భారీగా పెరగనున్న హ్యుందాయ్ కార్ల ధరలు సెప్టెంబర్ నుంచి ఈ కార్ల ధరలు భారీగా పెంపు క్రెటా, వెన్యూ, ఎక్సెంట్, ఐ20, ఆరా మోడళ్ల ధరలివే Hyundai Car Prices : హ్యుందాయ్ కస్టమర్లకు బిగ్ షాకింగ్ న్యూస్.. హ్యుందాయ్ మోటార్ ఇండియా లిమిటెడ్ మరోసారి కార్లను ధరలను పెంచుతోంది. ఈ నిర్ణయంతో క్రెటా, వెన్యూ, ఎక్సెంట్, i20, ఆరా వంటి అనేక కార్ల ధరలు అమాంతం పెరగనున్నాయి. వ్యయ ఒత్తిళ్లను తగ్గించేందుకు ఈ కొరియన్ ఆటోమొబైల్ కంపెనీ భారతీయ విభాగం ఒక శాతం ధరల పెంపునకు ప్లాన్ వేస్తోంది. ఈ ధరలు వచ్చే సెప్టెంబర్ నెల ప్రారంభంలో అమల్లోకి రానున్నాయి. పూర్తి వివరాలపై ఓసారి లుక్కేయండి.. మోడల్స్, వేరియంట్ బట్టి ధరలు : మోడళ్లు, వేరియంట్లను బట్టి ధరల పెంపు వేర్వేరుగా ఉంటుందని హ్యుందాయ్ స్టాక్ ఎక్స్ఛేంజీలకు సమర్పించిన ఫైలింగ్లో తెలిపింది. పెరుగుతున్న ముడి పదార్థాలు, సరుకుల ధరలు, పెరిగిన నిర్వహణ ఖర్చులు, భౌగోళిక రాజకీయ, స్థూల ఆర్థిక అనిశ్చితులు వంటి కారణాలతో వాహనాల ధరలను పెంచక తప్పడం లేదని కంపెనీ పేర్కొంది. పెరిగిన ఖర్చుల భారాన్ని భరించడంతో పాటు యూజర్లపై ధరల ప్రభావాన్ని తగ్గించేందుకు కంపెనీ అన్ని విధాలా ప్రయత్నిస్తోంది. Read Also : Pova 8 Pro 5G Sale : గేమింగ్ ఫోన్ ఇదిగో.. కొత్త పోవా 8 ప్రో 5జీ ఫస్ట్ సేల్.. ఫ్లిప్కార్ట్లో జస్ట్ ఎంతంటే? ప్రస్తుతం, కంపెనీ పోర్ట్ఫోలియోలో ఎంట్రీ-లెవల్ మోడల్ గ్రాండ్ i10 నియోస్ నుంచి ఎలక్ట్రిక్ ఎస్యూవీ ఐయోనిక్ 5 వరకు ఉన్నాయి. ఈ కార్ల ధరలు సుమారు రూ. 5.6 లక్షల నుంచి రూ. 55.7 లక్షల వరకు ఉన్నాయి. అంతేకాదు.. హ్యుందాయ్ పోర్ట్ఫోలియోలో క్రెటా, క్రెటా ఎలక్ట్రిక్, వెన్యూ, XTRE, i20, వెర్నా, ఆరా అల్కాజార్ వంటి అనేక మోడళ్లు ఉన్నాయి. రెండుసార్లు ధరలు పెంపు : హ్యుందాయ్ ఈ ఏడాది ఇప్పటికే రెండుసార్లు కార్ల ధరలను పెంచింది. సెప్టెంబర్లో రాబోయే కొత్త పెంపు.. ఈ ఏడాదిలో మూడోవది. కంపెనీ గతంలో జనవరి ఒకటో తేదీ నుంచి వాహనాల ధరలను 0.6శాతం పెంచింది. ఆ తర్వాత హ్యుందాయ్ జూన్లో కూడా కార్ల ధరలను రూ. 12,800 వరకు పెంచింది. ఎగుమతుల్లో తగ్గుదల : ప్రస్తుత ఆర్థిక సంవత్సరం మొదటి త్రైమాసికంలో హ్యుందాయ్ కార్ల ఉత్పత్తి అనేది తగినంత లేదు. పశ్చిమ ఆసియాలోని ప్రతికూల వాతావరణం, మోబిస్కు చెందిన ఫ్యాక్టరీలో అగ్నిప్రమాదం వంటి ఘటనలతో ఉత్పత్తి తాత్కాలికంగా నిలిచిపోయింది. దాంతో 2026-27 ఆర్థిక సంవత్సరం మొదటి త్రైమాసికంలో కంపెనీ ఎగుమతులు గతేడాదితో పోలిస్తే దాదాపు 20 శాతం మేర తగ్గాయి.
