ప్రస్తుత డిజిటల్ యుగంలో కంటెంట్ ఆధారిత చిత్రాలకు భాషతో సంబంధం లేకుండా ప్రేక్షకాదరణ లభిస్తోంది. ఒకప్పుడు థియేటర్ల వద్ద మాత్రమే తమ ప్రభావాన్ని చూపించగలిగిన చిన్న తరహా చిత్రాలకు ఓటీటీ వేదికలు సరికొత్త జీవం పోస్తున్నాయి. ఈ కోవలోనే వినూత్న కథాంశంతో ప్రేక్షకుల ముందుకు వచ్చిన తెలుగు ఆంథాలజీ ప్రాజెక్ట్ ‘ డార్క్ సీక్రెట్స్ ’ (Dark Secrets) డిజిటల్ ప్రపంచంలో అరుదైన విజయాన్ని నమోదు చేసింది. ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియోలో ఇండియా వ్యాప్తంగా అత్యధిక కొనుగోళ్లు సాధించిన ‘టాప్ 10 పర్చేసెస్’ (Top 10 Purchases in India) విభాగంలో నంబర్ వన్ స్థానాన్ని కైవసం చేసుకుని సంచలనం సృష్టిస్తోంది. ఈ చిత్రం ప్రైమ్ వీడియోలో రెంట్ పద్ధతిలో (రూ.99) అందుబాటులో ఉంది.* రెండు రోజుల్లోనే రూ.100 కోట్ల కలెక్షన్స్... ‘విశ్వనాథ్ అండ్ సన్స్’తో సూర్య సరికొత్త చరిత్రజాతీయ స్థాయిలో విభిన్న భాషా చిత్రాలను అధిగమించి.. అమెజాన్ ప్రైమ్ వేదికపై హిందీ, తమిళ, మలయాళం, కన్నడ, ఇంగ్లీష్ చిత్రాల నుంచి గట్టి పోటీ ఉన్నప్పటికీ, వాటన్నింటినీ వెనక్కినెట్టి ఒక తెలుగు ఆంథాలజీ మూవీ అగ్రస్థానంలో నిలవడం సాధారణ విషయం కాదు. బలమైన కథ, ఆలోచింపజేసే కథనంతో తెరకెక్కిన ఈ చిత్రానికి సోషల్ మీడియాలో కూడా మంచి ప్రచారం లభిస్తోంది. డిజిటల్ వీక్షకుల నుంచి వస్తున్న సానుకూల స్పందనతో ఈ చిత్రానికి భారీగా వ్యూస్ నమోదవుతున్నాయి.* చిరంజీవి చేసిన రూ.10వేల సాయం జీవితంలో మర్చిపోను.. ఆయనకు విలన్గా నటించడమే నా డ్రీమ్‘డార్క్ సీక్రెట్స్’ ప్రధానంగా మనుషుల అంతరంగంలో దాగి ఉండే రహస్యాలు, చెప్పలేని కోరికలు, సంక్లిష్టమైన భావోద్వేగాల చుట్టూ తిరుగుతుంది. "ప్రతి వ్యక్తి అంతరంగంలో బయటపెట్టలేని ఒక రహస్యం ఉంటుంది.. ఒకవేళ ఆ గుట్టు రట్టయితే జీవితాలు ఏ మలుపు తిరుగుతాయి?" అనే ఆసక్తికరమైన అంశాన్ని మూలకథగా తీసుకుని దీన్ని రూపొందించారు. సామాజిక ఒత్తిళ్లు, ఏకాంతం, నిషేధిత అనుబంధాలు, నైతిక హద్దుల మధ్య సాగే సంఘర్షణను విభిన్న కథల ద్వారా ఎంతో వాస్తవికంగా దర్శకుడు తెరపై ఆవిష్కరించారు. ఈ చిత్రానికి అవినాష్ కొకటి దర్శకత్వం వహించారు. వేర్వేరు పాత్రలు, భిన్న పరిస్థితుల్లో సాగే కథలన్నింటినీ ఒకే భావోద్వేగ సూత్రంతో అనుసంధానించడంలో దర్శకుడు తన టాలెంట్ని చూపించారు.. ‘టచ్వుడ్ టేల్స్’ బ్యానర్పై నిర్మాతలు అరుణ్ కుమార్ కొప్పుల, కృష్ణ నాగరం ఈ చిత్రాన్ని నిర్మించారు. వాణిజ్య హంగుల కంటే కథలోని భావోద్వేగాలకు, మానసిక సంఘర్షణకు పెద్దపీట వేసి ఈ చిత్రాన్ని తీర్చిదిద్దారు.ఇందులో అప్సర రాణి , జయశ్రీ, అజిత్ రాధారం, మోహిత్ రెహ్మానియాక్, అరుణ్ కుమార్ కొప్పుల, కృష్ణ నాగరం, నైనిక అనసూయ ప్రధాన పాత్రల్లో నటించి మెప్పించారు. సరైన కంటెంట్ ఉంటే ఓటీటీల్లో ప్రేక్షకులు ఎంతటి ఘనవిజయాన్ని అందిస్తారో ‘డార్క్ సీక్రెట్స్’ మరోసారి రుజువు చేస్తోంది.
