Aug 16 2026 8:13 AM | Updated on Aug 16 2026 8:13 AM
ఫీనిక్స్: అమెరికాలోని ఫీనిక్స్ నగరంలో ఘోర ప్రమాదం తప్పింది. ఒకే విమాన సంఖ్యతో ప్రయాణిస్తున్న రెండు అమెరికన్ ఎయిర్లైన్స్ విమానాలు ఒకదానికొకటి అతి సమీపానికి రాగా, ఎయిర్ ట్రాఫిక్ కంట్రోలర్ అప్రమత్తతతో పెను ప్రమాదం తప్పింది. ఆగస్టు 14వ తేదీ అర్ధరాత్రి దాటిన తర్వాత ఫీనిక్స్ స్కై హార్బర్ అంతర్జాతీయ విమానాశ్రయం గగనతలంలో ఈ ఘటన చోటుచేసుకుంది.
చికాగో నుంచి వస్తున్న ఒక విమానం, ఫీనిక్స్ నుంచి బయలుదేరిన మరో విమానం అనుకోకుండా ఒకే విమాన సంఖ్య ‘అమెరికన్ ఎయిర్లైన్స్ ఫ్లైట్ 2482’తో నడిచాయి. విపరీతమైన వాతావరణ పరిస్థితుల కారణంగా చికాగో వెళ్లాల్సిన విమానం ఆలస్యం కావడంతో, ప్రత్యామ్నాయ విమానాన్ని సంస్థ కేటాయించింది. అయితే, పొరపాటున రెండు విమానాలకు ఒకే నంబరు కేటాయించబడటంతో అవి ఒకే గగనతలంలోకి ప్రవేశించి ఒకదానికొకటి ఎదురుపడే పరిస్థితి ఏర్పడింది.
ఈ ప్రమాదకర పరిస్థితిని గమనించిన ఎయిర్ ట్రాఫిక్ కంట్రోలర్ వెంటనే అప్రమత్తమయ్యారు. రాకపోకలు సాగిస్తున్న ఆ రెండు విమానాలను విడివిడిగా గుర్తించి, వాటి మధ్య తగిన ఎత్తు వ్యత్యాసాన్ని (వెర్టికల్ సెపరేషన్) కాపాడారు. రావలసిన విమానాన్ని ఎత్తులోనే ఉంచాలని, బయలుదేరిన విమానం ఎక్కువ ఎత్తుకు వెళ్లకుండా నియంత్రించాలని ఆదేశాలు జారీ చేశారు. కంట్రోలర్ సమయస్ఫూర్తితో వ్యవహరించడంతో రెండు విమానాలూ సురక్షిత దూరంలో ప్రయాణించడంతో పెద్ద ప్రమాదం తప్పింది. ఇది కూడా చదవండి: జార్ఖండ్లో విద్యార్థుల రణరంగం: 20న సీఎం నివాసం ముట్టడి!
ఆదిలాబాద్ లో సందడి చేసిన ఐశ్వర్య రాజేష్,హెబ్బా పటేల్ (ఫొటోలు)
‘వణక్కం జెన్జీ’.. సీఎంగా విజయ్ ఫస్ట్ ఇండిపెండెన్స్ డే (ఫొటోలు)
హీరోయిన్ పాయల్ రాధాకృష్ణ బర్త్ డే వైబ్స్.. ఫోటోలు
'డార్క్ చాక్లెట్' సినిమా మొదటి పాట లాంచ్ (ఫొటోలు)
బాక్ల్ డ్రెస్లో మైండ్ బాక్ల్ చేస్తున్న కృతిశెట్టి సోషల్ మీడియాలో ఫొటోలు వైరల్
SBI నుంచి మరో కొత్త స్కీం.. మ్యూచువల్ ఫండ్ ఇన్వెస్టర్లకు ఇక పండగే
నిన్ను సూటిగా ఒక్కటే అడుగుతున్నా.. లోకేష్ కు ఇచ్చిపడేసిన మహిళా
మిస్టరీ మర్డర్.. 15 నిమిషాల్లో 27 కత్తిపోట్లు..!
మంత్రి ఇలాకాలో స్వాతంత్య్ర దినోత్సవం రోజు మద్యం సరఫరా
