మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Gold Rate Today: బంగారం, వెండి ధరలు భారీ దిద్దుబాటు చర్యకు గురవుతున్నాయని. ఫలితంగా భారీగా తగ్గుతున్నాయని. ఇరాన్ అమెరికా శాంతి ఒప్పందంతోపాటు డాలర్ విలువ నిరంతరం పెరగడం వంటి పరిస్థితుల మధ్య ఈ విలువైన లోహాల్లో తగ్గుదల చోటుచేసుకుంది. అంతేకాకుండా, ఫెడరల్ రిజర్వ్ వడ్డీ రేట్లను పెంచుతుందనే అంచనాలు పెరగడంతో, సురక్షిత ఆస్తులుగా భావించే బంగారం, వెండి ధరలు తీవ్రంగా పడిపోయాయి. కమోడిటీ మార్కెట్లో.. అక్టోబర్ 5వ తేదీకి సంబంధించిన గోల్డ్ ఫ్యూచర్స్ రూ. 5,900 కంటే ఎక్కువ (3.85%) తగ్గి, 10 గ్రాములకు రూ. 1,44,380కి చేరాయి. సెప్టెంబర్ 4వ తేదీకి సంబంధించిన సిల్వర్ ఫ్యూచర్స్ రూ. 10,231 (4.43%) తగ్గి, కిలోకు రూ. 2,20,566 వద్ద ట్రేడవుతున్నాయి. హైదరాబాద్ బులియన్ మార్కెట్లో 10 గ్రాముల బంగారం ధర రూ. 5000 తగ్గి రూ. 1,44,100కు చేరుకుంది. కిలో వెండి ధర రూ. 13,000 తగ్గి రూ. 2,22,000 వద్ద ట్రేడ్ అవుతోంది. కమోడిటీ మార్కెట్లో వచ్చిన భారీ క్షీణత కారణంగా 24 క్యారెట్ల బంగారం ధర కూడా బులియన్ మార్కెట్పై ప్రభావం చూపింది. 10 గ్రాముల 24K బంగారం ధర సుమారుగా రూ. 2,900 మేర తగ్గి రూ. 1.42 లక్షలకు చేరింది. 10 గ్రాముల 22 క్యారెట్ల బంగారం ధర రూ. 1.30 లక్షలు కాగా, 18 క్యారెట్ల బంగారం ధర రూ. 1.06 లక్షలుగా ఉంది. అదేవిధంగా.. వెండి ధర కూడా భారీగా పడిపోయింది. బులియన్ మార్కెట్లో కిలో వెండి ధర నిన్నటితో పోలిస్తే రూ. 5,500 మేర తగ్గి, కిలోకు రూ. 2.22 లక్షలకు చేరింది
