ఆన్లైన్లో ఫుడ్ ఆర్డర్ చేసేటప్పుడు రెస్టారెంట్ ధరల కన్నా ఎక్కువ చెల్లించాల్సి వస్తుందన్నది తెలిసిన విషయమే. అయితే, ఈ వ్యత్యాసం దాదాపు రెట్టింపు స్థాయిలో ఉండటంతో ఓ హైదరాబాదీ చేసిన పోస్ట్ ఇప్పుడు సోషల్ మీడియాలో పెద్ద చర్చకు దారితీసింది. తాను రెస్టారెంట్లో..
రక్షణ రంగంలో ఆత్మనిర్భర్ భారత్ లక్ష్యం దిశగా భారత్ మరో కీలక ముందడుగు వేసింది. భారత వాయుసేన (ఐఏఎఫ్), పూర్తిగా స్వదేశీ పరిజ్ఞానంతో రూపొందించిన 'ఖగంతక్-243' అనే లాంగ్ రేంజ్ గ్లైడ్ బాంబు (ఎల్ఆర్జీబీ) డ్రాప్ ట్రయల్ను విజయవంతంగా నిర్వహించింది. ఈ పరీక్షతో సుదూరంలోని లక్ష్యాలను కచ్చితత్వంతో ఛేదించే సామర్థ్యం భారత వాయుసేనకు మరింత పెరిగింది.ఈ పరీక్ష నిర్దేశిత లక్ష్యాలన్నింటినీ అందుకుందని, 'ఆత్మనిర్భర్ భారత్', 'మేకిన్ ఇండియా' స్ఫూర్తితో రక్షణ రంగంలో సరికొత్త శిఖరాలను అధిరోహించామని సెప్టెంబర్ 2న 'ఎక్స్' సోషల్ మీడియా వేదికగా ఐఏఎఫ్ ప్రకటించింది. ఇది భారత వాయుసేనతో పాటు దేశీయ రక్షణ పరిశ్రమకు కూడా ఒక ముఖ్యమైన మైలురాయి అని పేర్కొంది.ఖగంతక్-243 ప్రత్యేకతలునాగ్పూర్కు చెందిన జేఎస్ఆర్ డైనమిక్స్, భారత్ ఎలక్ట్రానిక్స్ లిమిటెడ్ (బీఈఎల్) సంయుక్తంగా ఈ బాంబును అభివృద్ధి చేశాయి. 300 కిలోల తరగతికి చెందిన ఈ బాంబులో 125 కిలోల శక్తివంతమైన వార్హెడ్ ఉంటుంది. సుఖోయ్-30ఎంకేఐ యుద్ధ విమానం నుంచి పొఖ్రాన్లో దీనిని పరీక్షించారు.ఈ గ్లైడ్ బాంబును సుమారు 12 కిలోమీటర్ల ఎత్తు నుంచి జారవిడిచినప్పుడు, తనకున్న రెక్కల సహాయంతో గాలిలో తేలుతూ 180 కిలోమీటర్ల దూరంలోని లక్ష్యాలను కూడా కచ్చితత్వంతో ఛేదించగలదు. దీనివల్ల, శత్రుదేశాల ఎయిర్ డిఫెన్స్ సిస్టమ్స్ పరిధిలోకి వెళ్లకుండానే మన ఫైటర్ జెట్లు లోతైన ప్రాంతాల్లోని రన్వేలు, కమాండ్ సెంటర్లు వంటి వ్యూహాత్మక టార్గెట్లపై దాడి చేయవచ్చు.భవిష్యత్తులో మిగ్-29కె, మిరాజ్-2000 వంటి ఇతర విమానాల్లోనూ దీనిని అనుసంధానించనున్నారు. ఇప్పటికే పరిమిత సంఖ్యలో వీటి ఉత్పత్తి కోసం బీఈఎల్కు
పర్వతారోహణ చేయాలన్న కోరిక చాలామందికి ఉంటుంది. కానీ కెరీర్ బిజీ, కుటుంబ బాధ్యతలు, ఇది సరైన వయసు కాదేమోనన్న సందిగ్ధత.. ఇలా వివిధ కారణాల వల్ల కొంతమంది ఈ కలను నెరవేర్చుకోలేకపోతారు. నిజానికి అనుకున్న లక్ష్యాన్ని చేరుకోవడానికి ఇవేవీ అడ్డు కాదంటోంది శివానీ మెహ్రోత్రా. పర్వతారోహణ చేయాలన్న కోరిక చాలామందికి ఉంటుంది. కానీ కెరీర్ బిజీ, కుటుంబ బాధ్యతలు, ఇది సరైన వయసు కాదేమోనన్న సందిగ్ధత.. ఇలా వివిధ కారణాల వల్ల కొంతమంది ఈ కలను నెరవేర్చుకోలేకపోతారు. నిజానికి అనుకున్న లక్ష్యాన్ని చేరుకోవడానికి ఇవేవీ అడ్డు కాదంటోంది శివానీ మెహ్రోత్రా. నాలుగు పదుల వయసుకి చేరువలో ఉన్నప్పుడు మౌంటెనీరింగ్పై ఆసక్తి పెంచుకున్న ఆమె.. ఇటీవలే తన 43 ఏళ్ల వయసులో యూరప్లోనే ఎత్తైన పర్వతం మౌంట్ ఎల్బ్రస్ను అధిరోహించింది. తద్వారా ‘వయసు సంఖ్య మాత్రమే’ అని నిరూపించి వార్తల్లో నిలిచింది. మరి, వృత్తిరీత్యా యోగా టీచర్ అయిన శివానీకి పర్వతాహరోణ చేయాలన్న ఆలోచన ఎలా కలిగింది? తెలుసుకుందాం రండి.. నిద్ర లేచింది మొదలు ఇంట్లో బాధ్యతలు, కెరీర్ బిజీలో పడిపోయి.. తమ అభిరుచుల్ని సైతం పక్కన పెట్టేస్తుంటారు చాలామంది మహిళలు. కానీ కొందరు మాత్రం కాస్త లేటు వయసులోనైనా వీటిపై దృష్టి పెడుతూ తమను తాము నిరూపించుకుంటారు.. ఇతరులకు స్ఫూర్తినిస్తుంటారు. శివానీ కూడా ఇదే కోవకు చెందుతుంది. ఉత్తరప్రదేశ్ సీతాపుర్కు చెందిన ఆమె.. వివాహం తర్వాత లక్నోలో స్థిరపడింది. పెళ్లయ్యాక గృహిణిగా, అమ్మగా బిజీగా మారిపోయింది. స్వతహాగా ఫిట్నెస్ లవర్ అయిన ఆమె.. సాహసాలు చేయడానికీ మక్కువ చూపుతుంది. ఈ ఇష్టమే తనను పర్వతారోహణ వైపు అడుగులేసేలా చేసిందంటోంది శివానీ. ‘ఓసారి స్నేహితులతో కలిసి మౌంట్ ఎవరెస్ట్ బేస్ క్యాంప్కి ట్రెక్కింగ్కి వెళ్లా. అప్పుడే నాకు పర్వతారోహణ పరిచయమైంది. ఈ అనుభవాన్ని ఎంతో ఎంజాయ్ చేశా. ఇక ముందూ మౌంటెనీరింగ్ చేయాలన్న కోరిక నాలో మొదలైంది. ఈ క్రమంలోనే కశ్మీర్, లద్దాఖ్, హిమాచల్ప్రదేశ్లోని పలు
ITR Defective Notice : వ్యక్తిగత పన్ను చెల్లింపుదారులకు 2026, జులై 31తోనే ఐటీ రిటర్న్స్ గడువు ముగిసింది. ఇందులో విద్యార్థులు, ఉద్యోగులు, పెన్షనర్లు, ఇతర వ్యాపార ఆదాయం లేని వ్యక్తులు ఉంటారు. అయితే ఐటీఆర్ ఫైల్ చేస్తేనే అంతా అయిపోదు. ముఖ్యంగా ఐటీఆర్ ఫైల్ చేసిన తేదీ నుంచి 30 రోజుల్లోపు ఇ- వెరిఫికేషన్ చేయడం తప్పనిసరి. అప్పుడే అది వాలిడ్గా పరిగణిస్తారు. లేకపోతే ఇన్వాలిడ్ అయ్యే అవకాశం ఉంటుంది. ఇంకా ఏదైనా సమస్య ఉంటే అంటే ఐటీఆర్లో ఏదైనా తప్పుగా ఉన్నా మీకు పన్ను శాఖ నుంచి నోటీసులు వస్తుంటాయి. అందుకే టాక్స్ పేయర్లు ఎప్పటికప్పుడు మెయిల్స్, ఇన్కంటాక్స్ ఇ- ఫైలింగ్ పోర్టల్, కంప్లయిన్స్ పోర్టల్ వంటివి చెక్ చేస్తుండాలి.ఐటీఆర్లో ఏదైనా తప్పు ఉండటం లేదా వివరాల్లో తేడాలు ఉంటే ఇన్కంటాక్స్ డిపార్ట్మెంట్ నుంచి నోటీసులు రావొచ్చు. అయితే ఇక్కడ గుర్తించాల్సింది ఏంటంటే ప్రతి నోటీసు సమస్యను తెచ్చిపెడుతుందని కాదు. కొన్ని నోటీసులు కేవలం సమాచారం అందించడానికి, వివరాల్ని నిర్ధరించుకోవడానికి ఇస్తాయి. అందుకే ఇక్కడ ఏ నోటీసు ఎందుకొచ్చింది, వాటికి ఎలా స్పందించాలి అనేది తెలుసుకోవాల్సి ఉంటుంది. మనం ఇప్పుడు ఐటీ శాఖ నుంచి ఏయే కారణాలతో ఏయే నోటీసులు వస్తాయనేది చూద్దాం.సెక్షన్ 143(1)(a) నోటీసులు- మీ ఐటీఆర్ ప్రాసెస్ చేసే సమయంలో ఇన్కం,డిడక్షన్స్, టాక్స్ క్రెడిట్లు ఇంకేదైనా వివరాల్లో తేడాలుంటే నోటీసులు రావొచ్చు. ఇక్కడ మీ నోటీసుల్లో చూయించిన మార్పుల్ని టాక్స్ రికార్డులతో చెక్ చేయాలి. తప్పులుంటే సరైన వివరాలు, ఆధారాలతో ఆన్లైన్లో బదులివ్వాలి.సెక్షన్ 139(9) నోటీసులు- ఇక్కడ మీరు ఫైల్ చేసిన ఐటీఆర్లో అవసరమైన సమాచారం లేకపోయినా ఇంకా మీరు ఇచ్చిన వివరాలు అసంపూర్తిగా ఉన్నా, ఇతర లోపాలున్నా ఈ డిఫెక్టివ్ రిటర్న్ నోటీసు ఇస్తారు. ఇక్కడ కూడా నోటీసుల పేర్కొన్న తప్పుల్ని సరిచేయాలి. గడువులోగా కచ్చితంగా స్పందించాలి.సెక్షన్ 142(1) నోటీసు- ఆదాయం లేదా టాక్స్ లెక్కల్ని పరిశీలించడానికి
దేశ రక్షణ రంగంలో కీలక పరిణామం చోటుచేసుకుంది. తీరప్రాంత రక్షణ.. ప్రత్యేకించి హిందూ మహాసముద్రంపై నిఘాను మరింత బలోపేతం చేయడానికి కేంద్రం ఓ కీలక ఒప్పందాన్ని కుదుర్చుకుంది. అమెరికాకు చెందిన ప్రముఖ డిఫెన్స్ కంపెనీ జనరల్ అటామిక్స్తో రూ. 1,943 కోట్ల విలువైన డీల్ కు ఆమోదం తెలిపింది. దీని ద్వారా నౌకాదళం కోసం రెండు అత్యాధునిక ఎంక్యూ-9బీ సీ గార్డియన్ డ్రోన్లను లీజుకు తీసుకోనున్నారు.సముద్ర తీరంలో వ్యూహాత్మక భద్రతకు ప్రాముఖ్యత పెరుగుతున్న ప్రస్తుత పరిస్థితుల్లో ఈ లీజ్ కాంట్రాక్ట్ కుదరడం ప్రాధాన్యతను సంతరించుకుంది. హిందూ మహాసముద్ర పరిధిలో పెరుగుతున్న ఇతర దేశాల వ్యూహాత్మక కదలికలను గమనించడం, సరిహద్దులపై నిరంతర నిఘా ఉంచడం ఈ డ్రోన్ల ద్వారా సులభతరమౌతుంది. సరికొత్త సాంకేతిక పరిజ్ఞానం, సెన్సార్లతో కూడిన ఈ డ్రోన్లు.. దేశ నౌకాదళ నిఘా సామర్థ్యానికి అదనపు బలాన్ని చేకూరుస్తాయని రక్షణ మంత్రిత్వ శాఖ ఓ ప్రకటనలో వెల్లడించింది. హిందూ మహాసముద్ర రీజియన్ లో దేశ రక్షణను పటిష్టం చేయడం, చొరబాట్లను నిరోధించడానికి ఈ డ్రోన్లు సహాయపడతాయని తెలిపింది.ఎంక్యూ-9బీ సీ గార్డియన్ డ్రోన్లకు అంతర్జాతీయంగా ఎంతో ఆదరణ ఉంది. ఆకాశంలో చాలా ఎత్తున వరకు ఎగరగలగడం, సుదీర్ఘ కాలం పాటు ప్రయాణించే సామర్థ్యం వీటి సొంతం. ఈ డ్రోన్లు నిరంతరాయంగా 30 గంటలకు పైగా గాల్లోనే ఉంటూ డేగకన్ను వేయగలవు. సముద్రమట్టానికి సుమారు 40,000 అడుగుల కంటే ఎక్కువ ఎత్తులో ఎగురుతూ సుదూర సరిహద్దు ప్రాంతాలను సైతం పరిశీలించగలవు. శత్రువుల జలాంతర్గాములను పసిగట్టే అత్యాధునిక యాంటీ సబ్మెరైన్ వార్ఫేర్ మిషన్ కిట్ను కూడా వీటికి జత చేసే వెసలుబాటు ఉంది.తిరుమలలో గదుల దళారీ ముఠా నెట్ వర్క్: కింగ్ పిన్ గుర్తింపు: ఒక్కో రూమ్ పైప్రస్తుతం కుదుర్చుకున్న ఈ లీజ్ ఒప్పందం.. భవిష్యత్తులో కేంద్రం కొనుగోలు చేయబోయే భారీ డ్రోన్ల డీల్తో సంబంధం లేకుండా స్వతంత్రంగా సాగుతుంది. మెరికా ప్రభుత్వం నుంచి సుమారు మూడు బిలియన్
మహబూబాబాద్ జిల్లా కేసముద్రం వ్యవసాయ మార్కెట్లో ధాన్యానికి క్వింటాకు రాష్ట్రస్థాయిలో అధిక ధర నమోదైంది. అతి సన్న రకాలైన జైశ్రీరాం పాత ధాన్యంకి రూ.4,355 ధర పలకడం విశేషం. కేసముద్రం, ఆగస్టు 13 (ఆంధ్రజ్యోతి) : మహబూబాబాద్ జిల్లా కేసముద్రం వ్యవసాయ మార్కెట్లో ధాన్యానికి క్వింటాకు రాష్ట్రస్థాయిలో అధిక ధర నమోదైంది. అతి సన్న రకాలైన జైశ్రీరాం పాత ధాన్యంకి రూ.4,355 ధర పలకడం విశేషం. ఈ మార్కెట్కు గురువారం 48 మంది రైతులు 1,106 బస్తాల్లో ధాన్యం తీసుకురాగా ఎలక్ట్రానిక్ నేషనల్ అగ్రికల్చర్ మార్కెట్ (ఈ-నామ్) విధానంలోని ‘ఈ-వేలం’లో ధాన్యానికి క్వింటాకు గరిష్ఠంగా రూ.4,355, కనిష్ఠంగా రూ.2,029, సగటున రూ.3,549 ధరలతో వ్యాపారులు ఖరీదు చేశారు. జైశ్రీరాం పాతరకం ధాన్యానికి ఓ వ్యాపారి క్వింటాకు గరిష్ఠంగా రూ.4,355 ధర నమోదు చేసి దక్కించుకున్నాడు. దీంతో మార్కెట్ ఏర్పడిన నాటి నుంచి ధాన్యానికి క్వింటాకు ఈ ధర దక్కడం ఇక్కడ ఒక రికార్డుగా నిలుస్తోంది. జూలై 21న తొలిసారి ఈ రకం ధాన్యానికి క్వింటాకు రూ.4 వేల మార్కు దాటి రూ.4,013 ధర రాగా, అదే నెల 28న రూ.4,036, ఈ నెల 3న రూ.4,135, 4న రూ.4,141 ధరలు నమోదయ్యాయి. ఇదే రకం ధాన్యం గత ఏడాది ఇదే సమయానికి రూ.3,600 నుంచి రూ.3,700 వరకు గరిష్ఠ ధరలతో కొనుగోలు చేశారు. ఈసారి ఎల్నినో ప్రభావంతో వర్షాభావ పరిస్థితులతో అన్ని రకాల ధాన్యం ధరలు సాధారణం కంటే క్వింటాకు రూ.500 నుంచి రూ.700 అధికంగా ఉన్నాయి. అసాధారణ రీతిలో ధాన్యం ధర పెరగడంపై రైతులు సంతోషం వ్యక్తం చేస్తుండగా, బియ్యం వినియోగదారులు మాత్రం రేట్లు పెరుగుతాయని ఆందోళనతో ఉన్నారు
Test Cricket Records: బంగ్లాదేశ్తో డార్విన్ వేదికగా జరుగుతున్న తొలి టెస్టు మ్యాచ్లో ఆస్ట్రేలియా స్టార్ పేసర్ మిచెల్ స్టార్క్ ప్రభంజనం సృష్టించాడు. బంగ్లాదేశ్ తొలి ఇన్నింగ్స్ 9వ ఓవర్లో షాద్మాన్ ఇస్లాంను అవుట్ చేయడం ద్వారా టెస్టుల్లో తన 434వ వికెట్ను ఖాతాలో వేసుకున్నాడు. ఈ ఒక్క వికెట్తో శ్రీలంక లెజెండరీ స్పిన్నర్ రంగానా హెరాత్ (433 వికెట్లు) రికార్డును అధిగమించి, టెస్టు క్రికెట్ చరిత్రలోనే అత్యధిక వికెట్లు పడగొట్టిన లెఫ్ట్ హ్యాండ్ బౌలర్గా అగ్రపీఠాన్ని కైవసం చేసుకున్నాడు. లెఫ్ట్ హ్యాండ్ అత్యుత్తమ బౌలర్లలో వాసిమ్ అక్రమ్ (414), డానియల్ వెటోరీ (362), చమిందా వాస్ (355), రవీంద్ర జడేజా (348)ల కంటే స్టార్క్ ఎంతో ముందున్నాడు. ఈ చారిత్రాత్మక వికెట్తో భారత క్రికెట్ దిగ్గజం, మాజీ కెప్టెన్ కపిల్ దేవ్ ఆల్టైమ్ రికార్డును సైతం స్టార్క్ సమం చేశాడు. కపిల్ దేవ్ 131 టెస్టుల్లో 434 వికెట్లు సాధించగా, స్టార్క్ కేవలం 106 టెస్టుల్లోనే ఈ ఘనత సాధించడం విశేషం. ప్రస్తుతం అత్యధిక వికెట్ల వీరుల జాబితాలో వీరిద్దరూ సంయుక్తంగా 11వ స్థానంలో ఉన్నారు. స్టార్క్ తదుపరి లక్ష్యం సౌతాఫ్రికా పేస్ సంచలనం డాలే స్టెయిన్ నమోదు చేసిన 439 వికెట్ల రికార్డును అధిగమించడమే. స్టెయిన్ను దాటి ఆల్టైమ్ టాప్-10 బౌలర్ల జాబితాలోకి చేరడానికి స్టార్క్కు మరో 6 వికెట్లు మాత్రమే అవసరం. అక్టోబర్ 2010లో అంతర్జాతీయ అరంగేట్రం చేసిన స్టార్క్, తన భయంకర యార్కర్లు, అద్భుతమైన స్వింగ్తో ప్రపంచంలోనే అత్యంత ప్రమాదకరమైన బౌలర్గా ఎదిగాడు. ఆస్ట్రేలియా సాధించిన ప్రధాన టైటిళ్లలో స్టార్క్ పాత్ర అత్యంత కీలకమైనది. 2015, 2023 వన్డే ప్రపంచకప్లు గెలిచిన ఆసీస్ జట్టులో సభ్యుడిగా ఉన్నాడు. 2015 వరల్డ్ కప్లో ప్లేయర్ ఆఫ్ ది టోర్నమెంట్గా నిలిచాడు. వన్డే ప్రపంచకప్, టీ20 ప్రపంచకప్, వరల్డ్ టెస్ట్ ఛాంపియన్షిప్.. ఇలా మూడింటినీ ముద్దాడిన అరుదైన ఆటగాళ్లలో ఒకడిగా నిలిచాడు
ఆస్ట్రేలియా స్టార్ ఫాస్ట్ బౌలర్ మిచెల్ స్టార్క్ టెస్ట్ క్రికెట్లో సంచలన రికార్డు నమోదు చేశాడు. డార్విన్ లో బంగ్లాదేశ్తో జరుగుతున్న మొదటి టెస్ట్ మ్యాచ్లో బంగ్లాదేశ్ ఓపెనర్ షాద్మాన్ ఇస్లామ్ వికెట్ తీయడం ద్వారా స్టార్క్ ఈ ఘనత సాధించాడు. తొమ్మిదో ఓవర్లో బౌలర్ నాథన్ క్యాచ్ తో ఈ వికెట్ పడగొట్టాడు. దీంతో టెస్టుల్లో అత్యధిక వికెట్లు తీసిన లెఫ్ట్ ఆర్మ్ బౌలర్గా ప్రపంచ రికార్డును తన పేరిట లిఖించుకున్నాడు. ఈ మ్యాచ్ ప్రారంభానికి ముందు మిచెల్ స్టార్క్ ఖాతాలో శ్రీలంక లెజెండరీ స్పిన్నర్ రంగన హేరాత్ పేరిట ఉన్న 433 వికెట్ల రికార్డు సమంగా ఉండేది. కానీ షాద్మాన్ ఇస్లామ్ను అవుట్ చేయడంతో తన వికెట్ల సంఖ్యను 434కి పెంచుకున్నాడు. దీంతో హేరాత్ను అధిగమించి అగ్రస్థానానికి చేరుకున్నాడు. స్టార్క్ ఇప్పటివరకు 106 టెస్టుల్లో 434 వికెట్లు పడగొట్టాడు. ఈ క్రమంలో భారత క్రికెట్ దిగ్గజం కపిల్ దేవ్ రికార్డును కూడా స్టార్క్ సమం చేశాడు. కపిల్ దేవ్ 1978 నుండి 1994 మధ్య 131 మ్యాచ్ల్లో 434 వికెట్లు తీయగా, స్టార్క్ ఆయన కంటే 25 మ్యాచ్లు తక్కువగా ఆడి అదే వికెట్ల మైలురాయిని చేరుకోవడం విశేషం. 36 ఏళ్ల ఈ ఆస్ట్రేలియన్ స్పీడ్స్టర్ ఇప్పుడు టెస్ట్ క్రికెట్ చరిత్రలోనే ఆల్ టైమ్ టాప్ 10 అత్యధిక వికెట్ల వీరుల జాబితాలోకి ప్రవేశించడానికి కేవలం ఆరు వికెట్ల దూరంలో ఉన్నాడు. ప్రస్తుతం 10వ స్థానంలో దక్షిణాఫ్రికా ఫాస్ట్ బౌలింగ్ దిగ్గజం డేల్ స్టెయిన్ ఉన్నాడు. స్టెయిన్ 93 టెస్టుల్లో 439 వికెట్లు పడగొట్టాడు. మరొక ఆరు వికెట్లు తీస్తే స్టార్క్, స్టెయిన్ రికార్డును దాటి టాప్ 10 లోకి ప్రవేశిస్తాడు. కాగా, క్రికెట్ ప్రపంచంలో అత్యుత్తమ ఫాస్ట్ బౌలర్లలో ఒకడిగా గుర్తింపు పొందిన స్టార్క్ అక్టోబర్ 2010లో అంతర్జాతీయ అరంగేట్రం చేశాడు. క్రికెట్లోని మూడు ఐసీసీ ప్రధాన ట్రోఫీలు (వన్డే
తమిళనాడు ముఖ్యమంత్రి సి. జోసెఫ్ విజయ్ బుధవారం రాష్ట్ర శాసనసభలో నియోజకవర్గాల పునర్విభజన అనగా డీలిమిటేషన్ ప్రక్రియకు వ్యతిరేకంగా ఒక ప్రత్యేక తీర్మానాన్ని ప్రవేశపెట్టారు. దేశంలో లోక్సభ స్థానాల సంఖ్యను ప్రస్తుతం ఉన్న 543 వద్దే శాశ్వతంగా నిలిపి ఉంచాలని ఈ తీర్మానం ద్వారా కేంద్ర ప్రభుత్వాన్ని బలంగా డిమాండ్ చేశారు. రాష్ట్రాల మధ్య సీట్ల కేటాయింపు నిష్పత్తిని ఎలాంటి పరిస్థితుల్లోనూ మార్చకూడదని స్పష్టం చేశారు. అలాగే 2029 లోక్సభ ఎన్నికల్లోనే 33 శాతం మహిళా రిజర్వేషన్ను ఎలాంటి నియోజకవర్గాల పునర్విభజన షరతు లేకుండా వెంటనే అమలు చేయాలని డిమాండ్ చేశారు. ఈ ప్రతిపాదిత తీర్మానం తమిళనాడు శాసనసభలో మెజారిటీ సభ్యుల మద్దతుతో ఆమోదం పొందింది. ఇదిలా ఉండగా ఎఐఏడీఎంకే, పీఎంకే, బీజేపీ వంటి కొన్ని ప్రతిపక్ష రాజకీయ పక్షాలు ఈ తీర్మానానికి వ్యతిరేకంగా నిలిచాయి. సీఎం విజయ్ ప్రవేశపెట్టిన ఈ తీర్మానంలో ప్రధానంగా నాలుగు రకాల కీలక అంశాలను పొందుపరిచారు. దేశంలోని లోక్సభ సీట్ల సంఖ్యను 543 వద్దే స్తంభింపజేయడంతో పాటు తమిళనాడుకు చెందే 39 లోక్సభ స్థానాల ప్రాతినిధ్యాన్ని కాపాడాలని పేర్కొన్నారు. పార్లమెంటులోని లోక్సభ మరియు రాజ్యసభ మధ్య ప్రస్తుతం కొనసాగుతున్న 2.2:1 నిష్పత్తిని యథాతథంగా కొనసాగించాలని కోరారు. సభలో సీఎం విజయ్ మాట్లాడుతూ మహిళా రిజర్వేషన్ అనేది ఎవరికీ ఇచ్చే ఉపకారం కాదని, అది వారి ప్రజాస్వామ్య హక్కు మరియు సామాజిక న్యాయమని స్పష్టం చేశారు. తమిళనాడులో పురుషుల కంటే మహిళా ఓటర్లే అధికంగా ఓటింగ్ లో పాల్గొంటున్నారని గుర్తుచేశారు. జనాభా నియంత్రణను విజయవంతంగా అమలు చేసిన దక్షిణాది రాష్ట్రాలను శిక్షించే విధంగా కేంద్ర ప్రభుత్వం చేపట్టే డీలిమిటేషన్ ప్రక్రియ ఉండకూడదని తీవ్ర హెచ్చరిక చేశారు. ఈ నేపథ్యంలో జనాభా ప్రాతినిధ్యం ఆధారంగా సీట్లు తగ్గిస్తే దక్షిణాది తీవ్రంగా నష్టపోతుందని ఆందోళన వ్యక్తం చేశారు. దేశంలో లోక్సభ సీట్ల పంపిణీ 1971 జనాభా లెక్కల ఆధారంగా గత 50 ఏళ్లకు
లోక్సభ నియోజకవర్గ పునర్విభజనకు (డీలిమిటేషన్) వ్యతిరేకంగా సీఎం విజయ్ నేడు తమిళనాడు అసెంబ్లీలో తీర్మానాన్ని ప్రవేశపెట్టారు. ఇంటర్నెట్ డెస్క్: లోక్సభ నియోజకవర్గ పునర్విభజనకు (డీలిమిటేషన్) వ్యతిరేకంగా సీఎం విజయ్ నేడు తమిళనాడు అసెంబ్లీలో తీర్మానాన్ని ప్రవేశపెట్టారు. డీలిమిటేషన్కు తాము అంగీకరించేదే లేదని స్పష్టం చేశారు. జనాభా నియంత్రణకు అనేక చర్యలు తీసుకున్న తమిళనాడుకు డీలిమిటేషన్తో నష్టం జరుగుతుందని అన్నారు. జనాభా ఆధారంగా నియోజకవర్గ పునర్విభజన జరిగితే దక్షిణాది రాష్ట్రాలన్నిటికీ నష్టమని చెప్పారు. ఈ తీర్మానంలో సీఎం విజయ్ మొత్తం మూడు డిమాండ్స్ను కేంద్రం ముందుంచారు. లోక్సభ సీట్ల సంఖ్యను ఎప్పటికీ 543 వద్ద స్తంభింపజేయాలని అన్నారు. రాష్ట్రాలకు ప్రస్తుతమున్న ఎంపీ సీట్ల సంఖ్యను శాశ్వతం చేయాలని అన్నారు. రాష్ట్రాల అసెంబ్లీల్లో కూడా మహిళలకు 33 శాతం రిజర్వేషన్ తీసుకురావాలని అన్నారు. ఇటీవల పశ్చిమబెంగాల్, మహారాష్ట్రల్లో రాజకీయ సమీకరణాల మార్పులతో ఎన్డీయే బలం మరింత పెరిగిందన్న వ్యాఖ్యలు వినిపిస్తున్న విషయం తెలిసిందే. దీంతో, కేంద్రం డీలిమిటేషన్, మహిళా రిజర్వేషన్ బిల్లును తెచ్చేందుకు మరోసారి ప్రయత్నిస్తుందన్న కామెంట్స్ వచ్చాయి. అయితే, డీలిమిటేషన్ను దక్షిణాది రాష్ట్రాలు మొదటి నుంచీ వ్యతిరేకిస్తున్నాయి. ఈ నేపథ్యంలో తమిళనాడు సీఎం విజయ్ ప్రవేశపెట్టిన తీర్మానం ప్రాధాన్యాన్ని సంతరించుకుంది. కేంద్ర జలశక్తి శాఖ కొత్త కార్యదర్శిగా అర్చనావర్మ నియామకం జైలులో తనిఖీలు.. అడ్డంగా దొరికిన మాజీ ఎంపీ రేవణ్ణ.. ప్రభుత్వం సీరియస్
తెలంగాణలో ఆహార భద్రతకు ఇక ‘స్మార్ట్’ రూపం రానున్నదని పౌర సరఫరాల శాఖ మంత్రి ఎన్.ఉత్తమ్కుమార్ రెడ్డి అన్నారు. ప్రతి లబ్ధిదారుడికి నెలకు 6 కిలోల ఉచిత సన్నబియ్యం కాంగ్రెస్ ప్రభుత్వంలో కొత్తగా 16.32 లక్షల కార్డుల పంపిణీ స్మార్డ్ కార్డుల పంపిణీకి 15న సంగారెడ్డిలో సీఎం శ్రీకారం: ఉత్తమ్ హైదరాబాద్: తెలంగాణలో ఆహార భద్రతకు ఇక ‘స్మార్ట్’ రూపం రానున్నదని పౌర సరఫరాల శాఖ మంత్రి ఎన్.ఉత్తమ్కుమార్ రెడ్డి అన్నారు. రాష్ట్రవ్యాప్తంగా 3.43 కోట్ల మంది లబ్ధిదారులకు సంబంధించిన స్మార్ట్ రేషన్ కార్డుల పంపిణీ ప్రక్రియకు స్వాతంత్య్ర దినోత్సవం రోజున ముఖ్యమంత్రి రేవంత్ రెడ్డి శ్రీకారం చుడుతున్నారని, అదే రోజున 33 జిల్లా కేంద్రాల్లో ఏకకాలంలో పంపిణీ కార్యక్రమాలు నిర్వహిస్తామని తెలిపారు. ఈ ఏర్పాట్లపై మంగళవారం పౌర సరఫరాల శాఖ కమిషనర్ స్టీఫెన్ రవీంద్ర, అడిషనల్ డైరెక్టర్ రోహిత్ సింగ్ తదితర ఉన్నతాధికారులతో మంత్రి సమీక్ష నిర్వహించారు. సంగారెడ్డి జిల్లా కలెక్టర్ ప్రతీక్ జైన్తో ఫోన్లో మాట్లాడి ముఖ్యమంత్రి పర్యటన, బహిరంగ సభ ఏర్పాట్లపై దిశానిర్దేశం చేశారు. రాష్ట్రంలో ప్రస్తుతం 1,06,28,092 ఆహార భద్రత కార్డుల ద్వారా 3.43 కోట్ల మంది లబ్ధిదారులు ఆహార భద్రత పరిధిలో ఉన్నారని ఉత్తమ్ తెలిపారు. ప్రతి లబ్ధిదారుడికి నెలకు ఆరు కిలోల సన్నబియ్యాన్ని ప్రభుత్వం ఉచితంగా అందిస్తోందన్నారు. స్మార్ట్ రేషన్ కార్డుల ప్రవేశంతో ప్రజా పంపిణీ వ్యవస్థలో పారదర్శకత, సామర్థ్యం, లబ్ధిదారులకు సౌలభ్యం మరింత పెరుగుతాయని చెప్పారు. 2025 జనవరి 26 నుంచి ఇప్పటి వరకు 16,32,810 కొత్త ఆహార భద్రత కార్డులు జారీ చేసి, వాటి ద్వారా 61,08,544 మంది లబ్ధిదారులకు ఆహార భద్రత కల్పించామని మంత్రి వెల్లడించారు. రాష్ట్రంలో మొత్తం ఆహార భద్రత కార్డుల సంఖ్య 1.06 కోట్లకు చేరిందన్నారు. వాటి ద్వారా 3.43 కోట్ల మంది ప్రజలకు ఆహార భద్రత కల్పిస్తున్నామని తెలిపారు. రాష్ట్రంలో ఆహార భద్రత కార్యక్రమం ఏ స్థాయిలో