ఆంధ్రప్రదేశ్ రాజకీయాల్లో తీవ్ర కలకలం రేపుతున్న విజయవాడ కృష్ణలంక గాదె సాయికృష్ణ అదృశ్యం కేసు ఇప్పుడు సరికొత్త మలుపు తిరిగింది. ఈ కేసులో కస్టడీ మరణం, సాక్ష్యాల తారుమారు వంటి ఆరోపణలు రావడంతో తీవ్ర ఉత్కంఠ నెలకొంది. ఈ నేపథ్యంలో ఏపీ డిప్యూటీ సీఎం పవన్ కళ్యాణ్ కాకినాడలో నిర్వహించిన ‘మన ఊరు మాటామంత్రి’ కార్యక్రమంలో కీలక వ్యాఖ్యలు చేశారు. 25 ఏళ్ల సాయికృష్ణ తల్లి తన కొడుకు కోసం కోర్టును ఆశ్రయించడం ఆమె ప్రాథమిక హక్కు అని పవన్ కళ్యాణ్ స్పష్టం చేశారు. నేరస్తులకు కులం అంటగట్టి రాజకీయ లాభాల కోసం వాడుకోవద్దని డిప్యూటీ సీఎం పవన్ కళ్యాణ్ తీవ్రంగా హెచ్చరించారు. రాజ్యాంగం, చట్టం అనేవి నేరస్తుల కులాన్ని చూడవని, వారు చేసిన తప్పులను మాత్రమే పరిగణనలోకి తీసుకుంటాయని ఆయన స్పష్టం చేశారు. నేరస్తులను కులం పేరుతో వెనకేసుకురావడం సరికాదని, అలాంటి నీచులను ఆదరించడం సదరు వ్యక్తుల స్వభావాన్ని తెలియజేస్తుందని విమర్శించారు. యువత కూడా నేరస్తులను కులం కోణంలో చూడవద్దని ఈ సందర్భంగా ఆయన హితవు పలికారు. గత వైఎస్ఆర్సీపీ ప్రభుత్వ పాలనలో సుగాలి కేసులో సాక్ష్యాలను పూర్తిగా ధ్వంసం చేశారని పవన్ కళ్యాణ్ ఈ సందర్భంగా ఆరోపించారు. ఈ కేసు నేపథ్యాన్ని పరిశీలిస్తే, కృష్ణలంకకు చెందిన సాయికృష్ణపై గతంలో కొన్ని కేసులు నమోదయ్యాయి. మే 9, 2026న మార్కాపురం నుంచి పోలీసులు అతన్ని అక్రమంగా నిర్బంధించి కృష్ణలంక స్టేషన్కు తెచ్చారని కుటుంబ సభ్యులు ఆరోపించారు. ఆ తర్వాత సాయికృష్ణ అదృశ్యం కావడంతో అతని తల్లి విజయలక్ష్మి పోలీసులకు ఫిర్యాదు చేశారు. పోలీస్ కస్టడీలోనే సాయికృష్ణను కొట్టి చంపి, మృతదేహాన్ని మాయం చేశారని కుటుంబ సభ్యులు తీవ్రంగా ఆరోపిస్తున్నారు. ఈ ఘటనలో కృష్ణలంక సీఐ నాగరాజు ప్రధాన పాత్ర పోషించారని బాధితులు కోర్టును ఆశ్రయించారు. సాయికృష్ణ కుటుంబం హైకోర్టులో హేబియస్ కార్పస్ పిటిషన్ దాఖలు చేయడంతో ప్రభుత్వం స్పందించింది. దీంతో సీఐ నాగరాజును