పండుగకుస్పెషల్స్వీట్ కావాలా?.. ఈ సేమియా పాయసం అదిరిపోతుంది

ఇది తయారు చేయడానికి పెద్దగా పదార్థాలు కూడా అవసరం లేదు. ఇంట్లో సులభంగా దొరికే వస్తువులతోనే త్వరగా తయారు చేసుకోవచ్చు. మరి బెల్లం, కొబ్బరి పాలతో రుచికరమైన సేమియా పాయసం ఎలా తయారు చేయాలో చూద్దాం.

సేమియా – 1 కప్పు బెల్లం – 1 కప్పు కొబ్బరి పాలు – 2 కప్పులు నీరు – 1 కప్పు నెయ్యి – 2 టేబుల్‌స్పూన్లు జీడిపప్పు – 10 ఎండు ద్రాక్ష – 1 టేబుల్‌స్పూన్ ఏలకుల పొడి – ½ టీస్పూన్ కొబ్బరి తురుము – కొద్దిగా

ముందుగా కడాయిలో కొద్దిగా నెయ్యి వేసి వేడి చేయాలి. అందులో జీడిపప్పు, ఎండు ద్రాక్ష వేసి వేయించి పక్కన పెట్టుకోవాలి.

అదే కడాయిలో మిగిలిన నెయ్యి వేసి సేమియాను దోరగా వేయించాలి. సేమియాకు మంచి వాసన వచ్చి లేత బంగారు రంగులోకి మారిన తర్వాత నీరు పోసి మెత్తగా ఉడికించాలి.

ఇప్పుడు బెల్లాన్ని కొద్దిగా నీటిలో కరిగించి వడకట్టాలి. సేమియా మెత్తగా ఉడికిన తర్వాత బెల్లం పాకాన్ని అందులో వేసి బాగా కలపాలి. బెల్లం, సేమియా బాగా కలిసిన తర్వాత మంటను తగ్గించాలి.

ఇప్పుడు కొబ్బరి పాలను పోసి నెమ్మదిగా కలుపుతూ కొద్దిసేపు వేడి చేయాలి. అయితే కొబ్బరి పాలు వేసిన తర్వాత పాయసాన్ని ఎక్కువసేపు మరిగించకూడదు.

చివరగా ఏలకుల పొడి, వేయించిన జీడిపప్పు, ఎండు ద్రాక్ష, కొబ్బరి తురుము వేసి కలపాలి.

అంతే.. ఎంతో రుచికరమైన బెల్లం కొబ్బరి పాల సేమియా పాయసం రెడీ. వేడిగా లేదా చల్లగా కూడా సర్వ్‌ చేసుకోవచ్చు.

కొబ్బరి పాలు వేసిన తర్వాత పాయసాన్ని ఎక్కువగా మరిగిస్తే అవి విడిపోయే అవకాశం ఉంటుంది. కాబట్టి చివర్లో కొబ్బరి పాలు వేసి తక్కువ మంటపై వేడి చేయడం మంచిది.