స్టార్ హీరోయిన్ సమంత ప్రస్తుతం తన కెరీర్, వ్యక్తిగత జీవితంలో అత్యంత సంతోషకరమైన క్షణాలను ఆస్వాదిస్తున్నారు. స్టార్ హీరోయిన్ సమంత (Samantha) ప్రస్తుతం తన కెరీర్, వ్యక్తిగత జీవితంలో అత్యంత సంతోషకరమైన క్షణాలను ఆస్వాదిస్తున్నారు. నందినీ రెడ్డి (Nandini Reddy) దర్శకత్వంలో తెరకెక్కిన ఆమె తాజా చిత్రం మా ఇంటి బంగారం (Maa Inti Bangaaram) బాక్సాఫీస్ వద్ద రికార్డు కలెక్షన్లతో దూసుకుపోతోంది. సమంత, రాజ్ నిడిమోరు (Raj Nidimoru), హిమాంక్ రెడ్డి సంయుక్తంగా నిర్మించిన ఈ సినిమా ఇప్పటికే రూ.50 కోట్లకు పైగా వసూళ్లు రాబట్టి సూపర్ హిట్గా దూసుకెళ్తుంది. దీనికి తోడు ఆమె త్వరలోనే తల్లి కాబోతున్నట్లు ఇటీవల అధికారికంగా ప్రకటించడం అభిమానుల్లో ఉత్సాహాన్ని నింపింది. ఒకవైపు సినిమా భారీ విజయం సాధించడం, మరోవైపు మాతృత్వపు మాధుర్యాన్ని ఆస్వాదించబోతుండటంతో ఆమె డబుల్ ఖుషీలో ఉన్నారు. అయితే, ఈ సంతోష సమయంలో సోషల్ మీడియాలో జరుగుతున్న ఓ చర్చ హాట్ టాపిక్గా మారింది. సమంత పరోక్షంగా అక్కినేని నాగచైతన్య (Naga Chaitanya) భార్య, నటి శోభిత ధూళిపాళ్ల (Sobhita Dhulipala) కు గట్టి కౌంటర్ ఇచ్చారంటూ నెటిజన్లు కొన్ని వీడియో క్లిప్స్ను నెట్టింట తెగ వైరల్ చేస్తున్నారు. ఇటీవల జరిగిన 'మా ఇంటి బంగారం' సక్సెస్ మీట్లో రిలేషన్షిప్స్ గురించి సమంత చేసిన వ్యాఖ్యలే ఈ రచ్చకు ప్రధాన కారణం. మన జీవితాలను ఇంకొకరు కంట్రోల్ చేసే అవకాశం ఇవ్వకూడదని ఆమె గట్టిగా స్పష్టం చేశారు. మనం మనంగానే సంపూర్ణంగా ఉండాలని, ఇంకొకరు వచ్చి మన జీవితాన్ని కంప్లీట్ చేస్తారని ఎప్పుడూ ఆశించకూడదని ఆమె తన అభిప్రాయాన్ని కుండబద్దలు కొట్టినట్లు వెల్లడించారు. పైకి చూస్తే ఇవి చాలా సాధారణమైన మాటల్లాగే అనిపిస్తాయి, కానీ వాటి వెనుక ఓ బలమైన అంతరార్థం దాగి ఉందని విశ్లేషకులు భావిస్తున్నారు. ఈ వ్యాఖ్యలను నాగచైతన్య, శోభిత ధూళిపాళ్ల వివాహ సమయంలో విడుదల చేసిన ఓ వీడియోతో ముడిపెడుతూ