అమరావతి, సెప్టెంబర్ 17: ఆంధ్రప్రదేశ్ నిరుద్యోగులకు ఆంధ్రప్రదేశ్ పబ్లిక్ సర్వీస్ కమిషన్ (APPSC) భారీగా ఉద్యోగ అవకాశాలను ప్రకటించింది. 892 పోస్టుల భర్తీకి 20 నోటిఫికేషన్లను విడుదల చేసింది. ఇందులో గ్రూప్ 1 సర్వీసులకు 163 పోస్టులుకాగా.. ఇతర విభాగాలకు 729 పోస్టులు ఉన్నాయి. APPSC అధికారిక వెబ్సైట్లో రిక్రూట్మెంట్ నోటిఫికేషన్లు అందుబాటులోకి వచ్చాయి. ఏపీపీఎస్సీ గ్రూప్ 1 సర్వీసెస్ జాబితాలో కొన్ని పోస్టుల్లో మార్పులు చేశారు. గతంలో జాబితాలో ఉన్న మండల పరిషత్ అభివృద్ధి అధికారి (MPDO) పోస్టును తొలగించారు. అలాగే గతంలో ఉన్న జిల్లా పంచాయతీ అధికారి (DPO) స్థానంలో డివిజనల్ డెవలప్మెంట్ ఆఫీసర్ (DLDO) పోస్టును చేర్చారు. ఇక కొత్తగా గ్రూప్ 1 సర్వీసెస్ జాబితాలో డిప్యూటీ సూపరింటెండెంట్ ఆఫ్ పోలీస్ (DSP) కమ్యూనికేషన్స్, జిల్లా విద్యాధికారి (DEO) పోస్టులను చేర్చారు.
Recommended for you
