సీఎం విజయ్ చివరి సినిమాకు సెన్సార్ క్లియరెన్స్! 'జన నాయగన్ రిలీజ్ ఎప్పుడంటే

అన్నీ అనుకున్నట్లుగా జరిగి ఉంటే దలపతి విజయ్ చివరి చిత్రం 'జన నాయగన్' విడుదలై ఆరు నెలలు అయ్యేది. మొదట ఈ చిత్రాన్ని 2026 సంక్రాంతికి విడుదల చేయాలని ప్రణాళికలు వేసుకున్నారు. అయితే వివిధ కారణాల వల్ల ఈ చిత్రం వాయిదా పడింది. ఇప్పటివరకు చిత్ర బృందం ఇంకా అధికారిక ఈ సినిమా విడుదల తేదీని ప్రకటించలేదు. దీంతో విజయ్ ఫ్యాన్స్ బాగా నిరాశలో ఉన్నారు. దీనికి తోడు ఈ సినిమా గురించి అధికారిక సమాచారం లేకపోవడంతో, సోషల్ మీడియాలో కొత్త పుకార్లు వ్యాపిస్తున్నాయి. ఈ సినిమా గురించి ఇప్పటికే చాలా వార్తలు వచ్చాయి. అంతకుముందు, విజయ్ పుట్టినరోజు సందర్భంగా ఈ సినిమా జూన్‌లో విడుదల అవుతుందని చెప్పారు. అయితే, అలా జరగలేదు. ఇప్పుడు వినిపిస్తున్న తాజా సమాచారం ప్రకారం జన నాయగన్ చిత్రానికి సెన్సార్ పూర్తయిందని వార్తలు వస్తున్నాయి. విజయ్ సినిమాకు సెన్సార్ బోర్డు నుంచి 'ఎ' సర్టిఫికేట్ లభించిందని తెలుస్తోంది. దీంతో ఈ సినిమా జూలై మధ్యలో విడుదల కావచ్చని అంచనా వేస్తున్నారు. కొన్ని నివేదికల ప్రకారం జననాయగన్ చిత్రం ఆగస్టు 7న విడుదలయ్యే అవకాశం ఉందని కూడా చెబుతున్నారు. కాగా ఈ సినిమా పైరసీ ఇప్పటికే సోషల్ మీడియాలో లీక్ అయ్యింది. దీంతో వీలైనంత త్వరగా ఈ సినిమాను రిలీజ్ చేయాలని నిర్మాతలు భావిస్తున్నారు. అయితే ఈ వార్తలకు చిత్ర బృందం నుంచి ఎలాంటి అధికారిక ధ్రువీకరణ లభించలేదు. ఈ చిత్రం జూన్‌లో విడుదలవుతుందన్న మునుపటి వార్తలు కూడా అవాస్తవమే. ఈ గందరగోళాన్ని తొలగించేందుకు, నిర్మాణ సంస్థ కేవీఎన్ ప్రొడక్షన్స్ త్వరలోనే అధికారిక తేదీని ప్రకటించే అవకాశం ఉంది. హెచ్. వినోద్ తెరకెక్కించిన ఈ సినిమాలో పూజా హెగ్డే, బాబీ డియోల్, మమితా బైజు, ప్రకాష్ రాజ్ ప్రధాన పాత్రల్లో నటించారు. అనిరుధ్ రవిచందర్ ఈ చిత్రానికి సంగీతం అందించారు. #ThalapathyVijay's first "A" Certified film was #Bagavathi