తల్లి కాబోతోందని కన్ఫర్మ్ చేసిన చిరంజీవి

సమంత (Samantha) గర్భవతి అన్న వార్తని తెలుగుసినిమా.కామ్ సహా అన్ని మీడియా సంస్థలు ప్రముఖంగా ప్రచురించాయి. ఆమె బేబీ బంప్ తో కూడిన వీడియోని కూడా పబ్లిష్ చేశాం. ఐతే సమంత నుంచి కన్ఫర్మేషన్ రాలేదు. దాంతో కొందరిలో డౌట్ ఉంది. ఇప్పుడు అలాంటి డౌట్స్ లేకుండా చిరంజీవి క్లారిటీ ఇచ్చారు. నిన్న సమంత, ఆమె భర్త రాజ్ నిడిమోరు, దర్శకురాలు నందిని రెడ్డి కలిసి చిరంజీవిని కలిశారు. “మా ఇంటి బంగారం” సినిమా విజయంపై వారిని అభినందించిన చిరంజీవి, సమంత-రాజ్ దంపతులకు తల్లిదండ్రులు కాబోతున్న సందర్భంగా కూడా శుభాకాంక్షలు తెలిపినట్లు సమాచారం. ఈ సందర్భంగా చిరంజీవి, సురేఖ దంపతులు సమంతకు చీరను బహుకరించి ఆశీర్వదించారు. తాజాగా చిరంజీవి సోషల్ మీడియాలో “మా ఇంటి బంగారం” చిత్రంపై స్పందించారు. మహిళా ప్రధాన చిత్రాలు విజయం సాధించడం ఎంతో అవసరమని పేర్కొంటూ చిత్రబృందాన్ని అభినందించారు. ఇదీ చదవండి: మాతృత్వంపై, పిల్లలపై సమంత అభిప్రాయం ఇదే! అదే పోస్టులో “అలాగే జీవితంలో కొత్త అధ్యాయాన్ని ఆహ్వానిస్తున్న సమంత & రాజ్ దంపతులకు ప్రత్యేక శుభాకాంక్షలు” అని రాశారు. ఇప్పుడు చిరంజీవి స్వయంగా సమంత-రాజ్ దంపతులకు కొత్త జీవితానికి శుభాకాంక్షలు తెలపడంతో, ఆమె గర్భవతి అన్న వార్తలకు ధృవీకరణ లభించినట్టే