో ఉన్న వ్యర్థాలను, విష పదార్థాలను బయటకు పంపుతాయి. ఇవి కాలేయాని కి రక్షణగా నిలిచి దాని పనితీరును మరింత చురుగ్గా మారుస్తాయి. కరివేపాకులో ఇనుము, ఫోలిక్ యాసిడ్ సమృద్ధిగా ఉంటాయి. ప్రతిరోజూ పరగడుపున నమలడం వల్ల శరీరంలో ఎర్ర రక్తకణాలు పెరిగి, అనిమియా లేదా రక్తహీనత సమస్య నుండి సులువుగా బయటపడవచ్చు. రక్తనాళాల్లో కొవ్వు నిల్వలు చేరకుండా కరివేపాకులోని భాగాలు నిరోధిస్తాయి. శరీరంలో చెడు కొలెస్ట్రాల్‌ ను తగ్గించి, మంచి కొలెస్ట్రాల్‌ను పెంచడం ద్వారా గుండె ఆరోగ్యాన్ని భద్రంగా కాపాడుతుంది. మరిన్ని వెబ్ స్టోరీస్‌ రోజూ ఒక కప్పు ఉడికించిన సోయాబీన్స్ తిన్నారంటే..ఈ సమస్యలన్నీ పరార్‌!

సొంత ఇల్లు లేదా స్థలానికి సంబంధించిన ఒరిజినల్ సేల్ డీడ్ (రిజిస్ట్రేషన్ కాగితాలు) పొరపాటున పోగొట్టుకోవడం లేదా ప్రమాదవశాత్తు పాడైపోవడం ఆస్తిదారులకు తీవ్ర మానసిక ఒత్తిడిని కలిగించే అంశమే. అయితే, ఒరిజినల్ డాక్యుమెంట్లు చేజారినంత మాత్రాన ఆస్తిపై యాజమాన్య హక్కులు కోల్పోతారని భావించడం పూర్తిగా అపోహ మాత్రమే. భారతీయ రిజిస్ట్రేషన్ చట్టం-1908 ప్రకారం సరైన న్యాయపరమైన ప్రక్రియను పాటించడం ద్వారా మీ హక్కులను సమర్థవంతంగా పరిరక్షించుకోవచ్చని నిపుణులు స్పష్టం చేస్తున్నారు. దస్తావేజులు పోయినట్లు గుర్తించిన వెంటనే సంబంధిత పోలీస్ స్టేషన్‌లో ఎఫ్‌ఐఆర్ నమోదు చేసి నాన్-ట్రేసబుల్ సర్టిఫికేట్ పొందాలి. భవిష్యత్తులో ఈ పత్రాలు దుర్వినియోగం కాకుండా, ఫోర్జరీకి గురికాకుండా ఇది ప్రాథమిక చట్టపరమైన రక్షణగా పనిచేస్తుంది. ఒక ప్రముఖ ఆంగ్ల దినపత్రికతో పాటు స్థానిక ప్రాంతీయ (తెలుగు) దినపత్రికలో ఆస్తి వివరాలు, సర్వే నంబర్లు, పోయిన పత్రాల సమాచారాన్ని పేర్కొంటూ పబ్లిక్ నోటీసు ఇవ్వాలి. 15-21 రోజుల గడువులో ఎలాంటి అభ్యంతరాలు రాకపోతే ఆ పత్రికా నోటీసు కాపీ స్పష్టమైన ఆధారంగా ఉపయోగపడుతుంది. పత్రాలు పోయిన తీరును వివరిస్తూ నోటరీ సమక్షంలో అఫిడవిట్ రాయించుకోవాలి. భవిష్యత్తులో ఆస్తి అమ్మకం సమయంలో కొనుగోలుదారులు లేదా బ్యాంకుల సందేహాలను నివృత్తి చేయడానికి ఇండెమ్నిటీ బాండ్ ఎంతో దోహదపడుతుంది. సబ్-రిజిస్ట్రార్ కార్యాలయం నుంచి సర్టిఫైడ్ కాపీ రిజిస్ట్రేషన్ చట్టం సెక్షన్ 57 ప్రకారం ప్రభుత్వ రికార్డులలో ప్రతి ఆస్తి రిజిస్ట్రేషన్ ప్రతి శాశ్వతంగా భద్రపరుస్తారు. కాబట్టి సంబంధిత సబ్-రిజిస్ట్రార్ కార్యాలయంలో దరఖాస్తు చేసుకుని చట్టబద్ధమైన సర్టిఫైడ్ కాపీ (ధ్రువీకృత నకలు) పొందవచ్చు. ఇది ఒరిజినల్ పత్రంతో సమానమైన న్యాయపరమైన విలువను కలిగి ఉంటుంది. బ్యాంకుల నిర్లక్ష్యం ఉంటే పరిహారం తప్పనిసరి ఒకవేళ హోమ్ లోన్ కోసం బ్యాంకులో కుదువబెట్టిన ఒరిజినల్ పత్రాలను బ్యాంకే పోగొడితే భారతీయ రిజర్వ్ బ్యాంక్ మార్గదర్శకాల ప్రకారం సదరు బ్యాంకు పూర్తి బాధ్యత వహించాల్సి ఉంటుంది. బాధితుడికి నష్టపరిహారం చెల్లించడంతో పాటు సొంత ఖర్చులతో

ప్రస్తుత కాలంలో లైఫ్ స్టైల్ పూర్తిగా మారిపోయింది. అర్థరాత్రి 11, 12 దాటే వరకు ఎవరూ పడుకోవట్లేదు. ఈ కారణంగానే డిన్నర్ కూడా చాలా ఆలస్యంగా చేస్తున్నారు. ఇది ఒక ఫ్యాషన్ గా మారిపోయింది. కానీ, రాత్రి సమయం అనేది మన శరీరం విశ్రాంతి తీసుకోవడానికి సిద్ధమయ్యే సమయం. అలాంటి సమయంలో భారీగా ఆహారం తీసుకోవడం వల్ల జీర్ణ వ్యవస్థపై తీవ్ర ఒత్తిడి పెరుగుతుంది. అసలు, ప్రతిరోజూ ఆలస్యంగా తినడం వల్ల హెవీగా బరువు పెరుగుతారు. ఇంకా ఎన్ని సమస్యలు వచ్చే అవకాశం ఉందో ఇప్పుడు చూద్దాం... 1. జీర్ణక్రియ సమస్యలు & ఎసిడిటీ తిన్న వెంటనే నిద్రపోవడం వల్ల కడుపులోని ఆమ్లాలు (Acids) పైకి వచ్చి ఎసిడిటీ, గ్యాస్, గుండెల్లో మంట వంటి సమస్యలు వస్తాయి. రాత్రి సమయంలో జీర్ణ వ్యవస్థ వేగం తగ్గుతుంది, దీనివల్ల ఆహారం సరిగ్గా అరగక కడుపు ఉబ్బరంగా అనిపిస్తుంది. 2. వేగంగా బరువు పెరగడం రాత్రివేళ మన శరీర జీవక్రియ రేటు చాలా మందగిస్తుంది.ఆలస్యంగా తిన్నప్పుడు కలగలిసే కేలరీలు శక్తిగా మారడానికి బదులు శరీరంలో కొవ్వు (Fat) రూపంలో నిల్వ ఉంటాయి. దీనివల్ల ఊబకాయం లేదా బరువు పెరిగే ప్రమాదం ఉంది. 3. నిద్రలేమి కడుపు నిండా ఆహారం ఉండి జీర్ణక్రియ జరుగుతున్నప్పుడు శరీరం విశ్రాంతి స్థితికి వెళ్లలేదు.దీనివల్ల మంచి నిద్ర పట్టక రాత్రంతా అసౌకర్యంగా ఉంటుంది. పదే పదే మెలకువ వస్తూ ఉటుంది. దీని వల్ల.. మరుసటి రోజు.. అలసట, నీరసానికి దారితీస్తుంది. 4. షుగర్ (మధుమేహం) పెరిగే ప్రమాదం రాత్రి ఆలస్యంగా తినడం వల్ల రక్తంలో ఇన్సులిన్ తీవ్రత మారుతుంది. దీనివల్ల శరీరంలో గ్లూకోజ్ స్థాయిలను నియంత్రించడం కష్టమై, దీర్ఘకాలంలో 'టైప్-2 డయాబెటిస్' వచ్చే ప్రమాదం పెరుగుతుంది. 5. గుండె ఆరోగ్యానికి ప్రమాదం రాత్రిపూట ఆలస్యంగా తినే అలవాటు ఉన్నవారిలో బిపి (రక్తపోటు), కొలెస్ట్రాల్ స్థాయిలు పెరిగే అవకాశం ఉందని పలు అధ్యయనాలు చెబుతున్నాయి

'పెద్ది' వంటి సెన్సేషనల్ బ్లాక్‌బస్టర్‌తో బాక్సాఫీస్ వద్ద సరికొత్త రికార్డులు సృష్టించిన గ్లోబల్ స్టార్ రామ్ చరణ్, ప్రస్తుతం తన నెక్ట్స్ ప్రాజెక్ట్‌ను పట్టాలెక్కించేందుకు రెడీ అవుతున్నాడు. టాలీవుడ్ లెక్కల మాస్టర్ సుకుమార్ దర్శకత్వంలో రాబోతున్న ఈ క్రేజీ ప్రాజెక్ట్‌పై ప్రేక్షకుల్లో, ఇండస్ట్రీ వర్గాల్లో అంచనాలు ఆకాశాన్ని తాకుతున్నాయి. గతంలో వీరిద్దరి కలయికలో వచ్చిన 'రంగస్థలం' ఇండస్ట్రీ హిట్‌గా నిలవడంతో, తాజా ప్రాజెక్ట్ 'ఆర్‌సీ17' (వర్కింగ్ టైటిల్) పై భారీ హైప్ నెలకొంది. ఈ చిత్రాన్ని పాన్-ఇండియా స్థాయిలో అత్యున్నత సాంకేతిక ప్రమాణాలతో నిర్మించేందుకు సన్నాహాలు ముమ్మరంగా సాగుతున్నాయి.చరణ్ షాకింగ్ మేకోవర్ ఈ సినిమాలో రామ్ చరణ్ మునుపెన్నడూ చూడని సరికొత్త అవతారంలో కనిపించనున్నారు. ముఖ్యంగా సుకుమార్ సినిమా కోసం రామ్ చరణ్ ఏకంగా 15 కిలోల బరువు తగ్గనుండటం విశేషం. ఈ పాత్ర కోసం ఆయన పూర్తిగా స్లిమ్‌గా, అల్ట్రా స్టైలిష్‌గా మారబోతున్నారు. ‘పెద్ది’లో పవర్‌ఫుల్ బాడీ లాంగ్వేజ్, కండలు తిరిగిన శరీరంతో ఆకట్టుకున్న చరణ్, ఈసారి మాత్రం 'లీన్ అండ్ స్టైలిష్' లుక్‌లోకి మారేందుకు కఠినమైన వర్కవుట్లు, ప్రత్యేక డైట్ ప్లాన్ మొదలుపెట్టారు. సుకుమార్ గతంలో తెరకెక్కించిన రూరల్ డ్రామా ‘రంగస్థలం’కి భిన్నంగా ఈ కథను అర్బన్ బ్యాక్‌డ్రాప్‌తో సరికొత్త పంథాలో సిద్ధం చేయడంతో చరణ్ క్యారెక్టరైజేషన్, లుక్స్ అభిమానులకు విజువల్ ఫీస్ట్‌లా ఉండబోతున్నాయని టాక్.* నేనూ సైబర్ క్రైమ్ బాధితుడినే... వారానికోసారి పాస్‌వర్డ్ మారుస్తా : అక్కినేని నాగార్జునఆపరేషన్ సక్సెస్... రెస్ట్ మోడ్‌లో చరణ్'పెద్ది' చిత్రంలో క్లిష్టమైన హై-వోల్టేజ్ యాక్షన్, కుస్తీ ఎపిసోడ్స్ చిత్రీకరిస్తున్న సమయంలో రామ్ చరణ్ కుడి చేతి మణికట్టు కార్టిలేజ్‌కు తీవ్ర గాయమైంది. నొప్పి ఉన్నప్పటికీ షూటింగ్‌ను పూర్తి చేసిన ఆయన, జూలై 27న కోయంబత్తూరులోని గంగా హాస్పిటల్‌లో సర్జరీ చేయించుకున్నారు. అంతర్జాతీయ స్థాయిలో గుర్తింపు పొందిన అమెరికన్ హ్యాండ్ సర్జన్ డాక్టర్ అలెజాండ్రో బడియాతో పాటు డాక్టర్ ఎస్. రాజశేఖరన్, డాక్టర్ ప్రవీణ్ భరద్వాజ్

Weight Loss Foods:ఉదయాన్నే కొన్ని ఆహార పదార్థాలను సరైన కాంబినేషన్‌లో తీసుకుంటే రోజంతా ఉత్సాహంగా ఉండేందుకు, ఆకలి నియంత్రణకు సహాయపడవచ్చు. ముఖ్యంగా ప్రోటీన్, ఫైబర్ ఉన్న ఆహారాలను కలిపి తీసుకోవడం బరువు నియంత్రణకు ఉపయోగపడుతుంది. ఉదయాన్నే కలిపి తినాల్సిన ఆ రెండు ఫుడ్స్ ఏవో ఈ వీడియోలో తెలుసుకోండి. ఉదయం నానబెట్టిన బాదం, నల్ల ఎండుద్రాక్షను కలిపి తీసుకోవడం వల్ల శరీరానికి పలు ముఖ్యమైన పోషకాలు అందుతాయి. ఫైబర్, ప్రోటీన్, విటమిన్ ఈ, ఐరన్, పొటాషియం, మెగ్నీషియం వంటి పోషకాలు ఉండటంతో ఈ కలయికను ఆరోగ్యకరమైన ఉదయపు ఆహారంలో భాగంగా చేసుకోవచ్చు. ముఖ్యంగా రోజును పోషకమైన ఆహారంతో ప్రారంభించాలనుకునేవారికి ఇది సులభమైన ఎంపిక. బాదంలో ఫైబర్, ప్రోటీన్, విటమిన్ ఈ, మెగ్నీషియం, మాంగనీస్, కాపర్, ఫాస్ఫరస్ వంటి పోషకాలు ఉంటాయి. ఇవి గుండె ఆరోగ్యం, ఎముకల బలం, జీర్ణక్రియకు మద్దతు ఇవ్వడంలో సహాయపడతాయి. బాదంలో ఉండే ఆరోగ్యకరమైన కొవ్వులు, ప్రోటీన్ ఎక్కువసేపు కడుపు నిండిన భావన కలిగించడంలో సహాయపడవచ్చు. దీంతో మధ్యలో అనవసరమైన స్నాక్స్ తీసుకోవాలనే కోరిక తగ్గే అవకాశం ఉంటుంది. బాదాన్ని నానబెట్టి తినడం కొందరికి జీర్ణం కావడానికి సులభంగా అనిపించవచ్చు. అయితే నానబెట్టడం వల్ల బాదంలోని అన్ని పోషకాలు తప్పనిసరిగా ఎక్కువగా శరీరానికి అందుతాయనే విషయం మాత్రం స్పష్టంగా నిరూపించబడలేదు. నల్ల ఎండుద్రాక్షలో సహజ చక్కెరలు, ఫైబర్, పొటాషియం, ఐరన్ వంటి పోషకాలు ఉంటాయి. ఇందులోని ఫైబర్ జీర్ణవ్యవస్థ పనితీరుకు తోడ్పడుతుంది. తగినంత నీరు తీసుకుంటూ ఎండుద్రాక్షను ఆహారంలో చేర్చుకోవడం మలబద్ధకం సమస్యను తగ్గించడంలో సహాయపడవచ్చు.అయితే ఎండుద్రాక్షలో సహజ చక్కెరలు, కేలరీలు కూడా ఎక్కువగా ఉంటాయి. కాబట్టి ముఖ్యంగా బరువు లేదా రక్తంలో చక్కెర స్థాయిలను నియంత్రించుకోవాల్సిన వారు పరిమాణంపై శ్రద్ధ పెట్టడం మంచిది. నానబెట్టిన బాదం, నల్ల ఎండుద్రాక్షను కలిపి తీసుకోవడం ద్వారా ప్రోటీన్, ఫైబర్, ఆరోగ్యకరమైన కొవ్వులు, ఖనిజాలు వంటి వివిధ పోషకాలు ఒకేసారి లభిస్తాయి. ఇది ఉదయం

బూడిద గుమ్మడికాయలో నీటి శాతం ఎక్కువగా ఉండటంతో పాటు తక్కువ కేలరీలు, ఫైబర్ వంటి పోషకాలు ఉంటాయి. దీన్ని ఆహారంలో చేర్చుకోవడం వల్ల బరువు నియంత్రణ, జీర్ణక్రియతో పాటు మొత్తం ఆరోగ్యానికి మంచిదని నిపుణులు చెబుతున్నారు. ఇంటర్నెట్ డెస్క్: బూడిద గుమ్మడికాయను ఆష్ గోర్డ్, వింటర్ మెలన్ అని కూడా పిలుస్తారు. ఇందులో నీటి శాతం ఎక్కువగా ఉండటంతో పాటు తక్కువ కేలరీలు, పలు పోషకాలు ఉంటాయి. అందుకే ఆరోగ్యకరమైన ఆహారంలో దీనిని చేర్చుకోవచ్చు. బూడిద గుమ్మడికాయను ప్రధానంగా జ్యూస్ రూపంలో పరగడుపున, లేదా వంటకాల్లో కూరలు, సాంబార్, వడియాలు, హల్వా లాగా తయారు చేసుకుని తీసుకుంటారు. ఆరోగ్య నిపుణుల ప్రకారం.. బూడిద గుమ్మడికాయలో కేలరీలు తక్కువగా ఉండటంతో బరువు నియంత్రించుకోవాలనుకునేవారికి ఇది మంచి ఎంపిక. కూరగా లేదా సూప్ రూపంలో తీసుకుంటే కడుపు నిండిన భావన కలగవచ్చు. ఇందులో నీటి శాతం అధికంగా ఉంటుంది. ముఖ్యంగా వేడి వాతావరణంలో శరీరానికి ద్రవాలను అందించడంలో ఇది సహాయపడుతుంది. బూడిద గుమ్మడికాయలో కొంత ఫైబర్ ఉంటుంది. దీన్ని సమతుల్య ఆహారంలో భాగంగా తీసుకోవడం జీర్ణవ్యవస్థ ఆరోగ్యానికి ఉపయోగపడుతుంది. మలబద్ధకం సమస్యను తగ్గించడంలో కూడా ఆహారంలోని ఫైబర్ సహాయపడుతుంది. తక్కువ కేలరీలు, కొవ్వు ఉండే ఈ కూరగాయను సమతుల్య ఆహారంలో చేర్చుకోవడం గుండె ఆరోగ్యానికి అనుకూలమైన ఆహారపు అలవాట్లలో ఒకటిగా ఉంటుంది. బూడిద గుమ్మడికాయలో విటమిన్ సి సహా కొన్ని విటమిన్లు, ఖనిజాలు ఉంటాయి. ఇవి శరీరానికి అవసరమైన పోషకాలను అందించడంలో భాగస్వామ్యం చేస్తాయి. తక్కువ కేలరీలు, అధిక నీటి శాతం కారణంగా బూడిద గుమ్మడికాయ తేలికగా ఉండే కూరగాయగా పరిగణించవచ్చు. వృద్ధులు, తేలికపాటి ఆహారం కోరుకునేవారు దీనిని వివిధ రకాలుగా వండుకుని తినవచ్చు. బూడిద గుమ్మడికాయను కూర, పప్పు, సూప్ వంటి రూపాల్లో తీసుకోవచ్చు. అయితే అధికంగా ఉప్పు, నూనె లేదా చక్కెర కలిపి తీసుకోవడం కంటే తక్కువ నూనెతో వండుకుని తినడం మంచిది. బూడిద

కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ తన అద్భుతమైన వెయిట్ లాస్ జర్నీ గురించి ఆసక్తికర విషయాలు పంచుకున్నారు. ఒకప్పుడు సుమారు 135 కిలోల బరువు ఉన్న తాను, కఠినమైన క్రమశిక్షణతో ఇప్పుడు 89 కిలోలకు తగ్గినట్లు వెల్లడించారు. దాదాపు 46 కిలోల బరువు తగ్గడానికి రోజూ వ్యాయామం చేయడమే కారణమని ఆయన స్పష్టం చేశారు. కరోనా మహమ్మారి తర్వాత తన ప్రాధాన్యతలు మారాయని, ఆరోగ్యంపై దృష్టి సారించడం వల్లే ఈ మార్పు సాధ్యమైందని తెలిపారు.ప్రముఖ ఫిల్మ్ మేకర్ ఫరా ఖాన్‌కు చెందిన యూట్యూబ్ ఛానల్‌లో జరిగిన ఒక ఇంటర్వ్యూలో గడ్కరీ ఈ విషయాలను వివరించారు. తన పాత జీవనశైలి చాలా అస్తవ్యస్తంగా, ఎలాంటి ప్రణాళిక లేకుండా ఉండేదని అంగీకరించారు. అయితే, కరోనా మహమ్మారి తన జీవితంలో ఒక కీలక మలుపునకు కారణమైందని చెప్పారు. "కరోనా సమయంలో నాతో సన్నిహితంగా ఉన్న కొందరు స్నేహితులు కన్నుమూశారు. ఆ సంఘటన నన్ను తీవ్రంగా ఆలోచింపజేసింది. అప్పుడే నేను మారాలని నిర్ణయించుకున్నాను. ఆరోగ్యమే నిజమైన సంపద అని గ్రహించాను" అని గడ్కరీ భావోద్వేగంగా గుర్తుచేసుకున్నారు.ఈ మార్పు తర్వాత తన జీవనశైలి పూర్తిగా మారిపోయిందన్నారు. అధికారిక పనుల కారణంగా కొన్నిసార్లు రాత్రి 1 గంటకు నిద్రకు ఉపక్రమించినప్పటికీ, ప్రతిరోజూ ఉదయం 7 గంటలకు నిద్రలేస్తానని తెలిపారు. లేచిన వెంటనే సుమారు రెండు నుంచి రెండున్నర గంటల పాటు కఠినంగా వ్యాయామం చేస్తానని తన దినచర్యను వివరించారు. కేవలం బరువు తగ్గడం కోసమో లేదా పైకి కనిపించే అందం కోసమో

టాటా సన్స్‌ ఛైర్మన్‌ ఎన్‌.చంద్రశేఖరన్‌ నిర్ణయం టాటా గ్రూప్‌ షేర్లపై తీవ్ర ప్రభావం చూపింది. ఆయన మళ్లీ ఛైర్మన్‌గా కొనసాగేందుకు ఆసక్తి చూపడం లేదన్న వార్తతో బుధవారం టాటా గ్రూప్‌ షేర్లలో భారీ అమ్మకాలు వెల్లువెత్తాయి. దీంతో గ్రూప్‌లోని 17 లిస్టెడ్‌ కంపెనీల మొత్తం మార్కెట్‌ విలువ ఏకంగా రూ.68,119 కోట్లు ఆవిరైంది.చంద్రశేఖరన్‌ నిర్ణయం వెలువడిన వెంటనే ఇన్వెస్టర్లలో ఆందోళన మొదలైంది. టాటా గ్రూప్‌లోని కీలక కంపెనీల షేర్లు అమ్మకాల ఒత్తిడికి గురయ్యాయి. ఫలితంగా గత సెషన్‌లో దాదాపు రూ.27 లక్షల కోట్లుగా ఉన్న మొత్తం మార్కెట్‌ విలువ.. బుధవారం రూ.26.32 లక్షల కోట్లకు పడిపోయింది.ఈ పతనంలో టాటా కన్సల్టెన్సీ సర్వీసెస్‌ (టీసీఎస్‌) ముందుంది. కంపెనీ మార్కెట్‌ విలువ ఒక్కరోజులో రూ.42,440 కోట్లు తగ్గింది. షేరు 4.79 శాతం పడిపోయి రూ.2,323.30 వద్ద ముగిసింది.టైటాన్‌ మార్కెట్‌ విలువ రూ.9,304 కోట్లు తగ్గింది. టాటా మోటార్స్‌ ప్యాసింజర్‌ వెహికల్స్‌ రూ.4,898 కోట్లు, టాటా స్టీల్‌ రూ.4,745 కోట్లు కోల్పోయాయి. టాటా కన్జ్యూమర్‌ ప్రొడక్ట్స్‌, టాటా పవర్‌, ఇండియన్‌ హోటల్స్‌ కూడా నష్టపోయాయి.అయితే అన్ని టాటా షేర్లూ పడిపోలేదు. టాటా మోటార్స్‌ మార్కెట్‌ విలువ రూ.1,786 కోట్లు పెరిగింది. టాటా క్యాపిటల్‌ రూ.700 కోట్లు, టాటా కెమికల్స్‌ రూ.167 కోట్లు, వోల్టాస్‌ రూ.66 కోట్లు తమ మార్కెట్‌ క్యాపిటల్‌కు జోడించాయి.చంద్రశేఖరన్‌ తన పదవీకాలం ముగిసిన తర్వాత మళ్లీ ఛైర్మన్‌గా కొనసాగబోనని ప్రకటించారు. పునర్నియామకంపై ఏర్పడిన అనిశ్చితి నేపథ్యంలో వారసత్వ ప్రణాళికపై బోర్డు ముందుకు వెళ్లాల్సిన అవసరం ఉందని ఆయన తెలిపారు

దేశీయ స్టాక్‌ మార్కెట్లు బుధవారం నష్టాల్లో ముగిశాయి. హోర్ముజ్ జలసంధిని తెరిచే ఒప్పందంపై అనిశ్చితి నెలకొన్న నేపథ్యంలో బెంచ్ మార్క్ సూచీలు నిఫ్టీ 50, సెన్సెక్స్ వరుసగా రెండవ రోజు పడిపోయాయి. సెన్సెక్స్ 187.90 పాయింట్లు 0.24 శాతం క్షీణించి 77,966.35 వద్ద, నిఫ్టీ 35.75 పాయింట్లు లేదా 0.15 శాతం క్షీణించి 24,435.95 వద్ద స్థిరపడ్డాయి. టాటా కన్సల్టెన్సీ సర్వీసెస్ (టీసీఎస్), మాక్స్ హెల్త్ కేర్ ఇన్ స్టిట్యూట్, అపోలో హాస్పిటల్స్ ఎంటర్ ప్రైజ్ నిఫ్టీ 50 ఇండెక్స్ లో టాప్ లూజర్స్ గా నిలిచాయి. విస్తృత మార్కెట్లలో నిఫ్టీ మిడ్ క్యాప్ 0.28 శాతం, నిఫ్టీ స్మాల్ క్యాప్ 0.18 శాతం నష్టపోయాయి. రంగాల వారీగా నిఫ్టీ ఐటీ 1.54 శాతం క్షీణించి చెత్త పనితీరు కనబరిచింది. ఇదిలా ఉండగా, నిఫ్టీ పీఎస్‌యూ బ్యాంక్ 2శాతం పెరిగి సహచర రంగాలను అధిగమించింది. ఫేమస్ బ్రిడ్జి దగ్గర హీరోయిన్ మమతా మోహన్ దాస్ (ఫొటోలు) రష్యన్ సమ్మర్ ఎంజాయ్ చేస్తున్న శ్రియ (ఫొటోలు) ప్రకృతి ఒడిలో టాలీవుడ్ హీరోయిన్ యోగా (ఫొటోలు) హైదరాబాద్‌లో ఎయిడ్స్‌పై అవగాహన భారీ ర్యాలీ (ఫోటోలు) ఐదేళ్ల తర్వాత కనిపించిన తెలుగు హీరోయిన్ (ఫొటోలు) పాక్.. సౌదీ.. టర్కీ ఒప్పందం ఒక్కటైన మూడు ముస్లిం దేశాలు.. వైఎస్ జగన్ కర్నూల్ పర్యటన పూర్తి షెడ్యూల్ ఇదే మళ్లీ పాత నోట్ల రద్దు? పాత, కొత్త నోట్ల మధ్య తేడా ఇదే

న్యూఢిల్లీ: కేంద్రమంత్రి నితిన్ గడ్కరీ ఏకంగా 46 కిలోల బరువు తగ్గిన వైనం ప్రస్తుతం సోషల్ మీడియాలో వైరల్ అవుతోంది. ఎలాంటి కఠినమైన డైట్‌లు లేకుండా, కేవలం క్రమశిక్షణతో కూడిన దినచర్య ద్వారానే తాను ఈ ఆరోగ్య మార్పును సాధించినట్లు ఆయన వెల్లడించారు. ప్రముఖ దర్శకురాలు ఫరా ఖాన్ యూట్యూబ్ ఛానెల్‌లో ప్రసారమైన ఒక ఇంటర్వ్యూలో గడ్కరీ తాను బరువు తగ్గేందుకు అనుసరించిన విధానాన్ని తెలియజేశారు. ఒక దశలో తన బరువు 135 కిలోలు ఉండేదని, ప్రస్తుతం అది 89 కిలోలకు తగ్గిందని ఆయన తెలిపారు. ‘ఉదయం 7 గంటలకు నిద్రలేచి, ప్రతిరోజూ రెండున్నర గంటల పాటు వ్యాయామం చేయడం నా దినచర్యలో భాగం’ అని ఆయన వివరించారు. కోవిడ్ సమయంలో తనతో పాటు ఉన్న కొందరు మిత్రులు మరణించడం తనను తీవ్రంగా కలచివేసిందని, ఆ సంఘటనే తనలో ఆరోగ్య స్పృహను మరింతగా పెంచిందని గడ్కరీ పేర్కొన్నారు. అంతకుముందు ఏఎన్ఐ పాడ్‌కాస్ట్‌లో ఆయన మాట్లాడుతూ.. కోవిడ్ మహమ్మారి తనను ఆరోగ్యంపై దృష్టి పెట్టేలా చేసిందని చెప్పారు. ఒకప్పుడు తాను ఎటువంటి నియమాలు లేని, క్రమశిక్షణ లేని జీవితాన్ని గడిపానని, కానీ వ్యక్తిగతంగా ఎదరైన విషాదాల తర్వాత ఆరోగ్యాన్నే మహాభాగ్యంగా భావించి జీవనశైలిని పూర్తిగా మార్చుకున్నట్లు వెల్లడించారు. ప్రస్తుతం తాను ఎంత బిజీగా ఉన్నప్పటికీ వ్యాయామానికి అత్యంత ప్రాధాన్యత ఇస్తున్నానని గడ్కరీ తెలిపారు. ఇది కూడా చదవండి: రాఖీ పండుగంతా ‘ఇండియా పోస్ట్’లోనే.. రష్యన్ సమ్మర్ ఎంజాయ్ చేస్తున్న శ్రియ (ఫొటోలు) ప్రకృతి ఒడిలో టాలీవుడ్ హీరోయిన్ యోగా (ఫొటోలు) హైదరాబాద్‌లో ఎయిడ్స్‌పై అవగాహన భారీ ర్యాలీ (ఫోటోలు) ఐదేళ్ల తర్వాత కనిపించిన తెలుగు హీరోయిన్ (ఫొటోలు) బోనాలు స్పెషల్.. ఫ్యామిలీతో 'బేబి' వైష్ణవి చైతన్య (ఫొటోలు) మహిళా రిజర్వేషన్ కు జై.. డీలిమిటేషన్ కు నో! విజయ్ సర్కార్ కీలక తీర్మానం టాటా సన్స్ ఛైర్మన్ పదవికి చంద్రశేఖరన్ రాజీనామా ప్రకాశ్ రాజ్ ఓటు

సినిమా కోసం, తను పోషించే పాత్ర కోసం ఎంతటి కష్టానికైనా వెనుకాడని హీరో మెగా పవర్ స్టార్ రామ్ చరణ్. సినిమా కోసం, తను పోషించే పాత్ర కోసం ఎంతటి కష్టానికైనా వెనుకాడని హీరో మెగా పవర్ స్టార్ రామ్ చరణ్ (Ram Charan). పాత్ర డిమాండ్ చేస్తే శారీరకంగా ఎంతో కష్టపడి, కఠినమైన శిక్షణ తీసుకుని, స్క్రీన్ మీద తన నటనతో మ్యాజిక్ చేయడం చరణ్‌కు అలవాటే. ఇటీవల బుచ్చిబాబు సానా దర్శకత్వంలో వచ్చిన 'పెద్ది' సినిమా కోసం రామ్ చరణ్ పడిన కష్టం ఏ స్థాయిలో ఉందో మనం చూశాం. దాదాపు 16 నెలల పాటు కఠినమైన డైట్, వర్కవుట్లతో ఒక పక్కా 'దేశీ పెహల్వాన్' లాంటి భారీ కండల శరీరంతో కుస్తీ యోధుడిగా థియేటర్లలో పూనకాలు తెప్పించారు. అయితే ఇప్పుడు 'పెద్ది' తర్వాత రామ్ చరణ్ తన తదుపరి చిత్రం కోసం మరొక ఊహించని శారీరక మార్పుకు సిద్ధమవుతున్నారు. ఆ టాలీవుడ్‌లో సరికొత్త చరిత్ర సృష్టించిన 'రంగస్థలం' చిత్రం తర్వాత డైరెక్టర్ సుకుమార్ (sukumar)తో రామ్ చరణ్ కాంబినేషన్‌లో రాబోతున్న ప్రాజెక్ట్ RC17. ఈ కాంబో అనౌన్స్ అయినప్పటి నుంచే అటు అభిమానుల్లో, ఇటు సినీ వర్గాల్లో అంచనాలు ఆకాశాన్ని తాకుతున్నాయి. అయితే తాజాగా వస్తున్న సమాచారం ప్రకారం, ఈ సినిమా కోసం రామ్ చరణ్ ఏకంగా 15 కిలోల బరువు తగ్గబోతున్నారట. 'పెద్ది'లో కనిపించిన భారీ కండల బాడీకి పూర్తి భిన్నంగా, చాలా సన్నగా, లీన్ లుక్‌లో చరణ్ కనిపిస్తారని తెలుస్తోంది. సుకుమార్ విజన్‌కు తగ్గట్టుగా చరణ్ తన శారీరక రూపాన్ని పూర్తిగా మార్చుకోబోతున్నారట. ఈ కొత్త లుక్ ప్రేక్షకులకు ఒక సరికొత్త అనుభూతిని ఇవ్వడం ఖాయమని సినీ విశ్లేషకులు చెబుతున్నారు. మరోవైపు క్రియేటివ్ డైరెక్టర్ సుకుమార్ ఈ చిత్రాన్ని పాన్-ఇండియా స్థాయిలో అత్యంత భారీగా తెరకెక్కించేందుకు స్క్రిప్ట్‌పై శ్రమిస్తున్నారు. ఇప్పటికే ఫస్ట్ హాఫ్ స్క్రిప్ట్ వర్క్ పూర్తయి

Zinc Deficiency: చాలా మందిలో జింక్ (Zinc) లోపం కారణంగా జుట్టు విపరీతంగా రాలుతోంది. అయితే, ఈ సమస్య ఉన్నవారిలో కొన్ని లక్షణాలు ఏర్పడతాయి. వీటిని గుర్తు పెట్టుకుని.. కొన్ని రకాల జాగ్రత్తలు తీసుకోవాల్సి ఉంటుంది. Zinc Deficiency: ప్రస్తుత చాలా మందిలో వయసుతో సంబంధం లేకుండా ప్రతి ఒక్కరినీ వేధిస్తున్న అతిపెద్ద సమస్య జుట్టు రాలడం (Hair Loss).. మానసిక ఒత్తిడితో పాటు ఆధునిక జీవనశైలి, కాలుష్యం, హార్మోన్ల సమస్యల కారణంగా ఈ సమస్య చాలా మంది వస్తోంది. అయితే, పోషకాలు లేని జంక్ ఫుడ్ తినడం వల్ల కూడా చాలా మంది ఈ జుట్టు రాలడం వంటి సమస్యలు కూడా వస్తున్నాయి. అయితే, మీరు ఎన్ని జాగ్రత్తలు తీసుకున్నా.. ఖరీదైన హెయిర్ ఆయిల్స్, షాంపూలు వాడినా జుట్టు రాలడం తగ్గడం లేదా? అయితే, మీ శరీరంలో ఒక ముఖ్యమైన పోషకం లోపించిందని అర్థం చేసుకోవాల్సి ఉంటుంది.. జింక్ (Zinc) లోపం కారణంగా కూడా ఇలా తరచుగా జుట్టు రాలడం వంటి సమస్యలు వస్తాయి. కాబట్టి ఈ లోపం నుంచి విముక్తి పొందడానికి జాగ్రత్తగా ఉండాల్సి ఉంటుంది. జింక్ మన శరీరంలో రోగనిరోధక శక్తిని పెంచడంతో పాటు చర్మం, జుట్టు ఆరోగ్యంగా ఉంచేందుకు ఎంతగానో సహాయపడుతుంది. జుట్టు మూలాలను బలోపేతం చేయడానికి, దెబ్బతిన్న జుట్టు కణాల రిపేర్‌ చేసేందుకు కూడా జింక్ ఎంతగానో కృషి చేస్తుంది.. ముఖ్యంగా జుట్టు ఆరోగ్యానికి, దృఢత్వానికి అవసరమైన కెరాటిన్ (Keratin) అనే ప్రోటీన్ ఉత్పత్తికి జింకే సహాయపడుతుంది. మన శరీరం ఎల్లప్పుడు, సొంతంగా జింక్‌ను ఉత్పత్తి చేసుకోలేదు.. కాబట్టి మనం తీసుకునే ఆహారం వల్లే దీనిని పొందవచ్చు.. ఈ లోపం ఏర్పడినప్పుడు జుట్టు కుదుళ్లు బలహీనపడి.. జుట్టు వేగంగా రాలిపోవడం మొదలవుతుంది. కాబట్టి ఇలా మీకు కూడా జరిగితే తప్పకుండా పలు రకాల జాగ్రత్తలు పాటించాల్సి ఉంటుంది.. శరీరంలో జింక్ తగ్గితే కేవలం జుట్టు రాలడం మాత్రమే

ప్రస్తుత కాలంలో చాలా మంది ఆరోగ్యంపై దృష్టి సారిస్తున్నారు. ముఖ్యంగా ఏం తినాలి, వెయిట్ లాస్ కోసం ఎలాంటి చర్యలు తీసుకోవాలి.. అనే విషయాలపై దృష్టిసారిస్తున్నారు. అంతేకాకుండా.. శరీరం ఆరోగ్యంగా, శక్తివంతంగా పనిచేయడానికి కావలసిన ముఖ్యమైన పోషకాలు, ఖనిజాలపై దృష్టిసారిస్తున్నారు. అయితే.. గతంతో పోలిస్తే జెన్‌జీ తరం ఆరోగ్యంపై దృష్టిసారించింది. ఇటీవలి సంవత్సరాలలో జెనరేషన్ Z వారిలో ప్రొటీన్ పౌడర్, ఇతర క్రీడా పోషకాహార ఉత్పత్తుల డిమాండ్ గణనీయంగా పెరిగినట్లు అధ్యయనాలు పేర్కొంటున్నాయి.. జెన్ Z కి ప్రోటీన్ పట్ల వ్యామోహం పెరగడానికి.. సోషల్ మీడియా వెల్నెస్ సంస్కృతి, నివారణ ఆరోగ్యం, దీర్ఘాయువు వైపు మళ్లడం, ఫంక్షనల్ ఫుడ్స్ వంటి వాటిపై దృష్టిసారిస్తున్నట్లు వైద్య నిపుణులు చెబుతున్నారు. కేవలం సాంప్రదాయ బాడీబిల్డింగ్ ఫలితాల కోసం పాకులాడకుండా, యువత అధిక ప్రోటీన్ ఆహారాలను శక్తి, మానసిక ఏకాగ్రత, రోజువారీ శ్రేయస్సు కోసం ఒక జీవనశైలి సూచికగా చూస్తున్నట్లు పేర్కొంటున్నారు. GEN-Z శారీరక, మానసిక వికాసానికి తోడ్పడే విటమిన్లు, స్థూల, సూక్ష్మ పోషకాలను తగినంతగా తీసుకోవడానికి ఇదే కారణమని పేర్కొంటున్నారు. అయితే, ప్రోటీన్ విషయంలో మార్కెట్ లో లభించే పదార్థాలను ఏది పడితే అవి తీసుకోవద్దని నిపుణులు సూచిస్తున్నారు. ముఖ్యంగా అధిక ప్రోటీన్ ఆహారంపై సమాజంలో అనేక అపోహలు ప్రచారంలో ఉన్నాయని.. అయితే శారీరక అవసరాలను తగినట్లు ప్రోటీన్ పదార్థాలను తీసుకోవాలని నిపుణులు సూచిస్తున్నారు. అధిక ప్రోటీన్ డైట్ల విషయంలో చాలా గందరగోళం నెలకొందని.. సరైన అవగాహనతోనే వీటిని పరిష్కరించవచ్చని పేర్కొంటున్నారు ఆరోగ్య నిపుణులు.. సోషల్ మీడియా ప్రచారం ద్వారా ఎలా పడితే అలా తీసుకోకుండా శారీరక అవసరాలను గుర్తించాలని సూచిస్తున్నారు. ఎక్కువ ప్రోటీన్ తీసుకుంటేనే కండరాలు పెరుగుతాయని, మాంసాహారం వల్లే ప్రొటీన్ వస్తుందని చాలా మంది నమ్ముతారు. కానీ శాకాహారంలో కూడా ప్రోటీన్ ఉంటుందని నిపుణులు చెబుతున్నారు. కేవలం ప్రోటీన్లు ఎక్కువగా తీసుకుంటే కండరాలు పెరగవు, సరైన వ్యాయామం కూడా అవసరమని నిపుణులు చెబుతున్నారు. మాంసాహారంతోపాటు

చపాతీ, అన్నం.. రెండూ మన రోజువారీ ఆహారంలో ముఖ్యమైన భాగాలు. అయితే వీటిని వేర్వేరుగా తినడానికి, ఒకే భోజనంలో కలిపి తినడానికి చాలా తేడా ఉంది. రోజువారీగా ఒక చపాతీ, ఆ తర్వాత మళ్లీ అన్నం తినే అలవాటు చాలా మందికి ఉంటుంది. దీని వల్ల మీ జీర్ణక్రియ, రక్తంలో షుగర్ లెవల్స్ పై చాలా ఎక్కవ ప్రభావం చూపించే అవకాశం ఉంది. అసలు, ఈ రెండూ కలిపి తింటే ఏం జరుగుతుందో ఇప్పుడు చూద్దాం... అన్నం, చపాతీ రెండూ కూడా కార్బోహైడ్రేట్లు (Carbohydrates) ఎక్కువగా ఉండే ఆహారాలే. రెండింటినీ ఒకే భోజనంలో కలిపి తీసుకున్నప్పుడు శరీరానికి ఒకేసారి భారీగా పిండి పదార్థాలు అందుతాయి. ఇది రోజువారీ అవసరానికి కంటే ఎక్కువైతే, శరీరం ఆ అదనపు గ్లూకోజ్‌ను కొవ్వుగా మార్చి దాచిపెడుతుంది. అన్నానికి గ్లైసెమిక్ ఇండెక్స్ (GI) ఎక్కువ. చపాతీలో ఫైబర్ ఉన్నప్పటికీ, రెండింటినీ కలిపి పెద్ద మొత్తంలో తింటే రక్తంలో గ్లూకోజ్ స్థాయిలు (Blood Sugar Spikes) వేగంగా పెరుగుతాయి. ముఖ్యంగా డయాబెటిస్ (మధుమేహం) ఉన్నవారికి ఈ అలవాటు అస్సలు మంచిది కాదు. రెండు రకాల ధాన్యాలను ఒకేసారి తినడం వల్ల కేలరీల వినియోగం పెరుగుతుంది. కడుపు నిండిన భావన వచ్చినా, ఓవర్ ఈటింగ్ (ఎక్కువగా తినడం) జరిగే అవకాశం ఉంటుంది. దీనివల్ల బరువు తగ్గాలనుకునే వారికి అనుకున్న ఫలితాలు రావు, పైగా బరువు పెరిగే ప్రమాదం ఉంది. అన్నం త్వరగా జీర్ణమవుతుంది, కానీ గోధుమలతో చేసే చపాతీ జీర్ణం కావడానికి కాస్త ఎక్కువ సమయం పడుతుంది. ఈ రెండింటి జీర్ణక్రియ వేగం వేర్వేరుగా ఉండటం వల్ల కొందరిలో గ్యాస్, కడుపు ఉబ్బరం లేదా జీర్ణసమస్యలు వచ్చే అవకాశం ఉంది. ఏదో ఒకటే ఎంచుకోండి: ఒకే పూటలో అన్నం లేదా చపాతీ... ఏదో ఒక దాన్ని మాత్రమే ప్రధాన ఆహారంగా తీసుకోవడం ఉత్తమం. కూరగాయలు, ప్రోటీన్‌కు ప్రాధాన్యం ఇవ్వండి: ప్లేట్‌లో సగం భాగం

భారత టెస్టు జట్టులోకి సర్ఫరాజ్ ఖాన్ రెండేళ్ల తర్వాత తిరిగి వచ్చాడు. అయితే జట్టులో స్థానం కోల్పోయిన అతడు.. రీఎంట్రీ ఇవ్వడం వెనుక ఎంతో కఠోర శ్రమనే ఉంది. ఏడాదిన్నరగా కశ్మీర్‌లో ప్రత్యేక శిక్షణ తీసుకుంటూ.. ఏకంగా 17 కిలోల బరువు తగ్గాడు. ఇంటర్నెట్ డెస్క్: భారత టెస్టు జట్టులోకి సర్ఫరాజ్ ఖాన్ రెండేళ్ల తర్వాత తిరిగి వచ్చాడు. శ్రీలంకతో ఆగస్టు 15 నుంచి ప్రారంభం కానున్న రెండు టెస్టుల సిరీస్‌కు టీమ్ మేనేజ్‌మెంట్ అతడిని ఎంపిక చేసింది. స్టార్ ఓపెనర్ సాయి సుదర్శన్ గాయం కారణంగా జట్టుకు దూరం కావడంతో సర్ఫరాజ్ ఖాన్‌కు అవకాశం దక్కింది. అయితే జట్టులో స్థానం కోల్పోయిన అతడు.. రీఎంట్రీ ఇవ్వడం వెనుక ఎంతో కఠోర శ్రమనే ఉంది. ఏడాదిన్నరగా కశ్మీర్‌లో ప్రత్యేక శిక్షణ తీసుకుంటూ.. ఏకంగా 17 కిలోల బరువు తగ్గాడు. అనూహ్యంగా జట్టులో చోటు సంపాదించుకున్న సర్ఫరాజ్.. ఈసారైనా నిరూపించుకుంటాడా? అనేది చూడాల్సి ఉంది. ముంబైలో వర్షాల కారణంగా సరిగ్గా సాధన చేసే అవకాశం లేకపోవడంతో సర్ఫరాజ్‌ కశ్మీర్‌కు వెళ్లాడు. అక్కడ నెట్‌ బౌలర్లు, రాష్ట్ర జట్టు ఆటగాళ్లతో కలిసి గంటల తరబడి బ్యాటింగ్‌ సాధన చేశాడు. అంతేకాకుండా ముంబైలోని ఎంసీఏ ఇండోర్‌ సదుపాయంలో ఆస్ట్రోటర్ఫ్‌పై స్కిల్స్‌ ట్రైనింగ్‌ తీసుకున్నాడు. కుర్లాలోని ఎర్ర మట్టి పిచ్‌లపై స్పిన్‌ను ఎదుర్కొంటూ ప్రత్యేకంగా సాధన చేశాడు. ఐపీఎల్‌ తర్వాత ముంబై టీ20 లీగ్‌లోనూ సర్ఫరాజ్‌ ఆకట్టుకునే ఇన్నింగ్స్‌లు ఆడాడు. దీంతో తన ఆటను మెరుగుపరుచుకోవడంతో పాటు.. స్పిన్‌ బౌలింగ్‌ను ఎదుర్కొనేందుకు ప్రత్యేకంగా సిద్ధమయ్యాడు. సాయి సుదర్శన్‌ గాయం ఇంకా పూర్తిగా తగ్గకపోవడంతో సెలక్టర్ల ముందు సర్ఫరాజ్‌, రుతురాజ్‌ గైక్వాడ్‌, షేక్‌ రషీద్‌ పేర్లు ఉన్నాయి. వీరిలో స్పిన్‌ను సమర్థంగా ఎదుర్కొనే విషయంలో సర్ఫరాజ్‌ సరైన ఎంపికగా భావించారు. కెప్టెన్‌ శుభ్‌మన్‌ గిల్‌, రిషభ్‌ పంత్‌ తర్వాత ప్రస్తుత భారత జట్టులో స్పిన్‌ను అత్యుత్తమంగా ఆడగల బ్యాటర్లలో సర్ఫరాజ్‌ ఒకడని

ఈ రోజుల్లో ఆరోగ్యంపై శ్రద్ధ ఉన్న ప్రతి ఒక్కరి నోటా వినపడుతున్న పేరు క్వినోవా. వైట్ రైస్ లో కేవలం కార్బోహైడ్రేట్స్ మాత్రమే ఉంటాయి. అదే.. క్వినోవాలో అయితే... ఫైబర్, ప్రోటీన్ కూడా పుష్కలంగా ఉంటాయి. మరి, అలాంటి ఈ క్వినోవాని వైట్ రైస్ స్థానంలో నెల రోజులు తింటే శరీరంలో ఎలాంటి మార్పులు వస్తాయి? ముఖ్యంగా జీర్ణక్రియ మెరుగుపడటం దగ్గర నుంచి.. బరువు తగ్గడం వరకు ఈ 30 రోజుల్లో ఎలాంటి మార్పులు చూస్తారో ఇప్పుడు చూద్దాం.. వైట్ రైస్ తో పోలిస్తే క్వినోవా లో ఫైబర్, ప్రోటీన్ పుష్కలంగా ఉంటాయి. వైట్ రైస్ కి బదులుగా క్వినోవా తినడం వల్ల ఆకలి అదుపులో ఉంటుంది. ఇది తిన్నప్పుడు రోజంతా పొట్ట నిండుగా అనిపిస్తుంది. దీని వల్ల జంక్ ఫుడ్ తినాలనే కోరిక తగ్గుతుంది. ఆకలి కూడా కంట్రోల్ లో ఉంటుంది. ఫలితంగా సులభంగా బరువు తగ్గుతారు. క్వినోవాలోని అధిక ఫైబర్ ప్రేగుల కదలికలను సులభతరం చేస్తుంది. రోజూ తగినంత నీరు తాగుతూ క్వినోవా తింటే మలబద్ధకం సమస్యకు చెక్ పెట్టవచ్చు. అయితే, ఒక్కసారిగా ఎక్కువ మొత్తంలో తినడం ప్రారంభిస్తే మొదట్లో కాస్త గ్యాస్ లేదా పొట్ట ఉబ్బరంగా అనిపించవచ్చు, కాబట్టి నెమ్మదిగా అలవాటు చేసుకోవడం మంచిది. క్వినోవా తిన్నంత మాత్రాన మ్యాజిక్‌లా బరువు తగ్గిపోరు. కానీ, ఇది ఎక్కువ సేపు కడుపు నిండిన భావన కలిగించడం వల్ల రోజువారీ కేలరీల వినియోగం తగ్గుతుంది. ఇది క్రమంగా బరువు తగ్గడానికి దోహదపడుతుంది.అలా అని దీనిని కూడా మరీ ఎక్కువగా తినకూడదు. క్వినోవాలోని అతిపెద్ద ప్రత్యేకత ఏంటంటే..దీని వల్ల మనకు ప్లాంట్ బేస్డ్ ప్రోటీన్‌ను అందిస్తుంది. శాకాహారులకు వైట్ రైస్ కంటే ఇది ఒక అద్భుతమైన, పుష్కలమైన ప్రోటీన్ మూలం. 5. బ్లడ్ షుగర్ లెవెల్స్ అదుపులో.. వైట్ రైస్ తిన్న వెంటనే రక్తంలో షుగర్ స్థాయిలు వేగంగా పెరుగుతాయి. కానీ క్వినోవాలో ఉండే

మంచు కొండల్లో స్కీయింగ్ (Skiing) చేయడం చూసే ఉంటారు. సరిగ్గా అలాగే, రెండు కర్రల (Poles) సాయంతో నేలపైన లేదా కాలిబాటల్లో నడవడాన్నే "నార్డిక్ వాకింగ్" (Nordic Walking) అంటారు. ఇది మొదటిసారిగా మంచు ప్రాంతాల్లో స్కీయింగ్ చేసే క్రీడాకారులు వేసవి కాలంలో ప్రాక్టీస్ చేయడానికి ప్రారంభించారు. అయితే, ఇప్పుడు అమెరికాతో పాటు ప్రపంచవ్యాప్తంగా ఇది ఒక మంచి వ్యాయామంగా గుర్తింపు పొందుతోంది. ముఖ్యంగా వయసు పైబడిన వారికి ఇది చాలా ఉపయోగకరంగా మారింది.స్విట్జర్లాండ్‌లో ఇది చాలా ప్రసిద్ధి చెందింది. అక్కడి రైల్వే స్టేషన్లలో 70 ఏళ్లు దాటిన వృద్ధులు కూడా ఈ పోల్స్ పట్టుకుని కొండల్లో నడవడానికి ఉత్సాహంగా వెళ్తుంటారని హార్వర్డ్ అనుబంధ మాసాచుసెట్స్ జనరల్ హాస్పిటల్ కార్డియాలజిస్ట్ డాక్టర్ ఆరోన్ బాగిష్ తెలిపారు. హార్వర్డ్ రీసెర్చ్ ప్రకారం నార్డిక్ వాకింగ్ వల్ల కలిగే ప్రయోజనాలేంటి, ఎలా చేయాలో ఇప్పుడు తెలుసుకుందాం.నార్డిక్ వాకింగ్ వల్ల కలిగే ప్రయోజనాలు ఎక్కువ కండరాలు పనిచేస్తాయి: సాధారణంగా నడిచినప్పుడు నడుము కింద ఉన్న కండరాలు (దాదాపు 50%) మాత్రమే పనిచేస్తాయి. కానీ నార్డిక్ పోల్స్ ఉపయోగిస్తే భుజాలు, చేతులు, ఛాతీ, పొట్ట, కాళ్ల కండరాలు కూడా యాక్టివ్ అవుతాయి. అంటే శరీరంలోని 80% నుంచి 90% కండరాలు పనిచేస్తాయి. ఎక్కువ కేలరీలు ఖర్చవుతాయి: సాధారణ నడకతో పోలిస్తే ఇందులో 18% నుంచి 67% ఎక్కువ కేలరీలు ఖర్చవుతాయి. బరువు తగ్గాలనుకునే వారికి ఇది చక్కని మార్గం.ఆరోగ్యకరమైన మార్పులు శరీరంలో కొవ్వు, చెడు కొలెస్ట్రాల్ (LDL), ట్రైగ్లిజరైడ్స్ తగ్గుతాయి. మంచి కొలెస్ట్రాల్ (HDL) పెరుగుతుంది. మానసిక ఒత్తిడి, ఆందోళన, నిరాశ, దీర్ఘకాలిక నొప్పులు తగ్గుతాయి. గుండె ఆరోగ్యం, కండరాల బలం, శ్వాసకోశ సామర్థ్యం, శరీర సౌలభ్యం (Flexibility) పెరుగుతాయి. శరీర సమతుల్యత (Balance): కాళ్లతో పాటు చేతుల్లో ఉన్న పోల్స్ నేలను తాకడం వల్ల నడుస్తున్నప్పుడు బ్యాలెన్స్ కోల్పోకుండా, కిందపడిపోయే ప్రమాదం తగ్గుతుంది.వాకింగ్ పోల్స్ (Poles) ప్రత్యేకత ఈ

Adnan Sami: ప్రముఖ గాయకుడు అద్నాన్ సమి తన మధురమైన పాటలతో ఎంతగా గుర్తింపు పొందారో అందరికీ తెలిసిందే. పాకిస్తానీ అయినా భారత పౌరసత్వం తీసుకున్న అద్నాన్ ఒకప్పుడు సుమారు 230 కిలోల బరువుతో తీవ్ర ఇబ్బందులు ఎదుర్కొన్నారు. తన ప్రాణాలకే ప్రమాదం ఉందన్న వైద్యుల హెచ్చరిక, తండ్రి కళ్లలో కనిపించిన భయం ఆయన జీవితాన్ని పూర్తిగా మార్చేశాయి. అద్నాన్ సమి ఇటీవల జూమ్‌కు ఇచ్చిన ఇంటర్వ్యూలో తన జీవితంలోని అత్యంత కఠినమైన దశను గుర్తుచేసుకున్నారు. ఒక దశలో ఆయన బరువు సుమారు 230 కిలోలకు చేరింది. నిలబడటం, కూర్చోవడం, నడవడం కూడా కష్టంగా మారడంతో దాదాపు మంచానికే పరిమితమయ్యారు. పరిస్థితిని చూసిన వైద్యులు ఆయన బరువు ప్రాణాంతకంగా మారే అవకాశం ఉందని, తాను బతకడానికి కేవలం ఆరు నెలలు మాత్రమే ఉండవచ్చని హెచ్చరించారు. ఆ మాట ఆయనకు ఎంత భయాన్ని కలిగించిందో, పక్కనే ఉన్న తండ్రి ముఖంలో కనిపించిన ఆందోళన కూడా అంతకన్నా తీవ్రంగా కుదిపేసింది. మొదట వైద్యులు బహుశా విషయాన్ని ఎక్కువగా చెబుతున్నారని తన తండ్రిని ఓదార్చేందుకు అద్నాన్ ప్రయత్నించారు. కానీ ఆయన తండ్రి మాత్రం వైద్యుల హెచ్చరికను తేలిగ్గా తీసుకోలేదు. తన కుమారుడి పరిస్థితి నిజంగానే ప్రమాదకరంగా ఉందని చెప్పారు. తండ్రి కళ్లలోని నిస్సహాయత, కన్నీళ్లు అద్నాన్‌ను తీవ్రంగా కలచివేశాయి. అదే సమయంలో తండ్రికి తాను ఈ పరిస్థితిని మార్చుకుంటానని మాట ఇచ్చారు. ఆ ఒక్క వాగ్దానమే తన బరువు తగ్గించే ప్రయాణానికి అసలు ప్రారంభమని అద్నాన్ చెప్పుకొచ్చారు. అయితే ఆ ప్రయాణం కూడా అంత సులభంగా సాగలేదు. బరువు తగ్గడం మొదలైన తర్వాత సోషల్ మీడియాలో అద్నాన్ బేరియాట్రిక్ సర్జరీ చేయించుకున్నారనే ప్రచారం మొదలైంది. తన కష్టాన్ని అలా కొట్టిపారేయడం ఆయనను తీవ్రంగా బాధించిందని, బరువు తగ్గేందుకు ఎలాంటి శస్త్రచికిత్స చేయించుకోలేదని అద్నాన్ స్పష్టం చేశారు. కఠినమైన ఆహార నియమాలు, వ్యాయామం, నిపుణుల పర్యవేక్షణలో తనలో మార్పు వచ్చిందని

గ్రీన్ టీలో కెఫీన్, ఎల్-థియనిన్ అని పిలిచే అమైనో యాసిడ్లు ఉంటాయి. ఈ రెండూ కలిసి ఏకాగ్రతను పెంచి మానసిక స్థితిని స్థిరంగా ఉంచుతాయి. గ్రీన్ టీలో కాటెచిన్స్ ఉంటాయి. ఇవి జీవక్రియను పెంచి పొట్ట దగ్గర కొవ్వు పేరుకుపోకుండా అడ్డుకుంటాయి. గ్రీన్ టీని రోజూ తాగితే రక్తనాళాల పనితీరు చక్కగా ఉంటుంది. అలాగే, శరీరానికి హాని చేసే చెడు కొలెస్ట్రాల్ ను తగ్గిస్తుంది. గ్రీన్ టీలో ఉండే EGCG వంటి సమ్మేళనాలు మెదడుకు రక్షణ కల్పిస్తాయి. జ్ఞాపకశక్తిని పెంచుతుంది. గ్రీన్ టీ రక్తంలో చక్కెర స్థాయిలను తగ్గించి, టైప్ 2 డయాబెటిస్ వచ్చే ప్రమాదాన్ని కూడా తగ్గిస్తుంది. గ్రీన్ రోజూ 2 కప్పుల నెల రోజుల పాటూ తాగి చూడండి. ఇది జీర్ణ సంబంధిత సమస్యలు రాకుండా అడ్డుకుంటుంది. అమ్మాయిలు గ్రీన్ టీ తాగితే మొటిమలు చాలా వరకు తగ్గిపోతాయి. వృద్ధాప్య ఛాయలు త్వరగా రాకుండా అడ్డుకుంటుంది. Gold Rings: ఒక గ్రాములో లభించే క్యూట్ రింగ్స్.. డైలీవేర్ కి బాగుంటాయి Chapati: గ్యాస్ పై నేరుగా చపాతీ కాల్చుతుంటే..ఇది తెలుసుకోండి ఫస్ట్ Gold Necklace: పది గ్రాముల బంగారంలో అదిరిపోయే స్టోన్ నక్లెస్ డిజైన్లు Pregnancy Diet: ప్రెగ్నెన్సీ టైంలో ఈ పండ్లు తింటే ఎంత మంచిదో!

ప్రతి ఇంట్లోను మెంతులు ఉంటాయి. ఇక చేపల పులుసు వండేటప్పుడు ముందుగా నూనెలో మెంతులు వేసి వేయిస్తారు. దీని వల్ల మంచి రుచి వస్తుందని అంటారు. మెంతుల్లో ఫైబర్, విటమిన్లు, ఐరన్, మెగ్నీషియం, మాంగనీస్ వంటి ఎన్నో ఖనిజాలు అధికంగా ఉంటాయి. డైట్‌లో మెంతుల నీటిని కూడా చేర్చకున్నారంటే మీరు ఊహించని ప్రయోజనాలు కలుగుతాయి. ప్రతిరోజూ ఉదయం పరగడుపున మెంతి నీళ్లు తాగి చూడండి.. మీరు ఊహించని ఫలితాలు కనిపిస్తాయి. మీకు మీరే ఆరోగ్యంగా ఫీలవుతారు. మెంతి పిండిని లేదా మెంతులను రాత్రంతా నీటిలో నానబెట్టి ఉదయం లేచాక ఆ నీటిని తాగేయాలి. దీనివల్ల ఎలాంటి ఫలితాలు కలుగుతాయో ఇక్కడ ఇచ్చాము. మెంతుల్లో ఫైబర్ అధికంగా ఉంటుంది. కాబట్టి అజీర్ణ సమస్య రాదు. ఏది తిన్న సులువుగా అరిగిపోతుంది. కడుపు ఉబ్బరం, మలబద్ధకం వంటి జీర్ణ సమస్యలు రాకుండా అడ్డుకుంటుంది. అంతేకాదు పోషకాలను శరీరం పూర్తిగా గ్రహించేలా సహాయపడుతుంది కూడా. మెంతుల నీరు ఆకలి వేసే ఫీలింగును కూడా అడ్డుకుంటుంది. శరీరంలో జీవక్రియ రేటును పెంచుతుంది. శరీరంలోని రక్తానాళాల్లో కొవ్వు పేరుకుపోకుండా అడ్డుకుంటుంది. దీని వల్ల బరువు కూడా త్వరగా తగ్గుతారు. మెంతుల నీటిలో యాంటీ ఇన్‌ఫ్లమేటరీ గుణాలు అధికంగా ఉంటాయి. ఇవి ఆర్థరైటిస్, ఆస్తమా వంటి వ్యాధుల నుంచి కూడా రక్షణ కల్పిస్తాయి. మెంతి నీరు తాగడం వల్ల జుట్టు రాలే సమస్య చాలా వరకు తగ్గుతుంది. జుట్టు కూడా బాగా పెరుగుతుంది. తలపై చుండ్రు, దురద వంటి తల సమస్యలు ఉన్నవారికి వాటి నుంచి ఉపశమనం దక్కుతుంది. మెంతి నీరు తాగడం వల్ల రక్తంలోని చక్కెర స్థాయిలను చాలావరకు నియంత్రణలో ఉంటాయి. డయాబెటిస్ ఉన్నవారు ప్రతిరోజూ మెంతినీరు తాగడం అలవాటు చేసుకోవాలి. అలాగే ఇన్సులిన్ రెసిస్టెన్స్ ఉన్నవారికి ఇది చాలా మేలు చేస్తుంది. మెంతుల నీటిని రోజూ తాగడం వల్ల శరీరంలోని చెడు కొలెస్ట్రాల్ పేరుకుపోెవడం తగ్గుతుంది. దీనివల్ల గుండె ఆరోగ్యం

ప్రపంచం లో అత్యంత వేగంగా పెరుగుతున్న వ్యాధుల్లో మధుమేహం (డయాబెటిస్‌) ఒకటి. ప్రపంచవ్యాప్తంగా 50 కోట్లమందికిపైగా ఈ వ్యాధితో బాధపడుతున్నారని అంచనా. డయాబెటిస్‌తో బాధపడేవారిలో వినికిడి శక్తి కూడా తగ్గుతుందా అనే అంశంపై జరిగిన కొన్ని పరిశోధనల్లో ఆసక్తికరమైన ఫలితాలు వెల్లడయ్యాయి. ఇందులో... డయాబెటిస్‌ లేని వారితో పోలిస్తే ఆ సమస్య ఉన్నవారికి వినికిడి లో΄ాలు వచ్చే అవకాశం రెండు రెట్లకు పైనే ఉన్నట్లు తెలిసింది. ఈ సందర్భంగా ప్రపంచవ్యాప్తంగా డయాబెటిస్‌తో బాధపడుతున్న యుక్తవయస్కుల్లో (అడల్ట్స్‌)లో నాలుగోవంతు మంది (అంటే దాదాపు 25% మంది)లో వినికిడి లోపాలు ఉన్నట్లు గుర్తించారు. ‘డయాబెటిస్‌ మెటబాలిజమ్‌ రీసెర్చ్‌ రివ్యూ’ అనే జర్నల్‌లో ప్రచురితమైన అంశాలను బట్టి ప్రపంచవ్యాప్తంగా ఉన్న డయాబెటిస్‌ బాధితుల్లో దాదాపు 13 కోట్ల మందిలో తీవ్రమైన వినికిడి సమస్యలున్నాయని తేలింది. సాధారణంగా డయాబెటిస్‌తో బాధపడే వ్యక్తుల్లో వారికి ఉన్న ఆ సమస్య కళ్లు, మూత్రపిండాలు, నరాలకు ఏదైనా నష్టం చేసిందా అన్నకోణంలో ఎప్పటికప్పుడు పరీక్షలు నిర్వహిస్తుంటారు. ఈ పరిశోధనల నేపథ్యం లో ఇకపైపై పరీక్షల్లాగే వినికిడి పరీక్షలూ చేయాలంటూ పరిశోధకులు వైద్యవర్గాలకు ఓ సూచన చేస్తున్నారు. ‘‘ఈ వినికిడి సమస్యను తేలిగ్గా తీసుకోకూడదు. డయాబెటిస్‌తో వచ్చే వినికిడి లోపం చాలాసార్లు 40–50 ఏళ్ల మధ్య వయసులోనే మొదలువుతుంది. దాంతో సంభాషణలు వినడం, ఎదుటివారితో కమ్యూనికేషన్‌ నెరపడం కష్టమై క్రమంగా ఒంటరితనం పెరుగుతుంది. జ్ఞాపకశక్తి తగ్గడమూ వేగవంతమవుతుంది. అందుకే డయాబెటిస్‌ అన్నది నెమ్మదిగా దెబ్బతీసే పెద్దసమస్య. అందుకే ఇకపై డయాబెటిస్‌ వ్యాధిగ్రస్తులకు చేసే పరీక్షల్లో వినికిడి పరీక్షనూ చేర్చాల్సిన సమయం వచ్చింద’’నేది ఈ అధ్యయనం తాలూకు ప్రధాన పరిశోధకుల మాట. తక్కువ ఖర్చుతో చేసే వినికిడి పరీక్షల ద్వారా సమస్యను మొదటే గుర్తిస్తే సత్వర చికిత్స సాధ్యమని పరిశోధకులు తెలిపారు. అవసరమైనప్పుడు హియరింగ్‌ ఎయిడ్స్‌ ఉపయోగించడం లాంటి సకాలంలో చేసే చికిత్సతో సంభాషణ సామర్థ్యం, జీవననాణ్యత మెరుగుపడే అవకాశం ఉందనీ, అలాగే రక్తంలో చక్కెర మోతాదులను