ఇండిపెండెంట్ సినిమా ప్రపంచంలో సరికొత్త సంచలనం సృష్టించిన నేపాలీ అవార్డ్ విన్నింగ్ డ్రామా 'శక్తి' ఇప్పుడు ప్రపంచవ్యాప్త ఉచిత స్ట్రీమింగ్కు సిద్ధమైంది. నేపాల్ రాజధాని కాఠమాండు నేపథ్యంలో తెరకెక్కిన ఈ చిత్రం ప్రేక్షకులను ఒక అద్భుతమైన భావోద్వేగ పయనంలోకి తీసుకెళ్తుంది. ఈ కథలో ఒక సింగిల్ మదర్ తన చిన్న కూతురితో కలిసి జీవిస్తూ ఉంటుంది. అయితే ఆ చిన్న కూతురు ఆకస్మికంగా విచిత్రమైన ప్రవర్తన చూపించడంతో ఆమె జీవితం పూర్తిగా మారిపోతుంది. దీంతో ఆ తల్లి ఎదుర్కొన్న సవాళ్లు, ఆ కుటుంబంలో వచ్చిన మార్పుల చుట్టూ కథ ఆసక్తికరంగా సాగుతుంది. ఈ చిత్రం వైద్యం, ఆధ్యాత్మికత, సామాజిక అన్యాయాల మధ్య పయనించి, ట్రామా, హీలింగ్, జస్టిస్ అనే కీలకమైన అంశాలను తీవ్రంగా ప్రశ్నిస్తుంది. ఈ అద్భుతమైన చిత్రం ఇప్పుడు ఉచిత స్ట్రీమింగ్ ద్వారా మరింత విస్తృత ప్రేక్షకులను చేరుకోబోతోంది. బఫలో 8 డిస్ట్రిబ్యూషన్ ద్వారా జూన్ 26 నుంచి ట్యూబి, ప్లెక్స్, ఫావ్సమ్ ప్లాట్ఫామ్లలో ఈ సినిమా ఉచితంగా అందుబాటులో ఉండనుంది. ఫలితంగా ప్రపంచవ్యాప్తంగా ఉన్న సినిమా ప్రియులు ఈ చిత్రాన్ని ఎలాంటి సబ్స్క్రిప్షన్ లేకుండా ఉచితంగా వీక్షించవచ్చు. అదనపు ఓటీటీ ప్లాట్ఫామ్ల వివరాలను డిస్ట్రిబ్యూటర్లు త్వరలోనే ప్రకటించనున్నారు. ఇంతకుముందు మే 22న అమెజాన్ ప్రైమ్ వీడియోలో యూఎస్, యూకే దేశాలలో ఈ చిత్రం డిజిల్ రిలీజ్ అయి మంచి ఆదరణ పొందింది. ఇప్పుడు ఫ్రీ స్ట్రీమింగ్ ద్వారా మరిన్ని రికార్డులను సృష్టించేందుకు ఈ మూవీ సిద్ధమైంది. ఈ చిత్రానికి నాని సహ్రా వాకర్ దర్శకత్వం వహించారు. కాగా దర్శకురాలిగా ఆమెకు ఇది న్యారేటివ్ డెబ్యూ కావడం విశేషం. కాఠమాండులోనే జన్మించి పెరిగిన వాకర్, ఇంతకుముందు ఆస్కార్ విన్నింగ్ డాక్యుమెంటరీ "ది లాస్ట్ రిపేర్ షాప్"కు ఎగ్జిక్యూటివ్ ప్రొడ్యూసర్గా పనిచేసి గుర్తింపు తెచ్చుకున్నారు. ఈ నేపథ్యంలో ఆమె తెరకెక్కించిన 'శక్తి' చిత్రంపై భారీ అంచనాలు నమోదయ్యాయి. ఈ చిత్ర కాస్ట్లో లక్ష్మి బర్దేవా