తమిళ సినిమా పరిశ్రమలో మరో భారీ వివాదం రేగింది. నేషనల్ అవార్డు గెలుచుకున్న ప్రముఖ మహిళా దర్శకురాలు సుధా కొంగర మద్రాస్ హైకోర్టును ఆశ్రయించారు. తాను దర్శకత్వం వహించిన పరాశక్తి సినిమాకు సంబంధించిన రెమ్యూనరేషన్ బకాయిలను చెల్లించాలంటూ ఆమె ఉత్పత్తి సంస్థ డాన్ పిక్చర్స్పై న్యాయపోరాటానికి దిగారు. ఈ నేపథ్యంలో కోర్టు కీలక ఇంటరిమ్ ఆదేశాలను జారీ చేసింది. పరాశక్తి సినిమా సాటిలైట్ విడుదలను జూలై 8 వరకు నిలిపివేస్తూ హైకోర్టు స్టే విధించింది. దీంతో కోలీవుడ్లో ఈ వ్యవహారం తీవ్ర ఉత్కంఠ రేపుతోంది. శివకార్తికేయన్ కథానాయకుడిగా సుధా కొంగర దర్శకత్వంలో వచ్చిన రాజకీయ యాక్షన్ డ్రామా పరాశక్తి. ఈ చిత్రం 2026 జనవరి పొంగల్ కానుకగా విడుదలై మిశ్రమ స్పందన తెచ్చుకుంది. డాన్ పిక్చర్స్ అధినేత ఆకాష్ బాస్కరన్ ఈ సినిమాను నిర్మించారు. ఒప్పందం ప్రకారం సుధా కొంగరకు జీఎస్టీతో కలిపి మొత్తం 17.70 కోట్ల రూపాయల పారితోషికం ఇవ్వాల్సి ఉంది. ఇప్పటివరకు 9.31 కోట్ల రూపాయలు మాత్రమే చెల్లించారని సుధా తరపు న్యాయవాదులు కోర్టుకు వివరించారు. మిగిలిన 8.39 కోట్ల రూపాయల బకాయిలను ఇవ్వకుండా వేధిస్తున్నారని పేర్కొన్నారు. సినిమా థియేటర్లలో విజయవంతంగా ప్రదర్శితమై భారీ వసూళ్లు సాధించినా తన డబ్బులు ఇవ్వలేదని సుధా కొంగర ఆరోపించారు. ఉత్పత్తి సంస్థ ఈ సినిమా ద్వారా దాదాపు 100 కోట్ల రూపాయలు వసూలు చేసినట్లు అధికారికంగా ప్రకటించిందని ఆమె గుర్తు చేశారు. సినిమాకు సంబంధించిన ఇంటలెక్చువల్ ప్రాపర్టీ హక్కులను బదలాయించినప్పటికీ ఒప్పందం ప్రకారం ఇవ్వాల్సిన డబ్బులు ఇవ్వలేదని ఆమె పిటిషన్లో పేర్కొన్నారు. ఆర్బిట్రేషన్ అండ్ కన్సిలియేషన్ చట్టం కింద తనకు తక్షణమే న్యాయం చేయాలని ఆమె కోర్టును కోరారు. ఇదిలా ఉండగా డాన్ పిక్చర్స్ నిర్మిస్తున్న తదుపరి చిత్రం ఇదయం మురళి విడుదలను కూడా ఆపాలని సుధా కోరారు. ఈ చిత్రానికి ఆకాష్ బాస్కరన్ స్వయంగా దర్శకత్వం వహిస్తుండగా అథర్వా మురళి, ఫహాద్ ఫాసిల్