సినీ ప్రియులను అలరించేందుకు మరో సరికొత్త వారం వచ్చేసింది. ప్రతి క్షణం ఉత్కంఠ రేకెత్తించే యాక్షన్, క్రైమ్, డ్రామా ఎంటర్టైనర్లతో డిజిటల్ ప్లాట్ఫారమ్లు సందడి చేయనున్నాయి. విభిన్నమైన కథాంశాలతో ప్రేక్షకులను మెప్పించడానికి ప్రముఖ ఓటీటీ సంస్థలు సరికొత్త కంటెంట్ను సిద్ధం చేశాయి. ఈ వారం డిజిటల్ స్క్రీన్పై అలరించబోయే ఆ విశేషాలు మీకోసం...‘అవతార్: ఫైర్ అండ్ యాష్’ప్రపంచవ్యాప్తంగా అశేష ఆదరణ పొందిన అవతార్ ఫ్రాంచైజీ నుండి వస్తున్న మూడో భాగమే ‘అవతార్: ఫైర్ అండ్ యాష్’. రెండో భాగంలోని విషాదకర సంఘటనల తర్వాత జేక్ సల్లీ తన కుటుంబంతో కలిసి పండోరా గ్రహంలో నివసిస్తుంటాడు. అయితే, సల్లీపై ప్రతీకారం తీర్చుకునేందుకు కల్నల్ మళ్లీ నావీ తెగ రూపంలో జీవం పోసుకుంటాడు. దీనికోసం అతడు అగ్ని తెగ నాయకురాలైన వరంగ్తో జతకడతాడు. ఈ ఇద్దరు శత్రువులు కలిసి సల్లీ కుటుంబాన్ని ఎలా దెబ్బతీశారు, పండోరా గ్రహంపై ఈ ఘర్షణ ఎలాంటి ప్రభావం చూపింది అనే ఉత్కంఠభరిత కథనంతో ఈ చిత్రం విజువల్ వండర్గా రాబోతోంది. ఈ సినిమా బుధవారం నుండి జియో హాట్స్టార్లో వీక్షకులకు అందుబాటులోకి రానుంది. ఆకట్టుకునే యాక్షన్ డ్రామా ‘బ్లాస్ట్’కరాటే నేపథ్యంతో కూడిన ఒక కుటుంబ పోరాటం చుట్టూ తిరిగే ఆసక్తికరమైన చిత్రం ‘బ్లాస్ట్’. నీల అనే యువతి, ఆమె తల్లిదండ్రులు ముగ్గురూ కరాటే మాస్టర్లు. సమాజంలో ఎక్కడ అన్యాయం జరిగినా ఎదుటివారితో సంబంధం లేకుండా కాపాడటమే పరమావధిగా నీల జీవిస్తుంటుంది. ఒక మెడికల్ షాప్ నడిపే నీల, ఒకరోజు కృపాకర్ గ్యాంగ్కు చెందిన రౌడీని ఎదిరించి పోలీసులకు పట్టిస్తుంది. ఈ క్రమంలో మోస్ట్ వాంటెడ్ క్రిమినల్ అబ్రహంతో పాటు ఆ ముఠా అంతా నీల కుటుంబాన్ని టార్గెట్ చేస్తుంది. అసలు ఈ క్రిమినల్స్ నీల ఫ్యామిలీని ఎందుకు అంతం చేయాలనుకున్నారు? మైనింగ్ ప్రాజెక్టుకు వీరికి ఉన్న లింక్ ఏంటి? అనే అంశాలతో ఈ యాక్షన్ క్రైమ్ డ్రామా సాగుతుంది. అర్జున్, ప్రీతి