తమిళనాడు ముఖ్యమంత్రిగా బాధ్యతలు చేపట్టిన జోసఫ్ విజయ్, పూర్తిస్థాయి రాజకీయాల్లోకి వెళ్లడానికి ముందు నటించిన చివరి చిత్రం 'జననాయగన్' విడుదలకు సంబంధించి కీలక అప్డేట్ వెలువడింది. ఎన్నో వాయిదాల అనంతరం, ఈ పొలిటికల్ యాక్షన్ థ్రిల్లర్ను జూన్ 26న థియేటర్లలోకి తీసుకురావాలని చిత్ర యూనిట్ సన్నాహాలు చేస్తోంది. అయితే, సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) నుంచి తుది అనుమతి లభించడంపైనే ఈ సినిమా విడుదల ఆధారపడి ఉంది.తాజా సమాచారం ప్రకారం, జూన్ 19 నాటికి సెన్సార్ సర్టిఫికేట్ వస్తుందని చిత్రబృందం ఆశాభావం వ్యక్తం చేస్తోంది. ఎటువంటి ఆటంకాలు లేకుండా సర్టిఫికేషన్ ప్రక్రియ పూర్తయితే, జూన్ 26న సినిమా విడుదల ఖాయమని తెలుస్తోంది. ఒకవేళ జూన్ 22 నాటికి అనుమతులు లభించకపోతే, డిస్ట్రిబ్యూటర్ల నుంచి తీసుకున్న అడ్వాన్సులను తిరిగి చెల్లించేందుకు నిర్మాతలు సిద్ధంగా ఉన్నట్లు సమాచారం. ఈ పరిస్థితి తలెత్తితే తన పారితోషికాన్ని సైతం వెనక్కి ఇచ్చేందుకు విజయ్ ముందుకొచ్చినట్లు తెలుస్తోంది.హెచ్. వినోద్ దర్శకత్వం వహించిన ఈ చిత్రాన్ని కేవీఎన్ ప్రొడక్షన్స్ నిర్మించింది. పూజా హెగ్డే, మమిత బైజు, బాబీ డియోల్ కీలక పాత్రలు పోషించగా, అనిరుధ్ రవిచందర్ సంగీతం అందించారు. వాస్తవానికి ఈ సినిమాను ఈ ఏడాది సంక్రాంతి కానుకగా జనవరి 9న విడుదల చేయాలని భావించారు. అయితే, 2025 డిసెంబర్లో సెన్సార్కు వెళ్లినప్పటి నుంచి ఈ చిత్రానికి అనేక అడ్డంకులు ఎదురయ్యాయి. ఫిర్యాదులు, రివైజింగ్ కమిటీ సమీక్షలు, మద్రాస్ హైకోర్టు మరియు సుప్రీంకోర్టులలో న్యాయపోరాటాలు, ఏప్రిల్లో సినిమా ఆన్లైన్లో లీక్ అవ్వడం వంటి