భారతీయ చలనచిత్ర పరిశ్రమలో సూపర్స్టార్ రజనీకాంత్ నటిస్తున్న ప్రతిష్టాత్మక 173వ చిత్రం చుట్టూ గత కొద్దిరోజులుగా నెలకొన్న సస్పెన్స్కు ఎట్టకేలకు తెరపడింది. ఈ ప్రాజెక్ట్కు సంబంధించి ఇండస్ట్రీ వర్గాల్లో ఎన్నో ఊహాగానాలు నడిచాయి. మొదట ఈ భారీ యాక్షన్ చిత్రాన్ని సీనియర్ దర్శకుడు సుందర్ సి తెరకెక్కిస్తారని అధికారికంగా ప్రకటించారు. అయితే కొన్ని అనుకోని సాంకేతిక కారణాల వల్ల ఆయన ఈ ప్రాజెక్ట్ నుండి అనూహ్యంగా వైదొలిగారు. దాంతో రజనీకాంత్ను డైరెక్ట్ చేసే లక్కీ ఛాన్స్ ఎవరికి దక్కుతుందనే దానిపై కోలీవుడ్లో పెద్ద చర్చే నడిచింది. ఎందరో టాప్ దర్శకుల పేర్లు పరిశీలనలోకి వచ్చినప్పటికీ, చివరికి ఆ మెగా ఆఫర్ యంగ్ అండ్ టాలెంటెడ్ ఫిల్మ్మేకర్ అశ్వత్ మారిముత్తును వరించింది. ‘ధర్మన్: ది డెడ్లీ డాక్టర్’.. అదిరిపోయిన ఫస్ట్లుక్!ఈ మోస్ట్ అవేటెడ్ కాంబినేషన్ను కన్ఫామ్ చేస్తూ మేకర్స్ తాజాగా ఈ చిత్రానికి ‘ధర్మన్: ది డెడ్లీ డాక్టర్’ అనే పవర్ఫుల్ టైటిల్ను ఖరారు చేశారు. టైటిల్తో పాటు విడుదల చేసిన ఫస్ట్ లుక్ పోస్టర్ ప్రస్తుతం సోషల్ మీడియాను షేక్ చేస్తోంది. ఇందులో రజనీకాంత్ మునుపెన్నడూ చూడని విధంగా ఒక పవర్ఫుల్ డాక్టర్ గెటప్లో దర్శనమిచ్చారు. చేతిలో సర్జికల్ బ్లేడ్స్ పట్టుకుని, కళ్లల్లో రౌద్రం కనిపిస్తుండగా ఆయన ఇచ్చిన మాస్ పోజ్ సినిమాపై అంచనాలను ఒక్కసారిగా ఆకాశానికి తీసుకెళ్లింది. ఈ క్రేజీ ప్రాజెక్ట్ను రాజ్ కమల్ ఫిలిం ఇంటర్నేషనల్ బ్యానర్పై లోక నాయకుడు కమల్ హాసన్ , ఆర్. మహేంద్రన్ సంయుక్తంగా నిర్మిస్తున్నారు. రాక్స్టార్ అనిరుధ్ రవిచందర్ ఈ చిత్రానికి సంగీతాన్ని అందిస్తున్నారు. రజనీకాంత్ సరసన సీనియర్ బ్యూటీ సిమ్రాన్ నటిస్తుండగా, మరో కీలక పాత్రలో యంగ్ హీరోయిన్ రాశి ఖన్నా, అలాగే కామెడీ స్టార్ యోగి బాబు ముఖ్య పాత్రలు పోషిస్తున్నారు.* అప్పట్లోనే ప్రైవేట్ జెట్, కార్గో షిప్స్.. సీనియర్ నటి కేఆర్ విజయ లగ్జరీ లైఫ్ తెలిస్తే షాకవ్వాల్సిందే! ‘జైలర్ 2’