మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. Silver Price: భవిష్యత్తులో బంగారం ధరలు భారీగా పడిపోయే అవకాశాలు ఉన్నప్పటికీ.. వెండి ధరలు మాత్రం రాకెట్ వేగంతో దూసుకుపోయే ఛాన్స్ ఉందంటున్నారు విశ్లేషకులు. ఆధునిక పరిశ్రమల వల్ల వెండికి డిమాండ్ వేగంగా పెరుగుతుంది. అదే సమయంలో వెండికి ఉన్న బలమైన డిమాండ్ దాని ధర మరింత పెరిగేందుకు దారితీసే అవకాశం ఉందని నిపుణులు అంటున్నారు. ప్రస్తుతం వెండి తన రికార్డ్ గరిష్ట స్థాయి కంటే 44 శాతం తక్కువ ధరకు ట్రేడ్ అవుతుంది. పశ్చిమాసియాలో యుద్ధ వాతావరణం సద్దుమణిగింది. దీంతో బంగారం, వెండి ధరలు భారీగా పెరిగాయి. శుక్రవారం నాడు ఎంసీఎక్స్ లో వెండి ధరలు కిలో రూ. 6000 పైగా అంటే 2.63 శాతం పెరిగింది. దీంతో కిలో వెండి ధర 2,50లక్షలకు చేరుకుంది. ఈ పెరుగుదల నేపథ్యంలో మార్కెట్ నిపుణులు ఒక ముఖ్యమైన సమాచారాన్ని పంచుకున్నారు. సరఫరా పరిమితులు, సౌరశక్తి, ఎలక్ట్రిక్ వాహనాల నుండి ఏఐ, డేటా సెంటర్ వరకు ఉన్న రంగాల నుండి పెరుగుతున్న డిమాండ్ కారణంగా దీర్ఘ కాలంలో వెండి ధరలు భారీగా పెరిగే అవకాశం ఉందని విశ్లేషకులు భావిస్తున్నారు. ప్రస్తుతం ప్రపంచ వెండి ధర ఔన్స్ కు 64.50 నుంచి 65 డాలర్ల మధ్య ట్రేడ్ అవుతోంది. జనవరిలో గరిష్ట స్థాయి నుండి ధరలు తీవ్ర తగ్గుదల కనిపించినప్పటికీ ఈ మధ్యకాలంలో భారీ పెరుగుదల ఉంటుందని చాలామంది విశ్లేషకులు అంచనా వేస్తున్నారు. ఈ ఏడాది 2026 జనవరి చివరి నాటికి ప్రపంచవ్యాప్తంగా వెండి ధరలు ఔన్స్ కు ఒక 1 21.64 ఎంసీఎక్స్ లో కిలో రూ. 4. 20లక్షల వరకు రికార్డ్ స్థాయి చేరుకున్నాయి