చాలా సింపుల్ రెసిపీ ఇది. చికెన్ ఉంటే చాలు. క్షణాల్లో అయిపోయే డిష్. ఇది తింటుంటే మళ్లీ మళ్లీ కావాలంటారు. వీకెండ్ కంప్లీట్ కావాలంటే ఇది ఉండాల్సిందే. స్టార్టర్ లాగా బాగుంటుంది. ఇంకా బగారన్నంలోకి సెట్ అవుతుంది. అలా సరదాగా తినడానికి పర్ఫెక్ట్ అంటే ఈ పచ్చిమిర్చి కోడి వేపుడు ఒకటే.
పచ్చిమిర్చి పేస్ట్ కోసం: 15-20 పచ్చిమిర్చి, 8-10 వెల్లుల్లి, హాప్ అంగుళం అల్లం, తగినంత ఉప్పు, కొత్తిమీర-గుప్పెడు, నిమ్మకాయ-ఒకటి, కిలో చికెన్, వేయించిన ధనియాల పొడి, వేయించిన జీలకర్ర పొడి, కార్న్ ఫ్లోర్-2 టీ స్పూన్లు, మైదా-టీ స్పూన్, ఉల్లిపాయలు-పావు కప్పు, అల్లం వెల్లుల్లి పేస్ట్-టీ స్పూన్, కరివేపాకు-2 రెమ్మలు, గరం మసాలా-పావు టీ స్పూన్, పసుపు, కొత్తిమీర.
ముందుగా పచ్చిమిర్చి, వెల్లుల్లి, అల్లం, ఉప్పు, పసుపు, కొత్తిమీర, నిమ్మరసం వేసి మెత్తగా పేస్ట్ చేసుకోవాలి. చికెన్లో పచ్చిమిర్చి పేస్ట్, అల్లం వెల్లుల్లి పేస్ట్, ఉప్పు, పసుపు, ధనియాల పొడి, జీలకర్ర పొడి, కార్న్ఫ్లోర్, మైదా వేసి బాగా కలపాలి. ఈ మిశ్రమాన్ని కొద్దిసేపు మ్యారినేట్ చేయాలి.
పాన్లో నూనె వేసి వేడయ్యాక మ్యారినేట్ చేసిన చికెన్ ముక్కలను వేసి మీడియం మంటపై బాగా వేయించాలి. చికెన్ ఉడికి, బయటివైపు మంచి క్రిస్పీ టెక్స్చర్ వచ్చే వరకు వేయించుకుని పక్కన పెట్టాలి. అదే పాన్లో కొద్దిగా నూనె వేసి జీలకర్ర, ఉల్లిపాయ ముక్కలు, అల్లం వెల్లుల్లి పేస్ట్, పసుపు, కరివేపాకు వేసి వేయించాలి. ఉల్లిపాయలు మెత్తగా మారిన తర్వాత వేయించిన చికెన్ ముక్కలను వేసి బాగా కలపాలి.
చివరగా గరం మసాలా, తరిగిన కొత్తిమీర వేసి రెండు నిమిషాలు హై ఫ్లేమ్పై టాస్ చేస్తే రెస్టారెంట్ స్టైల్ పచ్చిమిర్చి కోడి వేపుడు రెడీ. వేడి వేడి అన్నం, పులావ్, బిర్యానీ, రోటీ, చపాతీ లేదా నాన్తో సర్వ్ చేస్తే అదిరిపోతుంది.
