గత కొన్ని వారాలుగా ఆదివారం విత్ స్టార్ మా పరివారం అనే షోలో సీరియల్స్కి సంబంధించిన ఆర్టిస్టులు సందడి చేస్తున్నారు. వంద రోజుల ఎపిసోడ్ తర్వాత పొదరిల్లు టీం ఈ షోకి వచ్చి సందడి చేసింది. ఆ తరువాత కార్తీకదీపం టీం అంతా వచ్చి షోతో అందరినీ ఎంటర్టైన్ చేశారు. ఇక ఇప్పుడు గుండెనిండా గుడిగంటలు టీం వచ్చింది. ఈ ఆదివారం శ్రీముఖి ఈ టీంతోనే అందరికీ ఎంటర్టైన్ పంచనుంది. ఇక బాలు వస్తే శ్రీముఖి చేసే యాక్షన్, ఓవర్ యాక్షన్ ఎలా ఉంటుందో తెలిసిందే. ఈ ఎపిసోడ్కి సంబంధించిన ప్రోమోని తాజాగా వదిలారు.ఇక ఇందులో గుండెనిండా గుడిగంటలు టీం నుంచి ప్రభావతి, సత్యం, మనోజ్, శ్రుతి, రవి, బాలు, మీనా, సుమతి ఇలా అందరూ వచ్చారు. ఇక ప్రభావతిని మనం సీరియల్లో చీరకట్టులోనే చూస్తూ ఉంటాం. ఈ షోకి మాత్రం పంజాబీ డ్రెస్సులో కనిపించారు. మిమ్మల్ని చీరలో చూస్తుంటాం.. ఇక్కడ ఇలా కనిపించే సరికి మాకు అక్కలా ఉన్నారు అని శ్రీముఖి అంటుంది. దీంతో ప్రభావతి మురిసిపోతుంది. ఓ థాంక్స్ అని నవ్వేస్తుంది. ఓటీటీలోనూ, స్మాల్ స్క్రీన్లోనూ మీ సీరియల్ దూసుకుపోతోంది.. మీకు ఎలా అనిపిస్తోంది అని సత్యంను అడుగుతుంది శ్రీముఖి.చాలా ఆనందంగా ఉందమ్మా అని సత్యం అంటాడు. ఇక మీరు తమిళ్లోనూ, తెలుగులోనూ ఒకే పాత్రను పోషిస్తున్నారు.. మీకు ఏ భాషలో నటిస్తుండటం ఇష్టంగా ఉంది అని ప్రభావతిని ఇరుకున పెడుతుంది శ్రీముఖి. రెండు కళ్లలో ఏది ముఖ్యం అంటే ఏం చెప్తాం అని ప్రభావతి కవర్ చేస్తుంది. ఇక నా బాలు ఎక్కడ అని శ్రీముఖి అందరినీ అడుగుతుంటుంది. బాలు, మీనా కలిసి జంటగా వచ్చి స్టెప్పులు వేస్తారు. సూసేకీ అంటూ ఇద్దరూ స్టెప్పులు వేస్తూ రొమాన్స్ చేస్తుంటే.. శ్రీముఖి మాత్రం కడుపు మండుతున్నట్టుగా చూస్తుంది.నీకు మీనా కావాలా? నేను కావాలా? మీనానా? నేనా? అని బాలుని శ్రీముఖి అడుగుతుంది
